Մարտի 12-ին VIII ա դասարանում (ուսուցչուհի՝ Ա. Բաղդասարյան) տեղի ունեցավ բաց դաս <<Հայոց պատմություն>> առարկայից:

Դասի թեման էր << 1877-1878թթ. ռուս- թուրքական պատերազմը և Հայկական հարցի միջազգայնացումը >> : Դասի ընթացքում սովորողները անդրադարձան պատերազմի ընթացքին , պատերազմում հայ գեներալների ունեցած մասնակցությանն ու Հայկական հարցի միջազգայնացմանը, Մկրտիչ Խրիմյանի գործունեությանը: Շեշտադրում կատարվեց Հայկական հարցի միջազգայնացմանն ու արևմտահայերի կյանքում դրա թողած ծանր հետևանքներին : Դասի ընթացքում օգտագործվեցին դիդակտիկ նյութեր, սահիկաշար, կիրառվեցին տարբեր մեթոդներ և հնարներ: Վերջում ցուցադրվեց տեսանյութ՝ նվիրված Խրիմյան Հայրիկին: Ապահովվեց միջառարկայական կապը: Դասը ուներ հայրենասիրական դաստիարակչական մեծ նշանակություն:

Երևանի հ. 45 հիմնական դպրոցի IX ա դասարանում (ուսուցիչ՝ Ա. Գրիգորյան)տեղի ունեցավ բաց դաս <<Ֆիզկուլտուրա>> առարկայից : Դասի թեման էր << Վնասակար սովորություններ>>: Երեխաները խոսեցին վնասակար սովորությունների (ալկոհոլ , ծխախոտ, թմրամոլություն ) և դրանց կանխարգելման մասին: Սովորողները եկան այն եզրահանգման ,որ առողջ ու կենսունակ լինելու համար կարևոր է լինել տեղեկացված, զարգացնել կամքի ուժ, սիրել սեփական օրգանիզմը, գոհանալ կյանքի պարգևած հաճելի պահերով:Դասը հետաքրքիր էր , բովանդակալից ու ուսուցանող:

Նոյեմբերի 20-ին տեղի ունեցավ հեռավար բաց դաս VII ա դասարանում "Հայոց լեզու" առարկայից (ուսուցչուհի Մ. Եղիազարյան)։

2020 թվականի փետրվարի 19-ին Երևանի հ. 45 հիմնական դպրոցի պատմության ուսուցչուհի Արմինե Բաղդասարյանի և մենթոր Ա. Մալոյանի համատեղ ջանքերով 8 ա դասարանում կազմակերպվեց բաց դաս <<Ազատագրական շարժումների ծավալումը XX դարի սկզբին>> թեմայով` <<Հայոց պատմություն>> առարկայից: Դասն ընթացավ << Ուսուցման կենտրոնների տեղափոխման մոդել>>հնարով , որի ընթացքում կազմակերպվեց խմբային աշխատանք: Դասի ընթացքում նկատվեց սովորողների խորը գիտելիքները, հմտություններն ու կարողությունները: Ողջ դասի ընթաացքում սովորողները մեծ պատասխանատվությամբ կատարեցին առաջադրված աշխատանքները : Դասը բովանդակալից էր , ուսուցանող, ուներ դաստիարակչական մեծ նշանակություն:

<<Պետք է կարդալ, միշտ կարդալ, ամեն մի կարդալը մի բան է տալիս ու աննկատելի կերպով ամբարվում, բան դառնում>>:
Հ․ Թումանյան
Ամենայն հայոց բանաստեղծ Հովհաննես Թումանյանի ծննդյան օրը` փետրվարի 19-ը, վերջին տարիներին Հայաստանում նշվում է որպես Գիրք նվիրելու օր:Այդ օրը տոն է բոլոր գրքասերների, գրականություն սիրողների և տոնական էր նաև հ. 45 հիմնական դպրոցի սաների համար:
Ամեն մի դասարան յուրովի էր պատրաստվել տոնին ու մեկը մյուսին պատգամելով գրքի կարևորությունը՝ միմյանց հանձնեցին գրքեր։ Իրենց նվերներն էլ ամբողջացրին գեղեցիկ ու տպավորիչ ելույթներով` թումանյանական շնչով ու ոգո: Թումանյանական շունչը զգացվում էր ամենուր:

Սույն թվականի ապրիլի 10-ին հ. 45 հիմնական դպրոցի VII ա դասարանում անցկացվեց բաց դաս հայ գրականությունից ( ուսուցչուհի` Ս. Հարությունյան): Բաց դասի թեման էր «Համո Սահյանի կյանքն ու ստեղծագործությունը»(ամփոփիչ դասաժամ)` նվիրված ծննդյան 104-ամյակին: Դասի նպատակն էր սովորողներին հաղորդակից դարձնել մեծանուն գրողի բանաստեղծություններին,գրողի գործերի միջոցով սերմանել հայրենասիրություն, մարդասիրություն, բարություն և աշխատասիրություն: Սովորողները տեսաֆիլմի օգնությամբ «գնացին» Լոր գյուղ, հիացան բնության գեղեցկությամբ , տեսան նրա տուն-թանգարանը, լսեցին Սահյանի կենդանի ձայնը: Երաժշտության ուղեկցությամբ ասմունքեցին իրենց նախընտրած ստեղծագործությունները: Դասը ավարտվեց հայրենիքի նկատմամբ մեծ սիրո և կարոտի մասին պատմող «Նաիրյան դալար բարդի» երգով: