Հոկտեմբերի 18-ին IX բ դասարանի աշակերտները (ուսուցչուհի` Ս.Գևորգյան ) հանդիսատեսին ներկայացրեցին միջոցառում ` նվիրված Հայաստանի III Հանրապետության 27 և Էրեբունի – Երևանի 2800 ամյակներին: Միջոցառման նպատակն էր ` նորանկախ Հայաստանի ազգային-պետական շահերի տեսանկյունից աճող սերնդի մեջ համապատասխան մտածելակերպի որդեգրումը, սեփական արժեքային համակարգի ամրապնդումը և վարքագծի ձևավորումնն ու զարգացումը :
Աշակերտները ներկայացրեցին մեր ժողովրդի պատմությունը և որդեգրեցին, որ հայրենիքի պահպանման հիմնական գործոնը հայրենասիրությունն է, որի շնորհիվ է, որ հայ ժողովուրդը փորձությունների ենթարկվելով կարողացել է պահպանել իր ինքնությունը և պետականությունը:

Հոկտեմբերի 17-ին IX գ դասարանում անցկացվեց բաց դաս <<Կենսաբանություն>> առարկայից (ուսուցչուհի` Գ. Սահրադյան): Դասի թեման էր <<Կյանքի ոչ բջջային ձևեր` վիրուսներ>>: Դասի նպատակն էր ուսուցանել վիրուսների կառուցվածքի առանձնահատկությունների դերը բնության մեջ և կյանքում: Լուսապատկերների, տեսանյութերի միջոցով ներկայացրեցին,պատմեցին վիրուսիների տեսակների, տարածման եղանակների մասին: Անդրադարձան վիրուսալոգիայի զարգացման պատմությանը և խոսեցին նաև կենսաբանական զենքերի, դրանց առանձնահատկությունների մասին: Դասն անցավ հետաքրքիր վերլուծությունների և աշխույժ շփման շրջանակներում:

Հոկտեմբերի 6-ին հ. 45 դպրոցի VII բ դասարանի սովորողները դասղեկ Իրիցյանի և հայոց լեզվի և գրականության ուսուցչուհու Ա. Սահակյանի ուղեկցությամբ այցելեցին Չարենցի տուն- թանգարան: Սովորողները մեծ հետաքրքրությամբ լսեցին մանրամասներ մեծ գրողի կենսագրությունից և գեղեցիկ տպավորություններով վերադարձան տուն:

Հոկտեմբերի 7-ին V գ դասարանի սովորողները դասղեկ Ա. Սահակյանի ղեկավարությամբ այցելեցին Սաղմոսավանք:Հրաշալի բնությունը, աշնանային հաճելի եղանակը, հոյակապ եկեղեցին, մեծ տպավորություն թողեց երեխաների վրա: Երեխաները խոսեցին Սաղմոսավանքի մասին ու հարցերի միջոցով բավարարեցին իրեն հետաքրքրությունները: Օրը հագեցած էր ու անմոռանալի

Շոկոլադի պատրաստման եղանակին ծանոթանալու նպատակով II ա դասարանի աշակերտներն (դասվար` Ս. Բաղդասարյան) այցելեցին «Շոկոլաբ» երեխաների զարգացման ու զվարճանքի կենտրոն: Երեխաներն իրենց ձեռքով պատրաստեցին շոկոլադներ, շոկոլադե թխվածքաբլիթներ, զարդարեցին թխվածքաբլիթները և իրենց շոկոլադագործ զգացին:Այնոuհետև իրենց պատրաստածը փաթեթավորեցին և անվանեցին <<Ժպիտ>>: Ուրախ ու քաղցր մթնոլորտը պարուրեց փոքրիկներին ողջ օրվա ընթացքում:

Սեպտեմբերի 29-ին հ. 45 հիմնական դպրոցի 9բ դասարանի սաները պատմության ուսուցչուհու Ս. Գևորգյանի ուղեկցությամբ այցելեցին Սարդարապատ: Որտեղ տեղի ունեցավ բաց –դաս միջոցառում` նվիրված Հայաստանի Հանրապետության հիմնադրման 100 ամյակին:Ներկա էին դպրոցի ուսմասվար` Ա. Գրիգորյանը, դասղեկ` Մ. Եղիազարյանը և ծնողները:
Էքսկուրսիայի նպատակն էր` գիտակցել ազատագրական պայքարի դերն ու նշանակությունը հայոց պետականության վերականգման գործում , գնահատել պայքարի ականավոր գործիչներին, սովորողների մեջ արթնացնել հայրենասիրական բուռը զգացմունքներ:

Սեպտեմբերի 29-ին հ. 45 հիմնական դպրոցի 9բ դասարանի սաները պատմության ուսուցչուհու Ս. Գևորգյանի ուղեկցությամբ այցելեցին Սարդարապատ: Որտեղ տեղի ունեցավ բաց –դաս միջոցառում` նվիրված Հայաստանի Հանրապետության հիմնադրման 100 ամյակին:Ներկա էին դպրոցի ուսմասվար` Ա. Գրիգորյանը, դասղեկ` Մ. Եղիազարյանը և ծնողները:
Էքսկուրսիայի նպատակն էր` գիտակցել ազատագրական պայքարի դերն ու նշանակությունը հայոց պետականության վերականգման գործում , գնահատել պայքարի ականավոր գործիչներին, սովորողների մեջ արթնացնել հայրենասիրական բուռը զգացմունքներ:

IV բ դասարանի աշակերտները (դասվար` Գ. Բաղդասարյան) սեպտեմբերի 29-ին այցելեցին Սարդարապատի հուշահամալիր : Այցելությունը նվիրված էր Հայաստանի Առաջին Հանրապետության, մայիսյան հաղթանակների 100ամյա տարելիցին: Աշակերտները «Սարդարապատ» երգի հնչյունների ներքո մոտեցան հուշահամալիրի թանգարանին: Թանգարանում ծանոթացան Սարդարապատի ճակատամարտի հերոսների կատարած սխրանքներին: Տեղեկացան ինչպես է ձևավորվել Հայաստանի Առաջին Հանրապետությունը: Եղան նաև Զվարթնոց տաճարում : Հայրենասիրական ոգով տոգորված աշակերտները վերադարձան տուն:

Սեպտեմբերի 29-ին հ. 45 հիմնական դպրոցի V բ դասարանի սաները (դասղեկ`Ա. Թամազյան) ճանաչողական էքսկուրսիա անցկացրեցին Գառնի –Գեղարդում: 
Գեղատեսիլ բնությունով զմայլված երեխաները ուսումնասիրեցին Գառնու հեթանոսական  տաճարը,  բաղնիքը, որը հին հայկական ճարտարապետության ուշագրավ նմուշներից է:
Այնուհետեև ուղևորվեցին դեպի Գեղարդ, որտեղ նույնպես բավականին հետաքրքիր և բովանդակալից ժամանակ անցկացրին: Պատմեցին Գեղարդավանքի մասնի, նշեցին որ վանքը միջնադարյան հոգևոր և մշակութային կենտրոն է, հարցերի միջոցով բավարարեցին իրենց հետաքրքրությունները : Երեխաների վրա մեծ տպավորություն թողեց նաև լավաշ թխելու արվեստը,որտեղ յուրաքանչյուրը ցանկանում էր ինքը փորձեր ու զգար աշխատանքի բերկրանքը և լավաշի համն ու հոտը:
էքսկուրսիայի շնորհիվ երեխաները ձեռք բերեցին նոր գիտելիքներ և անցկացրին հաճելի ժամանակ, անմոռանալի հիշողություններով վերադարձան տուն:

Սեպտեմբերի 28-ին հ. 45 հիմնական դպրոցի սպորտդահլիճում 6-րդ դասարանի աշակերտների միջև անցկացվեց սպորտլանդիայի մրցույթ(ուսուցիչ` Ա. Գրիգորյան): Հաղթող ճանաչվեց 6բ դասարանի սաները:

Հ. 45 հիմնական դպրոցի III բ դասարանի սաները (դասվար` Ա. Սարգսյան) այցելեցին Սիլվա Կապուտիկյանի տուն- թանգարան: Այցելության  նպատակն էր  աշակերտներին ծանոթացնել բանաստեղծուհու  կյանքին, գրական-մշակութային, հասարակական-քաղաքական գործունեությանը:Երեխաները մեծ հետաքրքրությամբ նայում  էին անվանի բանաստեղծուհու իրերին  ու հարցերի միջոցով բավարարում իրենց հետաքրքրություններ:  Երեխաները շրջեցին  թանգարանի ցուցասրահները ,որտեղ  ցուցադրված էին  բանաստեղծուհու առօրյա օգտագործման իրերը, պարգևները,շքանշանները , մեդալները և նվերները: Սրահին առանձնակի շուք էր տալիս բանաստեղծուհու որդու՝ ՀՀ ժողովրդական նկարիչ Արա Շիրազի կերտած գիպսե կիսանդրին: Այցն ուսուցանող էր, և աշակերտները մեծ ոգևորությամբ հեռացան թանգարանից:

Այցելություն Սարդարապատի հուշահամալիր` նվիրված Հայաստանի Հանրապետություն 100 ամյակին: Այցելության նպատակն էր երեխաների մեջ սերմանել հայրենասիրություն, ծանոթացնել թանգարանին և Սարդարապատի հերոսամարտին նվիրված ցուցանմուշներին և նյութերին:
Աշակերտների վրա մեծ ազդեցություն ունեցավ թանգարանում Հայաստանի առաջին հանրապետության նշանավոր գործիչների անձնական իրերը,գրառումները, լուսանկարներն, որոնք խոսուն վկաներն են համահայկական հերոսամարտի:

Կավճանկարչություն` նվիրված ՀՀ 100 ամյակին( դասվար` Լ. Այվազյան)
Սեպտեմբերի 20-ին հ. 45 հիմնական դպրոցի բակը լի էր մանկական անկեղծ ծիծաղով, ուրախությամբ ու խնդությամբ: I ա դասարանի սովորողները` մեր անկախ հանրապետության փոքրիկ քաղաքացիները, դասվար Լ. Այվազյանի ղեկավարությամբ կավճանկարչության միջոցով իրենց սերն ու նվիրվածությունը արտահայտեցին հայրենիքի նկատմամբ: Նրանց թոթովախոս շուրթերից հնչեցին հայրենասիրական բանաստեղծություններ.
Փողփողա´ն նորից, իմ սու´րբ Եռագույն,
Քո կարմիր ,կապույտ ու նարնջագույն
Շողերո´վ լցրու աշխարհս Հայոց,
Դարցրո´ւ նրան աննվաճ ամրոց:

Սեպտեմբերի 8-ին «Մաքուր Հայաստան» ծրագրի շրջանակներում Երևանի հ. 45 հիմնական դպրոցում անցկացվեց համապետական շաբաթօրյակ, որին մասնակցում էին մեր դպրոցի աշակերտները և անձնակազմը:

Այս տոնական օրը առանձնահատուկ հուզիչ ու հետաքրքիր էր I ա դասարանում (դասվար Լ. Այվազյան): Լուսավոր ու գունագեղ դասարանում իրենց առաջին դասն անցկացրած փոքրիկները տպավորված էին, փոքր ինչ հուզված և սպասումներով լի: 
Մաղթենք նրանց հաջողություն ուսման մեջ: 
Բարի´ երթ, սիրելի I դասարանցիներ:

Գիտելիքի և դպրության օրը տոնական բարձր տրամադրություն էր տիրում Երևանի հ. 45 հիմնական դպրոցում: Դպրոցն իր ջերմ ու հյուրընկալ դռներն էր բացել բոլոր աշակերտների, ուսուցիչների, ծնողների և հյուրերի առաջ: Ուրախ երգ ու պարով, գույնզգույն ծաղիկներով, գունեղ փուչիկներով, շնորհավորանքներով ու բարեմաղթանքներով լցվաց էր դպրոցի բակը: 
Անսպառ սեր ու քնքշանք տալով մեր սաներին՝ կրկին անգամ ասում ենք բարի գալուստ մեր պայծառ, գիտելիքաշատ դպրոց:

Յուրաքանչյուր շրջանավարտի հիշողության մեջ մշտապես ապրում է «Վերջին զանգ»-ի օրը, որը լի է անմոռաց ակնթարթներով ու խինդով շաղախված թախիծով: 
Հ. 45 հիմնական դպրոցում անբացատրելի զգացմունքները, հույզերը, ծիծաղն ու արցունքները միախառնվել էին ու մի մեծ ղողանջով ազդարարում էին տարեվերջյան ամենասպասված վերջին զանգին:Սրտի ուժգին թրթիռով մեր IX դասարանի սաները (դասղեկներ` Լ. Ափոյան, Ա. Սահակյան) բեմ բարձրացան՝ հուզվելով և հուզելով բոլոր ներկաներին, վերջին անգամ զգալով հարազատ դպրոցի տաքուկ ջերմությունը: Մեր շրջանավարտներին , ճանապարհելով կյանքի այս նոր փուլ, մաղթում ենք նորանոր բարձրունքներ, քաջություն ու տոկունություն, երազանքների իրականացում…

Հայաստանի առաջին Հանրապետության հռչակման 100-ամյակի միջոցառումների շրջանակներում հ. 45 հիմնական դպրոցի կարատեի խմբակի սաները (մարզիչ` Ա. Գրիգորյան) ցուցադրեցին կարատեի ցուցադրական ելույթներ:

Մայիսի 23-ին Էրեբունի վարչական շրջանի Ն. Գոգոլի անվան հ.35 հիմնական դպրոցի Արմենակ Ուրֆանյանի անվան հրաձգարանում տեղի ունեցավ հրաձգության բաց առաջնություն` նվիրված «Էրեբունի- Երևանի 2800»-ամյակին:Առաջնությանը մասնակցում էին վարչական շրջանի 19-ը հանրակրթական դպրոցների պատանիներ և աղջիկներ: Հ. 45 հիմնական դպրոցի սաները նույնպես մասնակցեցին և IX բ դասարանի սովորող` Սոնա Միրզախանյանը , գրավեց 2-րդ պատվավոր տեղը:

Հերթական հաղթանակների շարք 2-րդ ա դասարանում /դասվար՝ Ա. Բաբասյան/: Հաղթանակներ, որոնք կերտում են ապագա՝ վառ ու գեղեցիկ, շենշող ու խոստումնալից: Հաղթանակներ, որոնք ոգեշնչող են, ոգևորող, նաև` պարտավորեցնող: Վայելենք ՝
Գագիկ Գրիգորի Գրիգորյան՝ Արտմյուզիք արվեստի միջազգային 9-րդ մրցույթ-փառատոնում 3-րդ կարգի դափնեկիր՝ ՙՙԳունանկար և գրաֆիկա՚՚ անվանակարգ.
Ժորա Համլետի Վարդանյան՝ Հայաստանի Կիդուրո կարատեի ֆեդերացիայի սան է, նվաճել է 1-ին կարգի մեդալներ.
Դավիթ Մերուժանի Սարգսյան՝ բռնցքամարտիկ, նվաճել է 1-ին կարգի մեդալ.
Գևորգ Հովհաննեսի Շիրինյանը,Արա Հովհաննեսի Հայրիկյանը, Նարեկ Ազատի Գևորգյանը, Գոռ Սամվելի Պողոսյանը և Ալեքս Մնացականի Վարդանյանը, մասնակցելով պարարվեստի մրցույթ- փառատոնի , արժանացել են պատվոգրերի և խրախուսական նվերների: Շնորհավորենք մեր հերոսներին և ցանկանանք նորանոր հաղթանակներ:

Մայիսի 16-ին տոն էր հ. 45 հիմնական դպրոցի դահլիճում : I բ դասարանի սաները (դասվար` Ռ. Սահակյան) իրենց սրտի շնորհակալական խոսքն էին ասում Մեսրոպ Մաշտոցին, նրա ստեղծած հայոց գրերին : Արդեն գրաճանաչ փոքրիկները հայրենասիրական ոտանավորներով, երգերով, հայկական պարով ցույց տվեցին, որ իրենք են իրենց երկրի վաղվա տերն ու հպարտ են, որ հայ են:
Նրանց ներկայացրած հեքիաթների հերոսները վկայեցին, որ նրանք կարդացած են , գիտակ կարգապահ ու դաստիարակված:

Արդեն գիտենք կարդալ, գրել,
Զենքեր ունենք ` հայոց գրեր.
Ամենամեծ տոնն է այսօր,
Տոների մեջ մեր հին ու նոր …
Մանկան քաղցրալուր ձայնով իրար հաջորդելով արտասանում են հ. 45 հիմնական դպրոցի Iա-ի սաները (դասվար` Հ.Վարդումյան) և դահլիճում գտնվողներին մի պահ հետ տանում դեպի սեպտեմբերի մեկ, երբ վախվորած դպրոց եկան և սրտի թրթիռով բացեցին «Այբբենարանի » առաջին էջը:
Օրացույցի թերթիկների նման օրերը հաջորդեցին միմյանց և այսօր գրաճանաչ ու բանիմաց այս փոքրիկները բաժանվում են իրենց գրքից` ձոնելով նրանք երախտագիտությամբ լեցուն ուրախ մի տառահանդես:
Նրանք իրենց և աշխարհի համար խաղաղություն են ուզում, որ լավ սովորեն,մեծանան և կառուցեն իրենց հայրենիքի վաղվա օրը:

Հավերժության մեր ճամփան 
Այբուբենն է մեսրոպյան 
ՈՒժ է տալիս մեր բազկին, 
Միասնություն` մեր ազգին...
Մաշտոցյան շունչն էր թևածում հ. 45 հիմնական դպրոցում և ուրախ տրամադրություն լցնում դահլիճը: I գ դասարանի սաները(դասվար` Ս.Մարտիրոսյան) ամբողջովին գիտակցելով օրվա կարևորությունը կարողացան իրենց ուսուցանածը վարժ ու հստակ մատուցել։ Մեր փոքրիկները փայլեցին, հիացրեցին ու զարմացրեցին իրենց գիտելիքներով, վստահությամբ, գեղեցիկ ու անկաշկանդ ելույթով: Ամեն մի տառին համապատասխան երգ ու պարը տոնական տրամադրություն էր լցրել բոլորի սրտերը։ Ուսուցչուհու քրտնաջան աշխատանքը տվեց իր քաղցրահամ պտուղները և հերթական անգամ համոզվեցինք, որ մեր բալիկների կրթության հիմնաքարը ամուր է դրված, իսկ տառաճանաչության կարևոր առաքելությունը՝ կատարված: Միջոցառումն անցավ ուրախ և ջերմ մթնոլորտում` ժպիտներ պարգևելով թե՛ ծնողներին, թե՛ ուսուցչական կոլեկտիվին և թե՛ հյուրերին:

Մայիսի 10-ին Երևանի հ.45 հիմնական դպրոցում, տեղի ունեցավ խաղ-վիկտորինա մրցույթ <<Աշխարհագրություն>> առարկայից նվիրված Էրեբունի-Երևանի 2800 ամյակին: Մրցույթին մասնակցում էին 8ա, 8բ, 8գ դասարանի սովորողները: Վիկտորինան բաղկացած էր 3 փուլից: I փուլում մասնակիցները պատախանեցին հարցերի նվիրված մայրաքաղաք Երևանին: II փուլում մասնակիցները պետք է գուշակեին Երևան քաղաքի արձանները: Իսկ արդեն III փուլը երաժշտական էր: Մասնակիցները պետք է գուշակեին մայրաքաղաք Երևանին նվիրված երգերը: Խաղը անցավ շատ հետաքրքիր, աշխույժ մթնոլորտում: Մրցույթն անցկացվեց նաև ՏՀՏ միջոցների օգնությամբ: Խաղը հաղթեցին 8ա դասարանի սովորողները: Մրցույթի վերջում 3 թիմերն էլ պարգևատրվեցին պատվոգրերով:

Մայիսի 11-ին V ա դասարանում(ուսուցչուհի` Ա. Հակոբյան ) բաց դաս էր, թեման` «Նամակ: Մեծերի նամակները»: Դասը սկսվեց նամակ բառի բացատրությամբ: Երեխաները պատմեցին նամակի կառուցվածքը, ապա ներկայացրին Հովհաննես Թումանյանի, Ավ. Իսահակյանի, Տերյանի, Կոմիտասի, Ե. Չարենցի, Ջեկ Լոնդոնի, Գ. Մարկեսի նամակները: Հնչեցին թևավոր խոսքեր, շրջասույթներ,կատարվեց բառային աշխատանք: Կշռադատում փուլում երեխաները նշեցին, որ մեծերի նամակները սովորեցնում են բարեսրտություն, աշխատասիրություն, հայրենասիրություն, ազնվություն, սովորեցնում են ապրել հույսով, հավատով, սիրով: Նշվեց, որ նամակները լինում են նաև չափածո: Արտասանեցին Ա. Կիրակոսյանի «Նամակ առ Հայաստան» բանաստեղծությունը: Իսկ հետո հնգյակ մեթոդի օգնությամբ վերհանվեց բանաստեղծության հիմնական գաղափարը: Երեխաները կարդացին իրենց նամակները: Ուսուցչուհին հանձնարարեց տնային աշխատանք`«Հաղթանակի բերկրանքը» թեմայով շարադրություն: 
Դասի վերջում ուսուցչուհին արտասանեց Պ. Սևակի «Օրհնություն» բանաստեղծությունը : Իսկ հետո հնչեց Ա. Կիրակոսյանի բառերով գրված «Այնպես ուզում եմ …» երգը:

Հայաստանի Հանրապետության 100-ամյակին նվիրված միջոցառումների շրջանակում IV ա դասարանի սովորողները, դասվար Լ. Այվազյանի ուղեկցությամբ, այցելեցին «Զորավար Անդրանիկ»-ի թանգարան: Էքսկուրսավարի հետ նրանք շրջեցին թանգարանում, ծանոթացան ցուցանմուշներին: Ներկաներին հիացրեցին ու զարմացրեցին Անդրանիկ Օզանյանի կյանքի , նրա ծավալած մարտերի մասին ունեցած խորը գիտելիքներով: Ակտիվ մասնակցության համար արժանացան մրցանակի «Զորավար Անդրանիկ» թանգարանի մասին պատմող գրքի , որն իր ուրույն տեղը կզբաղեցնի դասարանի գրադարանում:
Այնուհետև շրջեցին Կոմիտասի պանթեոնում` ամփոփելով դասարանում սկսած հետազոտական աշխատանքը: Ասմունքեցին հայտնի բանաստեղծների շիրիմների մոտ:

Հայաստանի Հանրապետության 100-ամյակին նվիրված միջոցառումների շրջանակում հ. 45 հիմնական դպրոցում դաս-միջոցառում էր ռուսերեն առարկայից(ուսուցչուհիներ` Լ. Իրիցյան, Ս.Գասպարյան, Ն. Մարտիրոսյան): Երեխաները կարողացան վարժ ռուսերենով ներկայացնել մեր հայ հերասների կատարած սխրանքները, պատմեցին հայ ժողովրդի դարավոր պատմությունը:Դասի ընթացքում օգտագործվեցին ՏՀՏ միջոցներ և սովորողները դիտեցին տեսանյութ` նվիրված Սարդարապատի հերոսներին:

Հայաստանի Հանրապետության 100-ամյակին նվիրված միջոցառումների շրջանակում VIII բ դասարանի աշակերտները (ուսուցչուհի` Ս. Գևորգյան) հանդիսատեսին ներկայացրեցին միջոցառում:Աշակերտները ներկայացրեցին հայ ժողովրդի անցած և ներկա պատմությունը: Միջոցառման նպատակն էր` ճիշտ հասկանալ և գնահատել հայ ժողովրդի կրթամշակութային և ազգապահպան նշանակությունը, հասկանալ և գնահատել իր շուրջը տեղի ունեցող բազմաթիվ իրադարձությունները և պահպանել անկախությունը և մշակութային այն ժառանգությունը, որ մեզ է հասել:

Հայաստանի Հանրապետության 100-ամյակին նվիրված միջոցառումների շրջանակում IV ա դասարանի աշակերտները (դասվար` Լ. Այվազյան) հանդիսատեսին ներկայացրեցին «Հայաստանի Հանրապետության երթը դեպի ապագա» խորագիրը կրող բովանդակալից միջոցառումը:
Երեխաները ներկայացրեցին բազմաշնորհ հայ ժողովրդի պատմության կարևորագույն դրվագներ` հեթանոսական շրջանից մինչև մեր օրերը:
Նրանք խոստովանեցին, որ երջանիկ երկրի` նոր Հայաստանի հրաշամանուկները լինելով`գիտակցում են , որ այն ամենն, ինչ եղել է իրենցից առաջ, եղել է իրենց համար և հենց իրենք են այդ նվաճումների ժառանգորդն ու շարունակողը… Քանզի նրա´նք են տերը մեր երկրի, նրա´նք են հայ մեծերի առժանի հետնորդները:
-Ես հաստատ գիտեմ` չեմ մոլորվելու, 
Ոչ մի խոչընդոտ էլ ոչ մի դեպքում 
Ինձ չի կասեցնի.
Ազատ եմ, անկախ,
Քաղաքացին եմ ես Հայաստանի:

Ապրիլի 16-ին հ. 45 հիմնական դպրոցի պատանի հրշեջ փրկարարները մասնակցեցին Երևան քաղաքի պատանի հրշեջ փրկարարների մրցումներին և գրավեցին 4 –րդ տեղը: Առաջնությունում առավելապես աչքի րնկան Մանիկ Սարգսյանը , Ռուզաննա Հայրապետյանը, Աշոտ Սարգսյանը, Կամո Սիմոնյանը , Տիգրան Մնացականյանը, Հովհաննես Հովհաննիսյանը, Նարեկ Մանուկյանը և Սարգիս Բալդրյանը:

Մարտի 25-ին Հայաստանի I Հանրապետության 100 ամյակի տոնակատարության շրջանակում IX ա դասարանի սովորողները դասղեկ Լ. Ափոյանի և զինղեկ Ա . Առաքելյանի հետ այցելեցին Զորավոր Անդրանիկի թանգարան: Այնուհետև այցելեցին Եռաբլուր, որտեղ ծաղիկներ դրեցին Զորավար Անդրանիկի և քառօրյա պատերազմի զոհվածների շիրիմներին:

Էրեբունու շախմատի մանկապատանեկան մարզադպրոցում ապրիլի 12-ին մեկնարկել է Երևանի 2800 ամյակին նվիրված մրցաշարի նախընտրական փուլը:

Համար 45 հիմնական դպրոցից մասնակցեցին 28 աշակերտ:Մրցաշարի նպատակն էր պարզել, թե աշակերտները ինչպես են յուրացրել ուսուցման արդյունքում ձեռք բերած տեսական գիտելիքները և կիրառումը խաղի ընթացքում, ինչպես են տիրապետում շախմատ խաղալու արվեստին և կողմնորոշվում բարդ իրավիճակներում:

Ապրիլի 13-ին III բ դասարանում (դասվար` Գ. Բաղդասարյան) անցկացվեց մաթեմատիկական ցերեկույթ` «Որախ մաթեմատիկա» խորագրով: Աշակերտները բաժանվեցին «Կարմիր»,«Կապույտ», «Նարնջագույն» թիմերի: Թիմերն ասեցին իրենց ողջյունի խոսքերն ու ներկայացրեցին ինչպես են առաջացել համրանքը և թիվը: Հովհաննես Թումանյանի հեքիաթների միջոցով ներկայացրեցին խնդիրներ` « Կիկոսի մահը»,«Անբան Հուռին»: Յուրաքանչյուր թիմին առաջադրվեց հարցեր և մրցույթի վերջում ստացան հավասար միավորներ ու խրախուսագրեր:

III գ դասարանում սովորում է մի խիզախ տղա, որի տարերքը սպորտն է: Նա Հայաստանի Կիդորյու կարատեի ֆեդերացիայի սան է: Մասնակցել է Հայաստանում, ինչպես նաև Վրաստանի տարբեր քաղաքներում կայացած մի շարք միջազգային առաջնություններին ու վերադարձել միայն բարձրագույն նվաճումներով՝ բոլոր մրցույթներում գրավելով միայն I տեղը: Նրան արդեն իսկ հրավիրել են ԱՄՆ՝ ամռանը մասնակցելու աշխարհի առաջնությանը:
Բազում մեդալներ նվաճած մեր մարզասեր Արմենին մաղթենք միայն հաղթանակներ, առողջություն, եռանդ և օլիմպիական բարձունքներ:

2018թ. ապրիլի 11-ին հ.45 հիմնական դպրոցի հանդիսությունների դահլիճը տոնական տեսք ուներ:Բոլորն անհամբերությամբ սպասում էին ինչ-որ խորհրդավոր ու գեղեցիկ արարողության:Եվ ահա եկավ բաղձալի պահը. բեմ բարձրացան 2- րդ ա դասարանի աշակերտները (դասվար՝ Արմինե Բաբասյան)՝ ներկայացնելու «Կարմիր Գաթան» մյուզիքլը: Հենց առաջին հնչյուններից հանդիսատեսը հայտնվեց աննկարագրելի խանդավառության մեջ:Երեխաների անկաշկանդ դերասանական խաղը ,պարը , երգը տարան բոլորին հեքիաթային զարմանահրաշ աշխարհ, ուր հաղթում են սերն ու բարությունը, աշխատասիրությունն ու ազնվությունը: Աշակերտները վստահորեն ընդգծեցին ներկայացման գլխավոր խորհուրդը.
Կյանքում երջանիկ է միայն նա,
Ով որ արդար իր քրտինքով
Կուտի անուշ, կարմիր գաթա:
Ներկայացումը ցնցող տպավորություն գործեց և արժանացավ ներկաների բուռն արձագանքին:

Սույն թվականի ապրիլի 10-ին հ. 45 հիմնական դպրոցի VII ա դասարանում անցկացվեց բաց դաս հայ գրականությունից ( ուսուցչուհի` Ս. Հարությունյան): Բաց դասի թեման էր «Համո Սահյանի կյանքն ու ստեղծագործությունը»(ամփոփիչ դասաժամ)` նվիրված ծննդյան 104-ամյակին: Դասի նպատակն էր սովորողներին հաղորդակից դարձնել մեծանուն գրողի բանաստեղծություններին,գրողի գործերի միջոցով սերմանել հայրենասիրություն, մարդասիրություն, բարություն և աշխատասիրություն: Սովորողները տեսաֆիլմի օգնությամբ «գնացին» Լոր գյուղ, հիացան բնության գեղեցկությամբ , տեսան նրա տուն-թանգարանը, լսեցին Սահյանի կենդանի ձայնը: Երաժշտության ուղեկցությամբ ասմունքեցին իրենց նախընտրած ստեղծագործությունները: Դասը ավարտվեց հայրենիքի նկատմամբ մեծ սիրո և կարոտի մասին պատմող «Նաիրյան դալար բարդի» երգով:

Ապրիլի 6-ին հ. 45 հիմնական դպրոցում անցկացվեց ռուսաց լեզվից միջոցառում` նվիրված ռուս մանկագիր Կ. Չուկովսկու կյանքին ու ստեղծագործությանը: Միջոցառումը կազմակերպել էին ռուսաց լեզվի ուսուցիչները` Լ. Իրիցյան, Ն. Մարտիրոսյան, Ս. Գասպարյան: Երեխաները վարժ ռուսաց լեզվով բեմադրեցին Կ. Չուկովսկու հեքիաթները, պատմեցին նրա կյանքից պատրվակներ ու ասմունքեցին բանաստեղծությունները: 
Աշակերտներն իրենց ասմունքով, նազանի պարով, հոգեթով երգերով կարողացան հաճելի պահեր պարգևել դահլիճում գտնվողներին: 

Կավճանկարի վառ գույների մեջ 
Գարունն է ժպտում ջերմ ծաղիկներով,
Ու մանուկներն են սիրով նկարում,
Իրենց աշխարհը գույնով փոխանցում: 
II դասարանցիներն այսօր էլի գործում են 
Դպրոցի բակում ստեղծագործում են , 
Խաղաղություն մաղթում աշխարհին,
Ուժ, բարգավաճում` մեր հայրենիքին:

Հ. 45 հիմնական դպրոցում այսօր աշխատանքային թեժ եռուզեռ է. գարնանային շաբաթօրյակ, որին մեծ ոգևորությամբ մասնակցում են թե մեծերը, և թե փոքրերը: 
Կարևոր է գիտակցումը, որ դպրոցն էլ իրենց տան նման անհրաժեշտ է մաքուր պահել, պահպանել ու սրտացավորեն հետևել շրջակա միջավայրի մաքրությանը:

Մարտի 21-ին հ. 45 հիմնական դպրոցի IV բ դասարանի աշակերտները (դասվար՝ Ռ. Տիգրանյան) կազմակերպել էին միջոցառում «Հավերժի ճամփորդը» խորագրով։ Երեխաները թեման ներկայացրեցին հայրենասիրական ոգով և հայրենիքի հանդեպ մեծ սիրով ու ջերմությամբ։ Ընթացքում այն համեմեցին երգ ու պարով, որը համահունչ էր թեմային։ Թող որ մեզանից յուրաքանչյուրի սրտում հայրենասիրությունն իր ուրույն տեղն ունենա։

Հայրիկյան Արա Հովհաննեսի. Քաջ հայորդի,որ 2-րդ ա դասարանի /դասվար` Ա.Բաբասյան/ հերթական հերոսն է:Արևելյան մարտարվեստից նվաճել է դեղին գոտի, 2 առաջին կարգի և 1 երրորդ կարգի մեդալներ` ցուցաբերելով կամքի մեծ ուժ, տոկունություն ու համառություն: Հաջողություն քեզ,մեր խիզախ Արա:

Մարտի 17-ին  հ. 45 հիմնական դպրոցի IV ա դասարանի սովորողները (դասվար`Լ. Այվազյան) այցելեցին Կոմիտասի թանգարան-ինստիտուտ` հիմնավորելու և զարգացնելու Կոմիտասի  կյանքի  և ստեղծագործական ժառանգության մասին ունեցած տեղեկությունները: Սովորողները շրջեցին թանգարանի 8 սրահներում,որտեղ ցուցադրված էին  Կոմիտասի կյանքին ու գործունեությանը, երաժշտական-տնտեսական և հոգևոր  գործունեությանը, բանահավաքչական հարուստ ժառանգությանը նվիրված նմուշներ:Լսեցին ու կատարեցին Կոմիտասի երգերից:Սովորողները  հիացրեցին իրենց տեղեկատվական հարուստ պաշարով, գրագետ խոսքով և հետաքրքրասիրությամբ:

 Կավճանկարչություն  I գ դասարան (դասվար` Ս.  Մարտիրոսյան)

Մարտի 16-ին  հ.45 հիմնական դպրոցի բակում  ուրախ խինդ  ու ծիծախ էր լցված: I գ դասարանի սաների  ձեռքերում գունավոր կավիճները դարձել էին վրձին, դարձել էին սեր ու նկար: Գունավոր կավիճների օգնությամբ երեխաներն արտահայտեցին  իրենց սերն  դպրոցի, հայրենիքի նկատմամբ:

Մարտի 12-ին հ. 45 հիմնական դպրոցի աղջիկների բասկետբոլի թիմը մասնակցեց Հայաստանի Հանրապետության անկախության 27-րդ ամյակի կապակցությամբ անցկացվող համայնքային առաջնությանը: Աղջիկների թիմը շատ գեղեցիկ խաղ ցուցադրելով գրավեց համայնքում 3-րդ տեղը: Խաղերն անցան շատ դիտարժան:Իր գոհունակությունը հայտնեց նաև Էրեբունի վարչական շրջանի կրթության և մշակույթի բաժնի սպորտի պատասխանատու Մերուժան Օխիկյանը:  

«Կենգուրուն» աշխարհում ամենազանգվածային և ամենասիրված դպրոցական մրցույթն է, որն ամեն տարի նույն օրը անցկացվում է ավելի քան 60 երկրում: Մրցույթն անցկացվում է անմիջականորեն դպրոցներում` ներգրավելով 3-12-րդ դասարանցի բոլոր ցանկացող աշակերտներին:
Մարտի 15-ին հ. 45 հիմնական դպրոցի 59 աշակերտներ ակտիվորեն մասնակցեցին «Այբ» կրթական հիմնադրամի կողմից կազակերպվող «Կենգուրու» մաթեմատիկական մրցույթին և փորձեցին իրենց մաթեմատիկական և տրամաբանական ունակություններն ու հմտությունները:

Մարտի 12-ին Երևանի հ. 45 հիմնական դպրոցում տեղի ունեցավ համերգ «Մուլտֆիլմերի աշխարհում» խորագրով (ուսուցչուհի` Ա. Թամազյան): Երգի խմբի սաների կատարմամբ հնչեցին հայտնի և սիրված մուլտֆիլմերի երգերը («Կարմիր գլխարկ», «Դե սպասի´ր», «Անաստասիա», «Գնդլիկ բոքոնիկ») և այլն:

Սիրված մուլտֆիլմերի երգերը, փոքրիկների զվարթ թռվռուն բեմական խաղը ներկաներին տարան դեպի անհոգ, ուրախ, հեքիաթային մանկության մոլորակ:

Հաղորդավարները հանելուկներ ուղղեցին հանդիսատեսներին` դրանով մասնակից դարձնելով նաև նրանց: 
Երեխաների հրաշալի կատարումները գարնան շունչ հաղորդեցին և ծաղիկների թարմությամբ լցրեցին դահլիճը:

Մարտի 6-ին հ. 45 հիմնական դպրոցում իրական տոնակատարություն էր: VI գ դասարանի սովորղները ( դասղեկ` Գ. Սահրադյան) անցկացրեցին միջոցառում «Թող լինի միշտ մայրիկը» խորագրով: Ողջույնով ու բարեմաղթանքներով հանդես եկան VI գ դասարանի սաները և ջերմ տրամադրություն պարգևեցին մայրերին և ուսուցչուհիներին:

     Հերթական անգամ համոզվում ենք, որ աշխատանքն է հաղթանակի գրավականը: Դրա վառ ապացույցն է մեր դպրոցի II ա դասարանի սաների` Նելլի Տեր-Մելիքսեթյանի (պար) և Գևոր Շիրինյանի (շախմատ) փայլուն հաղթանակները:

    Բարի երթ ձեզ, մեր աշխատասեր սաներ:

    2018թ փետրվարի 28-ին IIա դասարանում (դասվար` Ա. Բաբասյան) տոն էր. աշակերտներն ամփոփեցին «Ես և շրջակա աշխարհը» առարկայից «Բույսերը» թեմայով կատարած նախագծային աշխատանքը: Սովորողները ներկայացրին ծառի, թփի և խոտաբույսերի կառուցվածքային նմանությունն ու տարբերությունը: Ասեցին հանելուկներ, փոքրիկ բանաստեղծություններ բույսերի դերի և նշանակության մասին: 
    Ոգևորված էին նաև ծնողները, որոնց օգնությամբ դաս- միջոցառման ավարտին ձևավորեցին գունագեղ պաստառներ:

Կա Մեծարենց, կա Տերյան և բազում այլ պոետներ կան, բայց Թումանյանն է անհաս Արարատը մեր նոր քերթության:
Եվ բնավ էլ պատահական չէ ,որ փետրվարի 19-ը զարդարվում է ոչ միայն մեր հանճար Թումանյանի ծննդով, այլ նաև միմյանց գիրք նվիրելու ավանդույթով:

Այդ օրը տոն էր բոլոր գրքասերների, գրականություն սիրողների և տոնական էր նաև հ. 45 հիմնական դպրոցի սաների համար:

Ամեն մի դասարան յուրովի էր պատրաստվել տոնին ու մեկը մյուսին պատգամելով գրքի կարևորությունը՝ միմյանց հանձնեցին գրքեր։ Իրենց նվերներն էլ ամբողջացրին գեղեցիկ ու տպավորիչ ելույթներով` թումանյանական շնչով ու ոգով: