Դասը սկսվեց գրողի` Վ. Կատաևի կյանքի և ստեղծագործական գործունեության ներկայացմամբ, որից հետո սովորողները անդրադարձան Հեքիաթի ժանրի առանձնահատկություններին և լրացրեցին հեքիաթի բնորոշ գծերը ներկայացնող աղյուսակը:

 Երեխաները սկզբում հակիրճ պատմեցին «Цветик-семицветик» հեքիաթը, հետո ամբողջ դասարանով  պատրաստեցին կախարդական ծաղիկն ու հեքիաթի հերոսների հետ կիրառեցին  դրանց կախարդական ուժը տարբեր նպատակներով ու լրացրին  աղյուսակը: Վերջում երեխաները գնահատեցին հերսուհու վարքը տարբեր իրադրություններում և կատարեցին կարևոր եզրահանգումներ: Դասը հարուստ էր երևակայական ու գործնական դերային խաղով. երեխաները կպցրեցին կոտրված  ծաղկամանը, իսկ հյուսիսային բևեռում հայտնվելով ներկայացրեցին բևեռային միջավայրը և գլոբուսի վրա ցույց տվեցին այն:Գնդակով խաղալիս ամրապնդեցին հոմանիշներն ու հականիշները:  Վերջում դիտեցին հատված համանուն  մուլտ ֆիլմից :

  2014 թվականի մարտի 3ին Երևանի հ45 հիմնական դպրոցում տեղի ունեցավ ՔՊ օրվան նվիրված միջոցառում «Անձնակազմի տարհանումը երկրաշարժի ժամանակ» վարժանքը« Այն սկսվեց ՔՊ պետի կողմից համաձայն նախապես հաստատված պլան ժամանակացույցի: Ժամը 14:00 տրվեց ահազանգ և դպրոցի անձնակազմը սկսեց դուրս գալ դպրոցից և տեղափոխվել առավել անվտանգ գոտի: Տարհանումը տրեց 2 րոպե:ՔՊ շտաբի պետի կողմից հետախուզական խմբին տրվեց հրահանգ հետախուզել դպրոցի մասնաշենքերը տուժածներին դուրս բերելու և առաջին բուժօգնություն ցույց տալու համար:Հետախուզական խումբը , հրշեջփրկարարական խումբը և սանիտարական խումբը դուրս բերեցին վիրավորներին և տուժածներին:Վիրավորների և տուժածների տարհանումից հետո տարհանման ընդհանուր ժամանակը կազմեց 5 րոպե:Դպրոցի բուժանձնակազմը ձեռքի տակ եղած միջոցով տուժածներին ցույց տրվեց առաջին բուժօգնություն:

Վարժանքի ավարտից հետո կատարվեց արդյունքների ամփոփում:

Երևանի հ 45 հիմնական դպրոցի ՔՊ պետ` Մ. Փաշայան

ՔՊ շտաբի պետ`Ա.Առաքելյան

Փետրվարի 26-ին (II դասաժամ) IV ^Ա  դասարանում կազմակերպվեց  բաց դաս`«Մայրենի» առարկայից, դասվար` Այվազյանի ղեկավարությամբ:  Դասի թեման «Յոթ սարից, յոթ ձորից այն կողմ» թեմայի ամփոփումն էր:

Դասի ընթացքում երեխաներն անրադարձան ժողովրդական բանահյուսության տեսակների պարզաբանմանը: Արտահայտեցին տարբեր կարծիքներ հեքիաթի մասին, խոսեցին հեքիաթի ծագման մասին:Անցում կատարվեց  «Յոթ սարից, յոթ ձորից այն կողմ» վահանակին, որի օգնությամբ աշակերտները ներկայացրին բաժնում ընդգրկված ստեղծագործությունները: Կատարվեցին զույգային և խմբային աշխատանքներ, խաչբառի լուծում: Կշռադատման փուլում երեխաները կատարեցին դատողություններ` ի՞նչ գիտեին,  ի՞նչ  զգացին,  ի՞նչ սովորեցին հեքիաթներից: Դասի ընթացքում երեխաները ցուցաբերեցին ակտիվություն և հետաքրքրություն թեմայի շուրջ: 

Հայաստանյան մեղմ ու շոյող աշունն իր ուկեհանդերձ ժպիտով հայտնվել էր հ.45 հիմնական դպրոցի հանդիսությունների դահլիճի հյուրընկալ կամարների տակ:

II^Գ դասարանի աշակերտները (դասվար` Արմինե Բաբասյան)  երաժշտական գողտրիկ հեքիաթ ներկայացրին աշնանային ոսկեհեր անտառի, այգիների հարուստ բերք ու բարիքի, Աշուն տատիկի անսպառ բարության և առատաձեռնության մասին: Միջավայրը լի էր տերյանական քնքուշ ու նուրբ շնչով, Վիվալդիի և այլոց աշնանային մելամաղձոտ երաժշտության կախարդական հնչյուններով: Միջոցառւմը հաջողված էր և ուսանելի:

                                                                                       28.11.2013

Դասի նպատակն էր.  արվեստի միջոցով  սովողների մեջ ձևավորել վերաբերմունք մայրության արժեքների վերաբերյալ:  Դաստիարակել ուշադրություն, հարգանք, հոգատարություն: Զարգացնել նրանց մոտ ներքին լսողության և տեսողության զգայարանները:

Դասի խնդիրներն էր ներկայացնել Ռաֆայել Սանտիին որպես Վերածննդի դարաշրջանի մեծագույն նկարչի: Սերմանել ճաշակ դեպի բարձրարժեք ստեղծագործությունը, դեպի գեղանկարչությունն ու երաժշտությունը: 

Դասի ընթացքում սովորողները ուսուցչի օգնությամբ քննարկեցին և վերլուծեցին Ռ. Սանտիի <<Սիքստինյան Աստվածամայր>> նկարի բովանդակությունը և նկարչի կատարման տեխնիկան: Անրադարձան <<Մայր>> հասկացությանը որպես՝կյանքի խորհրդանիշի, սրբության, հավերժություն, ջերմության, սիրո: Աշակերտներն արտասանեցին բանաստեղծություններ նվիրված մայրիկին, պատմեցին պատմություններ կենդանական աշխարհից: Դիտեցին փոքրիկ ֆիլմ մայրիկին կորցրած արջուկի մասին:

Դասը սովորողներն տվեց 

1. գաղափար վերածննի դարաշրջանի մեծ նկարիչների ստեղծագործությունների, նրանց կյանքի ու գործունեության մասին, ծանոթացան  Շուբերտի <<Ավե Մարիա>> ստեղծագործությանը:
2. ստեղծագործության մեջ հեղինակի կողմից ներդրված գաղափարներն ու սիմվոլները, զգացմուները , տրամադրությունը և գունային ներդաշնակությունը ինքնուրույն վերլուծելու կարողություն:

Դասը սկսվեց  «азбука» և «алфавит» բառերի ծագումնաբանության և նշանակության բացատրությամբ, սովորողները  տվեցին  ռուսաց լեզվի  այբբուբենի կառուցվածքային առանձնահատկության մեկնաբանությունը: Ռուսերեն «алфавит» -ը համեմատեցին  հայերեն, ֆրանսերեն, անգլերեն այբբունների հետ: Այնուհետև  ուսուցչուհին երեխաներին սալիկահանդեսի ցուցադրման ուղեկցությամբ սովորողներին ներկայացրեց սլավոնական այբբուբենի հեղինակ` Կիրիլը և Մեֆոտիյը, հակիրճ պատմեց նրաց կենսագրությունը:

Ֆիզկուլտ դադարից հետո  սովորողները կատարեցին մի քանի առաջադրանք.

1.     1. Լրացրեցին բաց թողնված տառերը  В_рона, л_жка, в_ногр_ад, тр_вка, кн_га, ст_л, шк_ла, цв_ток  բառերում և դրանցով կազմեցին նախադասություններ:

2.      2. {C}Պատասխանեցին տառերի դիրքային տեղորոշմանը վերաբերվող ուսուցչի հարցերին:

3.      3.{C}Տրված բառերը դասավորեցին ըստ այբբենական կարգի:

Դասի ամենահետաքրքիր մասն էր կազմում երեխաների հորինած հեքիաթները, որոնց հերոսները տառերն էին, ինչպես նաև այդ հեքիաթների գունային հետաքրքիր լուծումներ գտած նկարչական ներկայացումները: Որից հետո դիտեցին «победа« պատմության հիման վրա ուսուցչի պատրաստած սալիկահանդեսը:

Դասը հագեցած էր դիդակտիկ նյութերով, ՏՀՏ-ի կիրառությամբ, ուսանելի էր:

Նոյեմբերի 26-ին Մայր Աթոռ Սուրբ Էջմիածնում  Ն. Ս. Օ. Տ. Տ. Գարեգին Բ ծայրագույն Պատրիարք և Ամենայն Հայոց Կաթողիկոսի օրհնությամբ տեղի ունեցավ «Լավագույն ուսուցիչ» մրցույթի 2013 թվականի հաղթողների մրցանակաբաշխության հանդիսությունը:

  «Լավագույն ուսուցիչ» ամենամյա մրցույթը Մայր Աթոռ Սբ. Էջմիածնի և ՀՀ կրթության գիտության նախարարության համագործակցության շրջանակ- ներում իրականացվում է արդեն 10 տարի: Մրցույթի մասնակից. հ.45 հիմնական դպրոցի հայոց լեզվի և գրականության ուսուցչուհի Սեդա Հարությունյանը հաղթահարել է վերոհիշյալ մրցույթի բոլոր փուլերը, քաղաքային փոիլում գրավել I տեղը: Սեդա Հարությունյանը արժանացել է պատվոգրի և դրամական պարգևի:     

Նոյեմբերի 20-ին դպրոցի դահլիճում տեղի ունեցավ <<Պոեզիան երգի թևերով>> խորագիրը կրող միջոցառումը: Vբ  դասարանի աշակերտները դասղեկ Արմինե Սահակյանի ղեկավարությամբ ներկայացրեցին հայրենասիրական, մայրենի լեզվի, բնության, մոր և հավերժական այլ թեմաներով գրված բանաստեղծություն ներ, որոնք կարծես թևեր առան և երգի միջոցով մտան հանդեսատեսի սրտերը:Աշակերտների շուրթերց հնչեցին <<Հայ զինվոր>>,<<Ես լսեցի մի անուշ ձայն>>, << Մայրենի լեզու>>,<< Անձրև եկավ>> երգերը: Նշվեց ,որ երգը եղել է մարդու կյանքի անբաժանելի մասնիկ, որ այն ուղեկցում է մարդկանց թե ուրախության և թե տխրության պահերին, և երգն ու երաժշտությունն են միջնորդ մարդու հոգեկան  ու զգայական  կյանքի միջև:

 Երևանի հ.45  հիմնական դպրոցի  աշակերտական կոմիտեյի  աշխատակազմը

(2014-15 ուտարի)

Աշակերտական խորհրդի կազմը.

Աշակերտական խորհրդի նածագահ – Անժելա Հարությունյան

Աշակերտական խորհրդի փոխնախագահ – Մարիա Չիչոյան

Աշակերտական խորհրդի քարտուղար – Զինաիդա Իրիցյան

Տեղեկատվական հանձնախումբ                                         Ուսումնադաստիարակչական հանձնախումբ

Ղեկավար – Անուշ Հովհաննիսյան (VII^Ա)                          Ղեկավար  - Լուսինե Հատիմոսյան (VI^Ա)

Անդամներ 1. Սիլվա Հովհաննիսյան (IX^Ա)                        Անդամներ 1. Մարիամ Խուրշուդյան (VII^Բ)

                   2. Մերի Թադևոսյան (IX^Ա)                                                  2. Շողիկ Ղարագյոզյան (VII^Բ)

                   3. Մերի Մարտիրոսյան  (IX^Ա)                                             3. Մհեր Հարությունյան (VI^Բ)

                   4. Ռազմիկ Հակոբյան (IX^Ա)                                                 4. Աննա Ղարիբյան (VII^Բ)

                   (լրագրող խմբագիր)

Մշակութային հանձնախումբ                                             Բնապահպանական հանձնախումբ

Ղեկավար  - Արմենուհի Ավդալյան(VIII^Ա)                                    Ղեկավար – Լիլիթ Սեդրակյան(VI^Ա)

Անդամներ 1. Սոնա Մակարյան(VIII^Ա)                                         Անդամներ 1. Անի Մանուկյան(VII^Ա)

                   2. Մարիամ Սարգսյան(VIII^Ա)                                                     2. Թերեզա Միրզոյան(VII^Ա)

                   3. Մարիա Ղազարյան(VII^Ա)                                                        3. Էդմոն Ղազարյան(VI^Ա)

                   4. Նարեկ Բալդրյան(VII^Ա)                                                            4. Էրիկ Արշակյան(VI^Ա)

                   5. Էլեն Հովհաննիսյան(VII^Ա)                                                        5. Ռուզաննա Հայրապետյան(VI^Ա)

                   6. Օվսաննա Սուքիասյան(VII^Ա)

Կարգապահական հանձնախումբ                                      Սպորտի և ռազմամարզական հանձնախումբ

Ղեկավար – Սարգիս Հակոբյան(VI^Ա)                                 Ղեկավար  - Վազգեն Մխիթարյան(VII^Բ)

Անդամներ 1. Շուշանիկ Հովսեփյան(VI^Ա)                          Անդամներ 1. Գոռ Մկրտչյան(VIII^Բ)

                   2. Մերի Թեմեջիկյան(VI^Ա)                                                   2. Անդրանիկ Զարգարյան(VII^Բ)

                   3. Գայանե Մխիթարյան(IX^Ա)                                              3. Դավիթ Մելքոնյան(VI^Գ)

                   4. Նինա Բաբախանյան(IX^Ա)                                               4. Արթուր Վարդանյան(VI^Գ)

                                                                                                                 5. Սամվել Վարդանյան(VII^Ա)

Սոցիալ – առողջապահական հանձնախումբ

Ղեկավար  - Թամարա Մարտիրոսյան(VI^Գ)

Անդամներ 1. Լիանա Ասատրյան(VII^Բ)

                   2. Էլիզա Միրզոյան(VI^Գ)

                   3. Լիլիթ Սաքոյան(VI^Գ)

                   4. Միլենա Բաղդասարյան(VI^Գ)

                   5. Մանե Օհանյան(VI^Գ)

                   6. Մոնիկա Հակոբայն(VIII^Բ)

Երևանի հ.45 հիմնական դպրոցի VIII^Ա  դասարանի սովորողները 2013թ. հունիսի 2-ին Մասնակցել են Երևան քաղաքի Պատմության թանգարանում կազմակերպված <<Ճանաչիր Երևանը>> խորագիրը կրող Խաղ-էքսկուսիային և ստացել են շնորհակալագիր:  

IV^Ա դասարանի  սովորողները (դասվար` Հ. Վարդումյան) հանդես եկան  <<Հայկյաններ>> խորագիրը կրող միջոցառմամբ:

Ցերեկույթի նպատակը երեխաների հոգում ամենազորեղ զգացումների` հայրենասիրության և ազգասիրության սերմանումն էր:

Հայաստանը աշխարհի ամենահնագույն ժողովուրդներից մեկի` հայերի հայրենիքն է, իսկ հայրենիքն այն տեղն է, որտեղ մարդը, ծնվել և ապրում է, որտեղ ծնվել ու ապրել են նրա ապուպապերը:

ԵՎ ամեն մի հայ մարդ  ու մանուկ պարտավոր է իմանալ ճանաչել իր քաջազուն նախնիներին, շարունակել նրանց գործը, քանի որ ով չգիտի իր ժողովրդի պատմությունը նա չի կարող իր երկրի տերը դառնալ:

Այս փոքրիկ հրաշքները լավ գիտեն այդ և դա է պատճառը, որ նրանք բոլորն անչափ սիրում են մեր հինավուրց հայրենիքը, հպարատանում նրա դարավոր պատմությամբ ու աննման հուշարձաններով,  բարձրբերձ սարերով, խոր-խոր կիրճերով, սառնորակ ջրերով ու կապույտաչյա Սևանով, քառագագաթ Արագածով, ալեհեր Արարատով...

  23.04.2013թ. Երևանի  հ.45 հիմնական դպրոցում տեղի ունեցավ "Ում նվիրեմ սրտիկս” խորագրով միջոցառումը, որը կազմակերպել էր I^Բ դասարանի դասվար` Մարգարիտա Մուրադյանը`  իր սաների հետ: Ճաշակով ու գեղեցիկ ձևավորված դահլիճում փոքրիկները հրաժեշտ տվեցին "Այբբենարան”-ին: Երեխաներն իրենց փոքրիկ սրտիկներն էին "նվիրում” մայրիկներին, հայրիկներին, հայերենի առաջին ուսուցչին` Մաշտոցին, ուսուցիչներին, ընկերներին, հարազատ մարդկանց, եռագույն դրոշին  ու անկախ հայրենիքին: Աշակերտներից մեկը խոստացավ լավ սովորել և իր սրտիկը նվիրեց դպրոցի տնօրեն` Մ. Փաշայանին: Ագահ մարդը չտեղավորվեց  սրտիկում և դուրս մնաց, քանի որ աշխարհում փողից շատ ավելի կարևոր բաներ կան: Ապա աշակերտները իրենց մեծ սրտիկը նմանեցրին քաղաքին, որտեղ  դպրոց, հիվանդանոց, այգիներ կան: Բայց փոքրիկների` անծայրածիր օվկիանոսի նմանվող սրտիկներում էլի տեղ մնաց, ու դա էլ որոշեցին պահել Երկիր մոլորակի համար:

   2013թվականի ապրիլի 22-ին Երևանի  հ.45 հիմնական դպրոցի դահլիճում  տեղի ունեցավ "Հրաժեշտ այբբենարանին” խորագրով միջոցառումը  I^Ա դասարանի դասվար` Անուշ Սարգսյանի ղեկավարությամբ: Երեխաներից յուրաքանչյուրը հանդես եկավ ողջույնի խոսքով:Հանկարծ բեմում հայտնվեց Անգետիկը, գտավ մի գիրք և հրավիրց իր սիրելի ընկերներին` Անբան Հուռիին, Քաջ նազարին, Անխելք մարդուն, Սուտլիկ Որսկանին, Կառլսոնին, Ալիսի աղվեսին, Բազիլո կատվին, որ միասին ճանաչեն գտնված գիրքը: Բայց հերոսները չկարողացան ճանաչել, և ահա եկավ Չիկարելին: Նախ ուղղեց հերոսների վարքը.  չի կարելի սուտ խոսել, չի կարելի պարծենկոտ լինել, չի կարելի ագահ ու շատակեր լինել: Երեխաները գտան մի ասացվածք. "Լավ է գիտունին լինել գերի, քան անգետին` սիրելի”: Հետո եկավ Գիտունիկը, Անգետիկից վերցրեց գիրքը և ցույց տվեց երեխաներին: Երեխաները միաբերան ասացին իրենց ծանոթ գրքի անունը` "Այբբենարան”: Գիտունիկը մեծարեց "Այբբենարան”-ը` որպես լույիսի ու գիտության բանալի: Հնչեցին ուրախ երգեր` նվիրված դպրոցին, մեսրոպյան տառերին, "Այբբենարան”-ին, Հայաստան երկրին:    

2013թ. ապրիլի 19-ին  Երևանի հ.45 հիմնական դպրոցում տեղի ունեցավ ժամանակակից մանկագիր Սուրեն Մուրադյանի կյանքին ու գրական ժառանգությանը նվիրված միջոցառում, որը կազմակերպել էր հայոց լեզվի և գրականության ուսուցչուհի Արմինե Հակոբյանը: Միջոցառմանը մասնակցում էին 5^գ  դասարանի աշակերտները: Սովորողների շուրթերից հնչեցին գրողի բանաստեղծությունները, թևավոր խոսքերն ու ազնվության, արդարության դասերը, որոնք բանաստեղծը պատգամում է եկող սերունդներին: Բանաստեղծի գործերը թափանցում ու ջերմացնում էին մանուկների հոգիները, և նրանք մեծ ոգևորությամբ էին բեմադրում Ս. Մուրադյանի ստեղծագործությունները, պատմում մանկագրի կյանքի ու աշխատանքային գործունեության, ստացած մրցանակների ու մեդալների մասին: Միջոցառմանը հնչեցին նաև մանկագրի խոսքերով գրված մի շարք երգեր, որոնք նույնպես կատարում էին աշակերտները երաժշտության ուսուցչուհի Անի Հարությունյանի նվագակցությամբ: Իսկ 5-րդ <<գ>> դասարանցիների ջանքերով բեմադրած պար-ներկայացումը, որը համահունչ էր Սուրեն Մուրադյանի մանկական գործերին, մեծ ոգևորությամբ ընդունվեց հանդիսատեսի կողմից և նոր շունչ հաղորդեց արդեն իսկ հրաշալի միջոցառմանը:

Միջոցառումն ուսուցանող էր. այն սովորեցնում էր լինել բարի, ազնիվ, արդար, սիրել աշխատանքը, ուսումը, հարգել մեծերին…

Միջոցառումն ավարտվեց բանաստեղծի՝ վերջերս գրված բանաստեղծությամբ.

           Իմ մահից հետո որքա՜ն ծաղիկներ դեռ պիտի բացվեն,

         Իմ մահից հետո որքա՜ն նոր երգեր պիտի թևածեն,

         Իմ մահից հետո որքա՜ն մանկիկներ պիտի աշխարհ գան,

         Իսկ ես չեմ լինի, ավա՜ղ, չեմ լինի…

11.04.2013 Երևանի հ.45 դպրոցի հանդիսությունների դահլիճում III^Ա դասարանի սովորողները դասվար  Լիլիթ Այվազյանի ղեկավարությամբ ներկայացրեցին «Մեծն  Թումանյան» միջոցառումը: Հանդիսությունը սկսվեց «Հայը» շարքին պատկանող, մեր մեծերին լուսաբանող, Թումանյանին նվիրված հատվածով, որին հաջորդեց  բանաստեղծի կյանքն ու գործունեությունը ներկայացնող  թումանյանական տողերով համեմված շնորհանդեսը: Երեխաները  ներկայացրին  քառատողերի ու մտքերի  գեղեցիկ ընտրանի: Այդուհետ երաժշտության տակ  եկան լոռեցու հանդերձանքով  «ծերունիները» , ծալապատիկ նստեցին ընկուզենու ծառի տակ , զրուցեցին, մի թաս «գինի» խմեցին, մեծավարի խրատեցին փոքրերին "Ապրե°ք, երեխե°ք,բայց մեզ պես չապրեք”:

     Յուրահատուկ էր երեխաների մոտեցումը Թումանյանի հեքիաթներին: Սկզբում  մունետիկիները ի լուր աշխարհի հայտարարեցին  թագավորի հրովարդակը  թագավորի կողմից   համոզիչ սուտ հորինելու մասին.  հաղթողի ընծան թագավորության կեսն էր: Հետո բոլոր հեքիաթների  հերոսները` Քաջ Նազարը, Անբան Հուռիի մայրը,  Կիկոսը, անխելք մարդը,  շտապեցին թագավորական պալատ` իրենց սուտը  ներկայացնելու: Դեպքերն ընթանում էին հեքիաթների  ոճին և երեխաների պատկերացումներին  համապատասխան: Հանդիսատեսը  մի պահ մոռացել էր, որ դերասանները  III դասարանի երեխաներ են:

      Սովորողների դերասանական ձիրքը, ասմունքը, հեքիաթին բնորոշ հագուստները, բեմի ձևավորումը, ուրախ երգն ու պարը  պարգևեցին հաճելի պահեր և բարձր տրամադրություն: 

 Երևանի հ.45 հիմնական դպրոցի աշակերտները և ուսուցիչներ մեծ խանդավառությամբ մասնակցեցին մարտի 23-ի գարնանային շաբաթoրյակին : Կատարվեց դպրոցի շրջակայքի մաքրման աշխատանքներ: Բոլորը համակված էին տոնական տրամադրությամբ և իրենց քաղաքի գեղեցկության ու մաքրության մասնակիցը  լինելու հպարտությամբ:

                                     "Անաղարտ պահենք մայրենին”  խորագիրն էր  կրում III^Բ դասարանի դասվար  Ռուզաննա Տիգրանյանի կազմակերպած  միջոցառումը , որ տեղի ունեցավ հ.45 հիմնական դպրոցի հանդիսությունների դահլիճում 21.02.2013թ.: Միջոցառման  ընթացքում հնչեցին մայրինի լեզվին նվիրված  բանաստեղծություններ, ասույթներ, երգեր: Միջոցառումն  ուսանելի էր ու շատ դաստիարակչական:Ողջ միջոցառման ընթացքում կարմիր թելի պես  անցնում էր հայրենասիրության և մայրենի լեզուն անաղարտ պահելու  գաղափարը:

ԺԱՄԱՆԱԿԱՑՈՒՅՑ

13.02.2013թ.  Երևանի  հ.45 դպրոցի  VIIբ  դասարանում  կայացավ  բաց  դաս  "Ռւսսաց լեզու" առարկայից  «Հավերժ արևին  լույս երաժշտության մեջ, քո անունն է Մոցարտ » վերնագրով : Դասի  ընթացքում  սովորողները  բազմակողմանիորեն վերլուծեցին  Մոցարտի  կյանքն ու ստեղծագործական գործունեությունը: Գնահատեցին  աշխարհի բոլոր ժամանակների ամենանշանավոր եվրոպական երաժիշտին , լսեցին նրա նրա մի քանի գործ, զգացին  նրա երաժշտության մեջ  հավերժական  լույսի ջերմությունն ու սերեցին  մեծ հանճարին:

                                           Ուսուցչուհի` Նոննա  Մարտիրոսյան

                 

2012 թ Երևանը հռչակվել է Գրքի մայրաքաղաք :<< Վերադարձնենք գիրքը երեխաներին >> ծրագիրն իր մեջ ներառում է տարբեր մրցութային ծրագրեր ` նվիրված գրքին: Ծրագրի նպատակն է դպրոցահասակ երեխաներին ինքնակրթության , ինքնադաստիարակության , ինքնակատարելագործման մղելը , ազգային մշակույթը , հոգևոր արժեքները գնահատելն  ու արժևորելը , գիրք կարդալը պահանջմունք դարձնելը: Ծրագրի առաջին փուլում անցկացվեց <<Հայ գրատպությունը >> մրցույթը: Մրցույթին մասնակցում էին դպրոցների 9 – րդ դասարանների սովորողները: Հ. 45 հիմնական դպրոցի սաները  ևս իրենց մասնակցությունն  ունեցան: Պատրաստեցին վահանակ ` << Գրից մինչև գիրք>>  խորագրով, տեսահոլովակ ` Նոր Արեշի ամենահին դպրոցի ստեղծման մասին պատմող: Սովորողները պատրաստել էին նաև գեղարվեստական համար , ասմունքը հնչեց արևմտահայերենով `հիացմունք պատճառելով ժյուրիին: Հ. 45 հիմնական դպրոցը ներկայացել էր << ԱԿՈւՄԻՏ >> թիմով , որը գրավեց երկրորդ տեղը: Մրցույթը հնարավորություն տվեց սովորողներին ավելի հանգամանորեն իմանալ Մեսրոպ Մաշտոցի , գրերի գյուտի նշանակության , Հակոբ Մեղապարտի , Մատենադարանի մասին: Մրցույթը կայացել է 2012 թ դեկտեմբերի 24 – ին  Չեխովի անվան դպրոցում : Մեր թիմի հետ մրցում էին հ. 181 , << Ուսում >> և Չեխովի անվան դպրոցների թիմերը : << ԱԿՈւՄԻՏ >>   թիմի հետ աշխատել են հայոց լեզվի և գրականության ուսուցիչներ Ս. Հարությունյանը և Ռ. Հատիմոսյանը:

Ամեն ինչ արվում է , որ գիրք կարդալը սովորողի համար պահանջմունք դառնա:

2012 թվականի դեկտեմբերի 25 – ին տեղի ունեցավ V I ^ա  դասարանի միջոցառումը նվիրված Ամանորին:     Դահլիճը ձևավորված էր նրբաճաշակ, շատ տոնական, ասես 2013 թվականն արդեն մուտք էր գործել թիվ 45 դպրոց: Միջոցառումը հագեցած էր ամանորյա երգերով , բանաստեղ ծություններով: Սովորողները գեղեցիկ առոգանությամբ ներկայացրեցին ամանորին նվիրված բանաստեղծություններ , որոնք ակամայից ներկաներին հիշեցրին անհոգ օրերի մանկություն:Միջոցառման մասնակիցները բարձր տրամադրությամբ դուրս եկան դահլիճից` շնորհակալություն հայտնելով կազմակերպիչներին` դպրոցի ծնողական խորհրդի նախագահ Հակոբյան Լուսինեին և դասղեկ Արմինե Բաղդասարյանին: 

05.12.2012թ տեղի ունեցավ. ծնողական համալսարանի սեմինար <<Անվտանգ համացանց>> թեմայով: Դպրոցի ուսուցչուհի Ս.Պողոսյանը լայն տեղեկատվություն տվեց համացանցից օգտվելու հիմնական կանոների և էթիկայի մասին: Անդրադարձ կատարվեց Համացանցում երեխաներին  ուղղված վտանգներին, այդ վտանգների էության և դրանց տարատեսակ- ներին: Այնուհետև  ներկայացվեց  www.safe.am կայքը, որտեղ ծնողներրը ծանոթացան «Ընտանեկան զվարճալի ձեռնարկ», «Ծնողական ուղեցույց», «գրագիտության ձեռնարկ» էլեկտրոնային ձեռնարկների բովանդակությանը և դրանցով առաջնորդվելու անհրաժեշտությանը:   Հետաքրքիր էր նաև կայքում տեղակայված թեստերը: Սեմինարի ավարտին ուսուցչուհին բացատրեց, թե ինչպես օգտվել ֆիլտրերից , հակավիրուսներից և ինչպես դրանք տեղակայել հանակարգչում: