«Ա» հնչյուն- տառի ուսուցում I բ դասարանում (դասվար` Գ. Բաղդասարյան): Գիտելիքների զարմանահրաշ աշխարհում <<Ա>> տառի մուտքը երեխաների համար վերածվեց հեքիաթային տոնի: Թոթովախոս փոքրիկներն իրենց երգով, դերային խաղով, գեղեցիկ ասմունքով, գիտելիքներով, անկեղծ ու բարի ժպիտներով հիացրեցին ներկաներին: Նախաայբբենական շրջանում ձեռք բերած գիտելիքների շնորհիվ հաղթահարեցին բազմաթիվ փորձություններ և <<Ա>> տառով մուտք գործեցին հայոց այբուբենի գանձարան: Դասը հագեցած էր, բազմաբովանդակ և ուսանելի:

Հոկտեմբերի 13-ին lա դասարանում կայացավ <<Ա>> տառի շնորհանդես-բաց դաս (դասվար՝ Ն. Ավետիսյան): Գիտության մոլորակում հայտնված մեր փոքրիկներն այսօր գտան այդ մոլորակի գրաճանաչության դուռը բացող կախարդական բանալին: Այսօրվանից սկսեցին իրենց ճամփորդությունը հայոց այբուբենի գաղտնարանով և խոնարհվելով մեծ ուսուցչի առջև, խոստացան սիրել լեզուն, լավ սովորել: Դասի ընթացքում աշակերտներն ակտիվորեն ցուցադրեցին նախաայբբենական շրջանում ստացած գիտելիքները: Հագեցած, բովանդակալից, ուսանելի և հետաքրքիր բացահայտումներով լի դաս էր:

Գրքերը մտքի նավերն են, որոնք ճանապարհորդում են ժամանակի ալիքների վրայով և տանում իրենց թանկարժեք բեռը սերնդե սերունդ։

Մայիսի 23- ին III գ դասարանի աշակերտները (դասվար Ա. Բաբասյան) ամփոփեցին « Ընթերցանությունը տարրական դպրոցում» ծրագրի շրջանակներում կազմակերպված « Հեքիաթների աշխարհում» նախագծային աշխատանքը ՝ ներկայացնելով բաց դասղեկի ժամ։ Դասի ընթացքում կիրառվեցին նորագույն մեթոդներ և հնարներ։ Աշխատանքն ինքնին հետաքրքրական էր նրանով, որ ակտիվ մասնակցություն էր դրսևորել նաև ծնողական կոլեկտիվը , և յուրաքանչյուր խումբ ինքն էր որոշել՝ ինչպես ներկայացնել հանձնարարված հեքիաթը։ Նպատակը մեկն էր՝ տալ հնարավորություն ինքնադրսևորվելու , ակտիվանալու, ինքնուրույնության զարգացման և ևս մեկ անգամ ընդգծելու ու արժևորելու ընթերցանության դերը մարդու կյանքում։ Դասը հագեցած էր, ուսանելի՝ տոգորված նորարար շնչով։

Բարեխիղճ աշխատանքի համար երեխաները պարգևատրվեցին շնորհակալագրով։ Միջավայրը ջերմ էր ու սրտառուչ։

Մայիսի 17-ին Երևանի հ. 45 հիմնական դպրոցի IV ա դասարանում տեղի ունեցավ բաց դաս «Ֆրանսերեն»առարկայից (ուսուցչուհի՝ Ք. Ռուսյան )։ Դասի թեման՝ «Տարվա չորս եղանակները»։

Բնությունը մեզ օժտել է բանականությամբ,որպեսզի մենք փորձենք ողջ կյանքի ընթացքում կռահել նրա հանելուկները :

Անանուն Հեղինակ

Մայիսի 2-ին II բ դասարանի աշակերտներն (դասվար` Ս. Բաղդադարյան) այցելեցին Բնության պետական թանգարան։

Էքսկուրսիան անցավ բավականին հետաքրքիր ու բովանդակալից։Աշակերտները ստացան նոր ու կարևոր տեղեկություններ կենդանական ու բուսական աշխարհի մասին։ Հարց ու պատասխանի միջոցով ամրակայեցին ստացած գիտելիքները։

Հեքիաթները խելոք են միշտ,

Թեկուզ խառն են՝ և՚ սուտ,և՛ճիշտ,

Սուտը խելքի մաղո՛վ մաղեք,

Ճշտից խրա՛տ ու խե՛լք քաղեք։

Ապրիլի 27- ին 3բ դասարանում ( դասվար Սարգսյան) կայացավ բաց դաս «Սուտլիկ որսկանը» թեմայով։ Դասը հագեցված էր հեքիաթային, երևակայական մոտեցումով,թիմային աշխատանքով,դերային խաղով։Միացյալ ուժերով կազմվեց գիրք «Իմ Թումանյանը»։Հիմք ընդունելով«Բարբառները մեր հարստությունն են» խորագիրը , թևածվեց տարբեր բարբառներով մտքեր՝ Արցախի, Գյումրու,Տավուշի,Կապանի, Սյունիքի, Մարտունու ....

Դասը ուսանելի էր և ճանաչողական։