Աջակցել, օգնել, ապրումակցել բոլոր նրանց, ովքեր դրա կարիքն ունեն, գիտակցել , որ ավելորդ մարդ չկա: Հոկտեմբերի 20-ին հայոց լեզվի և գրականության ուսուցչուհի Ա. Փարսադանյանի կողմից անցկացված բաց դասին այսպես ներկայացրին VII ա դասարանի սովորողները Դ. Դեմիրճյանի <<Ավելորդը>> պատմվածքը:

Հետո շատ ու շատ տառեր կգրեք,

Կգրեք բառեր,ինչու չէ գուցե նաև պոեմներ,

Սակայն դրանցից ոչ մեկը երբեք

Չի լինի այնքան թանկ,նվիրական,

Որքան ծուռ ու մուռ քո առաջին «Ա»-ն։

«Ա» հնչյուն տառի շնորհանդես I ա,բ դասարաններում( դասվարներ՝ Ռ. Տիգրանյան, Լ. Այվազյան)

Մայիսի 3-ին տեղի ունեցավ <<Բնագիտական առարկաների շքերթ>> խաղ- վիկտորինա: Վիկտորինային մասնակցում էին VII_VIII դասարանի սովորողները: Տրամաբանական և ինտելեկտուալ հարցերն ընդմիջվեցին երաժշտական համարներով: Վիկտորինայի ժամանակ ակտիվ մասնակցություն ցուցաբերած թիմերը պարգևատրվեցին պատվոգրերով:

Երևանի հ. 45 հիմնական դպրոցի VII ա դասարանը << Գրականություն>> առարկայից անցկացրեց բաց դաս՝ <<Համո Սահյանի բնության և հայրենասիրական երգերը>> թեմայով (ուսուցիչ՝ Ս. Հարությունյան): Երեխաները պատմեցին հուշեր, կարդացին ասույթներ բանաստեղծի մասին: Երևաց Հայստանը՝ քարերից կերտված,չքնաղ բնությամբ: Աշակերտները մեղմ երաժշտության ներքո ասմունքեցին , կատարեցին Սահյանի պատգամը՝ նրան բացակա չդրեցին:

Երևան h. 45 հիմնական դպրոցի IV բ դասարանում ( դասվար ՝ Ռ. Տիգրանյան ) անցկացվեց բաց դաս <<Մայրենի>> առարկայից: Դասի թեման էր << Մեր զարմանահրաշ մոլորակը>>: Երեխաները շատ հետաքրքիր և ուսանելի ճանապարհորդություն կատարեցին և ներկայացրին մեր զարմանահրաշ մոլորակը:

Դասը շատ հետաքրքիր և ուսուցանող էր:

Մարտի 18-ին Երևանի h. 45 հիմնական դպրոցի V գ դասարանում (ուսուցիչ՝ Ռ. Հատիմոսյան) անցկացվեց բաց դաս <<Մայրենի >> առարկայից : Դասին ամփոփեցին <<Երգ և տաղ>> բաժինը: Դասի ընթացքում աշակերտները ներկայացրեցին բանաստեղծություններ , կատարեցին տարաբնույթ բառային աշխատանքներ,ցուցադրեցին իրենց նկարները :

Դասը հագեցած էր, բովանդակալից, ուսուցողական և նպատակային: