Մայիսի 16-ին տոն էր հ. 45 հիմնական դպրոցի դահլիճում : I բ դասարանի սաները (դասվար` Ռ. Սահակյան) իրենց սրտի շնորհակալական խոսքն էին ասում Մեսրոպ Մաշտոցին, նրա ստեղծած հայոց գրերին : Արդեն գրաճանաչ փոքրիկները հայրենասիրական ոտանավորներով, երգերով, հայկական պարով ցույց տվեցին, որ իրենք են իրենց երկրի վաղվա տերն ու հպարտ են, որ հայ են:
Նրանց ներկայացրած հեքիաթների հերոսները վկայեցին, որ նրանք կարդացած են , գիտակ կարգապահ ու դաստիարակված:

Արդեն գիտենք կարդալ, գրել,
Զենքեր ունենք ` հայոց գրեր.
Ամենամեծ տոնն է այսօր,
Տոների մեջ մեր հին ու նոր …
Մանկան քաղցրալուր ձայնով իրար հաջորդելով արտասանում են հ. 45 հիմնական դպրոցի Iա-ի սաները (դասվար` Հ.Վարդումյան) և դահլիճում գտնվողներին մի պահ հետ տանում դեպի սեպտեմբերի մեկ, երբ վախվորած դպրոց եկան և սրտի թրթիռով բացեցին «Այբբենարանի » առաջին էջը:
Օրացույցի թերթիկների նման օրերը հաջորդեցին միմյանց և այսօր գրաճանաչ ու բանիմաց այս փոքրիկները բաժանվում են իրենց գրքից` ձոնելով նրանք երախտագիտությամբ լեցուն ուրախ մի տառահանդես:
Նրանք իրենց և աշխարհի համար խաղաղություն են ուզում, որ լավ սովորեն,մեծանան և կառուցեն իրենց հայրենիքի վաղվա օրը:

Հավերժության մեր ճամփան 
Այբուբենն է մեսրոպյան 
ՈՒժ է տալիս մեր բազկին, 
Միասնություն` մեր ազգին...
Մաշտոցյան շունչն էր թևածում հ. 45 հիմնական դպրոցում և ուրախ տրամադրություն լցնում դահլիճը: I գ դասարանի սաները(դասվար` Ս.Մարտիրոսյան) ամբողջովին գիտակցելով օրվա կարևորությունը կարողացան իրենց ուսուցանածը վարժ ու հստակ մատուցել։ Մեր փոքրիկները փայլեցին, հիացրեցին ու զարմացրեցին իրենց գիտելիքներով, վստահությամբ, գեղեցիկ ու անկաշկանդ ելույթով: Ամեն մի տառին համապատասխան երգ ու պարը տոնական տրամադրություն էր լցրել բոլորի սրտերը։ Ուսուցչուհու քրտնաջան աշխատանքը տվեց իր քաղցրահամ պտուղները և հերթական անգամ համոզվեցինք, որ մեր բալիկների կրթության հիմնաքարը ամուր է դրված, իսկ տառաճանաչության կարևոր առաքելությունը՝ կատարված: Միջոցառումն անցավ ուրախ և ջերմ մթնոլորտում` ժպիտներ պարգևելով թե՛ ծնողներին, թե՛ ուսուցչական կոլեկտիվին և թե՛ հյուրերին:

Մայիսի 10-ին Երևանի հ.45 հիմնական դպրոցում, տեղի ունեցավ խաղ-վիկտորինա մրցույթ <<Աշխարհագրություն>> առարկայից նվիրված Էրեբունի-Երևանի 2800 ամյակին: Մրցույթին մասնակցում էին 8ա, 8բ, 8գ դասարանի սովորողները: Վիկտորինան բաղկացած էր 3 փուլից: I փուլում մասնակիցները պատախանեցին հարցերի նվիրված մայրաքաղաք Երևանին: II փուլում մասնակիցները պետք է գուշակեին Երևան քաղաքի արձանները: Իսկ արդեն III փուլը երաժշտական էր: Մասնակիցները պետք է գուշակեին մայրաքաղաք Երևանին նվիրված երգերը: Խաղը անցավ շատ հետաքրքիր, աշխույժ մթնոլորտում: Մրցույթն անցկացվեց նաև ՏՀՏ միջոցների օգնությամբ: Խաղը հաղթեցին 8ա դասարանի սովորողները: Մրցույթի վերջում 3 թիմերն էլ պարգևատրվեցին պատվոգրերով:

Մայիսի 11-ին V ա դասարանում(ուսուցչուհի` Ա. Հակոբյան ) բաց դաս էր, թեման` «Նամակ: Մեծերի նամակները»: Դասը սկսվեց նամակ բառի բացատրությամբ: Երեխաները պատմեցին նամակի կառուցվածքը, ապա ներկայացրին Հովհաննես Թումանյանի, Ավ. Իսահակյանի, Տերյանի, Կոմիտասի, Ե. Չարենցի, Ջեկ Լոնդոնի, Գ. Մարկեսի նամակները: Հնչեցին թևավոր խոսքեր, շրջասույթներ,կատարվեց բառային աշխատանք: Կշռադատում փուլում երեխաները նշեցին, որ մեծերի նամակները սովորեցնում են բարեսրտություն, աշխատասիրություն, հայրենասիրություն, ազնվություն, սովորեցնում են ապրել հույսով, հավատով, սիրով: Նշվեց, որ նամակները լինում են նաև չափածո: Արտասանեցին Ա. Կիրակոսյանի «Նամակ առ Հայաստան» բանաստեղծությունը: Իսկ հետո հնգյակ մեթոդի օգնությամբ վերհանվեց բանաստեղծության հիմնական գաղափարը: Երեխաները կարդացին իրենց նամակները: Ուսուցչուհին հանձնարարեց տնային աշխատանք`«Հաղթանակի բերկրանքը» թեմայով շարադրություն: 
Դասի վերջում ուսուցչուհին արտասանեց Պ. Սևակի «Օրհնություն» բանաստեղծությունը : Իսկ հետո հնչեց Ա. Կիրակոսյանի բառերով գրված «Այնպես ուզում եմ …» երգը:

Հայաստանի Հանրապետության 100-ամյակին նվիրված միջոցառումների շրջանակում IV ա դասարանի սովորողները, դասվար Լ. Այվազյանի ուղեկցությամբ, այցելեցին «Զորավար Անդրանիկ»-ի թանգարան: Էքսկուրսավարի հետ նրանք շրջեցին թանգարանում, ծանոթացան ցուցանմուշներին: Ներկաներին հիացրեցին ու զարմացրեցին Անդրանիկ Օզանյանի կյանքի , նրա ծավալած մարտերի մասին ունեցած խորը գիտելիքներով: Ակտիվ մասնակցության համար արժանացան մրցանակի «Զորավար Անդրանիկ» թանգարանի մասին պատմող գրքի , որն իր ուրույն տեղը կզբաղեցնի դասարանի գրադարանում:
Այնուհետև շրջեցին Կոմիտասի պանթեոնում` ամփոփելով դասարանում սկսած հետազոտական աշխատանքը: Ասմունքեցին հայտնի բանաստեղծների շիրիմների մոտ:

Հայաստանի Հանրապետության 100-ամյակին նվիրված միջոցառումների շրջանակում հ. 45 հիմնական դպրոցում դաս-միջոցառում էր ռուսերեն առարկայից(ուսուցչուհիներ` Լ. Իրիցյան, Ս.Գասպարյան, Ն. Մարտիրոսյան): Երեխաները կարողացան վարժ ռուսերենով ներկայացնել մեր հայ հերասների կատարած սխրանքները, պատմեցին հայ ժողովրդի դարավոր պատմությունը:Դասի ընթացքում օգտագործվեցին ՏՀՏ միջոցներ և սովորողները դիտեցին տեսանյութ` նվիրված Սարդարապատի հերոսներին:

Հայաստանի Հանրապետության 100-ամյակին նվիրված միջոցառումների շրջանակում VIII բ դասարանի աշակերտները (ուսուցչուհի` Ս. Գևորգյան) հանդիսատեսին ներկայացրեցին միջոցառում:Աշակերտները ներկայացրեցին հայ ժողովրդի անցած և ներկա պատմությունը: Միջոցառման նպատակն էր` ճիշտ հասկանալ և գնահատել հայ ժողովրդի կրթամշակութային և ազգապահպան նշանակությունը, հասկանալ և գնահատել իր շուրջը տեղի ունեցող բազմաթիվ իրադարձությունները և պահպանել անկախությունը և մշակութային այն ժառանգությունը, որ մեզ է հասել:

Հայաստանի Հանրապետության 100-ամյակին նվիրված միջոցառումների շրջանակում IV ա դասարանի աշակերտները (դասվար` Լ. Այվազյան) հանդիսատեսին ներկայացրեցին «Հայաստանի Հանրապետության երթը դեպի ապագա» խորագիրը կրող բովանդակալից միջոցառումը:
Երեխաները ներկայացրեցին բազմաշնորհ հայ ժողովրդի պատմության կարևորագույն դրվագներ` հեթանոսական շրջանից մինչև մեր օրերը:
Նրանք խոստովանեցին, որ երջանիկ երկրի` նոր Հայաստանի հրաշամանուկները լինելով`գիտակցում են , որ այն ամենն, ինչ եղել է իրենցից առաջ, եղել է իրենց համար և հենց իրենք են այդ նվաճումների ժառանգորդն ու շարունակողը… Քանզի նրա´նք են տերը մեր երկրի, նրա´նք են հայ մեծերի առժանի հետնորդները:
-Ես հաստատ գիտեմ` չեմ մոլորվելու, 
Ոչ մի խոչընդոտ էլ ոչ մի դեպքում 
Ինձ չի կասեցնի.
Ազատ եմ, անկախ,
Քաղաքացին եմ ես Հայաստանի:

Ապրիլի 16-ին հ. 45 հիմնական դպրոցի պատանի հրշեջ փրկարարները մասնակցեցին Երևան քաղաքի պատանի հրշեջ փրկարարների մրցումներին և գրավեցին 4 –րդ տեղը: Առաջնությունում առավելապես աչքի րնկան Մանիկ Սարգսյանը , Ռուզաննա Հայրապետյանը, Աշոտ Սարգսյանը, Կամո Սիմոնյանը , Տիգրան Մնացականյանը, Հովհաննես Հովհաննիսյանը, Նարեկ Մանուկյանը և Սարգիս Բալդրյանը:

Մարտի 25-ին Հայաստանի I Հանրապետության 100 ամյակի տոնակատարության շրջանակում IX ա դասարանի սովորողները դասղեկ Լ. Ափոյանի և զինղեկ Ա . Առաքելյանի հետ այցելեցին Զորավոր Անդրանիկի թանգարան: Այնուհետև այցելեցին Եռաբլուր, որտեղ ծաղիկներ դրեցին Զորավար Անդրանիկի և քառօրյա պատերազմի զոհվածների շիրիմներին:

Էրեբունու շախմատի մանկապատանեկան մարզադպրոցում ապրիլի 12-ին մեկնարկել է Երևանի 2800 ամյակին նվիրված մրցաշարի նախընտրական փուլը:

Համար 45 հիմնական դպրոցից մասնակցեցին 28 աշակերտ:Մրցաշարի նպատակն էր պարզել, թե աշակերտները ինչպես են յուրացրել ուսուցման արդյունքում ձեռք բերած տեսական գիտելիքները և կիրառումը խաղի ընթացքում, ինչպես են տիրապետում շախմատ խաղալու արվեստին և կողմնորոշվում բարդ իրավիճակներում:

Ապրիլի 13-ին III բ դասարանում (դասվար` Գ. Բաղդասարյան) անցկացվեց մաթեմատիկական ցերեկույթ` «Որախ մաթեմատիկա» խորագրով: Աշակերտները բաժանվեցին «Կարմիր»,«Կապույտ», «Նարնջագույն» թիմերի: Թիմերն ասեցին իրենց ողջյունի խոսքերն ու ներկայացրեցին ինչպես են առաջացել համրանքը և թիվը: Հովհաննես Թումանյանի հեքիաթների միջոցով ներկայացրեցին խնդիրներ` « Կիկոսի մահը»,«Անբան Հուռին»: Յուրաքանչյուր թիմին առաջադրվեց հարցեր և մրցույթի վերջում ստացան հավասար միավորներ ու խրախուսագրեր:

III գ դասարանում սովորում է մի խիզախ տղա, որի տարերքը սպորտն է: Նա Հայաստանի Կիդորյու կարատեի ֆեդերացիայի սան է: Մասնակցել է Հայաստանում, ինչպես նաև Վրաստանի տարբեր քաղաքներում կայացած մի շարք միջազգային առաջնություններին ու վերադարձել միայն բարձրագույն նվաճումներով՝ բոլոր մրցույթներում գրավելով միայն I տեղը: Նրան արդեն իսկ հրավիրել են ԱՄՆ՝ ամռանը մասնակցելու աշխարհի առաջնությանը:
Բազում մեդալներ նվաճած մեր մարզասեր Արմենին մաղթենք միայն հաղթանակներ, առողջություն, եռանդ և օլիմպիական բարձունքներ:

2018թ. ապրիլի 11-ին հ.45 հիմնական դպրոցի հանդիսությունների դահլիճը տոնական տեսք ուներ:Բոլորն անհամբերությամբ սպասում էին ինչ-որ խորհրդավոր ու գեղեցիկ արարողության:Եվ ահա եկավ բաղձալի պահը. բեմ բարձրացան 2- րդ ա դասարանի աշակերտները (դասվար՝ Արմինե Բաբասյան)՝ ներկայացնելու «Կարմիր Գաթան» մյուզիքլը: Հենց առաջին հնչյուններից հանդիսատեսը հայտնվեց աննկարագրելի խանդավառության մեջ:Երեխաների անկաշկանդ դերասանական խաղը ,պարը , երգը տարան բոլորին հեքիաթային զարմանահրաշ աշխարհ, ուր հաղթում են սերն ու բարությունը, աշխատասիրությունն ու ազնվությունը: Աշակերտները վստահորեն ընդգծեցին ներկայացման գլխավոր խորհուրդը.
Կյանքում երջանիկ է միայն նա,
Ով որ արդար իր քրտինքով
Կուտի անուշ, կարմիր գաթա:
Ներկայացումը ցնցող տպավորություն գործեց և արժանացավ ներկաների բուռն արձագանքին:

Սույն թվականի ապրիլի 10-ին հ. 45 հիմնական դպրոցի VII ա դասարանում անցկացվեց բաց դաս հայ գրականությունից ( ուսուցչուհի` Ս. Հարությունյան): Բաց դասի թեման էր «Համո Սահյանի կյանքն ու ստեղծագործությունը»(ամփոփիչ դասաժամ)` նվիրված ծննդյան 104-ամյակին: Դասի նպատակն էր սովորողներին հաղորդակից դարձնել մեծանուն գրողի բանաստեղծություններին,գրողի գործերի միջոցով սերմանել հայրենասիրություն, մարդասիրություն, բարություն և աշխատասիրություն: Սովորողները տեսաֆիլմի օգնությամբ «գնացին» Լոր գյուղ, հիացան բնության գեղեցկությամբ , տեսան նրա տուն-թանգարանը, լսեցին Սահյանի կենդանի ձայնը: Երաժշտության ուղեկցությամբ ասմունքեցին իրենց նախընտրած ստեղծագործությունները: Դասը ավարտվեց հայրենիքի նկատմամբ մեծ սիրո և կարոտի մասին պատմող «Նաիրյան դալար բարդի» երգով:

Ապրիլի 6-ին հ. 45 հիմնական դպրոցում անցկացվեց ռուսաց լեզվից միջոցառում` նվիրված ռուս մանկագիր Կ. Չուկովսկու կյանքին ու ստեղծագործությանը: Միջոցառումը կազմակերպել էին ռուսաց լեզվի ուսուցիչները` Լ. Իրիցյան, Ն. Մարտիրոսյան, Ս. Գասպարյան: Երեխաները վարժ ռուսաց լեզվով բեմադրեցին Կ. Չուկովսկու հեքիաթները, պատմեցին նրա կյանքից պատրվակներ ու ասմունքեցին բանաստեղծությունները: 
Աշակերտներն իրենց ասմունքով, նազանի պարով, հոգեթով երգերով կարողացան հաճելի պահեր պարգևել դահլիճում գտնվողներին: 

Կավճանկարի վառ գույների մեջ 
Գարունն է ժպտում ջերմ ծաղիկներով,
Ու մանուկներն են սիրով նկարում,
Իրենց աշխարհը գույնով փոխանցում: 
II դասարանցիներն այսօր էլի գործում են 
Դպրոցի բակում ստեղծագործում են , 
Խաղաղություն մաղթում աշխարհին,
Ուժ, բարգավաճում` մեր հայրենիքին:

Հ. 45 հիմնական դպրոցում այսօր աշխատանքային թեժ եռուզեռ է. գարնանային շաբաթօրյակ, որին մեծ ոգևորությամբ մասնակցում են թե մեծերը, և թե փոքրերը: 
Կարևոր է գիտակցումը, որ դպրոցն էլ իրենց տան նման անհրաժեշտ է մաքուր պահել, պահպանել ու սրտացավորեն հետևել շրջակա միջավայրի մաքրությանը:

Մարտի 21-ին հ. 45 հիմնական դպրոցի IV բ դասարանի աշակերտները (դասվար՝ Ռ. Տիգրանյան) կազմակերպել էին միջոցառում «Հավերժի ճամփորդը» խորագրով։ Երեխաները թեման ներկայացրեցին հայրենասիրական ոգով և հայրենիքի հանդեպ մեծ սիրով ու ջերմությամբ։ Ընթացքում այն համեմեցին երգ ու պարով, որը համահունչ էր թեմային։ Թող որ մեզանից յուրաքանչյուրի սրտում հայրենասիրությունն իր ուրույն տեղն ունենա։

Հայրիկյան Արա Հովհաննեսի. Քաջ հայորդի,որ 2-րդ ա դասարանի /դասվար` Ա.Բաբասյան/ հերթական հերոսն է:Արևելյան մարտարվեստից նվաճել է դեղին գոտի, 2 առաջին կարգի և 1 երրորդ կարգի մեդալներ` ցուցաբերելով կամքի մեծ ուժ, տոկունություն ու համառություն: Հաջողություն քեզ,մեր խիզախ Արա:

Մարտի 17-ին  հ. 45 հիմնական դպրոցի IV ա դասարանի սովորողները (դասվար`Լ. Այվազյան) այցելեցին Կոմիտասի թանգարան-ինստիտուտ` հիմնավորելու և զարգացնելու Կոմիտասի  կյանքի  և ստեղծագործական ժառանգության մասին ունեցած տեղեկությունները: Սովորողները շրջեցին թանգարանի 8 սրահներում,որտեղ ցուցադրված էին  Կոմիտասի կյանքին ու գործունեությանը, երաժշտական-տնտեսական և հոգևոր  գործունեությանը, բանահավաքչական հարուստ ժառանգությանը նվիրված նմուշներ:Լսեցին ու կատարեցին Կոմիտասի երգերից:Սովորողները  հիացրեցին իրենց տեղեկատվական հարուստ պաշարով, գրագետ խոսքով և հետաքրքրասիրությամբ:

 Կավճանկարչություն  I գ դասարան (դասվար` Ս.  Մարտիրոսյան)

Մարտի 16-ին  հ.45 հիմնական դպրոցի բակում  ուրախ խինդ  ու ծիծախ էր լցված: I գ դասարանի սաների  ձեռքերում գունավոր կավիճները դարձել էին վրձին, դարձել էին սեր ու նկար: Գունավոր կավիճների օգնությամբ երեխաներն արտահայտեցին  իրենց սերն  դպրոցի, հայրենիքի նկատմամբ:

Մարտի 12-ին հ. 45 հիմնական դպրոցի աղջիկների բասկետբոլի թիմը մասնակցեց Հայաստանի Հանրապետության անկախության 27-րդ ամյակի կապակցությամբ անցկացվող համայնքային առաջնությանը: Աղջիկների թիմը շատ գեղեցիկ խաղ ցուցադրելով գրավեց համայնքում 3-րդ տեղը: Խաղերն անցան շատ դիտարժան:Իր գոհունակությունը հայտնեց նաև Էրեբունի վարչական շրջանի կրթության և մշակույթի բաժնի սպորտի պատասխանատու Մերուժան Օխիկյանը:  

«Կենգուրուն» աշխարհում ամենազանգվածային և ամենասիրված դպրոցական մրցույթն է, որն ամեն տարի նույն օրը անցկացվում է ավելի քան 60 երկրում: Մրցույթն անցկացվում է անմիջականորեն դպրոցներում` ներգրավելով 3-12-րդ դասարանցի բոլոր ցանկացող աշակերտներին:
Մարտի 15-ին հ. 45 հիմնական դպրոցի 59 աշակերտներ ակտիվորեն մասնակցեցին «Այբ» կրթական հիմնադրամի կողմից կազակերպվող «Կենգուրու» մաթեմատիկական մրցույթին և փորձեցին իրենց մաթեմատիկական և տրամաբանական ունակություններն ու հմտությունները:

Մարտի 12-ին Երևանի հ. 45 հիմնական դպրոցում տեղի ունեցավ համերգ «Մուլտֆիլմերի աշխարհում» խորագրով (ուսուցչուհի` Ա. Թամազյան): Երգի խմբի սաների կատարմամբ հնչեցին հայտնի և սիրված մուլտֆիլմերի երգերը («Կարմիր գլխարկ», «Դե սպասի´ր», «Անաստասիա», «Գնդլիկ բոքոնիկ») և այլն:

Սիրված մուլտֆիլմերի երգերը, փոքրիկների զվարթ թռվռուն բեմական խաղը ներկաներին տարան դեպի անհոգ, ուրախ, հեքիաթային մանկության մոլորակ:

Հաղորդավարները հանելուկներ ուղղեցին հանդիսատեսներին` դրանով մասնակից դարձնելով նաև նրանց: 
Երեխաների հրաշալի կատարումները գարնան շունչ հաղորդեցին և ծաղիկների թարմությամբ լցրեցին դահլիճը:

Մարտի 6-ին հ. 45 հիմնական դպրոցում իրական տոնակատարություն էր: VI գ դասարանի սովորղները ( դասղեկ` Գ. Սահրադյան) անցկացրեցին միջոցառում «Թող լինի միշտ մայրիկը» խորագրով: Ողջույնով ու բարեմաղթանքներով հանդես եկան VI գ դասարանի սաները և ջերմ տրամադրություն պարգևեցին մայրերին և ուսուցչուհիներին:

     Հերթական անգամ համոզվում ենք, որ աշխատանքն է հաղթանակի գրավականը: Դրա վառ ապացույցն է մեր դպրոցի II ա դասարանի սաների` Նելլի Տեր-Մելիքսեթյանի (պար) և Գևոր Շիրինյանի (շախմատ) փայլուն հաղթանակները:

    Բարի երթ ձեզ, մեր աշխատասեր սաներ:

    2018թ փետրվարի 28-ին IIա դասարանում (դասվար` Ա. Բաբասյան) տոն էր. աշակերտներն ամփոփեցին «Ես և շրջակա աշխարհը» առարկայից «Բույսերը» թեմայով կատարած նախագծային աշխատանքը: Սովորողները ներկայացրին ծառի, թփի և խոտաբույսերի կառուցվածքային նմանությունն ու տարբերությունը: Ասեցին հանելուկներ, փոքրիկ բանաստեղծություններ բույսերի դերի և նշանակության մասին: 
    Ոգևորված էին նաև ծնողները, որոնց օգնությամբ դաս- միջոցառման ավարտին ձևավորեցին գունագեղ պաստառներ:

Կա Մեծարենց, կա Տերյան և բազում այլ պոետներ կան, բայց Թումանյանն է անհաս Արարատը մեր նոր քերթության:
Եվ բնավ էլ պատահական չէ ,որ փետրվարի 19-ը զարդարվում է ոչ միայն մեր հանճար Թումանյանի ծննդով, այլ նաև միմյանց գիրք նվիրելու ավանդույթով:

Այդ օրը տոն էր բոլոր գրքասերների, գրականություն սիրողների և տոնական էր նաև հ. 45 հիմնական դպրոցի սաների համար:

Ամեն մի դասարան յուրովի էր պատրաստվել տոնին ու մեկը մյուսին պատգամելով գրքի կարևորությունը՝ միմյանց հանձնեցին գրքեր։ Իրենց նվերներն էլ ամբողջացրին գեղեցիկ ու տպավորիչ ելույթներով` թումանյանական շնչով ու ոգով:

   Փետրվարի 19-ին` Գրքի տոնին, IX դասարանի սովորողներ Մանե Օհանյանը (ուսուցչուհի` Ա.Փարսադանյան ) և Շուշանիկ Հովսեփյանը (ուսուցչուհի` Ա. Սահակյան), հ. 17 հիմնական դպրոցում մասնակցեցին համայնքային օլիմպիադային «Գրականություն» առարկայից: Մասնակիցների մեջ ամենաբարձր միավոր ստացել էր Մանե Օհանյանը, ով փետրվարի 22-ին Երևանի քաղաքապետարանի աշխատակազմի հանրակրթության բաժնի գլխավոր մասնագետ տիկին Ամիրյանի կողմից ստացավ նվեր` Գևորգ Հայրյանի «Անվճար ազնվություն» գիրքը, որը նրան հանձնեց հ. 17 դպրոցի տնօրեն Թևանյանը: 
Մաղթենք Մանեին և Շուշանիկին նորանոր հաջողություներ, ինչպես նաև հաղթանակներ հաջորդ փուլերում:

Փետրվարի 8-ին IIIգ դասարանում տեղի ունեցավ բաց դաս «Ես և շրջակա աշխարհը» առարկայից (դասվար՝ Ն. Ավետիսյան): Դասի թեման՝ «Մարդու զգայարանները»: Առավել ուշադրություն դարձվեց մարդու առողջությանը, հիգիենայի կանոններին, օգտակար սննդին, վնասակար սովորություններին, որն էլ ներկայացրեցին խաղի տեսքով: Մարդու հինգ զգայարաններն աշակերտները դարձրեցին թերթիկներ և գեղեցիկ ծաղիկ պատրաստեցին, որի առէջը մարդու ուղեղն էր: Մեթոդական բազմազանությամբ հագեցած արդյունավետ դաս էր՝ արդիական, ուսանելի և բովանդակալից: Աշակերտները ակտիվ էին, ունեին հարուստ բառապաշար և հղկված խոսք: Դասին ներկա էին փոխտնօրենները, ուսուցիչներ և ծնողներ: Բոլորը հեռացան շատ տպավորված:

    Открытый урок в 6 а классе
Тема урока:Наш друг спорт. 
Целъ урока: закрепить прйденный материал, обогатитъ славарный запас,активизироватъ новую лексику, воспитать любовь к спорту и физкультуре.
Урок начался с переклички. Вспомнили слова, написанные на мраморной плите в Древней Греции, рассказали о пользе бега и об истории зарождения Олимпийских игр, посмотрели символы Олимпиады, обьяснили и назвали девиз Олимпийских игр.
Учительница рассказала о Пьере Кубертене, о его роли в возраждении Олимпийских игр, показала на слайд шоу его портрет.
Учащийся рассказали о зарождении разных видов спорта и о роли спорта в жизни великих людей. Рассказали и об армянских спортсменах. Ответы учеников было оценены. Провели большую словарную работу,диалоги, шуточные рассказы. Вспомнили пословицы и поговорил о спорте, восстановили диалоги, используя местоимения в дательном падеже.

Շնորհավոր տոնդ, Հայո´ց բանակ» 
«Հունվարի 30-ին «Ես եմ հայ զինվոր» խորագրով տոնական միջոցառում տեղի ունեցավ Երևանի հ. 45 հիմնական դպրոցում: IV գ դասարանի սաները հպարտությամբ ներկայացրին բանակի ստեղծման պատմությունը, հանդես եկան հայրենասիրական երգերով և բանաստեղծություններով: Իրենց ելույթներում աշակերտները նշեցին, որ Հայոց բանակը մարմնավորում է մեր ժողովրդի հայրենասեր ոգին, ազգային մեր իրավունքները պաշտպանելու կամքը և ապագայի վստահությունը: 
Միջոցառմանը ներկա էին Էրեբունի համայնքի Երկրապահ կամավորականների միության ղեկավար Սամվել Խաչատրյանը և այլ հյուրեր: Հյուրերը հիացական խոսքեր ուղղեցին դպրոցում հայրենասիրական բարձր դաստիարակություն ապահովելու համար, շնորհակալություն հայտնեցին միջոցառման կազմակերպիչներին` դասղեկ Ասյա Յուզուլյանին, երաժշտության ուսուցչուհի Ա. Թամազյանին: Հայաստանի Հանրապետության Եկրապահ կամավորականների միության կողմից պարգևատրվեցին տնօրեն Մ. Փաշայանը և դասվար Ա. Յազուլյանը:

Հունվարի 26-ին Երևանի հ. 45 հիմնական դպրոցի դահլիճում օդը լցվել էր հայոց բանակի 26-րդ տարելիցին նվիրված տրամադրությամբ: Դպրոցի երեք սերնդի ներկայացուցիչները` մոտ 50 սովորող, միջոցառման ողջ ընթացքում ցույց տվեցին հայի անկոտրում կամքը, հաղթական ոգին ու մարտական գիտակցությունը: Թևածում էր «Յախուշտան», հայ հողին ու զինվորին ձոնված բանաստեղծություններ ու երգեր:
Դպրոց էին հյուրընկալել ՀՀ «Միջազգային անվտանգության ասպետացակադեմիա»-ի նախագահ, ակադեմիկոս, գեներալ լեյտենանտ Արսեն Ֆիդանյանը, բանակի գեներալ – մայոր Բոսնոյանը, գնդապետ Արզումանյանը, Երևանի քաղաքապետարանի աշխատակազմի հանրակրթության բաժնի գլխավոր մասնագետ տիկին Ամիրյանը, դպրոցի տնօրեններ:
Հյուրերը հիացական խոսքեր ուղղեցին դպրոցում հայրենասիրական ճիշտ ու բարձր դաստիարակություն ապահովելու համար, շնորհակալություն հայտնեցին միջոցառման կազմակերպիչներ հայոց լեզվի և գրականության ուսուցչուհիներ Ռ. Հատիմոսյանին, Ա. Փարսադանյանին, պատմության ուսուցչուհի Ա. Բաղդասարյանին, դասվար Լ. Այվազյանին, երաժշտության ուսուցչուհի Ա. Թամազյանին հաճելի րոպեներ պարգևելու համար: Միջոցառման ավարտին դպրոցի սան փոքրիկ Նորայրը, ծածանելով հայոց եռագույնը, խոստացավ բոլորին, որ այդ դրոշը մի օր Մասիսի գագաթին է փողփողալու:
Հյուրերի կողմից հաճելի անակնկալ էր դպրոցի տնօրենին, զինղեկին և տիկին Ամիրյանին մեդալներով պարգևատրելը:

Հ. 45 հիմնական դպրոցում շարունակվում էին տոնական միջոցառումները՝ մեկը մյուսից հետաքրքիր ու գեղեցիկ, միևնույն ժամանակ ճանաչողական և ուսուցանող։ 
II ա դասարանում տոն էր .«Ամանորյա հեքիաթ» խորագիրը կրող խաղ-վիկտորինան: Այն իր հեքիաթային հույզերն էր փոխանցել թե՛ աշակերտներին, թե՛ նրանց ծնողներին: Միջոցառումն անցավ ուրախ ու հետաքրքիր՝ անմոռաց պահեր նվիրելով ներկաներին: Անակնկալ ձևով հայտնված Ձմեռ պապն ու Ձյունանուշը միջոցառման ավարտը դարձրին է՛լ ավելի աշխույժ ու տպավորիչ: 

  Աշակերտները ներկայացրեցին « Հեքիաթ կորած ժպիտի մասին», « Անտառի բնակիչները» հեքիաթները: Իրենց գունեղ ու տոնական ելույթով գեղեցիկ մտահղացմամբ, հետաքրքիր բեմականացմամբ փայլեցին երեխաները: Հ. 45 հիմնական դպրոցի III բ դասարանում անցկացվեց ամանորյա միջոցառում ( դասվար` Գ.Բաղդասարյան) 

                   Հ. 45 հիմնական դպրոցում ամանորյա հեքիաթն էր թևածում, իսկ հեքիաթի հերոսներ դարձած I ա դասարանի սաներն առավել քան գեղեցիկ էին, չքնաղ, պայծառ, համահունչ կերպարներով, ուրախ երգ ու պարով, անկեղծ ժպիտներով։    

Դեկտեմբերի 22–ին IV ա դասարանում Ամանորին նվիրված ամփոփիչ դաս-միջոցառում էր: Ամփոփվեցին մրցույթների արդյունքները, հայտնի դարձան տարբեր անվանակարգերում հաղթող ճանաչվածների անունները: Բոլորն արժանացան պատվոգրի:

   Ամանորյա ուրախ տրամադրություն հ.45 հիմնական դպրոցում: 
Մեր դպրոցն ավելի է գեղեցկացել, զարդարվել և իր շքեղությամբ լիովին պատրաստ է տարվա ամենագլխավոր տոնին՝ Ամանորին։ Տոն, որ իր բարի հեքիաթն է հյուսում ու տարածում ամենուր: Երեխաները մեծ սիրով զարդարել են ամեն մի դասարան, ուր կա ջերմություն, բարություն ու անկեղծություն։

Դեկտեմբերի 15-ին հ. 45 հիմնական դպրոցի VIա, VIIբ դասարանի սովորողները դասղեկներ Ա. Բաղդասարյանի, Ա. Փարսադանյանի և ուսուչցուհի Գ. Բաղրամյանի հետ այցելեցին Երևանի Պատմության թանգարան: Թանգարանում սիրով ընդունեցին սովորողներին և կազմակերպեցին մրցույթ –վիկտորինա` կապված Հայաստանի ճարտարապետական հուշարձանների հետ: Երեխաներն ակտիվ պատասխանում էին տրված հարցերին: Անցկացվեց նկարչության մրցույթ, ապա ծանոթացան Երևանի պատմությանը: Սովորողների հետաքրքրությունն այնքան մեծ էր, որ ցուցափեղկերի մոտից դժվարությամբ էին հեռանում: Այցն ուսուցանող էր, և աշակերտները մեծ ոգևորությամբ հեռացան թանգարանից:

Դեկտեմբերի 14 ին հ. 45 հիմնական դպրոցի IV բ դասարանում «Ռուսերեն» առարկայից անցկացվեց բաց դաս «Քաղաքավարի բառեր» թեմայով: Դասի նպատակն էր սովորեցնել երեխաներին գրագետ և գեղեցիկ խոսել, կիրառել քաղաքավարի խոսքը առօրյա հաղորդակցման ընթացքում : Ուսուցչուհի Լարիսա Իրիցյանը մշակել էր համապատասխան մեթոդներ , որոնք նպաստում էին թե՛աշակերտների գիտելիքների հարստացմանը, թե´ բառապաշարի զարգացմանը:Երեխաներնը երկխոսության միջոցով ներկայացրեցին լեզվի իմացությունը և կարողացան ազատ արտահայտել իրենց մտքերը : Նրանք երգեցին, ասմունքեցին և կատարեցին խմբային աշխատանք: Դասն ավարտվեց համանուն մուլտֆիլմի դիտումով:

Դեկտեմբերի 12-ին հ. 45 հիմնական դպրոցում V դասարանում անցկացվեց բաց դաս «Տեխնոլոգիա» առարկայից ( ուսուցչուհի` Ն. Թևոսյան)  «Նյութագիտության տարրեր» թեմայով: Դասի նպատակն էր  երեխաներին ծանոթացնել թելերի   տեսակներին և դրանց հատկություններին ,գործվածքի հյուսման տեխնոլոգիային:
Դասի ընթացքում կատարվեց թելերի հատկությունների և դրանցից տացվող գործվածքների և կիրառությունների վերաբերյալ քննարկումներ, կարդացին ռեֆերատ, արտասանեցին հանելուկներ թելերի վերաբերյալ, կատարեցին գործվածքների հյուսում`քաթանային,սարժային,ատլասային եղանակներով… Դասը հագեցված էր դիդակտիվ նույթերով և բավականին հետաքրքիր ու բովանդակալից էր:

Դեկտեմբերի 8-ին հ. 45 հիմնական դպրոցի աշակերտները մասնակցեցին Էրեբունի համայնքի զինկոմիսիարիատի կողմից կազմակերպված նախազորակոչային և զորակոչային տարիքի պատանիների հետ տարվող աշխատանքներին: Այնուհետև այցելեցին
Ծիծեռնակաբերդի հուշահամալիր, Հայաստանի պատմության թանգարան և Մատենադարան:

Դեկտեմբերի 6-ին հ. 45 հիմնական դպրոցի IIբ դասարանում անցկացվեց բաց դաս «Մայրենի» առարկայից (դասղեկ` Ա. Սարգսյան): Դասի թեման` «Տեսնես` լա՞վ է, թե՞ վատ»: Դասի ընթացքում երեխաները մեկնաբանեցին անցած թեմաների հերոսների լավ և վատ վարքագծերը, բացահայտելով նրանց լավ և վատ արարքները, ակտիվորեն մասնակցեցին խմբային, քարտային աշխատանքներին: Դասը ամփոփվեց աստղիկների վրա գրառումով «Ուզում եմ լինել…»: Դասը իրականացավ ԽԻԿ համակարգով և հասավ արդյունավետ ավարտի:

Նոյեմբերի 29-ին հ. 45 հիմնական դպրոցի IV ա դասարանում տեղի ունեցավ բաց դաս «Ես և շրջակա աշխարհ» առարկայից (դասղեկ` Լ.Այվազյան): Դասի թեման` «Բնությունը մարդու ստեղծագործություններում»: Դասի նպատակն էր դաստիարակել սեր և հոգատար վերաբերմունք բնության նկատմամբ , կարողանալ բնության բարիքները պահպանել, բնության գեղեցկությունը մշակույթի տարբեր ոլորտներում զգալու և կիրառելու հմտություն մշակել…
Աշակերտներն իրենց խելացի և ինքնավստահ խոսքով ներկայացրեցին բնության հրաշալիքները և ամենակարևորը` ցույց տվեցին ,որ չպետք է աղտոտել և ոչնչացնել բնությունը ,որի պահպանումը նշանակում է պաշտպանել հայրենիքը: Երեխաներն իրենց թե´ գեղեցիկ խոսքով , թե´ խորիմաստ աֆորիզմներով, թե´ բեմական դերերով(«Բնությունը և բնության մասնիկները» ) ցույց տվեցին , որ բնությունը մեր մեջ է, մենք` բնության: Աչքի ընկան իրենց աշխարհաճանաչողական փայլուն գիտելիքներով և գրագետ խոսք կառուցելու կարողությամբ: Խմբային մեթոդով աշակերտները բաժանվեցին խմբերի ու կարճ ժամանակում կարողացան նկարել, պատրաստել բնության գեղեցիկ պատկերներ, լուծել տրամաբանական խնդիրներ,գրել հետաքրքիր անվանակապեր: 
Դասարանը գեղեցիկ կահավորված էր, կային նպատակային ցուցապաստառներ, հետաքրքիր խաչբառեր, տեսասահիկ, մուլտֆիլմ : Սրանց միջոցով դասվար Լ. Այվազյանը կարողացավ բացահայտել իր սաների գիտելիքները, կարողությունները, հմտությունները:
Բաց դասը բարձր գնահատանքի արժանացավ դպրոցի տնօրենության կողմից, իսկ ծնողները հպարտ էին, որ իրենց երեխաները զինված են գիտելիքներով և կարևորում են բնության դերը իրենց կյանքում:

Նոյեմբերի 8 -ին հ. 45 հիմնական դպրոցի II ա դասարանում «Ռուսերեն» առարկայից անցկացվեց բաց դաս « Բանավոր խոսքի ուսուցման ընդհանրացում» թեմայով: Ս. Գասպարյանը մշակել էր համապատասխան մեթոդներ ու ձևեր, որոնք նպաստում են թե՛աշակերտների գիտելիքների հարստացմանն ու նյութի յուրացմանը, թե՛ նրանց աշխարհայացքի ու մտահորիզոնի զարգացմանը, թե՛ բառապաշարի հարստացմանը: Երկխոսության միջոցով աշակերտները ներկայացրեցին լեզվի իմացությունը և կազմակերպվեցին խաղեր «Ընտանիքում», «Դպրոցում», «Բակում» թեմաներով:Դասը հագեցված էր դիդակտիվ նույթերով և բավականին հետաքրքիր ու բովանդակալից էր:

Նոյեմբերի 9-ին IX ա դասարանում անցկացվեց բաց դաս «Գրականություն » առարկայից(Ա. Փարսադանյան): Դասի նպատակն էր Մ. Խորենացու «Հայոց պատմության» միջոցով սովորողների մոտ հայրենասիրություն դաստիարակելը: Աշակերտները պատմեցին Խորենացու կենսագրությունը, ներկայացրին «Հայոց պատմության» կառուցվածքը, աղբյուրները, խոսեցին առասպելի և վիպերգի տարբերության մասին, պատմեցին վիպերգերը, վերլուծեցին կերպարները` ուշադրություն դարձնելով հայրենասեր հերոսներին: Խորենացու ժամանակաշրջանը համեմատեցին մեր ժամանակաշրջանի հետ:
Խոսեցին նաև «Պատմության» առանձնահատկությունների, «Ողբ»-ի մասին, ասացին ասույթներ: Համառոտ ներկայացրին Տիգրան Մեծի, Տիգրան Երվանդյանի, Աժդահակի(Աստիագես), Արա Գեղեցիկի, Արտաշեսի և Արտավազդի կառավարման տարիներն ու կատարած գործերն: Անդրադարձան Շամիրամի կախովի այգիներին և հին աշխարհի յոթ հրաշալիքներին, ինչպես նաև հայոց հեթանոսական աստվածներին: Սովորողներից մեկը պատրաստել էր ամփոփիչ տեսանյութ,աշակերտները նկարել էին վիպերգներից հատվածներ, պատրաստել պատի թերթեր:
Դասը բովանդակալից էր, հետաքրքիր և հագեցած էր տեղեկություններով:

  Հոկտեմբերի 19-ին IIIբ դասարանի աշակերտները ( ուսուցչուհի` Գ. Բաղդասարյան ) դպրոցի       հանդիասությունների դահլիճում անցկացրեցին միջոցառում «Էրեբունի Երևան » խորագրով:   Միջոցառումը նվիրված էր Երևանի 2799 ամյակին: Աշակերտները ներկայացրին հին Երևանը,   նրա անցած ուղին մինչև մեր օրերը:

Հոկտեմբերի 18-ին IVբ դասարանի աշակերտներն (դասվար Ռ.Տիգրանյան) այցելեցին Ալ.Սպենդիարյանի անվ. տուն-թանգարան: Այցելությունը շատ հետաքրքիր և ուսուցողական էր: Գիդ-էքսկուրսավարը երեխաներին ծանոթացրեց մեծ կոմպոզիտորի կյանքին և ստեղծագործական գործունեությանը, երեխաներն ականատես եղան և ունկնդրեցին նրա ստեղծած սպենդիարաֆոնին, դրա կրկնօրինակով նվագեցին: Շատ հետաքրքիր էր վիրտուալ ղեկավարել սիմֆոնիկ նվագախումբ սենսորային համակարգի օգնությամբ,մանրադիտակի օգնությամբ տեսնել Նիկոլայ Ղազարյանի կողմից ստեղծած միկրոսկոպային չափի նմուշներ, որոնք առնչվում էին Սպենդիարովի ստեղծագործություններին: 
Այցելությունը իր խորը հետքը կթողնի մեր մատաղ սերնդի հիշողության մեջ: