Հ. 45 դպրոցի V բ դասարանում տեղի ունեցավ բաց դաս <<Ռուսերեն >> առարկայից թեման՝ <<Օլիմպիադական խաղեր>>: Դասի նպատակն էր ամրապնդել և զարգացնել բառապաշարը տվյալ թեմայի վերաբերյալ:

Աշակերտները պատմեցին օլիմպիադական խաղերի ծնունդի , խորհրդանիշի, կարգախոսի և նշանակության մասին: Անցկացվեց բառային աշխատանք , երկխոսության միջոցով ներկայացրեցին սպորտաձևերի մասին: Պատմեցին հայ և ճանաչված սպորտսմենների հաղթանակների մասին:

Հունիսի 4-ին հ. 45 հիմնական դպրոցում IV բ դասարանում (ուսուցիչ՝ Գ. Բաղրամյան) անցկացվեց բաց դաս ‹‹Մաթեմատիկա››առարկայից, դասի թեման էր ‹‹Կոտորակներ››: Նպատակն էր ամրապնդել ու խորացնել գիտելիքները կոտորակների մասին :

Աշակերտները ցույց տվեցին իրենց բանիմացությունը կոտորակների ծագման , գործածության , կիրառման վերաբերյալ: Իրենց կազմած խնդիրներ լուծեցին , քննարկեցին ,կատարեցին տարբեր առաջադրանքներ, ինչպես նաև բանավոր հարցումների միջոցով ամրապնդվեցին գիտելիքները տեսական նյութի շուրջ: Դասը շատ հետաքրքիր էր և ուսուցանող:

Երևանի հ.45 հիմնակնա դպրոցի VI ա դասարանում <<Մայրենի>>առարկայից անցկացվեց բաց դաս՝ <<Մ.Գալշոյանի <<Կռունկ>> պատմվածքը>> թեմայով (ուսուցիչ՝ Ս. Հարությունյան): Սովորողները մեծ ոգևորությամբ պատմեցին մեծն Կոմիտասի կենսագրությունը՝ ընդմիջելով գեղեցիկ ասմունքով:Կատարեցին քարտային աշխատանք: Կոմիտասի աստվածային ձայնով հնչեց բոլորիս գերող պանդուխտի տխուր երգը՝ <<Կռունկ>>-ը: Երեխաները եղել էին թանգարանում և պատմեցին իրենց տպավորությունների մասին: Սովորողները հասկացան , որ Կոմիտասը մեր հայ երգի Մեսրոպ Մաշտոցն է: Դասն ուներ դաստիարակչական մեծ նշանակություն: Այն ավարտվեց <<Կաքավիկ>> երգերով:

Չկա ավելի հզոր ուժ, քան գիտելիքը։

Գիտելիքով զինված մարդն անպարտելի է։

Մ. ԳՈՐԿԻ

III 《Ա》դասարանում ( ուսուցչուհի՝ Լ. Այվազյան) կազմակերպվեց բաց դաս՝ 《Մաթեմատիկա》առարկայից։ Դասի թեման էր՝ 《 Բազմանիշ թվերի համեմատումը քայլաշարով》։

Դասի ընթացքում , աշակերտներն իրենց գիտելիքների շնորհիվ հաղթահարելով

բազում 《 դժվարություններ》,

կատարեցին բարեգործություն՝ օգնեցին բժիշկ Այբոլիտին հասնել Աֆրիկա և բուժել հիվանդ կենդանիներին։

Դասը հագեցած էր խաղային տեխնոլոգիաներով, ազգային և ֆինանսական կրթության տարրերով։

Աշակերտները եկան այն եզրակացությանը, որ գիտելիքի շնորհիվ մարդն ուժեղ է և անպարտ. ուստի պետք է լավ սովորել, արժևորել դպրոցում անցկացրած յուրաքանչյուր ակնթարթը։

Մարտի 12-ին VIII ա դասարանում (ուսուցչուհի՝ Ա. Բաղդասարյան) տեղի ունեցավ բաց դաս <<Հայոց պատմություն>> առարկայից:

Դասի թեման էր << 1877-1878թթ. ռուս- թուրքական պատերազմը և Հայկական հարցի միջազգայնացումը >> : Դասի ընթացքում սովորողները անդրադարձան պատերազմի ընթացքին , պատերազմում հայ գեներալների ունեցած մասնակցությանն ու Հայկական հարցի միջազգայնացմանը, Մկրտիչ Խրիմյանի գործունեությանը: Շեշտադրում կատարվեց Հայկական հարցի միջազգայնացմանն ու արևմտահայերի կյանքում դրա թողած ծանր հետևանքներին : Դասի ընթացքում օգտագործվեցին դիդակտիկ նյութեր, սահիկաշար, կիրառվեցին տարբեր մեթոդներ և հնարներ: Վերջում ցուցադրվեց տեսանյութ՝ նվիրված Խրիմյան Հայրիկին: Ապահովվեց միջառարկայական կապը: Դասը ուներ հայրենասիրական դաստիարակչական մեծ նշանակություն:

Երևանի հ. 45 հիմնական դպրոցի IX ա դասարանում (ուսուցիչ՝ Ա. Գրիգորյան)տեղի ունեցավ բաց դաս <<Ֆիզկուլտուրա>> առարկայից : Դասի թեման էր << Վնասակար սովորություններ>>: Երեխաները խոսեցին վնասակար սովորությունների (ալկոհոլ , ծխախոտ, թմրամոլություն ) և դրանց կանխարգելման մասին: Սովորողները եկան այն եզրահանգման ,որ առողջ ու կենսունակ լինելու համար կարևոր է լինել տեղեկացված, զարգացնել կամքի ուժ, սիրել սեփական օրգանիզմը, գոհանալ կյանքի պարգևած հաճելի պահերով:Դասը հետաքրքիր էր , բովանդակալից ու ուսուցանող: