Դաս-Միջոցառում << Տոն  աշնանային անտառում>>

նոյեմբերի 17-ին  5^ա  դասարանում անցկացվեց դաս միջոցառում (ռոսաց լեզվի ուսուցչուհի` Լ Իրիցյան): Դասարանը  կարծես աշնանային հագուստ էր հագել` զարդարվելով  դեղին տերևներով, նկարներով, փուչիկներով: Այդ աշնանային մթնոլորտում  երեխաներն իրենց  գունավոր զգեստներով պարող տերևներ էիր հիշեցնում: Նրանք ներկայացրին  հեքիաթային  մի դրվագ և հորդորեցին բոլորին բարեխիղճ լենել  բնության հետ`  չջարդել ծառերի ճյուղերը, սիրել կենդանիներին, պահպանել բնությունը: Երեխաների երգը,  պարը և մաքուր ռուսերենով աշնան գովերգը  աշնանային, տոնական տրամադրություն հաղորդեց բոլորին:

Միջոցառումն  ուսուցողական և դաստիարակչական բնույթ ուներ:

Հոկտեմբերի  16-ին  I^ա  դասարանում  (դասվար՝  Լ. Այվազյան)  կրկին  տոն  էր.  Հայոց  այբուբենի  I  տառի՝ <<Ա>>-ի  տոնն  էր՝  <<Ա>>  տառի  շնորհանդեսը:  Աշակերտներն    ուղևորվեցին  <<Այբուբենի  ամրոց>>,  իսկ  այնտեղ  հասնելու  համար  անցան    արկածներով  ու  փորձություններով  լի  մի  ճանապարհ,  որն  ուներ  2  կանգառ՝ <<Այգի>>  և  <<Անտառ>>:  Այս  կանգառներում  նրանք  մի  շարք  առաջադրանքներ  լուծեցին,  երգեցին,  ասմունքեցին,  հանելուկներ  հորինեցին  և  լուծեցին,  շուտասելուկներ  ասացին,  ներկեցին,  նկարեցին,  խաղացին, մարզվեցին…  մի  խոսքով՝  ցույց  տվեցին,  որ  այս   կարճ   ժամանակահատվածում  շա՜տ    գիտելիքներ  են  ձեռք  բերել  և  արժանի  են  սովորելու  հայոց  տառերը:  Աշակերտները  <<բացեցին>>  <<Հայոց  Այբուբենի>>  տնակի  դուռը  և  տնակից  դուրս  բերեցին  <<Ա>>  տառը:  Սովորեցին  կարդալ  և  գրել  այն,  օգտագործել  բառերի,  բառակապակցությունների,  նախադասությունների  և  պատմությունների  մեջ:

Դասը  կազմակերպված  էր  խաղային  տեխնոլոգիաների   կիրառմամբ.   Այն  շատ  հոգեհարազատ,  ոգևորիչ  և  հետաքրքիր  էր  աշակերտների  համար:  Նրանց  ոգևորությունը  կրկնապատկվեց,  երբ   արժանացան  դպրոցի  տնօրեն  Մ. Փաշայանի  գովասանքի  խոսքերին:

Հեքիաթային  և  հիշարժան օր  էր  I^ա  դասարանի  աշակերտների  համար.  Այն  դեռ  շա՜տ  երկար  կհիշվի…  

Հոկտեմբերի 16-ին տեղի ունեցավ «Ա» տառի շնորհանդես  I^Բ դասարանում, որը կազմակերպել էր դասվար Ռ.Տիգրանյանը: Դասն անցավ աշակերտների ակտիվ մասնակցությամբ, քանի որ այն իրականացվում էր դերաին խաղերի, հանելուկների և հետաքրքիր պատմությունների միջոցով, որոնք կազմում էին հենց երեխաները դասվարի աջակցությամբ:Այն, ինչ սովորեցին այս դասին, երեխաները երբևէ չեն մոռանա:

Շնորհակալություն նման արհեստավարժ մոտեցման համար, սիրելի ընկեր Տիգրանյան: 

                                        Ծնող` Մերի Սողոմոնյան

«Էրեբունի-Երևան-2796» տոնակատարությունների մեկնարկը տրվեց  հոկտեմբերի 11-ին՝ Էրեբունի թանգարան-արգելոցի հարակից հրապարակում, ուր տեղի ունեցավ երաժշտական, թատերական ներկայացում:  Փողոցի երկայնքով  կազմակերպվել էր ժողովրդական  արվեստի գործերի, ազգային խաղերի, տարազի, խոհանոցի ցուցադրություն։Տոնակատարության  մասնակցներին` Երևանի տարբեր համայնքներից ժամանած  բնակիչներին, հանրապետության  մարզերից, ինչպես նաև արտերկրից  հրավիրված պատվիրակություններին Նոր Արեշի բնակչությունը այդ թվում նաև հ. 45հիմնական դպրոցի ողջ անձնակազմը  ընդունեց  տան տիրոջ իրավունքով`  մեծ խանդավառությամբ,  ու բարձր տրամադրությամբ:

Սիրելի՛ ուսուցիչներ, շնորհավորում ենք Ձեզ մասնագիտական տոնի` ուսուցչի օրվա կապակցությամբ:
Սերնդեսերունդ ակնածանքով և խոնարհումով է արտասանվել ուսուցիչ բառը, դարեր շարունակ Դուք եղել եք այդ վեհ անվան պահպանողը և այդ անվան կրողն եք այսօր: Ուսուցչին է վստահված կարևորագույն մի գործ, որը նա միշտ առանձնակի սիրով ու նվիրումով է կատարել:
Գալիք սերունդների կրթության և դաստիարակման գործի լավագույն արդյունքներով է պայմանավորված նաև մեր նորանկախ երկրի ապագան և վաղվա օրը: 
Այս գեղեցիկ տոնն առիթ է բոլորիս համար կրկին գնահատանքի, երախտագիտության և բարեմաղթանքի խոսքեր հղելու բոլոր ուսուցիչներին և ասելու.

      ՇՆՈՐՀԱՎՈՐ ՏՈՆԴ` ՍԻՐԵԼԻ ՈՒՍՈՒՑԻՉ:

               հ. 45 հիմնական դպրոցի աշակերտական խորհուրդ

Մեկնարկել է «Ռուսական արջուկ 2014»-ը 

Արդեն հինգերորդ տարին է, որ Հայաստանում «Այբ» կրթական հիմնադրամը կազմակերպում և անցկացնում է «Ռուսական արջուկ. լեզվաբանություն բոլորի համար» միջազգային մրցույթը։

Մրցույթի գլխավոր նպատակն է համընդհանուր հետաքրքրություն առաջացնել ռուսաց լեզվի հանդեպ, այն առավել գրավիչ դարձնել երեխաների համար՝ ցուցադրելով ռուսաց լեզվի հմայքն ու հարստությունը: 

Այս տարի «Ռուսական արջուկը» Հայաստանում կանցկացվի նոյեմբերի 13-ին: Մրցույթին կարող են մասնակցել 2-12-րդ դասարանների բոլոր հետաքրքրված աշակերտները: 

Մրցութային փաթեթ-հրավերներն արդեն ուղարկվել են Հայաստանի : Փաթեթներն ընդգրկում են դպրոցի մասնակցության հայտը, անցկացման մանրամասն կարգը և այլ անհրաժեշտ նյութեր:

Աշակերտների մասնակցության վճարումը կատարելու և դպրոցի ցանկում գրանցվելու վերջնաժամկետը հոկտեմբերի 13-ն է, իսկ դպրոցի հայտը ներկայացնելու վերջնաժամկետը՝ հոկտեմբերի 16-ը:

Հետաքրքրված աշակերտներին և նրանց ծնողներին խնդրում ենք իրենց դպրոցից վերցնել մրցույթի համար վճարման վավերապայմանները և մինչև հոկտեմբերի 13-ը կատարել վճարումը «ՎՏԲ-Հայաստան բանկ»-ում:

Մանրամասների համար այցելեք այստեղ կամ զանգահարեք «Այբ» կրթական հիմնադրամի գրասենյակ:

Հայաստանում «Ռուսական արջուկ» մրցույթի բացառիկ կազմակերպիչ` «Այբ» կրթական հիմնադրամ:

ՈՒ Շ Ա Դ Ր ՈՒ Թ Յ ՈՒ Ն

   Մեկնարկել է «Մեղու. հայերենը բոլորի համար» մրցույթը, 
 որն  այս տարի կանցկացվի հոկտեմբերի 30-ին: Մրցույթին կարող են մասնակցել 3-12-րդ դասարանների բոլոր հետաքրքրված աշակերտները:

 Մրցույթի հիմնական նպատակը դպրոցականների ամենալայն շրջանում հայերենի հանդեպ հետաքրքրության խթանումն է, ուստի կարող են մասնակցել 3-12-րդ դասարանցի բոլոր ցանկացողները: Մրցույթի առաջադրանքների տարբերակները բաժանված են ըստ հինգ տարիքային խմբերի` 3-4, 5-6, 7-8, 9-10 և 11-12 դասարաններ:

Որևէ նախնական ընտրություն կատարելը, որևէ երեխային իր կամքին հակառակ մրցույթին չթույլատրելը կամ որևէ կերպով նրա մասնակցությանը խոչընդոտելը դեմ է «Մեղու» մրցույթի սկզբունքներին և անընդունելի է:

 Մրցույթին կարող են մասնակցել  դպրոցի 3-9-րդ դասարանցիներ, ովքեր մինչև հայտարարված վերջնաժամկետը գրանցվել են իրենց դպրոցի մասնակիցների ցանկում`ներկայացնելով վճարման անդորրագրերը:

Հուշանվերներ – մրցույթի օրը բոլոր մասնակիցներին տրում է փոքրիկ նվերներ:

Մրցանակներ – Բոլոր մանակիցների համար նախատեսված են հավաստագրեր ու փոքրիկ հուշանվերներ: Լավագույններին շնորհվում են պատվոգրեր և խրախուսական մրցանակներ:

Մրցույթի հաղթողներ – Հաղթողները որոշվում են տվյալ տարվա բոլոր մասնակիցների արդյունքների ընդհանուր հաշվետվության արդյունքում:

Մանրամասները  www.ayb.am կայքում

Մրցույթից մոտ մեկ ամիս հետո դպրոցը կստանա իր աշակերտների արդյունքների հաշվետվությունը: Դրանից հետո կիրականացվի մրցանակաբաշխությունը, որի մասին կհայտարարվի լրացուցիչ:

     Ահա եկավ հերթական սեպտեմբերի 1-ը` ազդարարելով նոր ուսումնական տարվա սկիզբը: Զանգի ղողանջ, ողջյունի խոսքեր, ծաղկեփնջեր, փուչիկներ, շնորհավորանքներ…

Երևանի հ. 45 հիմնական դպրոցի բակը ողողված էր մանուկների լուսավոր, ուրախ ու անկեղծ ժպիտներով: Օրը տոն էր հատկապես նրանց համար, ովքեր առաջին անգամ էին եկել դպրոց:

I^Ա դասարանում (դասվար` Լ. Այվազյան) բարձր տրամադրություն էր տիրում: Դպրոցի բակի արարողությանը հետևեց դասարանում կազմակերպված  առաջին դասը:

Աշակերտներին դասարանում մեծ անակնկալ էր սպասվում. մեծ եղավ նրանց ուրախությունը, երբ աշակերտական սեղաններին «հայտնաբերեցին» իրենց նկարները, որոնք դասարան էին «բերել» աղավնիները:

Աշակերտները ծանոթացան ինչպես միմյանց, այնպես էլ իրենց առաջին ուսուցչուհու հետ, երգեցին, ասմունքեցին:

Դե էլ ինչ գիտելիքի օր, առանց գիտելիքի աղբյուր հանդիսացող դասագրքերի հանձնման արարողության: Աշակերտները նոր դասագրքերն ստացան անձամբ դպրոցի տնօրեն` Մ. Փաշայանի ձեռքից, ով բարեմաղթանքներ և շնորհավորանքի խոսքեր ուղղեց նրանց:

Բարձր տրամադրություն, անկեղծ շփոթմունք, զարմացած հայացքներ և պայծառ ապագայի ակնկալիք: Ահա այն ամենը, ինչն արտացոլված էր նրանցից  յուրաքանչյուրի աչքերում:

Մաղթե′նք  նրանց բարի երթ: 

 «Dasaran.am» կրթական ծրագիրը Հայաստանի Հանրապետության վարչապետ Տիգրան Սարգսյանի հովանավորությամբ, ՀՀ կրթության և գիտության նախարարության, Երևանի քաղաքապետարանի, «Փյունիկ» բարեգործական հիմնադրամի և «Նոր սերնդի դպրոց» հասարակական կազմակերպության հետ համատեղ  ուստարվա ընթացքում իրականացրել էր «Նոր սերնդի դպրոց 2013-14» մրցույթ, որի ամփոփման ու հանդիսավոր մրցանակաբաշխության   ժամանակ հ.45հիմնական դպրոցի  աշխատակազմը և սաները արժանացել են պատվոգրի  Երևան քաղաքում առաջին տեղը գրավելու  համար:

2014թ.  Մայիսի 6-ին Երևանի հ.45 հիմնական դպրոցի դահլիճի` փոքրերի յուրօրինակ մի աշխարհ դարձած բեմում  տեղի ունեցավ I<sup>Ա</sup> դասարանցիների (դասվար Հ. Վարդումյան) կյանքի ամենամեծ տոնը: Փոքրիկներն իրենց գիտելիքնեն ու հմտությունները ներկայացրին հանդես-հեքիաթի միջոցով: Հեռավոր հեքիաթային թագավորությունում մեծ դժբախտություն էր պատահել: Գիշերային խավարում չար կախարդը  գողացել էր փոքրիկ չքնաղ արքայադստեր` լուսավոր ժպիտը, քարացրել նրա դեմքը, իսկ կախարդանքը կվերանար, եթե աղջիկը հայերենով գրել կարդալ սովորեր:

Նրան կարող էին օգնել միայն փոքրիկ հայերը: Թիթեռնիկների օգնությամբ  արքայադուստրը հյուընկալում է բանիմաց փոքրիկ հայերին, նրանց օգնությամբ սովորում`  հայերեն այբուբենը և ինչպես բոլոր հեքիաթներում այստեղ էլ բարին հաղթում է չարին` կախարդանքը վերանում է, իսկ արքայադուստրը վերագտնում է իր ժպիտը:

Փոքրիկ դերասաններն իրենց գեղեցիկ խաղով ու հստակ խոսքով ցույց տվեցին, որ ամենազորեղ ուժը և′ հեքիաթում, և′ կյանքում գիտելիքն է:

2014թ.  Մայիսի 7-ին Երևանի հ.45 դպրոցի դահլիճում տեղի ունեցավ I^Բ դասարանի (դասվար Ռ. Սահակյան) «Հրաժեշտ Այբբենարանին» միջոցառումը: Մի միջոցառում, որն ուսումնական գործընթացի շարունակությունն էր: Դա հանդես-հեքիաթ էր, որը հանդիսատեսին տարավ դեպի հրաշքների, գիտելիքների, տառերի աշխարհ: Միջոցառմանը հյուր եկած հեքիաթների սիրված հերոսները փոքրիկներին տվեցին իրենց խրատներն ու բարեմաղթանքները:

        Միջոցառումն ավարտվեց մայրենին անաղարտ պահելու և հայրենիքին անմնացորդ  նվիրվելու խոստումով:

17.04.2014 թ. Երևանի թիվ 45 հիմնական դպրոցի հանդիսությունների դահլիճում տեղի ունեցավ «Սուրբ Զատիկ» խորագրով միջոցառում, որը կազմակերպվել էր 3-րդ ա դասարանի (դասվար`Ա.Եղիազարյան) սովորողների ուժերով:    

Հայ դարավոր հոգևոր երաժշտության կախարդական հնչյունների ներքո երեխաները, գիտակցելով նյութի խորությունն  ու կարևորությունը, ներկայացրին փոքրիկ դրվագներ Հիսուս Քրիստոսի ծննդյան պահից մինչև Սուրբ Հարություն:

2014թ. ապրիլի 17-ին թիվ 45 դպրոցի դահլիճում տեղի ունեցավ IIIբ դասարանի «Երկնքից երեք ծնձոր ընկավ» միջոցառումը դասվար` Մ. Մուրադյանի ղեկավարությամբ: Միւոցառման նպատակն էր ներկայացնել հեքիաթը որպես ժողովրդական բանահյուսուրյան հիմնական ժանր:Միջոցառումն սկսվեց հեքիաթի ծագման մասին երեխաների ելույթով, որին հաջորդեցին խրատական «Ուս ուսի որ տանք, սարեր  շուռ կտանք», «Ընկեր բարեկամ ունեցիր, բայց հույսդ քեզ վրա դիր», «Աչքածակի արքը միայն հողով կկշտանա», «Արյունը ջուր չի դառնա», «Խրատի գինը» հեքիաթների բեմականացումը:  Հեքիաթների  հերոսների  բերաննորով երեխաները  գովաբանեցին աշխատասիրությունը,  ընկերասիրությունը, իմաստությունը և ծաղրեցին ժլատությունը, ագահությունը և ...: Բեմականացված հեքիաթները շատ հետաքրքիր էին ու գունագեղ:

 22.05.2014թ.  թիվ  45 հիմնական դպրոցում տեղի ունեցավ խաղ-վիկտորինա`  «Հազար ու մեկ ինչու» թեմայով: 2-րդ գ դասարանի աշակերտները (դասվար` Ա. Բաբասյան) մեծ խանդավառությամբ  մասնակցեցին խաղ-վիկտորինային : Սովորողները թիմերի  բաժանվեցին, հնչեցրին  խնդիր-բանաստեղծություններ, կատարեցին  զանազան առաջադրանքներ: Վիկտորինան անցավ դինամիկ, աշխույժ և հանդուրժողական մթնոլորտում. հաղթեց  համերաշխությունը:

Մայիսի 5-ին Արմինե Բաղդասարյանը 7ա դասարանում կազմակերպել էր բաց դաս «Հայաստանը և թուրք-պարսկական պատերազմները 16-17-րդ դարերում»: Դասի նպատակն էր.

• Սովորողները հասկանան  քաղաքական դրությունը Առաջավոր Ասիայում XVII դ.ս.:

• Օսմանյան Թուրքիայի և Սեֆրան պարսկաստանի ձևավորումը:

•  XVI- XVII դդ. թուրք-պարսկական պատերազմները, թուրք պարսկական տիրապետության հետևանքները հայ ժողովրդի տ

  Խթանման փուլում մտագրոհի միջոցով կատարվեց հին դասի հիշեցում

  Իմաստի ընկալման  կատարվեց  անհատական հարցում:

  Քարտեզի օգնությամբ ցույց տրվեց Օսմանյան Թուրքիայի և Սեֆյան պարսկաստանի առաջացումը, պատերազմական գործողություննրի ուղղությունները Հայաստանի առաջին և երկրորդ բաժանման սահմանային գծերը:

  Վենի <տրամագիր> վարժության օգնությամբ վեր հանվեց Հայաստանի առաջին և երկրորդ բաժանումների նմանություններն ու տարբերությունները:

  Կշռադատման փուլում սովորողները կարողանան մեկնաբանել և ներկայացնել դասի կարևոր դրույթները, իրադարձությունների զարգացման ժամանակագրական ընթացքը: Քարտեզի օգնությամբ  ցույց  տվեցին այն սահմանները, որոնք ձևավորվեցին Հայաստանի բաժանման արդյունքում և ըստ որի Հայաստանը բաժանվեց երկու հատվածի` Արևմտյան և Արևելյան:

  Դասն անցավ դինամիկ սովորողների ակտիվ մասնակցությամբ: Դասը  հաջողված էր:

   

     30.04.2014թ Երևանի թիվ 45 հիմնական դպրոցի բակում   2-րդ գ (դասվար`  Ա.Բաբասյան) և 3-րդ ա (դասվար` Ա. Եղիազարյան ) դասարանների աշակերտները մասնակցեցին կավճանկարի մրցույթի`  «Ես խաղաղություն եմ ուզում» թեմայով:Մթնոլորտը լի էր մանկական մտքի վառ երևակայությամբ, սիրով, ջերմությամբ և այն անխախտ հավատով, որ խաղաղությունը ամեն բարիքի գրավականն է և մարդկության ամենանվիրական պահանջը: Մրցույթի ավարտին անակնկալ ձևով սովորողները ստացան մրցանակներ` բազմագույն փուչիկներ:

   

Հայոց լեզվի և գրականության    ուսուցչուհի Արմինե Հակոբյանը    VIII^ա  դասարանում  կազմակերպել էր բաց դաս`«Վահան Տերյանի կյանքն ու ստեղծագործական գործունեությունը» թեմայով: Դասի նպատակն էր .

• Ձևավորել պատկերացում նոր աշխարհայացքի, պատկերային նոր համակարգի, նոր գրական լեզվի` խորհրդապաշտության կամ սիմվոլիզմի մասին:
• Սովորողների մոտ արժևորել կյանքի գեղեցկության և  շարունակականության գաղափարը «Մթնշաղի անուրջները» բանաստեղծական շարքի փիլիսոփայության հիման վրա:
• Դաստիարակել հայրենասիրություն և սեփական վերաբերմունք հայրենիքի նկատմամբ`ելնելով «Երկիր Նաիրի» բանաստեղծական շարքի հայրենասիրական գաղափարախոսությունից:

Դասի խթանման փուլը սկսվեց մտագրոհով, որի ընթացքում պատասխանելով ուսուցչի հարցերին սովորողները բնորոշեցին Վ. Տերյանին և այն գրական  ուղղությունը, որի հետնորդն է հանդիսանում նա` մանրամասնուրեն բնութագրելով խորհդապաշտությունն ու դրա արտահայտման ձևերը  Տերյանի պոեզիայում: Այնուհետև պատմեցին գրողի կենսագրությունը`զուգահեռ դիտելով ուսուցչի պատրաստած համանուն  շնորհանդեսը: Սովորողները կարողացան շատ գեղեցիկ ներկայացնել Տերյանի «Մթնշաղի անուրջները» շնորհանդեսի աշնանային պատկերների  ու աշնանաշունչ երաժշտության ներքո:

Կշռադատման փուլում գրատախտակին գրվեց «Մթնշաղի անուրջները» շարքի բանալի բառերը և հանձնարարվեց կազմել կապակցված խոսք: Աշխատանքը կատարելուց հետո ընթերցեցին այն:

Իմաստավորման փուլում սովորողները ներկայացրին «Երկիր Նաիրի» շարքը գրելու շարժառիթներն ու բնաբանը: Արտասանեցին դուր եկած բանաստեղծություններն ու մեկնաբանեցին:

Վերջում ամբողջացնելով Տերյանիարվեստը`անդրադարձան.

• բանաստեղծական ձևերին` գազել, սոնետ, տրիոլետ («Չեմ դավաճանի ես իմ Նուրդին»),
• ոճական ձևերին` առձայնույթ և բաղաձայնույթ, բերեցին օրինակներ
• հոդվածներին` Համառոտ  պատմելով   «Հայ  գրականության գալիք օրը»

Դասն ուսանելի էր, դինամիկ հագեցած նոր տեխնլոգիաներոով պատրաստված դիդակտիկ նյութերով:

 VII^ա դասարանում  «Առնչություններ  եռանկյան կողմերի միջև» թեմայով բաց դաս էր կազմակերպել մաթեմատիկայի ուսուցչուհի Գ. Բաղրամյանը: Դասի նպատակն էր`

1. ​​​ամրապնդել աշակերտների  գիտելիքները, ունակություններն ու հմտություննեը եռանկյան կողմերի և անկյունների միջև առնչությունները կիրառելիս,
2. զարգացնել ուշադրությունը, տեսողական հիշողությունը, տրամաբանական և պատկերային մտածողությունը, ինչպես նաև անծանոթ իրավիճակներում արագ կողմնորոշվելու ունակությունները,
3. ցույց տալ խմբային աշխատանքի առավելությունները,
4. դաստիարակել համագործակցելու կուլտուրա, ստեղծել առողջ մրցակցության մթնոլորտ,
5. մեծացնել հետաքրքրությունը առարկայի նկատմամբ:

 Դասի սկզբին  ուսուցչուհին բանավոր հարցման  միջոցով ամփոփեց տեսական թեման,  հետո դասարանը երեք խմբի բաժանվեց և հարցաշարեր առաջադրվեց: Հարցաշարերը կազմված էին հետևյալ բաժիններից`

• շարունակել նախադասությունը,
• արդյոք ճիշտ է պնդումը,
• գտնել սխալը:

Յուրաքանչյուր խումբ մյուս երկուսի համար խնդիր էր պատրաստել :Այդ խնդիրները առաջադրվեցին բոլոր խմբերին և ձեռնամուխ եղան դրանց լուծմանը: Բոլոր խնդիրները ճիշտ լուծվեցին բացառությամբ որոշ թերությունների, որոնք ուղղվեց ուսուցչի կողմից: Այնուհետև խմբերը ստացան խաչբառեր, որոնց լուծման արդյունքում սովորողները ստացան Ռենե Դեկարդի «Եթե մտածում եմ,  ուրեմն գոյություն ունեմ» աֆորիզմը: Հետաքրքիր անակնկալ էր գործնական աշխատանքը .  յուրաքանչյուր խմբին բաժանվեց հավասար երկարության ձողիկներ և հանձնարարվեց դրանցով պաստրաստել չորս եռանկյուն: Սովորողները,  միմյանց հետ խորհրդակցելով, կարողացան իրադրության ելքը գտնել: Խմբերը կատարեցին անդրադարձ, գնահատեցին խմբի անդամներին` հաշվի առնելով գործընկերների կարծիքները: 

Երևանի հ.45 հիմնական դպրոցի 7-9-րդ դասարանների մի խումբ սովորողներ ֆրանսերենի ուսուցչուհի Անժելա Բաբելյանի ղեկավարությամբ մասնակցեցին «Ֆրանկոֆոնիայի օրերը Հայաստանում» ծրագրի շրջանակում  Երևանի քաղաքապետարանի  Ավետիք Իսահակյանի անվան գրադարանում կազմակերպված  «Ինչ գիտեմ Ֆրանսիայի մասին»  հարցախաղին:  Ֆրանսիայի մասին ֆրանսերենով լայնածավալ ու բազմակողմանի տեղեկատվության տիրապետմամբ 45 դպրոցի աշակերտները ակնհայտ առավելությամբ  գրավեցին առաջին տեղը: Սովորողներն արժանացան գովասանքի, իսկ ՀՌԱԿ-ի տնօրեն Հ.Վ. Կարապետյանի կողմից դպրոցին շնորհվեց  պատվոգիր :

Ապրիլի 10-ին Երևանի  հ.45 դպրոցի 7-րդ դասարանցիները հնարավորություն ունեցան իրնց ինտելեկտուալ կարողությունները ներկայացնել դպրոցի բնագիտական մեթոդմիավորման կազմակերպած «Ինչ, որտեղ, երբ » մրցույթ -խաղին: 7^Ա-րդ և 7^Բ -րդ   դասարաններից ընտրված գիտունիկները  կազմեցին առանձին  թիմեր` «Ալֆա» և «Ա-Էրա»: Խաղը վարում էր 9^Բ -րդ դասարանի  աշակերտուհի Նունե  Խնկոյանը:

Մեթոդմիավորումը հարցերն ընտրել էր ամենայն բծախնդրությամբ. բնագիտական  5 առարկաների`մաթեմատիկայի, ֆիզիկայի, կենսաբանության, քիմիայի և աշխարհագրության 7-րդ դասարանի  դպրոցական կուրսի սահմաններում:Հարցերը  գիտունիկներից պահանջում էին  և´  ուշադրություն,  և´ տեղեկատվական  մաշտաբ ային գիտելիքներ, և´ տրամաբանություն:

 Երեխաները  վճռական էին տրամադրված` հաղթահարելու այդ բարդույթները: Խաղի ժամանակ ավելի  քան աչքի ընկավ   «Ալֆա» թիմը`  իր պատասխաններում  հարցերին  բազմակողմանի  մոտեցումներով,  ժշգրիտ հիմնավումներով և անթերի գրական  հայերենով  ձևավկերպված  խոսքով: Մրցույթն անցավ  աշխույժ,  բուռն քննարկումների մթնոլորտում: Երաժշտական ընդմիջումներում  ելույթ ունեցան  6 ^Ա  -րդ դասարանի  շնորհալի աշակերտ Նարեկ Բալդրյանը , իր անզուգական ասմունքով բոլորին հուզեց  7^Ա -րդ դասարանի աշակերտուհի Անժելա  Հարությունյանը:

Խաղն ավարտվեց  հետևյալ արդյունքներով .

• «Ալֆա» թիմ                7միավոր
• «Ա-էրա» թիմ              5,5միավոր

ընդամենը  12,5 միավոր : Այն փոքրաթիվ հարցերի միավորները, որոնց գիտունիկները չպատասխանեցին  կամ թերի պատասխանեցին , շնորհվեց  մեթոդմիավորմանը:   Մաթեմատիկայի ուսուցչուհի Գ. Ադամյանը նշեց . «Սովորողների հաղթանակը նունպես  մեթոդմիավորման հաղթանակն է , քանի որ  սովորողների իմացությունը ուսուցիչների աշխատանքի արդյունքն է»:

Դպրոցի փոխտնօրեն Ա. Գրիգորյանն իր խոսքում   բարձր գնահատեց երեխաների  հանպատրաստի  գրագետ պատասխանները `  նշելով, որ նմանօրինակ միջոցառումների դպրոցը շարունակաբար մասնակցել է («Հայ ասպետ»,  «Ինչ, որտեղ, երբ» ,  «Հայ  գրատպությունը»), որ ներդպրոցական այսպիսի միջոցառումները սովորողների մոտ զարգացնում են  ազատ արտահայտվելու ունակություն ու ինքնվստահություն :

Վերջում   փոխտնօրենը ակտիվ մասնակցության համար գիտունիկներին  շնորհեց  շնորհակալագրեր 45 դպրոցի տնօրենության և բնագիտական մեթոդմիավորման անունից:

Ապրիլի 12-ին համաքաղաքային շաբաթօրյակ-ծառատունկին Երևանի հ. 45 հիմնական դպրոցը  մասնակցեց  իր ողջ կազմով (տնօրինութան, ուսուցչական,  աշակերտական,): Մաքրվեց դպրոցի տարածքը և տնկվեց քաղաքապետարանի կողմից տրամադրված ծառերը: Աշխատանքն իրականացվեց  տոնական բարձր տրամադրությամբ և իրենց քաղաքի գեղեցկության ու մաքրության մասնակիցը  լինելու հպարտությամբ:

Ամեն տարի հ.45 հիմնական դպրոցի միջոցառումների շարքում իր ուրույն տեղն է գրավում  ֆրանկոֆոնիայի  շրջանակներում ավանդական դարձած միջոցառումը:

«Ազնավուրը կրկին և միշտ» խորագիրն էր կրում 2014թ.-ի մարտի 15-ին իրականացված միջոցառումը: Ֆրանսերենի ուսուցչուհի Ռուզաննա Ադոյանին և  երաժշտության ուսուցչուհի Անի Հարությունյանին հաջողվեց  նորովի ներկայացնել Ֆրանսիան և աշխարհահռչակ երգիչ Շառլ Ազնավուրի  ստեղծագործական ուղին: Միջոցառումը սկսվեց փոքրիկ բեմականացմամբ, որտեղ մանուկ Շառլին հայրը պատմում էր իրենց ազգանվան ծագման մասին: Ազնավուր ազգանունը յուրաքանչյուր հայի ականջին հարազատ ու քաղցր է հնչում. չէ՞ որ աշխարհահռչակ շանսոնիեի ազգանվեր  գործունեությունն  անուրանալի է:

  Աշակերտները սահուն ֆրանսերենով ներկայացրին կենսագրական տվյալներ, խոսեցին նրա հաջողությունների  և պարգևների մասին: Միջոցառումը ծայրից ծայր ուղեկցվում էր գեղեցիկ երաժշտական  կատարումներով: Դպրոցի շնորհալի աշակերտները հանդես եկան , «Le bleu de les yeux» երգի կատարումրով: Ներկայացվեց գնչուական պար` «Deux guitares» երգի  ուղեկցությամբ: Հանրահայտ «La Bohéme» երգի կատարումը  զուգորդվեց համահունչ պարով և բեմադրությամբ: Միջոցառմանը ակտիվորեն մասնակցեցին պարի խմբի շնորհալիները: Սև ֆրակով զգեստավորված աղջիկները, «A 20ans» երգի ուցեկցությամբ ֆրանսիական ոճով ներկայացրին  երաժշտական պարային կոմպոզիցիա:  Միջոցառման ընթացքում կարմիր գծի նման անցնում էր  Շ. Ազնավուրի`  Հայաստանի նկատմամբ ցուցաբերած ջերմ ու սրտացավ վերաբերմունքի մասին միտքը: Վկայակոչվեց  հատկապես Սպիտակի երկրաշարժի իրադարձություններին նրա ցուցաբերած գործնական օգնությունը` «Pour toi Arménie» երգով, Որպես անակնկալ, երիտասարդ ուսուցչուհի Ռուզաննա Ադոյանի և երկու աշակերտների կատարմամբ հնչեց «Une vie d’amour» երգը: Վերջում,  խոսելով  հայ-ֆրանսիական կապի մասին, հպարտությամբ բարձրաձայնվեց, որ Ազնավուրը աշխարհին ներկայանում է որպես հայ դեսպան:

    04. 04. 2014թ. 2-րդ գ դասարանում դասվար Արմինե Բաբասյանը կազմակերպել էր բաց դաս  «Մաթեմատիկա» առարկայից` «Փակագծերով արտահայտություններ»  թեմայով: Դասի  նպատակն էր գիտելիքների համակարգումը, տրամաբանական մտածողության զարգացումը : Թեման ավելի մատչելի դարձնելու և կրտսեր դպրոցականի ընկալունակությանը համապատասխանեցնելու համար խթանման փուլում սովորողները լուծեցին տրամաբանական  խնդիրներ, կատարեցին   բանավոր թվաբանական հաշվարկներ, քարտային աշխատանքով  խնդիրները դասդասեցին ըստ արտահայտությունների, բեմականացրին  փոքրիկ հեքիաթ` տարբեր գուրծողությունների կատարման կարգի վերաբերյալ:

    Իմաստի րնկալման փուլում սովորողները կատարեցին խմբային որոնողական աշխատանք. Մաթեմատիկայի լեզվով կարդացին տրված արտահայտությունները և աշխատեցին զույգերով` հաշվելով   արտահայտությունների արժեքը: Ըստ տրված համառոտագրության` կազմեցին խնդիր և ինքնուրույն լուծեցին:

  Կշռադատման փուլում կատարեցին անդրադարձ`ապահովելով դասի   ճանաչողական և դաստիարակչական կողմերը:

  Դասը հաջողված էր, դինամիկ,աշխույժ և ուսանելի:

ՀՀ անկախության  22-րդ տարեդարձին  ՊՈԱԿ-ի շախմատի  մրցաշարում   Երևանի հ.45  հիմնական դպրոցի  սովորողներ 

1. ​Դավիթ Գևորգի  Դավթյանը (4-րդ դաս.) գրավել է 2-րդ տեղը 3-րդ կարգի մրցաշարում,
2. Էդգար Գևորգի  Դավթյանը  (2-րդ  դաս.)  գրավել է 3-րդ տեղը,
3. Վարդան Սարգսյանը գրավել է 2-րդ տեղը 4-րդ կարգի մրցաշարում
4.  

որի համար արժանացել են դիպլոմների, իսկ դպրոցի շախմատի ուսուցիչ Արմեն Հայրապետյանը  դպրոցում շախմատի զարգացմանը մեծապես խթանելու համար արժանացել է վկայագրի` Հայաստանի շախմատի ակադեմիայի  (նախագահ Ս Լպուտյան) կողմից:

Դասն իր բնույթով սովորական չէր:  Այն նվիրված էր մեզ համար ամենաթանկ էակներին` մայրերին: Դասի առանցքն էր կազմում  Բորիս Եմելնովայի  «Мамины руки» պատմվածքը: Ուսուցչուհին պահանջեց, որ  աշակերտները լինեն ուշադիր և կատարեն  ճիշտ եզրահանգումներ, քանի որ թեման շատ  ուսանելի է ու  դաստիարակչական:

Դասը սկսվեց համանուն  ֆիլմի դիտումով: Աշակերտները համեմատեցին ֆիլմից ստացած տպավորությունները  պատմվածքի հետ: Ընթերցեցին ընտրված հատվածները: Ուսուցչուհին հարցերուվ  բացահայտեց սովորողների վերաբերմունքը պատմվածքի հերոսուհու` Մաշայի վարքագծին: Հնչեցին բավականին  հետաքրքիր քննադատական ու  կարծես արդեն ձևավորված համոզմունքներից  բխող կարծիքներ:  Կատարվեց բառային աշխատանք «руки» , «белоручка» բառերով:

Իմաստավորման փուլում սովորողները հատվածներով պատմեցին, իսկ հետո, ստեղծագործաբար փոփոխելով պատմվածքի սյուժեն, դերային կատարումներով  բեմադրեցին  այն, որին հաջորդեց  ուսուցչուհու հետ համատեղ    մայրիկի, տատիկի ու Մաշայի միջև դրսևորված փոխհարաբերությունների վերլուծական  գծապատկերի կազմումը:

Անակնկալ էր աշակերտների ձեռքով պատրաստած մաղթանքներով լի բացիկների վահանակը` նվիված   մայրիկների տոնին: Որից հետո դիտեցին ուսուցչուհու պատրաստած անակնկալ շնորհանդեսը`  երեխաների  ու մայիկների համատեղ նկարներով:

Դասի բոլոր փուլերում ուսուցչուհին, ելնելով դասի նպատակներից, իրականացնում էր տարբեր բնույթի բառային աշխատանքներ, իսկ կշռադատման փուլին համարժեք տրվեց  հանձնարարություն . ավարտել  «Ես արդեն գիտեմ…» արտահայտությունը:

Դասն ավարտվեց հայ գրողների մայրական թեմայով բանաստեղծություններով : 

Մայրության ու գեղեցկության տոնին նվիրված այս դասն իսկապես արտասովոր էր`  հուզական, դաստիար

ակչական ու գեղարվեստական առումներով:

 11.03.2014թ. քիմիայի  ուսուցչուհի  Ա.Կարապետյանը 9^ա դասարանում կազմակերպեց բաց դաս «Կերակրի  աղ»  թեմայով : 

Դասի նպատակն էր

ա/ Կերակրի աղի մասին աշակերտ ների գիտելիքների համակարգում և ամփոփում

բ/ Կերակրի աղի կիրառման ոլորտների և մարդկային օրգանիզմի վրա ազդեցության դիտարկում, պատմաաշխարհագրական փաստերի քննարկում

գ/ Աշակերտների մոտ գիտելիքների հմտության և կարողության ձևավորում

դ/ Աշխարհագրություն, կենսաբանություն, պատմություն, գրականություն առարկաների միջև միջառարկայական կապերի բացահայտում

Դասի սկզբում աշակերտները ներկայացրին  խմբային հետազոտության արդյունքները`զեկուցումները: Զեկուցումներում մանրանասնորեն  ներկայացրին  քիմիայի միջառարկայական կապերը դպրոցում ուսուցանվող այլ առարկաների` գրականության, աշխարհագրության, պատմության, կենսաբանություն հետ: Սովորողների բացատրությունները  զուգորդվում էին սալիկահանդեսի ցուցադրմամբ: Խմբերը   փորձնական ճանապարհով պարզեցին կերակրի աղի որակական բաղադրությունը և կատարեցին  թեստային աշխատանք: Անրադարձան նաև  աղի կիրառություններին,  դրա օգտակար և վնասակար ազդեցություններին: խմբերի աշխատանքն  ավարտվեց աղի մասին ժողովրդական ասացվածքներով: Վերջում կատարվեց անդրադարձ և ինքնագնահատում: Ուսուցչուհին ամփոփեց կատարված աշխատանքներն ու գնահատեց բոլորին: 

11.03.2014թ. կենսաբանության ուսուցչուհի Գ. Սահրադյանը կազմակերպել էր բաց դաս «Ծաղկավոր բույսերի օրգաններ: Ծաղիկ» թեմայով:Դասի նպատակն էր  ուսուցանել ծաղկի կառուցվածքը, նրա դերը բնության մեջ և մարդու կյանքում:Ձևավորել սովորողների մոտ պատկերացում ծաղկի` որպես բազմացման օրգանի, որից առաջանում են պտուղներ և սերմեր: Զարգացնել գեղագիտական դաստիարակությունը բնության նկատմամբ,անդրադառնալ բնապահպանական հարցերին: Դասի նշանաբանն էր`  «Մարդ, մի փնտրիր  գեղեցկությունն անկյանք  նյութի մեջ: Շուրջդ նայիր ու կտեսնես հրաշք, որ պարզ հոլովումով կոչվում է ծաղիկ»:

Դասի խթանման փուլում ուսուցչուհին մտագրոհի մեթոդով ամփոփեց   բույսերի վեգետատիվ և գեներատիվ օրգաննեը, նրանց ֆունկցիաները, ներկայացրին ծաղկի գլխավոր և օժանդակ օրգանները և դրանց դերը:

Իմաստավորման փուլն սկսվեց Սոլոուխինի խոսքերի մեջբերումով, որից հետո Պ.Չայկովսկու «Ծաղիկների վալս»-ի երաժշտության ներքո պատմեցին  լեգեդներ ծաղիկների մասին:

 Դասահարցումը կատրավեց սալիկահանդեսի ցուցադրմանը զուգահեռ:Պատմեցին  ծաղկաբույլերի, ծաղկեփնջերի, ծաղիկների  ժամացույցների մասին, բացատրեցին ծաղիկների բանաձևը, ներկայացրին բնության պահպանության խնդիրները Հայաստանում: 

Սովորողները պատրաստել էին հանելուկներ ու տեղեկություններ զարմանահրաշ ծաղիկների մասին:

Կշռադատման փուլում սովորողները

1.       պարզեցին ծաղկի փոշոտման երույթի էությունը

2.       նշեցին իրականացման եղանակները

3.       համեմատեցին միջատներով և քամու միջոցով փոշոտվող ծաղիկները

4.   կատարեցին լաբորատոր աշխատանք «Թարմ ծաղիկների բնութագիրը»

5.       լուծեցին  գլուխկոտրուկ

6.       կատարեցին թեստային աշխատանք

Վերջում  նշեցին  ծաղիկների դերը բնության մեջ և մարդու կյանքում:

Հայոց լեզվի և գրականության ուսուցչուհի Արմինե Սահակյանը կազմակերպել էր բաց դաս Հովհաննես Շիրազի ««Գարնանամուտ» բանաստեղծությունը» թեմայով (Vբ դասարա նում): Դասի նպատակն էր աշակերտի մոտ գեղեցիկ արտասանության, ինքնուրույն մտածողության, գեղեցիկը գնահատելու կարողության, բնությունը պահպանելու պատրաստակամության ձևավորումը: 

Դասը սկսվեց գարունը բնորոշող բառակապակցությունների թվարկմամբ: Ներկայացրին Հ. Շիրազի կենսագրությունը, մեկնաբանեցին «Շիրազ» անունը: Այնուհետև արտասանեցին «Գարնանամուտ» բանաստեղծությունը, բովանդակությունը ներկայացրին  արձակ շարադրանքով և այն համեմատեցին Ս. Բոտիչելլիի <<Գարուն>> կտավի հետ: 

Դասի ընթացքւմ Սովորողները.

1.       արտասանեցին գարնան թեմայով իրեն իմացած բանաստեղծությունները

2.       պատմեցին լեգենդներ  ծաղիկների մասին

3.       ներկայացրին տեղեկություններ ծաղիկների խնամքի վերաբերյալ

4.       բացատրեցին ծաղկի կառուցվածքը

5.       ասացին հանելուկներ ծաղիկների մասին

6.        անդրադարձան տարվա մյուս եղանակներին

7.       հիշեցին թևավոր խոսքեր բնության մասին

8.       թվարկեցին մարդկանց պարտականությունները բնությունը պահպանելու նպատակով

9.        հիշեցին գարնանային  տոները

10.   երգեցին գարնան մասին երգ և նվիրեցին մայրիկներին

Դասն անցավ աշխույժ, իսկապես գարուն ներշնչող մթնոլորտում, հագեցած`գարնանային  դիտակտիկ նյութերով,  գանանը նվիրված սալիկահանդեսի ցուցադրմամբ:  

  Դասը սկսվեց գրողի` Վ. Կատաևի կյանքի և ստեղծագործական գործունեության ներկայացմամբ, որից հետո սովորողները անդրադարձան Հեքիաթի ժանրի առանձնահատկություններին և լրացրեցին հեքիաթի բնորոշ գծերը ներկայացնող աղյուսակը:

 Երեխաները սկզբում հակիրճ պատմեցին «Цветик-семицветик» հեքիաթը, հետո ամբողջ դասարանով  պատրաստեցին կախարդական ծաղիկն ու հեքիաթի հերոսների հետ կիրառեցին  դրանց կախարդական ուժը տարբեր նպատակներով ու լրացրին  աղյուսակը: Վերջում երեխաները գնահատեցին հերսուհու վարքը տարբեր իրադրություններում և կատարեցին կարևոր եզրահանգումներ: Դասը հարուստ էր երևակայական ու գործնական դերային խաղով. երեխաները կպցրեցին կոտրված  ծաղկամանը, իսկ հյուսիսային բևեռում հայտնվելով ներկայացրեցին բևեռային միջավայրը և գլոբուսի վրա ցույց տվեցին այն:Գնդակով խաղալիս ամրապնդեցին հոմանիշներն ու հականիշները:  Վերջում դիտեցին հատված համանուն  մուլտ ֆիլմից :

  2014 թվականի մարտի 3ին Երևանի հ45 հիմնական դպրոցում տեղի ունեցավ ՔՊ օրվան նվիրված միջոցառում «Անձնակազմի տարհանումը երկրաշարժի ժամանակ» վարժանքը« Այն սկսվեց ՔՊ պետի կողմից համաձայն նախապես հաստատված պլան ժամանակացույցի: Ժամը 14:00 տրվեց ահազանգ և դպրոցի անձնակազմը սկսեց դուրս գալ դպրոցից և տեղափոխվել առավել անվտանգ գոտի: Տարհանումը տրեց 2 րոպե:ՔՊ շտաբի պետի կողմից հետախուզական խմբին տրվեց հրահանգ հետախուզել դպրոցի մասնաշենքերը տուժածներին դուրս բերելու և առաջին բուժօգնություն ցույց տալու համար:Հետախուզական խումբը , հրշեջփրկարարական խումբը և սանիտարական խումբը դուրս բերեցին վիրավորներին և տուժածներին:Վիրավորների և տուժածների տարհանումից հետո տարհանման ընդհանուր ժամանակը կազմեց 5 րոպե:Դպրոցի բուժանձնակազմը ձեռքի տակ եղած միջոցով տուժածներին ցույց տրվեց առաջին բուժօգնություն:

Վարժանքի ավարտից հետո կատարվեց արդյունքների ամփոփում:

Երևանի հ 45 հիմնական դպրոցի ՔՊ պետ` Մ. Փաշայան

ՔՊ շտաբի պետ`Ա.Առաքելյան

Փետրվարի 26-ին (II դասաժամ) IV ^Ա  դասարանում կազմակերպվեց  բաց դաս`«Մայրենի» առարկայից, դասվար` Այվազյանի ղեկավարությամբ:  Դասի թեման «Յոթ սարից, յոթ ձորից այն կողմ» թեմայի ամփոփումն էր:

Դասի ընթացքում երեխաներն անրադարձան ժողովրդական բանահյուսության տեսակների պարզաբանմանը: Արտահայտեցին տարբեր կարծիքներ հեքիաթի մասին, խոսեցին հեքիաթի ծագման մասին:Անցում կատարվեց  «Յոթ սարից, յոթ ձորից այն կողմ» վահանակին, որի օգնությամբ աշակերտները ներկայացրին բաժնում ընդգրկված ստեղծագործությունները: Կատարվեցին զույգային և խմբային աշխատանքներ, խաչբառի լուծում: Կշռադատման փուլում երեխաները կատարեցին դատողություններ` ի՞նչ գիտեին,  ի՞նչ  զգացին,  ի՞նչ սովորեցին հեքիաթներից: Դասի ընթացքում երեխաները ցուցաբերեցին ակտիվություն և հետաքրքրություն թեմայի շուրջ: 

Հայաստանյան մեղմ ու շոյող աշունն իր ուկեհանդերձ ժպիտով հայտնվել էր հ.45 հիմնական դպրոցի հանդիսությունների դահլիճի հյուրընկալ կամարների տակ:

II^Գ դասարանի աշակերտները (դասվար` Արմինե Բաբասյան)  երաժշտական գողտրիկ հեքիաթ ներկայացրին աշնանային ոսկեհեր անտառի, այգիների հարուստ բերք ու բարիքի, Աշուն տատիկի անսպառ բարության և առատաձեռնության մասին: Միջավայրը լի էր տերյանական քնքուշ ու նուրբ շնչով, Վիվալդիի և այլոց աշնանային մելամաղձոտ երաժշտության կախարդական հնչյուններով: Միջոցառւմը հաջողված էր և ուսանելի:

                                                                                       28.11.2013

Դասի նպատակն էր.  արվեստի միջոցով  սովողների մեջ ձևավորել վերաբերմունք մայրության արժեքների վերաբերյալ:  Դաստիարակել ուշադրություն, հարգանք, հոգատարություն: Զարգացնել նրանց մոտ ներքին լսողության և տեսողության զգայարանները:

Դասի խնդիրներն էր ներկայացնել Ռաֆայել Սանտիին որպես Վերածննդի դարաշրջանի մեծագույն նկարչի: Սերմանել ճաշակ դեպի բարձրարժեք ստեղծագործությունը, դեպի գեղանկարչությունն ու երաժշտությունը: 

Դասի ընթացքում սովորողները ուսուցչի օգնությամբ քննարկեցին և վերլուծեցին Ռ. Սանտիի <<Սիքստինյան Աստվածամայր>> նկարի բովանդակությունը և նկարչի կատարման տեխնիկան: Անրադարձան <<Մայր>> հասկացությանը որպես՝կյանքի խորհրդանիշի, սրբության, հավերժություն, ջերմության, սիրո: Աշակերտներն արտասանեցին բանաստեղծություններ նվիրված մայրիկին, պատմեցին պատմություններ կենդանական աշխարհից: Դիտեցին փոքրիկ ֆիլմ մայրիկին կորցրած արջուկի մասին:

Դասը սովորողներն տվեց 

1. գաղափար վերածննի դարաշրջանի մեծ նկարիչների ստեղծագործությունների, նրանց կյանքի ու գործունեության մասին, ծանոթացան  Շուբերտի <<Ավե Մարիա>> ստեղծագործությանը:
2. ստեղծագործության մեջ հեղինակի կողմից ներդրված գաղափարներն ու սիմվոլները, զգացմուները , տրամադրությունը և գունային ներդաշնակությունը ինքնուրույն վերլուծելու կարողություն:

Դասը սկսվեց  «азбука» և «алфавит» բառերի ծագումնաբանության և նշանակության բացատրությամբ, սովորողները  տվեցին  ռուսաց լեզվի  այբբուբենի կառուցվածքային առանձնահատկության մեկնաբանությունը: Ռուսերեն «алфавит» -ը համեմատեցին  հայերեն, ֆրանսերեն, անգլերեն այբբունների հետ: Այնուհետև  ուսուցչուհին երեխաներին սալիկահանդեսի ցուցադրման ուղեկցությամբ սովորողներին ներկայացրեց սլավոնական այբբուբենի հեղինակ` Կիրիլը և Մեֆոտիյը, հակիրճ պատմեց նրաց կենսագրությունը:

Ֆիզկուլտ դադարից հետո  սովորողները կատարեցին մի քանի առաջադրանք.

1.     1. Լրացրեցին բաց թողնված տառերը  В_рона, л_жка, в_ногр_ад, тр_вка, кн_га, ст_л, шк_ла, цв_ток  բառերում և դրանցով կազմեցին նախադասություններ:

2.      2. {C}Պատասխանեցին տառերի դիրքային տեղորոշմանը վերաբերվող ուսուցչի հարցերին:

3.      3.{C}Տրված բառերը դասավորեցին ըստ այբբենական կարգի:

Դասի ամենահետաքրքիր մասն էր կազմում երեխաների հորինած հեքիաթները, որոնց հերոսները տառերն էին, ինչպես նաև այդ հեքիաթների գունային հետաքրքիր լուծումներ գտած նկարչական ներկայացումները: Որից հետո դիտեցին «победа« պատմության հիման վրա ուսուցչի պատրաստած սալիկահանդեսը:

Դասը հագեցած էր դիդակտիկ նյութերով, ՏՀՏ-ի կիրառությամբ, ուսանելի էր:

Նոյեմբերի 26-ին Մայր Աթոռ Սուրբ Էջմիածնում  Ն. Ս. Օ. Տ. Տ. Գարեգին Բ ծայրագույն Պատրիարք և Ամենայն Հայոց Կաթողիկոսի օրհնությամբ տեղի ունեցավ «Լավագույն ուսուցիչ» մրցույթի 2013 թվականի հաղթողների մրցանակաբաշխության հանդիսությունը:

  «Լավագույն ուսուցիչ» ամենամյա մրցույթը Մայր Աթոռ Սբ. Էջմիածնի և ՀՀ կրթության գիտության նախարարության համագործակցության շրջանակ- ներում իրականացվում է արդեն 10 տարի: Մրցույթի մասնակից. հ.45 հիմնական դպրոցի հայոց լեզվի և գրականության ուսուցչուհի Սեդա Հարությունյանը հաղթահարել է վերոհիշյալ մրցույթի բոլոր փուլերը, քաղաքային փոիլում գրավել I տեղը: Սեդա Հարությունյանը արժանացել է պատվոգրի և դրամական պարգևի:     

Նոյեմբերի 20-ին դպրոցի դահլիճում տեղի ունեցավ <<Պոեզիան երգի թևերով>> խորագիրը կրող միջոցառումը: Vբ  դասարանի աշակերտները դասղեկ Արմինե Սահակյանի ղեկավարությամբ ներկայացրեցին հայրենասիրական, մայրենի լեզվի, բնության, մոր և հավերժական այլ թեմաներով գրված բանաստեղծություն ներ, որոնք կարծես թևեր առան և երգի միջոցով մտան հանդեսատեսի սրտերը:Աշակերտների շուրթերց հնչեցին <<Հայ զինվոր>>,<<Ես լսեցի մի անուշ ձայն>>, << Մայրենի լեզու>>,<< Անձրև եկավ>> երգերը: Նշվեց ,որ երգը եղել է մարդու կյանքի անբաժանելի մասնիկ, որ այն ուղեկցում է մարդկանց թե ուրախության և թե տխրության պահերին, և երգն ու երաժշտությունն են միջնորդ մարդու հոգեկան  ու զգայական  կյանքի միջև:

 Երևանի հ.45  հիմնական դպրոցի  աշակերտական կոմիտեյի  աշխատակազմը

(2014-15 ուտարի)

Աշակերտական խորհրդի կազմը.

Աշակերտական խորհրդի նածագահ – Անժելա Հարությունյան

Աշակերտական խորհրդի փոխնախագահ – Մարիա Չիչոյան

Աշակերտական խորհրդի քարտուղար – Զինաիդա Իրիցյան

Տեղեկատվական հանձնախումբ                                         Ուսումնադաստիարակչական հանձնախումբ

Ղեկավար – Անուշ Հովհաննիսյան (VII^Ա)                          Ղեկավար  - Լուսինե Հատիմոսյան (VI^Ա)

Անդամներ 1. Սիլվա Հովհաննիսյան (IX^Ա)                        Անդամներ 1. Մարիամ Խուրշուդյան (VII^Բ)

                   2. Մերի Թադևոսյան (IX^Ա)                                                  2. Շողիկ Ղարագյոզյան (VII^Բ)

                   3. Մերի Մարտիրոսյան  (IX^Ա)                                             3. Մհեր Հարությունյան (VI^Բ)

                   4. Ռազմիկ Հակոբյան (IX^Ա)                                                 4. Աննա Ղարիբյան (VII^Բ)

                   (լրագրող խմբագիր)

Մշակութային հանձնախումբ                                             Բնապահպանական հանձնախումբ

Ղեկավար  - Արմենուհի Ավդալյան(VIII^Ա)                                    Ղեկավար – Լիլիթ Սեդրակյան(VI^Ա)

Անդամներ 1. Սոնա Մակարյան(VIII^Ա)                                         Անդամներ 1. Անի Մանուկյան(VII^Ա)

                   2. Մարիամ Սարգսյան(VIII^Ա)                                                     2. Թերեզա Միրզոյան(VII^Ա)

                   3. Մարիա Ղազարյան(VII^Ա)                                                        3. Էդմոն Ղազարյան(VI^Ա)

                   4. Նարեկ Բալդրյան(VII^Ա)                                                            4. Էրիկ Արշակյան(VI^Ա)

                   5. Էլեն Հովհաննիսյան(VII^Ա)                                                        5. Ռուզաննա Հայրապետյան(VI^Ա)

                   6. Օվսաննա Սուքիասյան(VII^Ա)

Կարգապահական հանձնախումբ                                      Սպորտի և ռազմամարզական հանձնախումբ

Ղեկավար – Սարգիս Հակոբյան(VI^Ա)                                 Ղեկավար  - Վազգեն Մխիթարյան(VII^Բ)

Անդամներ 1. Շուշանիկ Հովսեփյան(VI^Ա)                          Անդամներ 1. Գոռ Մկրտչյան(VIII^Բ)

                   2. Մերի Թեմեջիկյան(VI^Ա)                                                   2. Անդրանիկ Զարգարյան(VII^Բ)

                   3. Գայանե Մխիթարյան(IX^Ա)                                              3. Դավիթ Մելքոնյան(VI^Գ)

                   4. Նինա Բաբախանյան(IX^Ա)                                               4. Արթուր Վարդանյան(VI^Գ)

                                                                                                                 5. Սամվել Վարդանյան(VII^Ա)

Սոցիալ – առողջապահական հանձնախումբ

Ղեկավար  - Թամարա Մարտիրոսյան(VI^Գ)

Անդամներ 1. Լիանա Ասատրյան(VII^Բ)

                   2. Էլիզա Միրզոյան(VI^Գ)

                   3. Լիլիթ Սաքոյան(VI^Գ)

                   4. Միլենա Բաղդասարյան(VI^Գ)

                   5. Մանե Օհանյան(VI^Գ)

                   6. Մոնիկա Հակոբայն(VIII^Բ)

Երևանի հ.45 հիմնական դպրոցի VIII^Ա  դասարանի սովորողները 2013թ. հունիսի 2-ին Մասնակցել են Երևան քաղաքի Պատմության թանգարանում կազմակերպված <<Ճանաչիր Երևանը>> խորագիրը կրող Խաղ-էքսկուսիային և ստացել են շնորհակալագիր: