Դեկտեմբերի 14 ին հ. 45 հիմնական դպրոցի IV բ դասարանում «Ռուսերեն» առարկայից անցկացվեց բաց դաս «Քաղաքավարի բառեր» թեմայով: Դասի նպատակն էր սովորեցնել երեխաներին գրագետ և գեղեցիկ խոսել, կիրառել քաղաքավարի խոսքը առօրյա հաղորդակցման ընթացքում : Ուսուցչուհի Լարիսա Իրիցյանը մշակել էր համապատասխան մեթոդներ , որոնք նպաստում էին թե՛աշակերտների գիտելիքների հարստացմանը, թե´ բառապաշարի զարգացմանը:Երեխաներնը երկխոսության միջոցով ներկայացրեցին լեզվի իմացությունը և կարողացան ազատ արտահայտել իրենց մտքերը : Նրանք երգեցին, ասմունքեցին և կատարեցին խմբային աշխատանք: Դասն ավարտվեց համանուն մուլտֆիլմի դիտումով:

Դեկտեմբերի 12-ին հ. 45 հիմնական դպրոցում V դասարանում անցկացվեց բաց դաս «Տեխնոլոգիա» առարկայից ( ուսուցչուհի` Ն. Թևոսյան)  «Նյութագիտության տարրեր» թեմայով: Դասի նպատակն էր  երեխաներին ծանոթացնել թելերի   տեսակներին և դրանց հատկություններին ,գործվածքի հյուսման տեխնոլոգիային:
Դասի ընթացքում կատարվեց թելերի հատկությունների և դրանցից տացվող գործվածքների և կիրառությունների վերաբերյալ քննարկումներ, կարդացին ռեֆերատ, արտասանեցին հանելուկներ թելերի վերաբերյալ, կատարեցին գործվածքների հյուսում`քաթանային,սարժային,ատլասային եղանակներով… Դասը հագեցված էր դիդակտիվ նույթերով և բավականին հետաքրքիր ու բովանդակալից էր:

Դեկտեմբերի 8-ին հ. 45 հիմնական դպրոցի աշակերտները մասնակցեցին Էրեբունի համայնքի զինկոմիսիարիատի կողմից կազմակերպված նախազորակոչային և զորակոչային տարիքի պատանիների հետ տարվող աշխատանքներին: Այնուհետև այցելեցին
Ծիծեռնակաբերդի հուշահամալիր, Հայաստանի պատմության թանգարան և Մատենադարան:

Դեկտեմբերի 6-ին հ. 45 հիմնական դպրոցի IIբ դասարանում անցկացվեց բաց դաս «Մայրենի» առարկայից (դասղեկ` Ա. Սարգսյան): Դասի թեման` «Տեսնես` լա՞վ է, թե՞ վատ»: Դասի ընթացքում երեխաները մեկնաբանեցին անցած թեմաների հերոսների լավ և վատ վարքագծերը, բացահայտելով նրանց լավ և վատ արարքները, ակտիվորեն մասնակցեցին խմբային, քարտային աշխատանքներին: Դասը ամփոփվեց աստղիկների վրա գրառումով «Ուզում եմ լինել…»: Դասը իրականացավ ԽԻԿ համակարգով և հասավ արդյունավետ ավարտի:

Նոյեմբերի 29-ին հ. 45 հիմնական դպրոցի IV ա դասարանում տեղի ունեցավ բաց դաս «Ես և շրջակա աշխարհ» առարկայից (դասղեկ` Լ.Այվազյան): Դասի թեման` «Բնությունը մարդու ստեղծագործություններում»: Դասի նպատակն էր դաստիարակել սեր և հոգատար վերաբերմունք բնության նկատմամբ , կարողանալ բնության բարիքները պահպանել, բնության գեղեցկությունը մշակույթի տարբեր ոլորտներում զգալու և կիրառելու հմտություն մշակել…
Աշակերտներն իրենց խելացի և ինքնավստահ խոսքով ներկայացրեցին բնության հրաշալիքները և ամենակարևորը` ցույց տվեցին ,որ չպետք է աղտոտել և ոչնչացնել բնությունը ,որի պահպանումը նշանակում է պաշտպանել հայրենիքը: Երեխաներն իրենց թե´ գեղեցիկ խոսքով , թե´ խորիմաստ աֆորիզմներով, թե´ բեմական դերերով(«Բնությունը և բնության մասնիկները» ) ցույց տվեցին , որ բնությունը մեր մեջ է, մենք` բնության: Աչքի ընկան իրենց աշխարհաճանաչողական փայլուն գիտելիքներով և գրագետ խոսք կառուցելու կարողությամբ: Խմբային մեթոդով աշակերտները բաժանվեցին խմբերի ու կարճ ժամանակում կարողացան նկարել, պատրաստել բնության գեղեցիկ պատկերներ, լուծել տրամաբանական խնդիրներ,գրել հետաքրքիր անվանակապեր: 
Դասարանը գեղեցիկ կահավորված էր, կային նպատակային ցուցապաստառներ, հետաքրքիր խաչբառեր, տեսասահիկ, մուլտֆիլմ : Սրանց միջոցով դասվար Լ. Այվազյանը կարողացավ բացահայտել իր սաների գիտելիքները, կարողությունները, հմտությունները:
Բաց դասը բարձր գնահատանքի արժանացավ դպրոցի տնօրենության կողմից, իսկ ծնողները հպարտ էին, որ իրենց երեխաները զինված են գիտելիքներով և կարևորում են բնության դերը իրենց կյանքում:

Նոյեմբերի 8 -ին հ. 45 հիմնական դպրոցի II ա դասարանում «Ռուսերեն» առարկայից անցկացվեց բաց դաս « Բանավոր խոսքի ուսուցման ընդհանրացում» թեմայով: Ս. Գասպարյանը մշակել էր համապատասխան մեթոդներ ու ձևեր, որոնք նպաստում են թե՛աշակերտների գիտելիքների հարստացմանն ու նյութի յուրացմանը, թե՛ նրանց աշխարհայացքի ու մտահորիզոնի զարգացմանը, թե՛ բառապաշարի հարստացմանը: Երկխոսության միջոցով աշակերտները ներկայացրեցին լեզվի իմացությունը և կազմակերպվեցին խաղեր «Ընտանիքում», «Դպրոցում», «Բակում» թեմաներով:Դասը հագեցված էր դիդակտիվ նույթերով և բավականին հետաքրքիր ու բովանդակալից էր:

Նոյեմբերի 9-ին IX ա դասարանում անցկացվեց բաց դաս «Գրականություն » առարկայից(Ա. Փարսադանյան): Դասի նպատակն էր Մ. Խորենացու «Հայոց պատմության» միջոցով սովորողների մոտ հայրենասիրություն դաստիարակելը: Աշակերտները պատմեցին Խորենացու կենսագրությունը, ներկայացրին «Հայոց պատմության» կառուցվածքը, աղբյուրները, խոսեցին առասպելի և վիպերգի տարբերության մասին, պատմեցին վիպերգերը, վերլուծեցին կերպարները` ուշադրություն դարձնելով հայրենասեր հերոսներին: Խորենացու ժամանակաշրջանը համեմատեցին մեր ժամանակաշրջանի հետ:
Խոսեցին նաև «Պատմության» առանձնահատկությունների, «Ողբ»-ի մասին, ասացին ասույթներ: Համառոտ ներկայացրին Տիգրան Մեծի, Տիգրան Երվանդյանի, Աժդահակի(Աստիագես), Արա Գեղեցիկի, Արտաշեսի և Արտավազդի կառավարման տարիներն ու կատարած գործերն: Անդրադարձան Շամիրամի կախովի այգիներին և հին աշխարհի յոթ հրաշալիքներին, ինչպես նաև հայոց հեթանոսական աստվածներին: Սովորողներից մեկը պատրաստել էր ամփոփիչ տեսանյութ,աշակերտները նկարել էին վիպերգներից հատվածներ, պատրաստել պատի թերթեր:
Դասը բովանդակալից էր, հետաքրքիր և հագեցած էր տեղեկություններով:

  Հոկտեմբերի 19-ին IIIբ դասարանի աշակերտները ( ուսուցչուհի` Գ. Բաղդասարյան ) դպրոցի       հանդիասությունների դահլիճում անցկացրեցին միջոցառում «Էրեբունի Երևան » խորագրով:   Միջոցառումը նվիրված էր Երևանի 2799 ամյակին: Աշակերտները ներկայացրին հին Երևանը,   նրա անցած ուղին մինչև մեր օրերը:

Հոկտեմբերի 18-ին IVբ դասարանի աշակերտներն (դասվար Ռ.Տիգրանյան) այցելեցին Ալ.Սպենդիարյանի անվ. տուն-թանգարան: Այցելությունը շատ հետաքրքիր և ուսուցողական էր: Գիդ-էքսկուրսավարը երեխաներին ծանոթացրեց մեծ կոմպոզիտորի կյանքին և ստեղծագործական գործունեությանը, երեխաներն ականատես եղան և ունկնդրեցին նրա ստեղծած սպենդիարաֆոնին, դրա կրկնօրինակով նվագեցին: Շատ հետաքրքիր էր վիրտուալ ղեկավարել սիմֆոնիկ նվագախումբ սենսորային համակարգի օգնությամբ,մանրադիտակի օգնությամբ տեսնել Նիկոլայ Ղազարյանի կողմից ստեղծած միկրոսկոպային չափի նմուշներ, որոնք առնչվում էին Սպենդիարովի ստեղծագործություններին: 
Այցելությունը իր խորը հետքը կթողնի մեր մատաղ սերնդի հիշողության մեջ:

«Երևան դարձած իմ Էրեբունի» խորագրով միջոցառում (ուսուցիչներ`Մ. Եղիազարյան, Ա. Փարսադանյան)

Հոկտեմբերի 25-ին հ. 45 հիմնական դպրոցի դահլիճում տոնական էր զարդարված: Էրեբունի համայնքի VIIբ և VIIIբ դասարանների սովորողները միջոցառում էին կազմակերպել` « Երևան դարձած իմ Էրեբունի» խորագրով: Հնչեցին երգեր մեր վարդագույն մայրաքաղաքի մասին, արտասանեցին բանաստեղծություններ և ներկայացրեցին մեր դարավոր քաղաքի պատմությունը:

,,Ա" տառին նվիրված միջոցառում (դասվար`Հ. Վարդումյան)   

Հոկտեմբերի 20-ը հ. 45 հիմնական դպրոցուի I ա դասարանցիների հուշերում դեռ շատ երկար կպահպանվի։ Այդ օրը նրանք հանդիսավորությամբ նշեցին «Ա» հնչյուն-տառի ծնունդը, որով ամփոփվեց նախաայբբենական շրջանը և սկսվեց տառաճանաչությունը։ Դասի ընթացքում փոքրիկները շատ հստակ և ակտիվ արտահայտեցին իրենց գիտելիքները, ներկայացրեցին «Ա» տառի շքերթը՝ հագեցած երգ ու պարով, հանելուկների խառնաշփոթով: Դասը հագեցած էր երաժշտությամբ, հանելուկներով ու մեծն Մաշտոցին նվիրված բանաստեղծություններով:

ԴԱՍ-ՄԻՋՈՑԱՌՈՒՄ «ԷՐԵԲՈՒՆԻ» ՊԱՏՄԱՀՆԱԳԻՏԱԿԱՆ ԱՐԳԵԼՈՑ-ԹԱՆԳԱՐԱՆՈՒՄ 
Յուրաքանչյուր երևանցու պարտքն է ճանաչել իր քաղաքը: Այս կարգախոսին հավատարիմ են մնում IV ա դասարանի սովորողները (դասվար` Լ. Այվազյան): Նրանք «Երևան-տուր»-ի նախագծի շրջանակներում նախ շրջագայեցին Երևան քաղաքով, ապա եղան Երևան քաղաքի պատմության թանգարանում: Վերջին «կանգառը»«էրեբունի» պատմահնագիտական արգելոց-թանգարանն էր: Նրանք շրջեցին թանգարանում, ծանոթացան պեղումների արդյունքում հայտնաբերված ցուցանմուշներին: Ապա ներկայացրեցին «Իմ ջերմ ու բարի Երևան» խորագիրը կրող դաս-միջոցառումը: Նրանք խոստացան մաքուր պահել մեր քաղաքը, այն լցնել ջերմությամբ ու բարությամբ: Խոստացան հաճախ ժպտալ և ջերմացնել բոլոր սառած սրտերը, բարի գործեր կատարել ու բարություն քարոզել: Բարի գործեր կատարելու մեկնարկը տրվեց հենց թանգարանի դիմացի հրապարակում...

Հոկտեմբերի 20-ին Երևանի հ. 45 հիմնական դպրոցի Iգ դասարանում (դասվար՝ Ս. Մարտիրոսյան) թևածում էր ուրախ տրամադրություն: Փոքրիկ առաջին դասարանցիները կարողացան իրենց անմիջականությամբ, գեղեցիկ խոսքով լույս լցնել ,,Ա" տառին նվիրված միջոցառումը, որն իսկական տոնի վերածվեց: Երեխաների համար սա հուզիչ ու պատասխանատու քայլ էր՝ ճանաչելու հայոց գրերն ու քայլելու տառաճանաչության ճանապարհով։
Բոլորը ժպտում էին, քանզի միջոցառումը փաստեց, որ մեր վաղվա օրը հուսալի ձեռքերում է:

 Հոկտեմբերի 17-ին հ. 45 հիմնական դպրոցի VII ա դասարանի աշակերտները կերպարվեստի ուսուցչուհի Ա. Սրվաստյանի և դասղեկ Ս. Գասպարյանի ուղեկցությամբ այցելեցին պատմության թանգարան , որտեղ անցկացրեցին բաց դաս՝ նվիրված Հովհաննես Այվազովսկու 200- ամյակին: Աշակերտները տպավորված էին մեր մեծ նկարչի աշխատանքներով և որքան շատ էին ծանոթանում մեր հանճարեղ նկարչի կյանքին ու գործունեությանն, այնքան հասկանում էին, որ անգին ու անփոխարինելի է նրա արվեստը ,որը ժամանակի առաջադիմական գաղափարներն արտացոլող խոշոր մշակութային երևույթ է: Աշակերտներն մեծ խանդավառությամբ ու ոգևորությամբ հեռացան թանգարանից:

Հոկտեմբերի 13-ին IIIգ դասարանում (դասվար` Ն. Ավետիսյան) անցկացվեց դաս-վիկտորինա: Դասը սկսվեց Երևան քաղաքի օրհներգով, այնուհետև աշակերտները ներկայացրին Երևան քաղաքի պատմությունը, մշակութային կենտրոնները, հուշարձանները: Նրանք հասկացան, որ Երևանի վաղվա պատասխանատու քաղաքացիներն են և ամեն ինչ կանեն, որ քաղաքամայրը ավելի ու ավելի գեղեցկանա և դառնա համայն հայության պարծանքն ու այն բնօրրանը, ուր մարդ ապրում է երջանիկ: Աշակերտները մեծ պատասխանատվություն և ակտիվություն ցուցաբերեցին:

   Հոկտեմբերի 16-ին IX ա դասարանումանցկացվեց բաց դաս «Ինչու իմանալ օտար լեզուներ» թեմայով (ուսուցչուհի` Գայանե Մկրտչյան) : Աշակերտները դասին մասնակցեցին ոգևորված և քննարկեցին օտար լեզուների կարևորությունը ու նշանակությունը և բանավիճեցի «Ինչպես կզգաս անգլիախոս երկրում ,եթե ոչ մի անգլերեն բառ չգիտես»:Սովորողները ներկայացան իտալերենով, իսպաներենով,ֆրանսերենով, գերմաներենով,հունարենով և հետո անգլերենով:Այս բոլոին համահունչ երգեցին «We are the World » երգը:
Դասին օգտագործեցին տեխնիկական միջոցներ, պլակատներ, կազմեցին շատ դիալոգներ:Դասին կիրառվեցին ժամանակակից մեթոդներ և կազմեցին պրիզմա, վերլուծեցին ռեբուսը…

«Էրեբունի-Երևան 2799» 
«Երևան՝ սիրո քաղաք» այս տարվա Էրեբունի-Երևան տոնակատարության կարգախոսն Էր, որն միայն ժպիտ ու սեր էր լցնում բոլորիս սրտերը:
Էրեբունի փողոցը գրեթե ամբողջ երկայնքով վերածվել էր վարպետաց փոքրիկ քաղաքի: Բազմաթիվ տաղավարներում ներկայացվել էին ժողովրդական արվեստի գործեր, ազգային տարազի ու խոհանոցի ամենահետաքրքիր ավանդույթներ, բազմատեսակ ավանդական խաղեր, ինչպես նաև կազմակերպվել էր համերգային ծրագրեր:
Երևանի հ.45 հիմնական դպրոցն իր ուսուցչական և աշակերտական կազմով ակտիվ մասնակցություն ունեցավ Էրեբունի-Երևան տոնակատարությանը, քանի որ այս տոնն առավել հոգեհարազատ էր մեզ` էրեբունցիներիս:

Հոկտեմբերի 9-ին IVգ դասարանի աշակերտները դասվար Ա. Յազուլյանի ուղեկցությամբ այցելեցին Երևանի պատմության թանգարան: Աշակերտները ծանոթացան Երևանի պատմությանը, տեսան թանգարանում պահպանված հնագիտական, ազգագրական, դրամագիտական գրավոր աղբյուրներ, լուսանկարներ և այլ հավաքածուներ: Աշակերտներն ամբողջական պատկերացում կազմեցին Երևանի հարուստ և հնագույն անցյալի մասին: Գտնվելով Երևանի պատմության թանգարանում ևս մեկ անգամ համոզվեցինք, որ «Էրեբունի դարձած Երևանը» եղել է, կա և կմնա աշխարհի վառ, լուսավոր և ամենագեղեցիկ քաղաքը:

 2017թ հոկտեմբերի 7-ին VIIIբ դասարանի աշակերտները (ուսուցչուհի` Ս. Գևորգյան) «Հայոց եկեղեցու պատմություն» առարկայից թեմատիկ էքսկուրսիա և բաց դաս անցկացրին Խոր Վիրապում: Էքսկուրսիայի նպատակն էր աշակերտներին ճանոչողական գիտելիքներ տալ Հայ Առաքելական եկեղեցու, քրիստոնեության դերի ու նշանակության վերաբերյալ:

Սեպտեմբերի 28-ին VIII գ դասարանի սովորողներն ընկեր Գևորգյանի գլխավորությամբ, Հայաստանի I Հանրապետության 100-ամյակին նվիրված ,թեմատիկ էքսկուրսիա և բաց դաս անցկացրեցին պատմության թանգարանում: Այն իր մեջ ամփոփում էր մի երկարատև ժամանաշրջան՝ նախնադարից մեր օրերը,որոնց ընթացքում հայ ժողովրդի նպատակը մեկն է եղել ՝ ձեռք բերել անկախություն ,պետականություն և որ ամենակարևորն է պահպանել այն: Աշակերտները հպարտ էին,որ իրենք. «Անկախ Հայաստանի զավակներն են»:

    2017թ հոկտեմբերի 9-ին Երևանի հ. 45 հիմնական դպրոցի VIIա դասարանում անցկացվեց բաց դաս «Կենսաբանություն» առարկայից (ուսուցչուհի՝ Գ.Սահրադյան ): Դասի թեման «Ջրիմուռների բազմազանությունը և նշանակությունը» էր: Աշակերտները ներկայացրին և բացատրեցին ջրիմուռների նշանակությունը և դրանց կարևորությունը բնության և մարդու կյանքում: Դասն անցավ հետաքրքիր վերլուծությունների և աշխույժ շփման շրջանակներում

Հոկտեմբերի 1-ին IVգ դասարանի աշակերտները դասվար Ա. Յազուլյանի ուղեկցությամբ այցելեցին 20-րդ դարի մեծանուն նկարիչ Մարտիրոս Սարյանի տուն - թանգարան: Սովորողները հնարավորություն ունեցան մանրամասն ծանոթանալու նկարչի կյանքի բոլոր շրջաններին, գործունեությանը և նրա թողած ժառանգությանը: Մեծանուն նկարչին ներկայացնում էր նրա թոռնուհին՝ Ռուզան Սարյանը: Սովորողները մեծ բավականություն ստացան այցելությունից:

   Սեպտեմբերի 30-ին IVա դասարանի սովորողները դասվար Լիլիթ Այվազյանի գլխավորությամբ այցելեցին հայ երգահան, դիրիժոր,մանկավարժ, ակադեմիկոս Արամ Խաչատրյանի տուն-թանգարան: Սովորողները ծանոթացան մեծ կոմպոզիտորի կյանքի ու գործունեության մանրամասներին` լրացնելով իրենց գիտելիքների պաշարը: Առավել ակտիվ մասնակիցներն արժանացան մրցանակի: Ներկաներն առիթ ունեցան վայելել դասական երաժշտություն` տուն-թանգարանի դահլիճում:

          2017թ. սեպտեմբերի 25-ին հ. 45 հիմնական դպրոցում տեղի ունեցավ միջոցառում նվիրված ՀՀ անկախության 26-ամյակին`«Ազատ, անկախ Հայաստանը 26 տարեկան է» խորագրով (ուսուցչուհի՝ Ա. Թամազյան ):

        ՀՀ անկախության 26-րդ տարեդարձի առթիվ Էրեբունի վարչական շրջանի Ազատամարտիկների այգում կազմակերպվել էր շքեղ հանդիսություն: Միջոցառմանը ներկա էին Էրեբունի վարչական շրջանի ղեկավար Դավիթ Գրիգորյանը և այլ պաշտոնյաներ: Հանդիսությանն իրենց ակտիվ մասնակցությունն ունեցան հ. 45 դպրոցի ողջ ուսուցչական և աշակերտական կազմը:
Տոնական երեկոն իրենց ներկայությամբ զարդարել էին հայտնի երգիչ-երգչուհիները և պարային համույթները:

Շաբաթօրյակ

 Քաղաքը մաքուր և գեղեցիկ պահելը յուրաքանչյուրի պարտականություն է: Հայը՝ որպես իր տունն ու տեղը սիրող մարդ,կարևորում է այդ հանգամանքը:
Այսօր՝ սեպտեմբերի 16-ին, Երևանի հ. 45 հիմնական դպրոցի աշակերտները, ուսուցիչները մեծ պատասխանատվությամբ ստանձնեցին դպրոցի տարածքի մաքրության գործը:

Հ. 45 հիմնական դպրոցը` մեր հարազար կրթօջախը, սեպտեմբերմեկյան այս պայծառ օրն իր գոյության 81-րդ տարին սկսում է ևս մեկ սերունդ կրթելու և դաստիարակելու առաքելությամբ:
Մոտ 700 սովորողների խինդ ու ծիծաղը լցրել էր դպրոցի բակը: I դասանցիների լուսաշող հայացքները ջերմություն և ժպիտի էին կորզում ներկաներից: Ուսումնական տարին բացվեց ՀՀ հիմնի կատարմամբ, ծածանվեց եռագույնը, ողջունեցին « Dolce Vita» պարային համույթը, I դասարանցիները, շնորհալի երեխաները: Ջերմ խոսքերով բարի գալուստ մաղթեց դպրոցի տնօրեն պարոն Փաշայանը: Մեր տոնական միջոցառմանը մասնակից էին նաև ԱԺ պատգամավոր Հարություն Կարապողոսյանը և Էրեբունի վարչական շրջանի կրթության բաժնի ներկայացուցիչը:

ԲԱՑ ԴԱՍ IIIԱ ԴԱՍԱՐԱՆՈՒՄ
«ՄԱԹԵՄԱՏԻԿԱ »ԱՌԱՐԿԱՅԻՑ
(ԴԱՍՎԱՐ՝ Լ. ԱՅՎԱԶՅԱՆ)

Դասի թեման՝ «Թվի բազմապատկումը 10-ով և 100 ով», «Թվի բաժանումը 10-ի և 100 -ի»: 
Գիտելիքների ամրապնդում:
Նոյեմբերյան ցրտաշունչ երեքշաբթին (15.11.2016թ.) ջերմ ու ոգեշնչող էր III Ա դասարանի սովորողների համար, քանզի այդ օրը բաց դասի շրջանակներում իրականացավ նրանց տիեզերք թռչելու լուսավոր երազանքը: Այդ երևակայական թռիչքի շրջանակներում՝ դասվար Լ. Այվազյանի ուղեկցությամբ, «Մաթեմատիկա» աստղանավով նրանք թռան տիեզերք, եղան Արեգակնային համակարգի բոլոր մոլորակներում: Այդ ընթացքում նրանք բացահայտեցին Հայաստանում «Մաթեմատիկա» գիտության ծագման ու զարգացման պատմությունը, լուծեցին մաթեմատիկական առաջադրանքներ ու խնդիրներ՝ օգնելով Երևակ մոլորակի բնակիչներին՝ այլմոլորակայիններին, գնումներ կատարել, խաղացին մաթեմատիկական խաղեր: Արուսյակ մոլորակում թափվող երկնաքարերից խուսափեցին մաթեմատիկական գիտելիքների շնորհիվ: Նրանք կարողացան հավաքել 5 նիշից բաղկացած գաղտնագիրը և անվտանգ առաջ ընթանալ:
Համոզվեցին, որ «Մաթեմատիկան տիեզերական լեզու է», որի իմացությունը կօգնի անփորձանք դուրս գալ անհավանական իրավիճակներից: Վերադառնալով Երկիր մոլորակ՝ սովորողները խոստովանեցին, որ չէին կարող հաղթահարել դժվարություններն առանց գիտելիքների, ուստի համակարծիք են «Գիտելիքն ուժ է» արտահայտության հետ, որն էլ դասի կարգախոսն էր: Նշեցին, որ գիտելիքի ուժի շնորհիվ կարելի է իրականացնել բազմաթիվ երազանքներ: Այդ երազանքները դասի ավարտից հետո սովորողները դպրոցի բակում գունագեղ ուղղաթիռ փուչիկի օգնությամբ ուղարկեցին երկինք՝ վստահ լինելով, որ խաղաղ երկնքում կիրականանան իրենց լուսավոր երազանքները:
Հագեցած, բազմաբովանդակ դաս էր, համապատասխանում էր դասին ներկայացվող չոփորոշչային պահանջներին:
Ներկաները հիացած էին սովորողների գրագետ պատասխաններով, առարկայի իմացությամբ:

2016թ հոկտեմբերի 14-ին տեղի ունեցավ 7-րդ դասարանների միջև <<Բասկետբոլի առաջնություն>> մրցաշար:Ընդհանուր միավորների առավելությամբ
7բ դասարանը գրավեց 1-ին տեղը,
7գ դասարանը գրավեց 2-րդ տեղը,
7ա դասարանը գրավեց 3-րդ տեղը:

Մրցումներն անցան պատշաճ մակարդակով:

Այցելություն ամրակցված զորոամաս

Համաձայն ՆԶՊ աշխատանքային պլանի` 2016թ-ի նոյեմբերի 1-ին դպրոցի 9ա և 9բ դասարանների սովորողներն այցելեցին ամրակցված զորամաս, որտեղ ծանոթացան զինվորական մասի աշխատանքներին: Տեսան, թե որտեղ և ինչպես է պահպանվում զորամասի մարտական դրոշը: Ուսումնասիրեցին ռազմական տեխնիկան: Եղան զինվորական կացարաններում և տեսան, թե ինչպիսի կենցաղային պայմաններում են ապրում զինծառայողները:

<<Ա>> հնչյուն-տառի ուսուցման բաց դաս:

2016թ. հոկտեմբոերի1 7-ին հ. 45 հիմնական դպրոցում՝ Iբ դասարանում դասվար՝ (Ա. Սարգսյան), <<Ա>> հնչյուն-տառի ուսուցման բաց դաս էր: Դասը սկսվեց աստղանավով ճանապարհորդությամբ: Երեխաները ճանապարհին հանդիպեցին ձայնավոր և բաղաձայն հնչյունների, միավանկ և բազմավանկ բառերի: Արտասանեցին <<ա>> հնչյունով բառերը: Դասին հյուր եկած աղավնին առաջարկեց լուծել հանելուկներ: Երեխաները, հայտնվելով Հեքիաթների աշխարհում, հերոսների կողքին գտան <<ա>> հնչյունով բառ-նկարներ և տեղադրեցին կախարդական տնակում, որտեղից հանկարծ դուրս եկավ <<Ա>> մեծատառը և <<ա>> փոքրատառը: Սովորեցին գրել ա հնչյուն տառը: Ճիշտ կատարելով Այլմոլորակայինի առաջադրանքը՝ հայտնվեցին Հայոց տառերի մոլորակում: Երգով ողջունեցին <<Ա>> տառի ծնունդը: Հանգստի ժամին համտեսեցին <<Ա>> տառի տեսք ունեցող թխվածքաբլիթները:

Այցելություն բուսաբանական այգի

Հոկտեմբերի 9-ին III <<գ>> դասարանի սովորողները, ընկեր Յազուլյանի ուղեկցությամբ, այցելեցին բուսաբանական այգի:
Բուսաբանական այգում անցկացրեցին դաս-էքսկուրսիա: Զբոսնեցին բուսաբանական այգու ողջ տարածքով: Բնությունն իր զարմանահրաշ գույները տարածել էր ամենուր և որքան քայլում էին այնքան չքնաղ բնությունն իր աշնանային գունագեղ երանգներով ավելի էր գրավում աշակերտներին: Աշունն իր երփներանգ գույներով ներկել էր ողջ այգին՝ յուրաքանչյուր ծառ, քար ու թուփ. հեքիաթային մի տեսարան...
Աշակերտներն ոսկեշունչ աշնան պատկերը յուրովի ներկայացրեցին իրենց նկարներում, երգերով ու բանաստեղծություններով գովերգեցին աշունը:

Սեպտեմբերի 29-ին 2<<գ>> դասարանի աշակերտները դասվար Ն. Ավետիսյանի ղեկավարությամբ այցելեցին <<ՀԱՅԱՍՏԱՆԻ ԲՆՈՒԹՅԱՆ ՊԵՏԱԿԱՆ ԹԱՆԳԱՐԱՆ>>: Նրանք եղան թանգարանի չորս սրահներում, որտեղ ծանոթացան հայրենի բնաշխարհին, Կարմիր գրքում ընդգրկված կենդանիների և բույսերի ցուցանմուշներին:Այցելության նպատակը էկոլոգիական դաստիարակության և կրթության, ինչպես նաև բնապահպանական քարոզչությանը նպաստելն է:

2016թ սեպտեմբերի 30-ին հ.45 դպրոցի մարզադահլիճում տեղի ունեցավ ներդպրոցական <<սպորտլանդիա>>մրցաշար 5-րդ դասարանների միջև:
Ընդհանուր միավորների առավելությամբ
5գ դասարանը գրավեց 1-ին տեղը,
5ա դասարանը գրավեց 2-րդ տեղը,
5բ դասարանը գրավեց 3-րդ տեղը: 
Մրցումները անցան պատշաճ մակարդակով:

Ֆիզկուլտուրայի ուսուցիչ՝ Ա. Գրիգորյան

Դաս-միջոցառոմ <<Արգելոցապարկային համալիր>>-ի <<Ջրվեժ>> անտառպարկում

Հոկտեմբերի 7-ին III <<ա>> դասարանի սովորողները, ընկեր Այվազյանի ուղեկցությամբ, այցելեցին <<Արգելոցապարկային համալիր>>-ի <<Ջրվեժ>> անտառպարկ: 
Անտառպարկի աշխատակիցն անցկացրեց դաս-էքսկուրսիա: Նա երեխաներին բացատրեց <<Արգելավայր>>, <<Արգելոց>> հասկացությունները, խոսեց կենդանիների, բույսերի, բնության երևույթների մասին: Աշակերտները ոգևորված լսում էին իրենց համար անծանոթ երևույթների բացատրությունը, հարցերի միջոցով բավարարում իրենց հետաքրքրությունը:
Կազմակերպվեց զբոսանք: Ինչքան սարալանջն ի վեր էինք բարձրանում, այնքան չքնաղ բնությունն իր աշնանային գույներով ավելի էր գրավում: Աշունն իր գույներով ներկել էր անտառը. յուրաքանչյուր ծառ, քար հեքիաթային մի աշխարհ էր թվում...
Երեխաներն իրենց տեսած ոսկեշունչ աշնան պատկերը յուրովի ներկայացրեցին իրենց նկարներում:
Անտառի մի գողտրիկ անկյունում անցկացվեց միջոցառում ` <<Աշնանային սիմֆոնիա>> խորագրով: Աշակերտներն իրենց խոսքն ասացին աշնան մասին և երգերով գովերգեցին ոսկեփայլ աշունը:

Երևան՝ արևի քաղաք
«Երևան՝ արևի քաղաք» սա էր այս տարվա Էրեբուն-Երևան տոնակատարության կարգախոսը, որին համապատասխան մայրաքաղաքն ընկմվել էր կարմիր ու ծիրանագույն երանգների մեջ, նունիսկ արևն այդ օրը երևանյան կարգախոսով էր ժպտում երևանցիներին:
Երևանի հ.45դպրոցն իր ուսուցչական և աշակերտական կազմով ակտիվ մասնակցություն ունեցավ Էրեբունի-Երևան տոնակատարությանը, քանի որ այս տոնն առավել հոգեհարազատ է մեզ` էրեբունցիներիս համար: Մենք մեծ հպարտությամբ ու խանդավառությամբ մասնակցեցինք տոնակատարությանը` ոգևորելով մնացած շրջաններից ու արտերկրից եկած հյուրերին: Էրեբունի փողոցում կառուցված բեմահարթակներում, բացօթյա հատվածներում կազմակերպվել էր ավանդական դարձած բազմաժանր համերգային ծրագրեր (ռոք, ջազ, դասական) ինչպես նաև բացվել էին տարաբնույթ տաղավարներ այդ օրը հետաքրքիր ու անմոռանալի դարձնելու համար:

19.09.2016թ. Երևանի հ.45 հիմն. դպրոցում 9Ա դասարանի սովորողնեի ներկայացմամբ (ղեկավար` պատմության ուսուցչուհի Ս. Գևորգյան) տեղի ունեցավ «Անկախ Հայաստան» միջոցառումը` նվիրված Հայաստանի անկախության 25-րդ ամյակին: 
«Ես հպարտ եմ, որ հայ եմ,որ ՀՀ քաղաքացի եմ»,-կարմիր թելի նման այս միտքն է ձգվում ողջ միջոցառման ընթացքում:
Ասմունք, գեղեցիկ խոսք… պատմություն և իրականություն…
Պետական մտածողության զարգացմանը միտված միջոցառումը վարակեց հանդիսատեսին, որը դարձավ նաև միջոցառման ակտիվ մասնակից:

Անկախության տոնի առթիվ 2<<գ>> դասարանում դասվար Ն. Ավետիսյանի ղեկավարությամբ տոնական տրամադրություն էր: Երջանկության գաղտնիքը անկախության մեջ է, իսկ անկախության գաղտնիքը՝ խիզախության: Աշակերտներն ապացուցեցին, որ 25-ամյա Հայաստանի Հանրապետությունը հզոր է իր քաջ զավակներով, ովքեր իրենց հայրենասիրությամբ, գիտելիքներով, մտքի ու բազկի ուժով առավել կհզորացնեն մեր ազատ ու անկախ Հայաստանը: 
ՇՆՈՐՀԱՎՈ՛Ր ՏՈՆԴ, ՄԵՐ ՍՈՒՐԲ ՀԱՅՐԵՆԻՔ,
ԹՈՂ ԱՆԿԱԽՈՒԹՅՈՒՆԴ ՀԱՐԱՏև ԼԻՆԻ...

Դասղեկի ժամ` նվիրված Հայաստանի անկախության 25 ամյակին
3-րդ ‹‹ա›› դասարան, դասվար` Լ. Այվազյան 
 

Ազատություն երազեցինք,
Անկախություն պահանջեցինք 
Եվ կերտեցինք մենք հաղթական 
Ազատ,անկախ, Մա΄յր Հայաստան:
Սեպտեմբերի 20-ին 3-րդ ‹‹ա›› դասարանում կայացավ դասղեկի ժամ` ‹‹ԵՍ ԱՆԿԱԽ ՀԱՅԱՍՏԱՆԻ ԶԱՎԱԿՆ ԵՄ›› խորագրով;
‹‹Անկախ Հայաստանի զավակները ››` 3-րդ ‹‹ա›› դասարանի սովորողները, ամենայն պատասխանատվությամբ են կրում այդ ‹‹կոչումը›› և հայտարարում ի լուր աշխարհի, որ լինելու են հայրենիքի արժանի զավակ և պայքարելու են հայրենիքի բարեկեցության և խաղաղության համար:
Մա΄յր Հայաստան` ազատ, անկախ,
Դու մեր օրրան սրբազան, 
Խոսք ենք տալիս լինել պաշտպան 
Ու քաջ զինվոր քեզ արժան:

Միջոցառում <<Մեր քնարերգության Վահագնը>> խորագրով դասղեկ Արմինե Սահակյանի ղեկավարությամբ

2016 թվականի ապրիլի 4-ին հ. 45 դպրոցի 7բ դասարանի աշակերտները դասղեկ Արմինե Սահակյանի ղեկավարությամբ ներկայացրեցին գողտրիկ միջոցառում <<Մեր քնարերգության Վահագնը>> խորագրով` նվիրված Պետրոս Դուրյանին:Միջոցառման ընթացքում ներկաները կարծես տեղափոխվեցին դուրյանական աշխարհ: Աշակերտները հնչեցրին գեղեցիկ բանաստեղծություններ,գրողի պոետական իդեալը խորհրդանշող մտքերից.<<Երգե~լ, աղոթե~լ ու սիրե~լ>>:

2015-2016 ուստարվա մարտի 29-ին 7 «ա» դասարանում կերպարվեստի բաց դաս էր: Դասին ներկա էին բոլոր աշակերտները: Ասես հրաշքով տեղափոխվել էինք արվեստի կախարդական աշխարհ : Դասարանում թևածում էր դասական երաժշտությունը, որի ներքո սովորողները ստեղծագործում էին. նկարում էին բնության հրաշքները՝ ծաղիկներ, թռչունները, ծառեր: Երաժշտության կախարդական հնչյուններն ու երեխաների ձեռքով պատկերած նկարները մեծ տպավորություն թողեցին ներկաների վրա: 

Մարտի 15-ին 8 «ա » և 9 «ա» դասարանների սովորողները (ղեկավար՝ պատմության ուսուցչուհի Ս. Գևորգյան) դպրոցի հանդիսատեսի դատին ներկայացրեց հայի հայրենասիրական ոգու հզոր ուժի դրսևորման դրվագները ղարաբաղյան պատերազմի տարիներին, վերլուծելով ու վկայակոչելով այդ պատերազմում հաղթանակի գլխավոր պատճառը՝ հայրենասիրությունն ու անձնվերուրյունը: Միջոցառումը նվիրված էր սպարապետ Վազգեն Սարգսյանի ծննդյան տարելիցին ինչպես նաև հայոց բանակի 24- ամյակին և կրում էր «Արցախ՝ հաղթանակած հայոց բանակ» խորագիրը:

Մայրության և գեղեցկության տոնի առթիվ Երևանի հ. 45 հիմնական դպրոցի 2-րդ «գ» դասարանի աշակերտները դասվար Ա. Յազուլյանի ղեկավարությամբ ներկայացան գեղեցիկ հանդեսով: Միջոցառումն սկսվեց թիթեռնիկի և ծաղիկների անկրկնելի պարով՝ ազդարարելով գարնան գալուստը: Աշակերտները մեծ ոգևորությամբ բանաստեղծություններ և երգեր նվիրեցին սիրելի մայրիկներին, քույրերին, տատիկներին, ուսուցիչներին ու դպրոցի անձնակազմին: Երեխաները ներկայացրեցին տոնի առաջացման հետ կապված հետաքրքիր պատմությունը: Գարունն իր ողջ հմայքով պարուրել էր բոլորին: Աշակերտների անկեղծ ու ջերմ ժպիտները, գեղեցիկ ելույթները հուզեցին հանդիսատեսին: 

Тема открытого урока рассказ А.Митты ,,Шар в окошке». 
Цель моего урока научить учеников подробному пересказу рассказа, развить словарный запас учащихся, уметь правильно и грамотно отвечать на поставленный вопрос, формировать представления о дружбе как о важнейшей нрасвственной ценности. На уроке использовала слайды, таблицы , иллюстрации-загадки. 
После организационного момента по слайдам ознакомились с автором рассказа и разгадали загадку, спрятанную в конверте. 
Ученики прочитали и пересказали текст.
Ученики рассказали о своих друзьях,семье, товарищах, животных и книгах.
Сыграли словарную игру, проверили групповую работу, составили формулу дружбы. Затем ученики зачитали законы дружбы, обьяснили как они это понимают.
Вспомнили пословицы о дружбе, соединили части пословиц. 
Ученики рассказали интересные рассказы о дружбе человека и животных, посмотрели отрывок из фильма ,,Хатико”, спели песню о дружбе. 
Провели большую словарную работу, составили пятистише. Представили несколько сценок.
Прочитали стихи о дружбе, разыграли несколько ситуаций.Построили домик дружбы, используя накопленный словарный запас.
Ответы учеников были оценены.
На дом было задано ответить на вопросы анкеты.
Урок закончился песней.

Փետրվարի 2-ին Երևանի հ. 45դպրոցի VIII^Ա և VIII^Ա  դասարանների սովորողները ներկայացրին ՀՀ պետական խորհրդանիշներին նվիրված դաս:

          Դասը սկսվեց ՀՀ օրհներգի կատարմամբ՝  հոտնկայս, հայացքներն ուղղված դեպի  ՀՀ դրոշն ու զիանշանը: Դասի ընթացքում մեկնաբանվեցին «նշան»  և «խորհրդանշան» հասկացությունները, ապա անդրադարձան պետական խորհրդանիշերի գաղափարին: Նշեցին, որ դրանք խորհրդանշում են պետության քաղաքացիների վերաբերմունքն իրենց պետության հանդեպ՝  հարգանքը, նվիրվածությունը, հպարտությունը և այլն:Պետական խորհրդանիշներն արտացոլում են տվյալ պետության պատմությունը, ապագայի տեսլականը և  կարևորագույն արժեքները:

Դասն ավարտվեց «իմ Հայաստան» երգով:      

Միջոցառում՝ ‹‹Ամանորյա հքիաթ››, 1-ին ‹‹գ›› դասարան, դասվար՝ Ն. Ավետիսյան:

Դեկդեմբերի 25-ին դասարանը կարծես վեր էր ածվել ձմռան հեքիաթի, որին մասնակից էին հեքիաթի բազմաթիվ հերոսներ եվ կենդանիներ: Սաները մեծ ոգևորությամբ արտասանեցին երգեցին ու պարեցին ՝ դասարանը լցնելով մանկական խինդ ու ծիծաղով , թևածում էր տոնական բարձր տրամադրություն: Ամանորյա խորհրդավոր տրամադրությունը կրկնապատկվեց , երբ նվերներով հյուր եկան Ձմեռ պապն ու Ձյունանուշը, նրանք մթնոլորտը դարձրին էլ ավելի հեքիաթային:

Միջոցառում ՝ ‹‹  Ամանորյա խճանկար ››, 2-րդ ‹‹ ա›› դասարան, դասվար՝  Լ. Այվազյան

Դեկտեմբերի 25-ին  2-րդ  ‹‹ ա›› դասարանի սովորողները հանդիսատեսին ներկայացրեցին  ‹‹Ամանորյա խճանկար›› խորագիրը կրող միջոցառումը:Սովորողները բեմականացրեցին հեքիաթ աշխարհի տարբեր ծայրերից ‹‹ Սառցե թագավորությունում›› հանդիպած շատերին հայտնի ու անհայտ, սիրելի ու չբացահայտված հերոսների մասին, ովքեր հավաքվել էին հաշտ ու խաղաղ հրաժեշտ տալու հին տարուն և ողջունելու նորի գալուստը:

   Միջոցառումը համեմված էր երաժշտական ու պարային հետաքրքիր համարներով,երեխաներին հարազատ ձմեռային խաղերի դրվագներով:

Վերջում սովորողները մասնակցեցին խաղ-մրցույթների. հաղթողները պարգևատրվեցին,մասնակիցները ստացան խրախուսական ‹‹ մեդալներ›› :

Դեկտեմբերի 25-ին  2 ‹‹ ա›› դասարանի սովորողները հանդիսատեսին ներկայացրեցին ևս մեկ միջոցառում. այս անգամ ռուսաց լեզվով (այս միջոցառումը սովորողների համար  առաջինն էր ռուսաց լեզվով):Սովորողները ներկայացրեցին փոքրիկ բեմականացում  ‹‹Ձնեմարդու››  ու ‹‹Նապաստակի›› ընկերության մասին:Միջոցառման ընթացքում հնչեցին բանաստեղծություններ ու երգեր  ռուսաց լեզվով:

20.10.2015թ. հ.45հիմնական դպրոցում անցկացվել է ձեռքի գնդակի միջդասարանային առաջնություն 7-րդ դասարանների միջև.
7(բ) դասարանը գրավեց I տեղը:
7(գ) դասարանը գրավեց II տեղը:
7(ա) դասարանը գրավեց III տեղը:
Մրցումներն անցավ պատշաճ մակարդակով:
Մրցանակակիրները պարգևատրվեցին պատվոգրերով:

Հոկտեմբերի 15-ին, չնայած աշնանային մշուշոտ եղանակին, արևային տրամադրություն էր հ.45 հիմնական դպրոցի I գ դասարանում, դասվար` Ն.Ավետիսյան: Առաջին հանդիսություն, առաջին անհանգիստ թրթիռներ, Մաշտոցյան այբուբենի առաջին տառի շնորհանդես… Սաները պատվով կատարեցին իրենց հանձնարարված պատասխանատու առաջին փորձությունը` ժպիտ պարգևելով ներկաներին: