Ապրիլի 23 –ին ռուսաց լեզվի շունչն էր թևածում հ. 45 հիմնական դպրոցում և ուրախ տրամադրություն լցնում դահլիճը: I I գ դասարանի սաները(ուսուցչուհի ` Լ. Իրիցյան ) ամբողջովին գիտակցելով օրվա կարևորությունը կարողացան իրենց ուսուցանածը վարժ ու հստակ մատուցել։ Մեր փոքրիկները փայլեցին, հիացրեցին ու զարմացրեցին իրենց գիտելիքներով, գեղեցիկ ու անկաշկանդ ելույթով: Ուսուցչուհու քրտնաջան աշխատանքը տվեց իր քաղցրահամ պտուղները և հերթական անգամ համոզվեցինք, որ մեր բալիկների կրթության հիմնաքարը ամուր է դրված, իսկ ռուսերեն լեզվի տառաճանաչության կարևոր առաքելությունը՝ կատարված: Միջոցառումն անցավ ուրախ և ջերմ մթնոլորտում` ժպիտներ պարգևելով թե՛ ծնողներին, թե՛ ուսուցչական կոլեկտիվին և թե՛ հյուրերին:

Ապրիլի 18-ին տեղի ունեցավ երգի խմբակի հանդեսը` նվիրված Երևանի 2800-ամյակին: Երգչախմբի կատարմամբ հնչեցին երգեր` նվիրված վարդագույն Երևանին: Երեխաները սիրով և ոգևորված երգում, ապրում էին երգի յուրաքանչյուր հնչյունը, տողը, մեղեդին: Երեխաների կատարումները ներկաներին պարուրեցին գարնանային թարմ շնչով:

Ապրիլի 5-ին 2բ դասարանի դասվար Ռ. Սահակյանը կազմակերպել էր միջոցառում` նվիրված մայրության ու գեղեցկության տոնին: Սովորողները միջոցառումը սկսեցին Հայաստանին և հայրենիքին նվիրված ոգեշունչ խոսքերով` հատկապես ընդգծելով ‹‹մայր ›› բառը` մայր Հայաստանի, մայր հող, մայր գետ, մայր հայրենիք… Նրանք ներկայացրին Ավետման տոնի իմաստը, որն այսօր համարվում է մայրության ու գեղեցկության տոն: Սովորողներն արտահայտիչ ասմունքեցին մորը նվիրված բանաստեղծություններ, երգեցին և միջոցառումը գեղեցկացրին իրենց նազանի պարերով: Նրանք չմոռացան նաև Արցախյան հերոսամարտին մասնակցած հայ մայրերին: Նշեցին ,որ կանանց միջազգային տոն է համարվում Մարտի 8-ը: Սովորողներն իրենց մայրերին նվիրեցին իրենց սերն ու համբույրները: Միջոցառումն ավարտվեց մեծ բանաստեղծ Ե. Չարենցի խոսքերով. ‹‹ Ինչքան որ հուր կա իմ սրտում- բոլորը քեզ››: Երեխաները գեղեցիկ ասմունքում և երգում էին: Միջոցառումը շատ հետաքրքիր էր և հագեցած:

Մարտի 22-ին IV բ դասարանի սովորողները (դասղեկ` Գ. Բաղդասարյան) կազմակերպել էին միջոցառում ` ‹‹Զատիկ ›› խորագրով:Միջոցառման ընթացքում թևածեցին երգեր թեմային համապատասխան, ներկայացրեցին օրվա խորհուրդը, նշեցին Հիսուս Քրիստոսի անցած ճանապարհը, ներկայացրին հայկական պարեր: 
Բարձր տրամադրությունը և ջերմ ժպիտը սովորողներից փոխանցվեց հանդիսատեսին:

Հիսուս Քրիստոսի հրաշափառ Հարության տոնը՝ Զատիկը, հ. 45 հիմնական դպրոցում նշվեց յուրովի ։ Ամեն մի դասարան ներկայացավ իր ինքնատիպ ու գեղեցիկ զատկական սեղանով՝ երեխաների ձեռքի թեմատիկ աշխատանքներով, տոնին բնորոշ ավանդական ուտեստներով, բացառիկ ու յուրօրինակ իրերով, ջերմությամբ ու բարությամբ, սիրով ու խնդությամբ: Խայտաբղետ գույների մեջ ամենավառն ու ներդաշնակը նաև մեր աշակերտներն էին :

Ապրիլի 20-ին հ. 45 հիմնական դպրոցի կարատեի խմբակի երեխաները ( մարզիչ` Ա. Գրիգորյան) մասնակցեցին <<Դինամո >>մարզադահլիճում անցկացվող կարատեի միջազգային առաջնությանը: Առաջնությանը մասնակցում էին Հայաստանի, Վրաստանի, Ռուսաստանի, Հնկաստանի հավաքականները: Չնայած մեր երեխաներն առաջին անգամ էին մասնակցում միջազգային առաջնությանը , բայց բոլորն էլ հանդես եկան շատ լավ : Հովհաննիսյան Ավետիսը փայլուն հանդես եկավ և զբաղեցրեց III պատվավոր տեղը:

Ապրիլի 15-ին հ. 45 հիմնական դպրոցի Vա դասարանում անցկացվեց բաց դաս ‹‹Մաթեմատիկա›› առարկայից (ուսուցչուհի՝ Ս. Մելիքսեթյան ): Դասի թեման էր ‹‹Կոտորակներ›› , նպատակն էր ամրապնդել ու խորացնել գիտելիքները կոտորակների մասին , մեծացնել հետաքրքրությունը կոտորակների նկատմամաբ :
Աշակերտները կարճ ժամանակում լուծեցին խաչբառը, բացեցին գաղտնագիրը՝ կոտորակ: Ցույց տվեցին իրենց բանիմացությունը կոտորակների ծագման , գործածության , կիրառման վերաբերյալ: Գեղեցիկ աֆորիզմներով ներկայացրին մարդու և կոտորակի նմանությունը: Հետաքրքիր ստենդների միջոցով կատարեցին տարբեր առաջադրանքներ և լուծեցին խնդիրներ , ինչպես նաև բանավոր հարցումների միջոցով ամրապնդվեցին գիտելիքները տեսական նյութի շուրջ:

Ապրիլի 10-ին հ. 45 հիմնական դպրոցի V գ դասարանի սովորողները (ուսուցչուհի՝ Ա. Սահակյան) կազմակերպել էին միջոցառում ՝ նվիրված հազարագանձ հայոց լեզվին: Միջոցառման ընթացքում թևածեցին երգեր թեմային համապատասխան, գովերգեցին և մեծարեցին բազմադարյան պատմություն ունեցող մեր ոսկեղենիկ լեզուն՝ որպես բոլոր գիտությունները սովորելու կախարդական բանալի: Երեխաների շուրթերից հնչեցին պատառիկներ գրաբարով, միջին հայերենով և աշխարհաբարով: Բարձր տրամադրությունը և ջերմ ժպիտը սովորողներից փոխանցվեց հանդիսատեսին:

Այցելություն թանգարաններ...

Մարտի 23-ին հ 45 հիմնական դպրոցի V ա դասարանի աշակերտները Ն. Մարտիրոսյանի ուղեկցությամբ այցելեցին Էջմիածնի Բալենիների փողոցի գողտրիկ անկյունում գտնվող Մաչանենց տուն։
‹‹Հայ միասնության խաչ›› բարեգործական մշակույթային հասարակական կազմակերպության հիմնադիր – նախագահ Գ. Մաչանենց Բաբախանյանը 2010 թվականին հիմնադրել է ‹‹Մաչանենց տուրիզմ և արտ›› սոցալական ձեռնարկությունը: Այնտեղ ցուցադրված էին տարբեր ժամանակաշրջանների հայկական կենցաղավարման նմուշներ և մշակույթային արժեք ներկայացնող իրեր: Առկա էին Հայաստանի տարբեր տարածաշրջանների հազարամյա կավե նմուշներ:
Մեր երեխաները մասնակցեցին վարպետության դասերին և իրենց ձեռքով պատրաստեցին կավե իրեր ու տիկնիկներ: Մեծ ոգևորությամբ մասնակցեցին և ծանոթացան լավաշ թխելու արվեստին:

Հ․ 45 հիմնական դպրոցի մանկավարժական կազմը և աշակերտները մասնակցեցին մարտի 23-ի համաքաղաքային ծառատունկ-շաբաթօրյակին։ «ԷյԹիՓի» (Հայաստան ծառատունկ ծրագիր) բարեգործական հիմնադրամը դպրոցին տրամադրել էր տույայի 20 տնկի, որոնք երեխաները մեծ ոգևորությամբ տնկեցին։

Մարտի 21-ին հ. 45 հիմնական դպրոցի 28 աշակերտներ ակտիվորեն մասնակցեցին «Այբ» կրթական հիմնադրամի կողմից կազակերպվող «Կենգուրու» մաթեմատիկական մրցույթին և փորձեցին իրենց մաթեմատիկական և տրամաբանական ունակություններն ու հմտությունները:

Մարտի 20-ին VIIIա, VIIIբ և VIIIգ սովրողների մասնակցությամբ (ուսուցչուհի՝ Լ.Վարդանյան) տեղի ունեցավ վիկտորինա-մրցույթ , թեման՝ ‹‹Հնդկաստան››: Վիկտորինա- մրցույթի շրջանակում աշակերտները հարստացրել էին իրենց գիտելիքները Հնդկաստանի մասին՝ գտնելով մի շարք տարբերություններ, ինչպես նաև նմանություններ Հայաստանի և Հնդկաստանի միջև: Մրցույթի նպատակն էր ընդլայնել աշակերտների աշխարhայացքը, բացահայտել Հնդկաստանի մշակույթը, կրոնը և սովորույթները: Սովրողները լավ պատրաստված էին և պարգևատրվեցին պատվոգրերով:

Մարտի 20-ին V ա դասարանում (ուսուցչուհի՝ Շ. Աղաբալյան) բաց դաս էր, թեման՝ ‹‹Երևան››: Ամբողջ դասի ընթացքում աշակերտները խոսեցին մեր մայրաքաղաքի տեսարժան վայրերի մասին , կարդացին և թարգմանեցին դասը , արտասանեցին բանաստեղծություններ Երևան քաղաքի մասին Դասը հագեցված էր դիդակտիվ նույթերով և բավականին հետաքրքիր ու բովանդակալից էր:

Մարտի 19-ին vբ դասարանի սովորողների մասնակցությամբ տեղի ունեցավ միջոցառում ‹‹ Հանդիպում Մ . Գոշի և Վ. Այգեկցու հետ›› խերագրով(ուսուցչուհի՝ Ա. Փարսադանյան):
Սովորողները մտովի հայտնվեցին 12-13 –րդ դարերում, հանդիպեցին Գոշին և Այգեկցուն, զրուցեցին նրանց հետ, ծանոթացան նրանց կյանքին ու գործունեությանը: Ապա երեխաներն իրենք պատմեցին առակագիրներին , թե ինչեր են կատարվել նրանցից հետո: Ասացին, որ իրենք հիշում են Գոշին ու Այգեկցուն և դաստիարակվում նրանց խրատներով: Բեմադրեցին մեծ առակագիրների առակներից : Միջոցառումը հետաքրքիր էր և բովանդակալից:

Մարտի 18-ին տեղի կունեցավ մաթեմատիկական խաղ մրցույթ, որին մասնակցում են VI, VII, VIII դասարանի երեխաները(ուսուցչուհիներ՝ Գ. Բաղրանյան, Լ. Ադամյան, Գ. Ադամյան): Մրցույթի նպատակն էր նպաստել աշակերտների անհատական ունակությունների զարգացմանը և ակտիվացնել նրանց ճանաչողական գործունեությունը, ամփոփել նրանց գիտելիքները մաթեմատիկայից:

1.03.2019г. в IV a кллассе(преподаватель Гаспарян С. А.) был проведен урок русскою языка на тему << Шар в окошке>> . 
На уроке была проведена работа по сознательному и беглому чтению учащимися текста и по подготовке класса к персеказу текста, а также все работы учительницы были направлены на воспитание в детях чувства сострадания к слабым, заботы о них,на сплочение классного коллектива,осознание учащимися ценности дружбы,поддержки и взаимовыручки.Учительница использовала на уроке интерактивный метод Боно,,Шесть Шапок Мышления’’.

Մարտի 6-ին հ. 45 հիմնական դպրոցի VI  բ դասարանում անցկացվեց բաց դաս ‹‹Բնագիտություն ›› առարկայից (ուսուցչուհի՝ Ա. Առաքելյան), դասի թեման ‹‹Բույսերի գեներատիվ օրգանները: Ծաղիկ պտուղ, սերմ››:  Դասի նպատակն էր բացահայտել սովորողների գիտելիքները բույսերի դերի և նշանակության մասին:

Աշակերտները խոսեցին  ծաղկավոր բույսերի գեներատիվ կառուցվածքի , բույսերի վեգատիվ և գեներատիվ օրգանների տարբերության մասին ,կարևորեցին  բույսերի  նշանակությունը բնության և մարդու կյանքում: Ցուցադրեցին ծաղիկի մոդելը,  խմբային մեթոդով աշակերտները բաժանվեցին խմբերի ու կարճ ժամանակում կարողացան լուծել խաչբառներ: Դասի ընթացքում օգտագործվեցին  ՏՀՏ  միջոցներ և սովորողները դիտեցին տեսանյութ : Երեխաներն իրենց թե´ գեղեցիկ խոսքով , թե´ խորիմաստ աֆորիզմներով ցույց տվեցին , որ բնությունը մեր մեջ է, մենք` բնության:

Փետրվարի 26-ին VIII ա դասարնում անգլերենի ուսուցչուհի Գ. Մկրտչյանը կազմակերպել էր բաց դաս «Տոներ և ավանդույթներ» թեմայով:
Դասն սկսվեց ընդհանուր հարցերով, սովորողները խոսեցին Անգլիայի մասին , կատարեցին շրջագայություն Լոնդոնի տեսարժան վայրերով, ներկայացրեցին մի հեքիաթային քաղաք՝ իր հիասքանչ վայրերով:
Այնուհետև սահուն անցում կատարեցին բուն թեմային ՝ ներկայացնելով ՝ ինչ է տոնը , ավանդույթը, սովորույթը , ի՞նչ են զգում , երբ տոն է : Ներկայացրեցին հայկական և անգլիական տոների նմանությունը և տարբերությունը: Յուրաքանչյուր տոնի կապակցությամբ կատարեցին մի բնորոշ , յուրահատուկ արարողություն , երկխոսությամբ ներկայացրեցին ապրիլյան կատակներ, խոսեցին Զատիկի մեծ պահքի մասին, վառեցին ‹‹ Ջեքի ճրագը››:
Սովորողներնը հերթով անդրադարձան բոլոր տոներին: 
Վալենտինի օրվա կապակցությամբ բացվեց Վալենտինի տուփը, կարդացին իրենց պատրաստած բացիկները: Կազմեցին պրիզմա ‹‹ Holiday›› բառով,ասեցին ասույթներ, լուծեցին մեկ ռեբոս,զույգերով ներկայացրեցին լավ և վատ սովորույթները, նպատակը բացառել վատ սովորույթները:
Դասի ժամանակ կատարվեց նաև խմբային աշխատանք և դասը ամփոփեցին համագործակցային մեթոդով:

Փետրվարի 20-ին II բ դասարանի աշակերտները (դասվար` L. Մարտիրոսյան) հանդիսատեսին ներկայացրեցին «Թումանյանը մանուկների աչքերով» խորագրով միջոցառում` նվիրված Թումանյանի 150 ամյակին: Աշակերտները ներկայացրեցին հովվական պարզ ու գեղեցիկ կենցաղի մեջ լույս աշխարհ եկած Թումանյանի մանկությունը, գրական մուտքն ու ստեղծագործությունը, հանդես եկան գեղեցիկ բանաստեղծություններով, քառյակներով, ներկայացրեցին հատվածներ նրա պոեմներից, ինչպես նաև հնչեցրին նրա հայտնի ասույթները: Բեմադրվեց Թումանյանի հեքիաթներից հատվածներ:

Փետրվարի 19 –ին II ա դասարանում(դասվար` Ս. Բաղդասարյան) անցկացվեց մրցույթ-վիկտորինա` նիրված Հովհաննես Թումանյանի ծննդյան 150 ամյակին: Խաղերի միջոցով երեխաները խոսեցին Հովհաննես Թումանյանի կյանքի ու գործունեության մասին, բեմադրեցին Մեծ գրողի հեքիաթներից հատվածներ:
Դասի ավարտին երեխաներին նվիրեցին գրքեր, իսկ լավագույններին շնորհվեց «Լավագույն ընթերցող» շքանշանով:

Կա Մեծարենց, կա Տերյան և բազում այլ պոետներ կան, բայց Թումանյանն է անհաս Արարատը մեր նոր քերթության:
Եվ բնավ էլ պատահական չէ ,որ փետրվարի 19-ը զարդարվում է ոչ միայն մեր հանճար Թումանյանի ծննդով, այլ նաև միմյանց գիրք նվիրելու ավանդույթով:
Թումանյանական շունչը Երևանի հ. 45 հիմնական դպրոցում զգացվում է ամենուր: Գիրք նվիրելու տոնը բազմախորհուրդ է. այն հիշեցնում է մեզ, որ պետք է ճանաչենք գրքի արժեքը:Գիրք նվիրելով` ինքներս մեզ և մեր շրջապատին նվիրում ենք հոգևոր հաղորդակցման հաճելի ու անմոռաց պահեր:

Հայոց բանակի յուրաքանչյուր զինվոր մեր երկրի հպարտությունն է, իսկ նրանց ուժն ու անկոտրում կամքը՝ մեր երկրում ապրող երեխաների ապահով մանկության ամենամեծ երաշխիքը: Ու շատ կարևոր է, երբ բանակը համալրվում է հայրենասեր ու պատրաստված զինվորներով, ինչպիսին հ. 45 հիմնական դպրոցի շրջանավարտ ու այժմ զինվոր Միհրան Գագիկի Կարապետյանն է, որի շնորհակալագիրը բոլորիս սրտերը մեծ ուրախությամբ լցրեց: Փառք ու պատիվ մեր քաջ զինվորի ծնողներին, որ նման անձնուրաց, քաջ ու խելացի զավակակ են պարգևել մեր բանակին: Հավատացած ենք, որ նա նոր խրախուսանքների կարժանանա,նոր հաջողություններ կունենա և պատվով ու արժանապատվությամբ կվերադառնա տուն:
Սիրելի´ զինվորներ, մաղթում ենք խաղաղ ծառայություն, ուժ, ամուր կամք և բարձր տրամադրություն ու թող ձեր սովորած հմտությունները միայն զինավարժությունների ժամանակ հարկավոր լինի:

Դեկտեմբերի 21-ին տոնական գեղեցիկ միջոցառմամբ 1գ դասարանում ( դասվար` Ա.Յազուլյան) ազդարարվեց «Ամանորյա հեքիաթի» սկիզբը: Շուրջբոլորը խինդ ու ծիծաղ , հուզմունքից ու սպասումից փայլող, ամանորյա հրաշքն ամենուր փնտրող աչքեր էին: Խանդավառ փոքրիկները դեռ օրեր առաջ էին նամակ գրել Ձմեռ պապիկին՝ հայտնելով իրենց ամանորյա երազանքների և ակնկալիքների մասին. չէ որ երազանքների մասին գրելը դեպի դրանց իրագործման ճանապարհ տանող առաջին և կարևորոգույն քայլն է:
Միջոցառման ավարտին մեզ հյուր եկան Ձմեռ պապն ու Ձյունանուշը. նրանց այցն էլ առավել ոգևորեց փոքրիկներին:
Ահա այսպես ամփոփեցինք հին տարին ՝ պատրաստվելով դիմավորել գալիք 2019-ը:
Թող գալիք տարին բերի բարություն, 
Թող խաղաղություն բերի աշխարհին,
Թող բոլոր մարդկանց սրտերում իշխի
Հույսի, հավատի ու սիրո զգացում:

Դեկտեմբերի 20 –ին հ. 45 դպրոցի I ա դասարանում ( դասվար` Լ. Այվազյան) տիրում էր տոնական աշխույժ եռուզեռ : Երեխաներից յուրաքանչյուրն յուրովին գեղեցկացել ու նմանվել էին փոքրիկ հրեշտակների:Նրանցից յուրաքանչյուրի խոսքը, երգը, խաղը և պարն այնքան հոգեթով ու գեղեցիկ էր , որ բոլոր ներկաների տեղափոխել էին Նոր տարվա հեքաթների աշխարհ:

Նախատոնական եռուզեռ էր I ա և II ա դասարաններում (դասվարներ` Լ. Այվազյան, Ս. Բաղդասարյան):
Ամանորյա հրաշքներին սպասող երեխաները մեծ խանդավառությամբ և խնամքով էին գրել ու ձևավորել Ձմեռ պապիկի նամակները: Այդ հեքիաթային ու առեղծվածային պահը հավերժ կհիշվի նրանց կողմից` ի շնորհիվ նրանց դասվարներ Լ. Այվազյանի ու Ս. Բաղդասարյանի մանրամասն ու խնամքով մտածված համատեղ նախագծի:
Թող կատարվեն մեր փոքրիկների բոլոր նվիրական ցանկությունները...

Հ. 45 հիմնական դպրոցում ամանորյա նախապատրաստական աշխատանքներն իրենց եռուն փուլում են․ մեր դպրոցն ավելի է գեղեցկացել և իր շքեղությամբ լիովին պատրաստ է տարվա ամենագլխավոր տոնին՝ Ամանորին։ Տոն, որ իր բարի հեքիաթն է հյուսում ու այն տարածում ամենուր: Ամեն մի դասարան հենց երեխաների ձեռքերով զարդարել ու գեղեցկացրել են, ուր կա մեծ սեր, ջերմություն, բարություն ու անկեղծություն։

Դեկտեմբերի 18-ին հ. 45 հիմնական դպրոցի VIII գ դասարանի աշակերտները( ուսուցիչ` Ա. Գրիգորյան) այցելեցին Հովհաննես Թումանյանի թանգարան` հիմնավորելու և զարգացնելու Թումանյանի կյանքի և ստեղծագործական ժառանգության մասին ունեցած տեղեկությունները: Սովորողները շրջեցին թանգարանում,որտեղ ցուցադրված էին Թումանյանի կյանքի ու գործունեության հարուստ ժառանգության ցուցանմուշները:

Դեկտեմբերի 14-ին հ. 45 հիմնական դպրոցում միջոցառում էր «Որախ երեկոներ գյուղում» խորագրով: Միջոցառումը կազմակերպել էին ռուսաց լեզվի ուսուցիչներ Ն. Մարտիրոսյանը և Ս. Գասպարյանը: Երեխաներն իրենց գեղեցիկ ու վարժ խեսքով ասմունքեցին և բեմադրեցին հեքիաթներ: 
Աշակերտներն իրենց ասմունքով, նազանի պարով, հոգեթով երգերով կարողացան հաճելի պահեր պարգևել դահլիճում գտնվողներին:

Դեկտեմբերի 12-ին II ա դասարանը (դասվար` Ս. Բաղդասարյան) ներկայացավ հեքիաթային միջոցառմամբ «Մի շոկոլադի պատմություն» թեմայով : Միջոցառման ընթացքում երեխաների երգն ու պարը հանդիսատեսին մատուցեցին հուզիչ ու անկրկնելի զգացողություններ և ժպիտներ: Միջոցառումն անցավ հետաքրքիր և թեմային համահունչ քաղցր :

Դեկտեմբերի 7-ին տեղի ունեցավ բաց դաս V ա դասարանում (ուսուցչուհի` Մ. Եղիազարյան) «Ձայնավորների ուղղագրությունն ու ուղղախոսությունը» թեմայով: Դասարանը բաժանվել էր երեք խմբի, որոնք ներկայացնում էին է(ե), օ(ո) և ը ձայնավորների ուղղախոսությունն ու ուղղագրությունը: Երեխաները ակտիվ մասնակցություն ցուցաբերեցին և շատ գրագետ ու հետաքրքիր ձևով ներկայացրեցին ձայնավորների ուղղագրական և ուղղախոսական կանոները: Դասը շատ ուսանելի էր, հագեցված դիտակտիկ նյութերով և դինամիկ էր:

2018թ. դեկտեմբերի 6-ին հ. 45 հիմնական դպրոցի VII ա դասարանի սովորողների մասնակցությամբ կազմակերպվեց միջոցառում ` նվիրված հայ ազգային հերոս Գարեգին Նժդեհին: Միջոցառման հեղինակն էր պատմության ուսուցչուհի Ա. Բաղդասարյանը:
Սովորողները գեղեցիկ խոսքով և մեծ պատասխանատվությամբ ներկայացրեցին Գարեգին Նժդեհի կյանքն ու գործունեությունը:
Միջոցառումն ուներ հայրենասիրական և դաստիարակչական մեծ ներուժ: Սովորողները ներկայացրին Գ. Նժդեհի խոհափիլիսոփայական մտքերը պետության , հայրենիքի մասին:Հուզիչ էր և տպավորիչ Գարեգին Նժդեհի խոսքերն ուղղված հայ զինվորին:

Դեկտեմբերի 6-ին Երևանի հ. 45 հիմնական դպրոցում բաց դաս էր 
<< Գրականություն>> առարկայից` նվիրված Շիրվանզադեի ծննդյան 160-ամյակին: VIII ա դասարանի սովորողները ներկայացրին Շիրվանզադեի կյանքն ու ստեղծագործությունը: Պատմեցին << Արտիստը>> պատմվածքի բովանդակությունը , դիտեցին հատված համանուն ֆիլմից. Դժբախտ հերոսի` Լևոնի ճակատագիրը հուզել էր բոլորին: Գիթառի թովիչ հնչյունների տակ սովորողները մեկնաբանեցին գլխավոր հերոսի ինքնասպանության դրդապատճառները:Նրանք պատրաստել էին գեղեցիկ պաստառներ, նկարներ:Սովորողներից մեկը ջութակ նվագեց` ցույց տալով արվեստի ներգործուն ուժը:Մթնոլորտը ջերմ էր , տրամադրող:

Այո, աշունը շքեղ եղանակ է:Այն նման է հեքիաթի:Եվ ինչպես ցանկացած հրաշք, հարազատ է ու դյութող, թանկ է և անփոխարինելի :
Աշնան գեղեցկությամբ տոգորված՝ 3-րդ ա դասարանի աշակերտները /դասվար Արմինե Բաբասյան/ 2018 թ. նոյեմբերի 30-ին ներկայացրին բաց դաս <<Մտորումներ աշնան մասին>> թեմայով: Այն հաստատում էր մի պարզ ճշմարտություն . կյանքում ամեն ինչի ավարտն էլ տխուր է:Տխուր է հատկապես գեղեցիկի ավարտը՝ հյուսված ոսկեզօծ, աննյութեղեն շողերից: 
Դասի ժամանակ աշակերտները օգտվեցին <<Վեց մտածող գլխարկներ>> մեթոդից՝ յուրօրինակ դիտանկյուններից վերլուծելով թեման: Աշակերտները ասմունքեցին, ներկայացրին սեփական ստեղծագործությունները, լսեցին դասական երաժշտություն: Դասն անցավ ջերմ ու մտերմիկ մթնոլորտում՝ ապահովելով և՛ դաստիարակչական ,և՛ ճանաչողական կողմերը:
Գնաս բարով, ոսկե աշուն,
Մեր հարազատ, թախծոտ ընկեր,
Քո անսահման վառ գույներում
Անուրջներ կան ոսկեհեր:
Շշուկներում՝ երգեր տխուր,
Հրաժեշտի թախծոտ տողեր՝
Քամու թևով հեռանում են,
Թողնում արցունք-կաթիլներ:
Բայց ես գիտեմ, որ դու շուտով 
Գարուն դարձած ետ կգաս
Ու նոր շնչով,նոր երգերով
Ծիլերի մեջ կժպտաս:
Իսկ այսօր՝ բարո՜վ գնաս,
Բարո՜վ գնաս…

Այցելություն<<Տիկնիկների պատկերասրահ>>(l ա դասարան, դասվար Լ. Այվազյան) Նոյեմբերի 30-ին l Ա դասարանի սովորողները' դասվար Լ. Այվազյանի ուղեկցությամբ, այցելեցին <<Տիկնիկների պատկերասրահ>>: Նրանք հնարավորություն ունեցան ծանոթանալու հայ անվանի տիկնիկագործների, արվեստագետների աշխատանքներին: Տիկնիկների միջոցով հայկական ավանդական սովորույթների ու տոների մասին տեղեկությունները դարձան մատչելի, հետաքրքիր ու զվարճալի: Հայկական տիկնիկները սիրվեցին երեխաների կողմից, իսկ <<Բարեկենդան>> տոնի հերոսներ Ուտիս տատիկն ու Պաս պապիկը դարձան նրանց ամենասիրելի կերպարները: Երեխաները համոզվեցին, որ տիկնիկներն էլ են գովերգում ազնվությունը, բարությունը, աշխատասիրությունը, խոհեմությունն ու համեստությունը, նվիրվածությունն ու գաղտնապահությունը , և խոստացան հետևել տիկնիկների խորհրդին: Երեխաները պատկերասրահում կատարեցին ձեռագործ աշխատանք'պատրաստեցին տոնական խաղալիք մանդարիններ, որոնք կզարդարեն նրանց տոնածառը: Վառ տպավորություններով երեխաները հրաժեշտ տվեցին տիկնիկներին' ակնկալելով նրանց կերպարների մաքրությունն ու անկեղծությունը գտնել իրական մարդկանց մեջ:

Նոյեմբերի 29-ին IX բ դասարանում անցկացվեց բաց դաս «Երկրաչափություն» առարկայից (ուսուցչուհի` Գ. Բաղրամյան): Դասի թեման էր նման եռանկյուններ:
Դասի նպատակն էր ամրապնդել և խորացնել գիտելիքները եռանկյունների մասին, զարգացնել նման եռանկյունների նախնական գիտելիքները, զարգացնել նման երկրաչափական պատկերների մասին նախնական գիտելիքները,մեծացնել հետաքրքրությունն առարկայի նկատմամբ: 
Դասի ընթացքում լրացրեցին երկրաչափական խաչբառը, որը լուծելով սովորողները ստացան հայտնի մաթեմատիկոս` Կառլ Գաուսի խոսքերը: Դասն ուղեկցում էր տեսաժապավենի ցուցադրությամբ :Սովորողները լուծվեցին խնդիրներ, խոսեցին նման երկրաչափական պատկերների կիրառումն առօրյայում:

Նոյեմբերի 23-ին VI ա դասարանում «Մայրենի »  առարկայից  անցկացվեց բաց դաս: Դասի թեման Շ. Ազնավուրի «Ազնավուրը Ազնավուրի մասին» գրքից հատվածն էր:

Դասը սկսվեց Շ. Ազնավուրի « Ես սպասում եմ քեզ» երգով: Ընթացքում ուսուցչուհին հարցեր ուղղեց աշակերտներին և նրանք կատարեցին բառային աշխատան, բացատրեցին  տրված համանուն, հարանուն բառերը, ասացին հոմանիշ բառերի իմաստային տարբերությունները, հականիշ բառերով առած-ասացվածքներ : Դասի բանալի բառերով և արտահայտություններով կազմեցին կապակցված խոսք Ազնավուրի մասին ,նաև Ազնավուրին ներկայացրին որպես գրող, դերասան, երգիչ, հասարակական գործիչ: Ասացին մեծերի կարծիքները մեծ արվեստագետի մասին: Հետո երեխաները կարդացին  իրենց շարադրությունները «Ազնավուրն իմ աչքերով» թեմայով: Դասի ընթացքում հնչում էր Շ. Ազնավուրի  երգերը:

IV ա դասարանի սովորողները( դասվար` Ա. Եղիազարյան) կազմակերպեցին «Հայաստանի հաղթանակած գարունները» խորագրով միջոցառում` նվիրված մայիսյան հաղթանակներին: Թեմային համահունչ ձևավորված դահլիճում լսվում էր հայրենասիրությամբ տոգորված երգն ու ասմունքը: Երեխաները գեղեցիկ ասմունքով, երգերով ու պարերով ներկայացրին հայ ժողովրդի` ծանր փարձություններով անցած պատմական ուղին մինչև մեր օրերը և երդվեցին լինել հայրենի երկրի քաջ մարտիկներ:

Նոյեմբերի 15-ին III բ դասարանի սաներն (դասավար` Ա. Սարգսյան) իրենց մանկական չարաճճի ժպիտներով, ծիծաղով և բնության գեղեցկությունով պարուրել էին դահլիճը: <<Եղիր բնության բարեկամ>> խորագիրը կրող այս միջոցառմանը մեր փոքրիկներն իրենց խոսքով, երգով, բեմական կերպարներով , ցույց տվեցին որ պետք է պահպանենք բնությունը, քանի որ այն մեր բոլորիս ընդհանուր տունն է, ուստի մենք պարտավոր ենք առանձնահատուկ սեր ու հոգածություն դրսևորել բնության ամեն մի մասնիկի հանդեպ: Բնությունը և մարդը բարեկամներ են և մարդը` լինելով բանականությամբ օժտված էակ, պետք է նպաստի նրա ներդաշնակ զարգացմանը, քանզի եթե չպահպանի շրջակա միջավայրը, չգնահատի նրա արժեքը, ապա հենց ինքը` բնությունը կպատժի նրան: Ինչպես ասել է Յոհան Գյոթեն, բնությունը կատակներ չի ճանաչում, այն միշտ ճիշտ է, միշտ լուրջ, միշտ խիստ է․ սխալներն ու թյուրիմացությունները գալիս են մարդուց:

Նոյեմբերի 14-ին IX բ դասարանի սաներն(ուսուցիչ` Ա. Առաքելյան) «ՆԶՊ» առարկայից անցկացրեցին բաց դաս ` նվիրված Հայաստանի Հանրապետության անկախության 27-րդ տարեդարձին և Հայաստանի առաջին Հանրապետության 100-ամյակին:

Հոկտեմբերի 26-ին կազմակերպվեց 8-րդ դասարանների աղջիկների միջև բասկետբոլի միջդասարանային առաջնություն (ուսուցիչ` Ա. Գրիգորյան) :Խաղն անցավ շատ հետաքրքիր և հաղթող ճանաչվեց VIII գ դասարանի սաները:

2018թ. հոկտեմբերի 27-ին՝աշնանային ջերմ ու բարի մի օր, մենք՝ 3-րդ ա դասարանի աշակերտներս, դասղեկ Արմինե Բաբասյանի ղեկավարությամբ այցելեցինք հայ մեծանուն բանաստեղծուհի Սիլվա Կապուտիկյանի տուն- թանգարան:
Շրջում էինք մենք կարծես հմայված՝
Ողջ դար հիշեցնող վայրկյանների մեջ
Ու զգում քո շունչը,մեծ բանաստեղծուհի,
Դիտում գանձերը,որ դու ես ստեղծել,
Լսում պատմություն,որ դու ես ապրել,
Տեսնում աշխարհը քո իսկ աչքերով
Ու տառապանքը՝ քո իսկ հույզերով:
Մտորումներով քայլեցինք երկար՝
Մեզ հետ տանելով բարի մի սփոփանք,
Որ քո հետնորդն ենք ու չենք դադարի
Կարդալ ու գրել լեզվով մայրենի:

2018թ. հոկտեմբերի 28-ին 8բ դասարանի սովորողները դասղեկ Ա. Փարսադանյանի և մի քանի ծնողների հետ այցելել են Էջմիածնի Սուրբ Գայանե եկեղեցի՝ Խենթի (Սամսոն Տեր-Պողոսյան) գերեզմանին:Սովորողներն այնտեղ վերհիշեցին Րաֆֆու <<Խենթը>> վեպը, ծաղիկներ դրեցին Վարդանի (Խենթ), Լալայի, ինչպես նաև մեծ երգչուհի Լուսինե Զաքարյանի գերեզմաններին: Մայր տաճարում սովորողներին օրհնեցին: Այնուհետև այցելեցին Զվարթնոց, ծանոթացան տաճարի պատմությանը:
Էքսկուրսիան անցավ բազմաբովանդակ և հետաքրքիր: Սովորողները մեծ ոգևորությամբ և բարձր տրամադրությամբ վերադարձան Երևան:

Հոկտեմբերի 25-ին IX գ դասարանի սովորողները (դասղեկ` Մ. Գալստյան) կազմակերպել էին միջոցառում «Երևանը մենք ենք» խորագրով, որը նվիրվում է Երևանի 2800-ամյակին:Հ

Մաշտոցյան գրի 1-ին «զարկի»` հրաշագործ «Ա»-ի ծննդյան 2-րդ փուլն Iա դասարանի սովորողները,ծնողները, դասավար Լ.Այվազյանի հետ նշեցին Օշականում :Նրանք եղան Մ. Մաշտոցի անունը կրող եկեղեցում, խոնարհվեցին Մեծն Մաշտոցի շիրիմին: Եկեղեցու բակում ներկայացրեցին միջոցառում,որը երախտիքի ու մեծարման ինքնատիպ խոսք էր `ուղղված մեծն հային: Միջոցառման մեջ ուրույն տեղն ուներ օրվա հերոսը «Ա» տառը:
Սովորողները խոստացան լինելՄեծն Մաշտոցի արժանի հետնորդը.
Խոստանում եմ լավ սովորել,
Ազգիս զինվորը դառնալ,
Որ Հայաստան մեր աշխարհը
Դարձյալ ծովից-ծով ծփա:
Ժպիտներ , ծափողջյուններ գովասանքի խոսքեր, հիացմունք, պատվոգրերի հանձման արարողություն, ուրախ երգ ու պար,մանկական անկեղծ սիրո դրսևորում…այդ հիասքանչ օրվա նկարագրերից լոկ մի քանիդրվագ,դրվագներ, որոնք բնորոշում են I ա դասարանի սկզբնավորումը և լինելում են նրա լուսավոր ուղու,փառահեղ հաղթանակների ազդարարը:

2018թ. հոկտեմբերի 25-ին հայոց լեզվի և գրականության ուսուցչուհի Անուշ Փարսադանյանը 5բ դասարանում անցկացրեց բաց դաս Մկրտիչ Կորյունի <<Այգեպան Մոսին>>թեմայով: Սովորողները պատմեցին Կորյունի կենսագրությունը, ներկայացրին հեքիաթի տեսակները, պատմեցին <<Այգեպան Մոսին>> հեքիաթը: Հեքիաթը բեմականացրին: Գրատախտակին կատարեցին բառակազմական և հոմանիշային աշխատանքներ: Բնութագրեցին այգեպանին և արքային , ասացին առած-ասացվածքներ միասնության, արդարության, ազնվության, ագահության մասին: Թվարկեցին գյուղատնտեսական գործիքների և գյուղտեխնիկայի անուններ: Նշեցին այգու, արտի, բանջարանոցի, անտառի, դաշտի և անապատի տարբերությունը՝ միաժամանակ էկրանին ցույց տալով նրանց նկարները:Երեխաները թվարկեցին նաև պտղատու և վայրի ծառերի, թփերի, ընդեղենի, ծաղիկների անուններ: Խոսվեց ծիրանափողի մասին: Այգեպանի աշխատանքները համեմատեցին նկարչի, քանդակագործի և ոսկերչի աշխատանքների հետ:Թվարկեցին այլ մասնագիտություններ: Դիտեցին ոճաբանի և այգեպանի համատեղ աշխատանքներով ստեղծված այգիների նկարներ, վատմանի վրա ստեղծեցին իրենց այգին: Սովորողները խոսեցին նաև ծառերը ցրտահարությունից փրկելու միջոցների մասին: Այգեպանին և արքային համեմատեցին անցած հեքիաթների հերոսների հետ: Երգեցին <<Ջա՜ն, այգեպա՛ն>> երգը: Սովորողներն ակտիվ էին, ոգևորված:
Դասը հետաքրքիր էր, բովանդակալից, ուսուցանող: Այն նաև շատ դաստիարակչական էր: Դասին ներկա էին դպրոցի փոխտնօրենները, ուսուցիչներ և ծնողներ:

Հոկտեմբերի 19-ին I բ դասարանում (դասվար՝ Ռ․ Տիգրանյան) տիրում էր ուրախ տրամադրություն։Երեխաների համար ամենամեծ տոնն էր , փառավոր այբբենարանի առաջին տառի էջն էին բացում: Այսօրվանից իրենցն էր հավետ տառերը սիրուն, ու կյանքի բոլոր ճամփաներում պիտի քայլեն իրար հետ: Գրել, կարդալ և մեծ Մաշտոցին արժանի ու հավատարիմ լինել: Երբեք չդավաճանել, շատ գրքեր կարդալ, որ հասկանան նոր արժեքներ: Քանզի աստվածատուր այբուբենը մեր դար ու դարեր մաքառել է, երթը պահել մեր աննահանջ: Բազում սերունդներ են սերտել խորհուրդը բազմահանճար, հերթը եկել իրենց է հասել, երդվեցին պահել արժանապատվորեն։

Հոկտեմբերի 19-ին Երևանի հ. 45 հիմնական դպրոցի 1գ դասարանում կայացավ «Ա» տառի շնորհանդես-բաց դասը: Դասն անցավ բավականին հետաքրքիր: Սեպտեմբերի մեկին գիտության մոլորակում հայտնված մեր փոքրիկներն այդ օրը գտան այդ մոլորակի ամենակարևոր ուղիներից մեկի՝ գրաճանաչության դուռը բացող կախարդական բանալին: Կարծում ենք՝ այդ ուղին լի է լինելու անհաղթահարելի թվացող խոչընդոտներով, բայց միևնույն ժամանակ համոզված, որ դրանք կհաղթահարվեն մեր սիրելի ուսուցչի օգնությամբ: Ուստի, ուրախ ենք և հպարտ, որ մեր փոքրիկներն այդ ճանապարհն անցնելու են Ա. Յազուլյանի ուղեկցությամբ:

<<Ժողովուրդն իմաստուն է>>թեմայի շրջանակներում 2ա դասարանում անցկացվեց բաց դաս: Բաց դասի թեման էր <<Երեք աղջիկների հեքիաթը>>: Բառախաղ, հաշվելուկ:
Դասի ընթացքում երեխաները կատարեցին խմբային աշխատանքներ, ներկայացրին իրենց գիտելիքները բանահյուսության ժանրի վերաբերյալ:

Թանգարանների և Dasaran.am համագործակցության շրջանակում հոկտեմբերի 20-ին հ. 45 հիմնական դպրոցի սաները Լ. Ստեփանյանի և Վ. Հովհաննիսյանի ուղեկցությամբ այցելեցին պրոֆեսոր Կարապետյանի անվան Երկրաբանական թանգարան: Երկրաբանության թանգարանի տնօրեն Գայանե Գրիգորյանը մանրակրկիտ բացատրեց յուրաքանչյուր ցուցանմուշ: Թանգարանում անցկացրած ժամանակը` երեխաների համար իսկական ճամփորդության էր դեպի հեռավոր երկրագիտական ժամանակաշրջանները:
Ցուցանմուշները ցուցադրված էին 6 բաժիններում՝ հանքաբանության, հնէաբանության, քարաբանության, օգտակար հանածոների, Հայաստանի հանքային ջրերի, Հայաստանի բնական հուշարձանների։ Հիմնական մուտքի դիմաց գտնվող հատվածում Հայկական լեռնաշխարհի ապարների եզակի հավաքածուն էր, որը կարելի է «գույների խաղ» անվանել, քանի որ առաջին հայացքից չես հասկանում և նույնիսկ զարմանում ես, որ փոքրիկ երկրում լեռնային ապարների նման բազմազանություն կա՝ գրանիտից մինչև սաթ,մարմարից մինչև բազալտ:Թանգարանում ցուցադրված էին նաև բրածո կենդանիների (ուշագրավ էր Գյումրու ավազահանքում հայտնաբերված նախապատմական տրոգոնթերյան փղի կմախքը) և բույսերի նմուշներ, քարտեզներ։ Այցը շատ ուսուցանող էր, և երեխաները մեծ ոգևորվածությամբ հեռացան թանգարանից: