Ողջունում ենք ՀՀ կրթության, գիտության, մշակույթի և սպորտի նախարարության վերջին նախաձեռնությունը՝ կապված հանրակրթական դպրոցներում հեռավար ուսուցում կազմակերպելու հետ։ Տեղեկացնում ենք, որ առաջնորդվելով կորոնավիրուսի տարածումը կանխարգելու և մեր սաների կյանքի և առողջության համար անվտանգություն ապահովելու մտահոգությամբ հ․ 45 հիմնական դպրոցի մանկավարժները պատրաստ են հարմարեցնելու մեթոդաբանությունը առցանց ուսուցման՝ օգտագործելով հեռավար ուսուցման ծրագրեր ու գործիքներ և փորձելու են տարբեր ծրագրերով ու մեթոդներով կազմակերպել հեռավար ուսուցում՝ դասընթացները տեղափոխելով առցանց հարթակ:
Առցանց ուսուցումը կազմակերպելու համար հիմնականում օգտագործելու են Viber, Skype, Facebook.com հարթակներն ու ծրագրերը։
Տնօրինությունը նույնպես պարբերաբար կազմակերպում է առցանց հանդիպումներ՝ հստակեցնելու առաջիկա անելիքները։

Հունվարի 22-ին Կրթական քաղաքացիական նախաձեռնության անդամներ Լուսինե Խառատյան և Միշա Թադևոսյանը հյուրընկալվել էին Երևանի հ. 45 հիմնական դպրոց` Աշակերտական խորհրդի նախաձեռնությամբ-հրավերով: Բանախոսները "Մասնակցության" թեմայով քննարկում-դասընթաց անցկացրեցին դպրոցի 6-9րդ դասարանցիների համար։ Հանդիպման ընթացքում ինտերակտիվ և մասնակցային ժամանակակից կրթական մեթոդների և տեխնոլոգիաների կիրառմամբ մասնակիցները հնարավորություն ունեցան քննարկելու ուսումնական և արտաուսումնական գործընթացներում աշակերտների մասնակցության կարևորությանը, մասնակցության դրսևորումները, ինչպես նաև գործնական խաղերի միջոցով վեր հանելու դպրոցում առկա խնդիրների պարագայում աշակերտական մասնակցության պրակտիկաներ:

Դեկտեմբերի 5-ին Սպիտակի երկրաշարժի 31-րդ տարեդարձին նվիրված անցկացվեց սեմինար պարապմունք << Պատրաստվածություն ուժեղ երկրաշարժերին>> թեմայով: Կատարվեց տարհանում , որին մասնակցեցին դպրոցի ուսուցչական և աշակերտական կազմը:

Հ. 45 հիմնական դպրոցի IV գ դասրանի աշակերտները (դասվար` Ն. Բաղդասարյան) այցելեցին Սարդարապատ : Էքսկուրսիայի նպատակն էր երեխաներին ծանոթացնել Սարդարապատի պատմությանը և հաղորդակից դարձնել հայ ժողովրդի մշակույթին: Երեխաները ծանոթացան հուշահամալիրի ստեղծման պատմությանը և իմացան ճակատամարտի դերն ու նշանակությունը հայ ազգի համար: Այցելեցին նաև Զվարթնոց տաճարը և ծանոթացան տաճարի պատմությանը: Էքսկուրսիան ուներ հայրենասիրական, գեղագիտական, դաստիարակչական մեծ նշանակություն:

Նոյեմբերի 10-ին հ. 45 հիմնական դպրոցի IVգ դասարանի աշակերտները դասղեկ Ն. Բաղդասրյանի գլխավորությամբ այցելեցին Խոր Վիրապ: Էքսկուրսիայի նպատակն էր երեխաներին ծանոթացնել Խոր Վիրապի պատմությանը և հաղորդակից դարձնել հայ ժողովրդի մշակույթին, հարգանք սերմանել մեր հոգևոր և նյութական մշակութային արժեքների նկատմամբ: Սովորողները ծանոթացան մշակույթի մեծագույն արժեքներ ներկայացնեղ եկեղեցու պատմությանը, ճարտարապետությանը, հիացան Արարատ լեռան շքեղ տեսքով և վայելեցին գունագեղ աշունը:Էքսկուրսիան բազմաբովանդակ էր և ուսուցանող:

2019թ. նոյեմբերի 10-ին IX բ դասարանի սովորողները դասղեկ Ա. Փարսադանյանի և ծնողների հետ կազմակերպեցին էքսկուրսիա Գառնի հեթանոսական տաճար և Գեղարդ վանական համալիր: Ճանապարհին կանգ առան Չարենցի կամարի մոտ: Սովորողներին ուղեկցում էր << Plantastik Tour>> տուրիստական կազմակերպության էքսկուրսավարը, ով հետաքրքիր տեղեկություններ հաղորդեց Չարենցի կամարի ,Գառնի տաճարի, խաչքարերի և Գեղարդի համալիրի մասին: Սովորողներն ուշադիր լսում էին, ապա պատասխանում էքսկուրսավարի ամփոփիչ հարցերին: Ետ վերադառնալու ճանապարհին աշակերտները հանգստյան գոտիներից մեկում վայելեցին հրաշալի և գունագեղ աշունը: Էքսկուրսիան բազմաբովանդակ էր և ուսուցանող: