Հունվարի 18-ին Երևանի հ. 45 հիմնական դպրոցի VII ա դասարանում անցկացվեց բաց դաս " Ֆրանսերեն" առարկայից (ուսուցչուհի՝ Մ. Գալստյան)։ Դասի թեման "Les vêtements"։

Երեխաները ներկայացրին դասը, վերլուծեցին, խոնարհեցին բայերը imparfait, futur simple, plus que parfait ժամանակաձևերով և ներկայացրին տարբեր ազգերի հագուստները։

Դասը շատ հետաքրքիր և ուսանելի էր և հագեցած ուսուցման նոր մեթոդներով ու հնարներով:

Հունվարի 17-ին IV ա դասարանում (դասվար՝ Ա. Եղիազարյան կայացավ բաց դաս <<Մայրենի>>առարկայից: Թեման <<Ճպուռն ու մրջյունը>> առակն էր:Երեխաները ճանապարհորդություն կատարեցին <<Հայ ժողովրդական բանահյուսության թագավորությունում>>,դերային խաղով ներկայացրին առակը՝ հորինելով նոր վերջաբան, խորությամբ վերլուծեցին այն և կատարեցին եզրահանգում :

Դասը շատ հետաքրքիր էր, դինամիկ և ուսանելի, հագեցած էր ուսուցման նոր մեթոդներով և հնարներով:

Դեկտեմբերի 16-ին հ. 45 հիմնական դպրոցում անցկացվեց բաց դաս <<Գրականություն>> առարկայից՝ Նար -Դոսի << Ես և նա >>պատմվածքը թեմայով (ուսուցչուհի՝ Ս. Հարությունյան):Սովորողները հետաքրքրությամբ պատմեցին ջութակի մեծ վարպետ Ստրադիվարիուսի, Ն. Պագանինիի, աշխարհի ամենաքնքուշ երաժշտական գործիքի ՝ հրաշալի ջութակի մասին; Այնուհետև ջութակի մոգական հնչյունների ներքո ասմունքեցին: Դիտեցին տեսաֆիլմ՝ կենսագրությունը պատմող, մեկնաբանեցին գրական ծածկանունը, որը կապված է նարդոս ծաղկի հետ: Ներկայացրին հերոսների ճակատագրերը, նրանց սիրո պատմությունը: Սիրո թեման միշտ էլ արդիական է եղել, ալեկոծել հոգիներ, մեկնաբանվել յուրովի :

Դասն ուներ դաստիարակչական մեծ նշանակություն, քանի որ սովորողները հասկացան, որ երբեք չպետք է ծնկել կյանքի դժվարություններին հանդիպելիս, պետք է հաղթահարել բոլոր խոչընդոտները , քանի որ հաղթում են միայն ուժեղները, կյանքը անվերջանալի պայքար է…

Նոյեմբերի 18-ին կերպարվեստի և տեխնոլոգիայի ուսուցչուհի Ա. Սրվաստյանը 6ա դասարանում <<Կերպարվեստ>> առարկայից անցկացրեց <<Գունագեղ աշուն>> թեմայով բաց դաս։ Սովորողները աշնան մասին բանաստեղծություններ արտասանեցին, կարդացին շարադրություններ << Աշնան >> թեմայով: Գեղեցիկ երաժշտության ներքո սովորողները նկարեցին աշնանային կոմպոզիցիաներ և մեկը մյուսին շարունակելով` ավարտեցին ուսուցչուհու հարձնարարած նկարը:

Դասը հետաքրքիր էր, բազմաբովանդակ և ուսուցանող։

Նոյեմբերի 15-ին Երևանի հ. 45 հիմնական դպրոցի IV բ դասարանում անցկացվեց բաց դաս <<Մայրենի>>առարկայից(դասվար՝ Գ. Բաղդասարյան): Դասի թեման էր հայրենիք, հայրենասիրություն: Հիշատակվեց հ. 45 հիմնական դպրոցն ավարտած 44 օրյա պատերազմում անմահացած հերոսների մասին: Դասը շատ հետաքրքիր և ուսանելի էր:

Հայաստանը հրաշքների երկիր է… Եթե ինձ հարցնեն, թե մեր մոլորակի վրա որտեղ կարելի է տեսնել շատ հրաշքներ, ես կպատասխանեմ՝ առաջին հերթին Հայաստանում…

Նոյեմբերի 4-ին IV գ դասարանում (դասվար` Ն. Ավետիսյան) տեղի ունեցավ բաց դաս «Մայրենի» առարկայից՝ «Քիչ ենք, բայց հայ ենք» թեմայով: Դասի նպատակն էր սովորողների մեջ դաստիարակել սեր, հոգատարություն հայրենիքի նկատմամբ և հայրենիքը պահպանելու և պաշտպանելու ձգտում: Դասի վերջում աշակերտները եկան այն գիտակցության, որ իրենցից յուրաքանչյուրը մի մասն է Հայաստանի և հենց իրենք են Հայաստանի վաղվա օրը, ապագան կերտողները:Դասը դինամիկ էր, հետաքրքիր` լի նորարար շնչով ու արդիական մոտեցմամբ: