Մարտի 17-ին պատմության ուսուցչուհի Ա. Բաղդասարյանը VI ա դասարանում կազմակերպեց բաց դաս <<Հայոց պատմություն >>առարկայից: Դասի թեման էր <<Արշակունիների արքայատոհմի հաստատումը Հայաստանում>>:

Դասի ընթացքում սովորողները պատմեցին դրածո արքաների ժամանակաշրջանի մասին և բեմականացման միջոցով ներկայացրին Արշակունիների արքայատոհմի հաստատման ժամանակ տեղի ունեցած իրադարձությունները:

Սովորողները սահիկաշարի միջոցով պատմական էքսկուրս կատարեցին ՝ կապված առաջին դարի պատմական իրադարձությունների հետ:

Երեխաները ցուցադրեցին իրենց ձեռքով նկարած Գառնիի տաճարը և պատմեցին տաճարի մասին:

Դասի ընթացքում ուսուցչուհին կիրառեց ուսուցման տարբեր մեթոդներ և ՏՀՏ : Դասը հեգեցած էր, ուսանելի և բովանդակալից:

Երևան h. 45 հիմնական դպրոցի III ա դասարանում ( դասվար ՝ Ա. Եղիազարյան ) անցկացվեց բաց դաս <<Մաթեմատիկա >> առարկայից: Դասի թեման էր << Բազմանիշ թվերի կարդալը>>:Երեխաները շատ հետաքրքիր և ուսանելի ճանապարհորդություն կատարեցին թվերի զարմանահրաշ մոլորակում, կարողացան գրել և կարդալ բազմաթիվ բնական թվերը:

Փետրվարի 28-ին Երևանի հ. 45 հիմնական դպրոցի lll գ

դասարանում (դասվար` Ն. Ավետիսյան) անցկացվեց բաց դաս<<Մայրենի>>առարկայից : Դասի թեման էր <<Երկնքի բոլոր աստղերը ճանաչում էին նրան>>: Դասաժամի ընթացքում սովորողները բացահայտում էին տիեզերքի գաղտնիքները: Դասը հնարավորություն տվեց համախմբել երեխաների գիտելիքները Վիկտոր Համբարձումյանի, աստղազարդ երկնքի, Արեգակնային համակարգի, բնության, մեր մոլորակի մասին:Սովորողների մեջ սերմանվեց հայրենասիրության զգացում, հպարտություն իրենց հայրենիքի նկատմամբ: Դասը հագեցած էր, բովանդակալից, ուսուցողական և նպատակային:

Աշխատանքը մայրն է

ամեն բարիքի։

Այս կարգախոսն էր կրում IV Ա դասարանում դեկտեմբերի 14֊ին 《Մայրենի》 առարկայից դասվար Լ. Այվազյանի կազմակերպած բաց դասը։

Դասի թեման էր Համո Սահյանի 《Գետը》բանաստեղծությունը։ Դասի հիմքում ընկած էր բազմաբնույթ մտածողության տարրերի զուգակցումը՝ լեզվական, տրամաբանական֊մաթեմատիկական, մարմնաշարժողական, միջանձնային, արվեստագիտական, բնաճանաչողական, ստեղծագործական և այլն։

Դասի ընթացքում աշակերտները, իրականացնելով անհատական, խմբային աշխատանքներ, խաղալով ուսուցողական խաղեր, ցուցադրեցին թեմայի շրջանակներում ունեցած գիտելիքների հարուստ պաշարը, ձեռք բերեցին նոր գիտելիքներ, բացահայտեցին բանաստեղծությունն անգիր սովորելու նոր եղանակ, վերլուծեցին բանաստեղծության 《հերոսի》մարդկությանն ուղղած խորհուրդը և , վերծանելով գաղտնագիրը, եկան այն եզրակացության, որ, իսկապես, աշխատանքը մայրն է ամեն բարիքի։

Երևանի հ. 45 հիմնական դպրոցի IV գ դասարանում տեղի ունեցավ բաց դաս 《Մաթեմատիկա》առարկայից։

Դասի թեման 《Անհայտ բաժանարար գտնելը》։ Դասի նպատակն էր ամրապնդել անհայտ արտադրիչ գտնելը և խորացնել գիտելիքները։

Երեխաներն ակտիվ մասնակցություն ունեցան դասին։ Դասը անցավ հետաքրքիր և դինամիկ։

Երևանի h. 45 հիմնական դպրոցի VII ա դասարանում (ուսուցչուհի՝ Ա. Գոգորյան) անցկացվեց բաց դաս <<Հայոց եկեղեցու պատմություն>> առարկայից :Թեման էր << Քրիստոնեության հռչակումը որպես պետական կրոն>>:

Ուսուցչուհին ունկնդիրներին տեղափոխեց դեպի հոգևոր դաշտ և հետաքրքրաշարժ մեթոդների,խաղերի և ժամանակակից տեխնոլոգիայի օգնությամբ երեխաների մեջ ամրապնդեց ,թե ինչու՞ հայերը ընդունեցին քրիստոնեությունը,ի՞նչ տվեց և ինչպե՞ս համախմբեց ամբողջ հայ ազգին։

Դասը շատ հետաքրքիր և ուսուցանող էր: