Կենդանիների պաշտպանության համաշխարհային օրը Հայաստանի բնության պետական թանգարանում:

Հոկտեմբերի 4-ը ամբողջ աշխարհում նշվում է որպես կենդանիների պաշտպանության համաշխարհային օր: ՀՀ բնապահպանության նախարարության Հայաստանի բնության պետական թանգարանը Երևանի Օրհուս կենտրոնի հետ համատեղ ս/թ հոկտեմբերի 9-ին կազմակերպել էր կենդանիների պաշտպանության համաշխարհային օրվան նվիրված միջոցառում, որին մասնակցում էին Երևանի թիվ 45 դպրոցի 2-րդ «Ա» դասարանի աշակերտները (դասվար` Լ. Այվազյան):
Միջոցառման նպատակն էր հանրության մեջ բնապահպանական իրազեկման բարձրացման, երեխաների մոտ դեռ վաղ հասակից բնության վերաբերյալ գիտելիքների խորացման և վերջինիս նկատմամբ սեր ու հոգատարություն սերմանելը: Միջոցառման ընթացքում ելույթով հանդես է եկել <<Թռչնասերների կենտրոն>> հասարակական կազմակերպության նախագահ Սիլվա Ադամյանը: Մասնակիցները դիտել են Հրաչ Ղազարյանի հեղինակած <<Բեզոար>> ֆիլմը, որից հետո ծավալվել է ֆիլմի ակտիվ քննարկում: Վերջում կազմակերպվել է էքսկուրսիա թանգարանի սրահներով:

Այսօր 2-րդ (բ) դասարանը դասվար Ռ.Տիգրանյանի հետ  այցելեցին Թումանյանի տուն-թանգարան:Դասվարը կարևորում էր այդ այցելությունը, քանի որ յուրաքանչյուր հայ երեխա պետք է ճանաչի իր ազգի մեծերին: Այցելության նպատակն էր երեխաներին ծանոթացնել հայ ազգի մեծագույն գրողի հետ : Բոլոր ժամանակների համար Թումանյանը Մեծ բանաստեղծ է և այդ մեծությունը բացատրվում է ոչ միայն իր անկրկնելի ստեղծագործություններով, այլև մարդկային վեհ հատկանիշներով: Նա իր ժողովրդի կողքին է եղել օրհասական օրերին, հոգեբանորեն, ֆիզիկապես և ֆինանսապես սատարել 1915թ-ի օսմանյան Թուրքիայի կողմից իրականացված մեծ եղեռնից մազապուրծ եղած մանուկներին: Մեր երեխաներն իրենց աչքով տեսան այդ երեխաների ցնցոտիները շարված թանգարանի աստիճաններին: 

Նրա ստեղծագործությունները, մասնավորապես հեքիաթները այսօր էլ արդիական են: Մեր օրերում էլ կան «ձախորդ Փանոսներ» , «քաջ Նազարներ,» , «անխելք մարդիկ», «սուտլիկ Որսկաններ»... Այժմ, մեր երեխաները այդ ստեղծագործություններին ծանոթանալով, ավելի լավ կընկալեն դրանց ողջ խորիմաստությունը, քանի որ արդեն հաղորդակից են եղել նրա կյանքի մասունքնեին և այն մթնոլորտին որը տիրել է նրա տանն ու ընտանիքում:

 

         

         

Երևանի քաղաքապետարանը ևս մեկ անգամ առիթ ընձեռեց հ.45 հիմնական դպրոցի սովորողներին հարգանքի տուրք մատուցելու հայոց ցեղասպանության զոհերի հիշատակին : Երեխաները, գիտակցելով, որ մեծ պատիվ է պատվո պահակ կանգնել Ծիծեռնակաբերդի հուշահամալիրի մոտ, դրսևորեցին բարձր պատասխանատվություն և ոգևորությամբ իրականացրեցին իրենց վստահված առաքելությունը :

            Հուշահամալիր էին այցելել նաև  ,,Մուսալեռ,,  հայրենակցական միության կենտրոնական վարչության վարչակազմը և միության այլ անդամներ   , հայ ազգագրության  գանձարանի փոխտնօրեն Սվետլանա Պողոսյանը, ովքեր ականատես եղան դպրոցի սովորողների ներկայացրած     ,,Անմար կրակ,,    միջոցառմանը :

            ,,Մուսալեռ,, հայրենասիրական միության վարչակազմի  ղեկավար Եսայի Հրանտի Չախչախյանը և ֆրանսահայ գրող Ժորժ Կևորգյանը ոգեշնչվելով միջոցառումից՝  իրենց գոհունակության և հիացմունքի խոսքերն հղեցին դպրոցի տնօրենությանն   ու սովորողներին՝  բարձր  գնահատելով երեխաների հայրենասիրական ոգին և ազգային արժանապատվության գիտակցումը:

            Միջոցառման վերջում դպրոցականները հնարավորություն ունեցան այցելել Ցեղասպանության տուն-թանգարան և մեկ անգամ ևս հարգանքի տուրք մատուցել մեր 1.5 մլն  անմեղ զոհերի հիշատակին :
 

Աշնան առաջին օրը արտասովոր խանդավառությունն էր թևածում Երևանի հ. 45 հիմնական դպրոցի բակում.

79-րդ սեպտեմբերի 1-ին դպրոցն իր հյուրընկալ դռներն էր բացել բոլորի առաջ: Իսկ օրն ավելի արտասովոր և պարտավորեցնող էր, քանզի հարազատ դպրոց էր եկել տոնին մասնակցելու և իր ողջույնը հղելու ՀՀ Գիտության և կրթության նախարար պարոն Արմեն Աշոտյանը, Երևանի քաղաքապետարանի հանրակրթության վարչության ներկայացուցիչ Անահիտ Ղազարյանը:

Պատվավոր հյուրերի մեջ էր նաև Էրեբունի վարչական տարածքի ղեկավար Արմեն Հարությունյանը :

Խինդ, ժպիտներ, տոնական բարձր տրամադրություն…

Պետական հիմնից հետո մոտ կես ժամ դպրոցի սաները երգով, պարով, փոքրիկ բեմադրությամբ բարձր տրամադրություն հաղորդեցին ներկաներին, ուսուցչի երդմամբ հանդես եկավ երիտասարդ ուսուցչուհի Ասյա Յազուլյանը:

Դպրոցի ձեռքբերումները, հետագա անելիքները ներկայացվեց դպրոցի տնօրեն պարոն Փաշայանի կողմից: Իր ելույթում տնօրենը հպարտությամբ նշեց, որ դպրոցն իր վարկանշային աղյուսակում ՀՀ-ի մեծ և միջին հիմնական դպրոցների մեջ զբաղեցնում է բարձր տեղ, իսկ սովորողների ուսումնառության չափանիշով ՀՀ-ում 1-ինն է:

Հաջողության լուրջ գրավական է նաև ,որ վերջին 3 տարին անընդմեջ հանրապետական օլիմպիադաներում մեր դպրոցն ունի 1-ի մրցանակի արժանացած սովորող: Անցյալ ուստարվա վերջի հետ համեմատությամբ սովորողների թիվը ավելացել է 70-ով:

Հանդիսությունը եզրափակեց անկեղծ,անմիջական խոսքով պարոն Աշոտյանը՝ հիշելով դպրոցական առօրյայից հուշեր: Ապա առաջին դասարանցիներին նախարարն անձամբ ուղեկցեց դպրոց՝ ավարտելով նոր ուսումնական տարվա սկիզբի հանդիսավոր մասը:

Վերջին դասը կյանքում հիշվող ամենալավ և հույզերով լի տոներից է, որն ուղեկցում է մարդուն ողջ կյանքի ընթացքում: Հենց այդ օրն է, երբ ասվում են այն բոլոր չասված խոսքերը, որոնք տարիներ շարունակ գաղտնի են պահվել, հենց այդ օրն է, երբ ուսուցիչները միայն հաճելի խոսքեր են ասում իրենց սաներին, հուզվում և արտասվում նրանց հետ: Երևանի հ.45 հիմնական դպրոցի շրջանավարտներն ուրախ էին, որ ավարտում են դպրոցը , որ իրենց կյանքում բացվելու է մի նոր էջ, բայց միևնույն ժամանակ տխուր էին, որ հրաժեշտ են տալիս սիրելի դպրոցին, ուսուցիչներին: Նրանք անցկացրեցին վերջին դասը` իրենց երախտիքի խոսքն ասելով ուսուցիչներին, դպրոցի տնօրեն Մ. Փաշայանին և իրենց սիրելի դասղեկ Սեդա Գասպարյանին: Շրջանավարտներին նոր կյանք մտնելու ճանապարհին բարեմաղթանքի խոսքեր ասացին տնօրեն Մ. Փաշայանը, ուսուցիչներն ու ծնողները:

Բարի ե՛րթ քեզ, սիրելի՛ շրջանավարտ:

Հավատացե՛ք ձեր ուժերին ու շենացրե՛ք մեր երկիրը:

2015թ. մայիսի 8-ին 8ա դասարանում անցկացվեց բաց դաս նվիրված Հայրենական մեծ պատերազմում ֆաշիստական Գերմանիայի դեմ տարած ԽՍՀՄ ժողովուրդների հաղթանակի 70-ամյակին:Դասը վարում էր պատմության ուսուցչուհի` Ա. Բաղդասարյանը: Դասի ընթացքում ուսուցչուհին խոսեց Հայրենական մեծ պատերազմի մասին, ներկայացրեց պատերազմի հիմնական փուլերը և կարևորեց առանձնահատկությունները, պատմեց հերոս-քաղաքների մասին, նշեց հետաքրքիր դրվագներ: 
Սովորողները ներկայացրեցին հայ ժողովրդի մասնակցությունը Հայրենական մեծ պատերազմում, նշեցին գեներալներին, մարշալներին, հերոսներին ու նրանց փառավոր մարտական ուղին: 
Մեծ հուզմունքով ընթերցեցին ռազմաճակատից զինվորների գրած նամակները:
Դասի ընթացքում ցուցադրվեցին հետաքրքիր դրվագներ պատերազմի ընթացքից:
Ա. Բաղդասարյանը նշեց, որ մայիսը հայ ժողովրդի համար հաղթանակների ամիս է, այնուհետև խոսեց Շուշիի ազատագրման մասին:
Դասն ավարտվեց Մեծ հաղթանակին նվիրված հերոսական երգով:

Ներքոհիշյալ նկարներով ձեզ մասնակից ենք դարձնում Երևանի հ.45 հիմնական դպրոցի Iբ դասարանի կյանքի ուրախ և միաժամանակ պատասխանատու մի ժամանակահատվածին, երբ 6ամյա մեր բալիկները տառաճանաչ դարձան ու մեծ ուրախությամբ նշեցին այդ փաստը: Դժվար է հավատալ, որ դեռևս մի քանի ամիս առաջ մեր երեխաները գրաճանաչ չէին, սակայն ընկ. Տիգրանյանի ջանքերի, աշխատասիրության և նաև համբերատարության շնորհիվ, մեր հրաշքները սովորեցին գրել, կարդալ, հաշվել, գումարել ու հանել, իսկ մեսրոպյան տառերը գիտեն և աշխարհաբար, և գրաբար: Որքան ուրախացան, երբ ստացան իրենց ,,Առաջին քայլերը,, և նկարազարդ հեքիաթների գիրքը շատ սիրելի դասվար՝ Ռ.Տիգրանյանից ու դպրոցի տնօրեն՝ պարոն Փաշայանից, ով միաժամանակ և բարի է, և խիստ:
         Iբ դասարանի ծնող` Մերի Սողոմոնյան

  

Միջոցառում՝  «Հրաժեշտ    «Այբբենարան» - ին»,

I ^ա դասարան,  դասվար՝  Լիլիթ  Այվազյան

2015թ. մայիսի  5 – ին  տեղի  ունեցավ  «Հրաժեշտ     «Այբբենարան» -ին»  խորագիրը   կրող   միջոցառումը:   Այն   հանդիսատեսի  դատին   ներկայացրեցին  I^ա  դասարանի  աշակերտները՝  դասվար  Լ. Այվազյանի  ղեկավարությամբ:

    Միջոցառումն  սկսվեց  I^ա դասարանի  մեկամյա  դպրոցական  կյանքի  մասին  պատմող  տեսահոլովակի  ցուցադրմամբ:  Ապա  աշակերտները  հանդիսատեսին  ներկայացրեցին  հեքիաթ՝  ուսման  նկատմամբ  անտարբեր մի  աշակերտի  մասին,  ով  իր  «Այբբենարանը»-ը  կորցրեց  անտառում,  որպեսզի  կարդալ – գրել  չսովորի:  Սակայն    նրա  չմտածված  արարքը  ենթակա  չեր   իրականանալու,  քանի  որ  նրա   կողքին  էին    հեքիաթի  այնպիսի  հերոսներ,  ովքեր  գիտակցում  էին     ուսման  արժեքը,  սովորելու  կարևորությունը:  Նրանք   օգնեցին   գիտակցել  սխալը  և  ետ  վերադարձնել  «Այբբենարան» - ը:

    Սակայն  չկա  չարիք,   առանց  բարիքի,  այդ  արարքը  հնարավորություն  ընձեռեց  իրականություն  դարձնել  մի  վաղեմի  երազանք՝  գրել – կարդալ սովորել  անտառի  «բնակիչներին»:

    Միջոցառումն  ինքնատիպ  կոչ  էր,  որ  յուրաքանչյուրն  իրավունք  ունի  երազել  և  այդ  երազանքներն  իրականացնել.

    -Լավին  հասնելու  համար  պետք  է  երազել,

     Ապա  երազանքների  հետևից  հասնել,

    Այդ  երազանքները  երկինք   ուղարկել,

      Բյուր  աստղերի  հետ  զրույցի  նստել.

      Հավերժության   խորհուրդը    մեկնել,

     Լուսե  խնդությամբ  աշխարհը  լցնել…

Ողջ  բեմականացումը   համեմված  էր    ճաշակով  ընտրված  երգերով,  յուրահատուկ  պարերով  և  նրբաճաշակ  երաժշտական  ձևավորմամբ:

  Միջոցառումը  տպավորիչ  էր,  ուսանելի  և  դաստիարակող:

2015թ. ապրիլի 27-ին տեղի ունեցավ «Միասին կերտենք նոր արշալույս» խորագրով միջոցառում: Այն իրականացրեցին 3^գ դասարանի աշակերտները` դասվար Ա. Բաբասյանի ղեկավարությամբ: Երեխաները ներկայացրին սրտառուչ պատմություն  ծիածանի յոթ գույների, լույսի և մութի հավերժական պայքարի, բարու հաղթանակի մասին` ենթատեքստում  ունենալով այն գաղափարը, որ ամեն չարիքի հիմքում թաքնված է անտարբերությունը:

     Միջոցառումը յուրօրինակ էր, գեղեցիկ և ուսանելի:

2015թ. ապրիլի 16-ին բաց դաս անցկացվեց VIII ^ա դասարանում, նվիրված Մեծ եղեռնի 100-ամյակին: Դասը վարում էր պատմության ուսուցչուհի` Ա.Բաղդասարյանը: Դասի ընթացքում ուսուցչուհին և սովորողները խոսեցին «ցեղասպանություն» հասկացության մասին, համարելով այն մեծագույն հանցագործություն մարդկության հանդեպ: Նշվեց, որ հայոց ցեղասպանությունը մարդկության պատմության մեջ անպատիժ մնացած ոճրագործություն է:

Դասի ընթացքում վեր հանվեցին

1.Ցեղասպանության իրականացման պատճառները

2. Առաջադեմ հասարակայնության արձագանքը, զայրույթն ու բողոքը ընդդեմ օսմանյան իշխանության, ինչպես նաև,  մեծ տերությունների վարած քաղաքականության

3. Ինքնապաշտպանական մարտերը 1915թ. (Վան, Սուետիա, Շապին-Գարահիսար, Մուշ-Սասուն, Ուրֆա և այլուր):

Ողջ դասի ընթացքում ցուցադրվեցին ուսումնական նյութեր ՏՀՏ-ների միջոցով:

Սովորողների կողմից կազմվեց պաստառ «Ցեղասպանության հետևանքները» թեմայով:

Աշխարհի քարտեզի վրա անմոռուկներ փակցրեցին այն պետությունների տեղում, որոնք ճանաչել ու դատապարտել են հայոց ցեղասպանությունը:

Դասի վերջում ուսուցչուհին խոսեց «ցեղասպանություն» եզրույթի հեղինակ Ռաֆայել Լեմկինի մասին, ներկայացրեց  ՄԱԿ-ի Գլխավոր ասամբլեայի կողմից ընդունված միջազգային փաստաթղթերը:

1. 1948 թ. դեկտեմբերի 9 «Ցեղասպանության հանցագործության կանխարգելման և դրա պատժի ենթարկելու մասին» համաձայնագիրը:
2. 1968թ. նոյեմբերի 26 «Կոնվենցիա ռազմական հանցագործությունների և մարդկության դեմ հանցագործությունների նկատմամբ վաղեմության ժամկետի մասին»:

Սովորողները «Ցեղասպանությունը չարիք է» պաստառի վրա իրենց դատապարտող խոսքն արտահայտելով` աշխարհի երկրներին կոչ արեցին ճանաչելու հայոց ցեղասպանությունը:

Երևանի հ.45 հիմնական դպրոցի նախապատրաստական քոլեջի սաները մասնակցեցին  «Մայրության և գեղեցկության» տոնին նվիրված միջոցառմանը:

Ապրիլի 7-ին դպրոցի դահլիճում կրկին տոն էր. երգչախումբը  (ուսուցչուհի Ա. Թամազյանի ղեկավարությամբ)  կանանց ու աղջիկների համար  երաժշտական տոն էր  կազմակերպել:

Բարձր տրամադրություն, անկեղծ շփոթմունք, պայծառ ապագայի երազանքներ: Ահա այն ամենը, ինչ կարելի էր գտնել նրանցից յուրաքանչյուրի աչքերում:

Սուրբ զատիկի տոնն I^ա դասարանում (դասվար` Լ. Այվազյան)

Զատիկը` Հիսուս Քրիստոսի հարության տոնը, հայ ժողովրդի հնագույն տոներից է, որը բովանդակել է աշխարհի նորացումը, բնության զարթոնքն ու վերափոխումը:

Յուրաքանչյուր տարի Երևանի հ. 45 հիմնական դպրոցում այս տոնը  նշվում է  յուրովի:

          Այս տարի I^ա դասարանի սովորողները դասվար Լ. Այվազյանի գլխավորությամբ  ձևավորել էին անկյուն` նվիրված Սուրբ զատիկի տոնին: 

Ապրիլի 2-ին հ.45 հիմնական դպրոցի պատանի հրշեջ փրկարարական խումբը մասնակցեց պատանի հրշեջ փրկարարական քաղաքային առաջնությանը:

      Զինղեկ` Ա. Առաքելյան

 

     Մայրության և գեղեցկության տոնի առթիվ Երևանի հ.45 հիմնական դպրոցի սովորողները ուսուցչուհի Գ. Մկրտչյանի ղեկավարությամբ ներկայացան գեղեցիկ հանդեսով: Աշակերտներն անկաշկանդ անգլերենով բանաստեղծություններ և երգեր նվիրեցին սիրելի մայրիկներին, քույրերին, տատիկներին և դպրոցի անձնակազմին:
Երեխաները անգլերենի և հայերենի տպավորիչ արտասանությամբ ներկայացրին գարնանային ծաղիկներն ու ամիսները: Այստեղ ասես գարունը ոչինչ չէր խնայել երեխաների անկեղծ ժպիտների, դահլիճի գունագեղ զարդարանքի օգնությամբ իր ողջ հմայքը ներկայացնելու համար:Բոլորին հիացմունք պատճառեց նաև Էլեն Մախմուրյանի անակնկալ պարը: 
Թեմայի նրբությունը և աշակերտների գեղեցիկ ելույթները հուզեցին հանդիսատեսին: Ներկաներն անչափ զգացված էին կազմակերպված միջոցառումից:

8ա դասարնում անգլերենի ուսուցչուհի Գ. Մկրտչյանը կազմակերպել էր բաց դաս «Տոներ և ավանդույթներ» թեմայով:
Դասն սկսվեց Լոնդոնի տեսարժան վայրերի նկարագրությամբ: Երեխաներն այն ներկայացրին որպես մի կախարդական աշխարհ, գեղեցիկ և խաղաղ հեքիաթային մի քաղաք` հինավուրց ամրոցներով , կանաչապատ, մաքուր խնամված այգիներով: Երեխաների կարծիքով Լոնդոնն առաջատար քաղաք է իր արվեստով, առևտրով, կրթությամբ, ժամանցային վայրերով, նորաձևությամբ, առողջապահությամբ, մասնագիտական ծառայություններով, գիտությամբ, տուրիզմով և տրանսպորտով, որոնք քաղաքը դարձնում են առավել հայտնի: Այնուհետև սահուն անցում կատարվեց անգլիական (զուգահեռ նաև հայկական) տոներին ու տոնակատարություններին, սովորույթներին: Սովորողներնը հերթով անդրադարձան 

Վալենտինի օր
Մայրության և գեղեցկության օր
Զատիկ
Սուրբ ծնունդ և Ամանոր 
տոներին, գեղեցիկ անգլերենով ձևակերպեցին շնորհավորանքներ և բարեմաղթանքներ տարբեր տոների առթիվ: Տոները ներկայացվում էին երկխոսությունների միջոցով, իսկ Վալենտինի օրվա կապակցությամբ բացվեց Վալենտինի տուփը, և կարդացին երխաների կողմից պատրաստված մի քանի բացիկ: Արարողությունը ավարտվեց համապատասխան տոնին նվիրված երգի կատարումով:
Երեխաները անգլիացիներին բնորոշեցին որպես հումորով մարդիկ , որոնք կարող են սրամտել այս կամ այն առիթով, միևնույն ժամանակ անհարգալից չլինել ու պահել տակտի զգացումը: Անգլիական ավանդույթները չոր դատողություն են պահանջում' զրուցելիս վերջնական տեսակետներ երբեք չեն հայտնում: Անգլիացիների լավագույն գովասանքը <<վատ չէ>> արտահայտությունն է, որը վերամբարձ ու խիստ է հնչում: Նրանք իրենց զգացմունքները ցույց չեն տալիս, չնայած դրան, բավականաչափ շփվող են:
Դասիարակչական այս նոտայի պահին ուսուցչուհին անդրադարձավ նաև առհասարակ վատ սովորույթներին և խոսեց դրանցից խուսափելու և զգուշանալու մասին: 
Դասի ժամանակ կատարվեց նաև խմբային աշխատանք մտածող գլխարկների մեթոդով և կազմվեց պրիզմա: Ամբողջ դասն ացավ միայն սահուն անգլերենով: Սովորողները տպավորված էին:

Մարտի 13-ին <<Ֆրանկոֆոնիայի կենտրոն>> բաժինը անցկացրեց <<Ամեն ինչ Ֆրանսիայի մասին>> խաղ-մրցույթը:
Մրցույթին մասնակցում էին՝ Երևանի թիվ 119 ավագ դպրոցի, թիվ 45 հիմնական դպրոցի և թիվ 56 հիմնական դպրոցի աշակերտները:
Ժյուրիի կազմում էին՝ փոխտնօրեն Կ.Մեհրաբյանը, <<Ֆրանկոֆոնիայի կենտրոն>> բաժնի վարիչ Լ.Խաչատրյանը, վերոհիշյալ դպրոցի ուսուցչուհիներ` Ն.Սարգսյանը, Ա.Բաբելյանը, Ա. Նազինյանը:
Բոլոր մասնակիցներն էլ պատրաստված էին:
Թեժ պայքարից հետո թիվ 45 հիմնական դպրոցը ճանաչվեց հաղթող: 
Նրանց տրվեց մրցանակ, իսկ մյուս մասնակիցները ստացան հավաստագրեր:
Խաղի վերջում աշակերտները երաժշտական անակնկալ մատուցեցին հանդիսատեսին:

17.03.2015թ. Երևանի հ.45 հիմնական դպրոցի 8(բ) դասարանի աշակերտները Նուբարաշենի զորամասում հետաքրքիր հանդիպում են ունեցել զինվորների հետ: Կազմակերպիչներ դպրոցի զինղեկ` Ա Առաքելյան, դասղեկ` Լ. Իրիցյան:

Մարտի 11-ին Երևանի հ.45 հիմնական դպրոցի երգչախումբը (խմբի ղեկավար, ուսուցչուհի` Ա. Թամազյան) ներկայացրեց համերգ նվիրված մայրության և գեղեցկության տոնին: 
Կատարվեց «Խաղ ու պար», «Հովիվ», «Մայրիկ», «Պար է», «Իմ ուսուցիչ» երգերը փոքրերի խմբի կատարմամբ: Ինչպես նաև «Ծիրանի ծառ», «Էս առուն ջուր է գալի», «Հորովել», «Մոկաց Միրզա», «Դլե յաման», «Պատրանքի թևով», «Տեր աստված», «Իտալական ռոմանս» երգերը միջին դպրոցի սովորողների կատարմամբ:
Մենակատարներ` Ալինա մկրտումյան, Ջուլիետա Մկրտչյան, Մանե Օհանյան, Արմինե Մերդինյան, Վիլյա Պողոսյան, Նարեկ Բալդրյան, Սիլվի Խաչատրյան, Ռոբերտ Հակոբյան

Գրքերի նվիրատվության տոն Iա դասարանում (դասվար` Լ. Այվազյան):

Մեր դպրոցում նախապատրաստական քոլեջը սկսել է իր գործունեությունը:
Մեզ մոտ շատ ուրախ է ու հետաքրքիր:
-Ես արդեն հաճախում եմ հ.45հիմնական դպրոցի նախապատրաստական քոլեջի դասընթացներին:

Միացի′ր ինձ:

   Միջոցառում`<<Ամանորյա հրաշք>>,3-գ դասարան, դասվար`Ա. Բաբասյան

  2014թ.-ի դեկտեմբերի 25-ին 3-գ դասարանի աշակերտները/դասվար`Ա.Բաբասյան/ ամանորյա մի գեղեցիկ հեքիաթ ներկայացրին կախարդական փաթիլների, միայնակ ձնեմարդու, Նոր տարվա խորհրդի և կախարդանքի մասին,որը պարգևեց հեքիաթային պահեր, բարձր  տրամադրություն, անակնկալներ և Ամանորի սպասում: Միջավայրը տոգորված էր տոնական շնչով, ինչն անթաքույց ճառագում էր ներկաների վառ աչքերից:

    Միջոցառումը հաջողված էր,յուրօրինակ և գեղեցիկ:

2014թ. դեկտեմբերի 3-ին տեղի ունեցավ 5բ և 6գ դասարանների միջոցառումը  «Մի օր հեքիաթավանում» խորագրով: Հայոց լեզվի  ուսուցիչներ  Մ. Եղիազարյանը և Ա. Փարսադանյանը ամին ինչ արել էին միջոցառումը  իսկական հեքիաթային տոնի վերածելու համար: Ճաշակով զարդարված դահլիճում հանդիսականները ակամա տեղափոխվեցին  մանկական երազանքների  աշխարհ: Իսկ աշակերտների  կերտած   Քաջ Նազարը, Բարիկենդանը, Ձախորդ Փանոսը, Այգեպան Մոսին  և այլ հեքիաթային հերոսներ հանդիսատեսին օգնեցին  մտածել ու գործել հեքիաթային երևայական աշխարհում:  Երեխաներն  իրենց  նույնականացրին   հեքիաթի քաջ ու անվախ հերոսներին,  հաղթահարեցին  բոլոր դժվարությունները, անցան փորձությունների միջով և նրանց  հետ վայելեցին  հաղթանակի բերկրանքը` այն  համեմելով հայկական ժողովրդական երգ ու պարով:

 2014 թ. դեկտեմբերի չորսին հ. 45 հիմնական դպրոցի դահլիճում կայացավ <<Մեծ աշխարհի մեր փոքրիկ անկյունը>> վերնագրով միջոցառումը: 6բ դասարանի աշակերտների շուրթերից հնչեցին բանաստեղծություններ, երգեր, խոսքեր մեր բազմադարյան քաղաքի մասին:       

  Աշակերտներն անդրադարձան մեր քաղաքի գողտրիկ անկյուններից մի քանիսին` Զվարթնոց օդանավակայանին, Ծիծեռնակաբերդին, Մատենադարանին, Պատմության և Էրեբունի թանգարաններին, Հաղթանակի զբոսայգուն, Չարենցի և Թումանյանի թանգարաններին և այլն:

  Ուսուցչուհի Արմինե Սահակյանը ջանք չէր խնայել սովորողների խոսքը հղկելու, դահլիճը ձևավորելու, և միջոցառումը ըստ պատշաճի ներկայացնելու համար:

Հիրավի,   Ամանորն  ամենախորհրդավոր,   ամենակախարդական,  ամենահեքիաթային  տոնն  է:  Տոն,  որը  մեզ   կանգնեցնում  է  հնի  ու  նորի,   անցյալի  ու  ապագայի,  իրականացման  ակնկալիքով  տոգորված  երազանքների  ու  նոր  սպասումների   անջրպետի  դիմաց:  Տոն,  որը  ամենուրեք  անցնում  է  ուրախ  ու   տոնական  մթնոլորտում:

Առանձնահատուկ  տոնական  էր  մթնոլորտը  <<Փոքր  թատրոն>>-ում, որտեղ  իրենց   Ամանորյա  դիմակահանդեսն   անցկացրեցին   I ա դասարանի  սովորողները՝  դասվար  Լ.  Այվազյանի  ղեկավարությամբ:

            Կախարդական  հեքիաթ, փայլփլող   եդեմական  լույսեր,   տոնական   տրամադրություն  ապահովող  տոնածառի  խաղալիքներ,  փայլեր,  փուչիկներ,  հեքիաթի  հերոսներ,  անկաշկանդ  ու  ջերմ  մթնոլորտ  ապահովող  ծաղրածուներ,  աճպարարներ,  տիկնիկներ  և,  իհարկե,  Ձմեռ  պապիկ,  ում   հասնելու  համար  պետք  էր  ասմունքել,  երգել,  գուշակել  հանելուկներ  և  վաստակել  <<ադամանդներ>>,  որոնք  էլ  Ձմեռ  պապիկի  սենյակի  <<այցեքարտ>>-ն   էին:

            Հեքիաթային  մթնոլորտ  էր,  տպավորիչ  միջոցառում,   որը  դեռ  շա՜տ   երկար   կմնա  երեխաների  հուշերում:

Ահա այսպես` ուրախ և զվարթ, մեր մանուկները նշեցին նոր տարին: Նրանց հյուր էր եկել Ջերի մուկիկը և իհարկե Ձմեռ Պապն ու Ձյուն Անուշիկը: Երեխաների ուրախությանն անմասնակից չմնացին նաև ծնողներն ու մեր շատ սիրելի դասվարը` ընկ. Տիգրանյանը, մարդ, որը ոչ միայն կրթում է մեր բալիկներին, այլև մանկանում նրանց հետ, ուրախանում նրանցով...: ֆոտոալբոմ բաժնում  ներկայացված նկարներն  ավելի խոսուն են, դիտեք և ինքներդ հետևություններ արեք:

                                   Ծնող` Մերի  Սողոմոնյան

   Հոկտեմբերի 30-ին կայացավ  «Մեղու. հայերենը բոլորի համար» մրցույթը, որին  մասնակցեցին  3-9-րդ դասարանների բոլոր հետաքրքրված աշակերտներ

      «Մեղու» մրցույթի մասնակից աշակերտների լրացրած պատասխանի թերթիկները մրցույթից հետո բերվել են «Այբ» հիմնադրամի գրասենյակ և ստուգվելու են հատուկ համակարգչային ծրագրի օգնությամբ:

Յյուրաքանչյուր մասնակից դպրոց հունվարին ստանալու է ամփոփ հաշվետվություն իր աշակերտների արդյունքների մասին, իսկ փետրվարին նախատեսվում են մրցանակաբաշխություններ Հայաստանի բոլոր մարզերում և Ստեփանակերտում:

«Մեղու 2014»-ի առաջադրանքներն ու ճիշտ պատասխանները կհրապարակվեն meghu.am կայքում նոյեմբերի 14-ին։

Մանրամասների համար այցելեք meghu.am կայքը:

Դաս-Միջոցառում << Տոն  աշնանային անտառում>>

նոյեմբերի 17-ին  5^ա  դասարանում անցկացվեց դաս միջոցառում (ռոսաց լեզվի ուսուցչուհի` Լ Իրիցյան): Դասարանը  կարծես աշնանային հագուստ էր հագել` զարդարվելով  դեղին տերևներով, նկարներով, փուչիկներով: Այդ աշնանային մթնոլորտում  երեխաներն իրենց  գունավոր զգեստներով պարող տերևներ էիր հիշեցնում: Նրանք ներկայացրին  հեքիաթային  մի դրվագ և հորդորեցին բոլորին բարեխիղճ լենել  բնության հետ`  չջարդել ծառերի ճյուղերը, սիրել կենդանիներին, պահպանել բնությունը: Երեխաների երգը,  պարը և մաքուր ռուսերենով աշնան գովերգը  աշնանային, տոնական տրամադրություն հաղորդեց բոլորին:

Միջոցառումն  ուսուցողական և դաստիարակչական բնույթ ուներ:

Հոկտեմբերի  16-ին  I^ա  դասարանում  (դասվար՝  Լ. Այվազյան)  կրկին  տոն  էր.  Հայոց  այբուբենի  I  տառի՝ <<Ա>>-ի  տոնն  էր՝  <<Ա>>  տառի  շնորհանդեսը:  Աշակերտներն    ուղևորվեցին  <<Այբուբենի  ամրոց>>,  իսկ  այնտեղ  հասնելու  համար  անցան    արկածներով  ու  փորձություններով  լի  մի  ճանապարհ,  որն  ուներ  2  կանգառ՝ <<Այգի>>  և  <<Անտառ>>:  Այս  կանգառներում  նրանք  մի  շարք  առաջադրանքներ  լուծեցին,  երգեցին,  ասմունքեցին,  հանելուկներ  հորինեցին  և  լուծեցին,  շուտասելուկներ  ասացին,  ներկեցին,  նկարեցին,  խաղացին, մարզվեցին…  մի  խոսքով՝  ցույց  տվեցին,  որ  այս   կարճ   ժամանակահատվածում  շա՜տ    գիտելիքներ  են  ձեռք  բերել  և  արժանի  են  սովորելու  հայոց  տառերը:  Աշակերտները  <<բացեցին>>  <<Հայոց  Այբուբենի>>  տնակի  դուռը  և  տնակից  դուրս  բերեցին  <<Ա>>  տառը:  Սովորեցին  կարդալ  և  գրել  այն,  օգտագործել  բառերի,  բառակապակցությունների,  նախադասությունների  և  պատմությունների  մեջ:

Դասը  կազմակերպված  էր  խաղային  տեխնոլոգիաների   կիրառմամբ.   Այն  շատ  հոգեհարազատ,  ոգևորիչ  և  հետաքրքիր  էր  աշակերտների  համար:  Նրանց  ոգևորությունը  կրկնապատկվեց,  երբ   արժանացան  դպրոցի  տնօրեն  Մ. Փաշայանի  գովասանքի  խոսքերին:

Հեքիաթային  և  հիշարժան օր  էր  I^ա  դասարանի  աշակերտների  համար.  Այն  դեռ  շա՜տ  երկար  կհիշվի…  

Հոկտեմբերի 16-ին տեղի ունեցավ «Ա» տառի շնորհանդես  I^Բ դասարանում, որը կազմակերպել էր դասվար Ռ.Տիգրանյանը: Դասն անցավ աշակերտների ակտիվ մասնակցությամբ, քանի որ այն իրականացվում էր դերաին խաղերի, հանելուկների և հետաքրքիր պատմությունների միջոցով, որոնք կազմում էին հենց երեխաները դասվարի աջակցությամբ:Այն, ինչ սովորեցին այս դասին, երեխաները երբևէ չեն մոռանա:

Շնորհակալություն նման արհեստավարժ մոտեցման համար, սիրելի ընկեր Տիգրանյան: 

                                        Ծնող` Մերի Սողոմոնյան

«Էրեբունի-Երևան-2796» տոնակատարությունների մեկնարկը տրվեց  հոկտեմբերի 11-ին՝ Էրեբունի թանգարան-արգելոցի հարակից հրապարակում, ուր տեղի ունեցավ երաժշտական, թատերական ներկայացում:  Փողոցի երկայնքով  կազմակերպվել էր ժողովրդական  արվեստի գործերի, ազգային խաղերի, տարազի, խոհանոցի ցուցադրություն։Տոնակատարության  մասնակցներին` Երևանի տարբեր համայնքներից ժամանած  բնակիչներին, հանրապետության  մարզերից, ինչպես նաև արտերկրից  հրավիրված պատվիրակություններին Նոր Արեշի բնակչությունը այդ թվում նաև հ. 45հիմնական դպրոցի ողջ անձնակազմը  ընդունեց  տան տիրոջ իրավունքով`  մեծ խանդավառությամբ,  ու բարձր տրամադրությամբ:

Սիրելի՛ ուսուցիչներ, շնորհավորում ենք Ձեզ մասնագիտական տոնի` ուսուցչի օրվա կապակցությամբ:
Սերնդեսերունդ ակնածանքով և խոնարհումով է արտասանվել ուսուցիչ բառը, դարեր շարունակ Դուք եղել եք այդ վեհ անվան պահպանողը և այդ անվան կրողն եք այսօր: Ուսուցչին է վստահված կարևորագույն մի գործ, որը նա միշտ առանձնակի սիրով ու նվիրումով է կատարել:
Գալիք սերունդների կրթության և դաստիարակման գործի լավագույն արդյունքներով է պայմանավորված նաև մեր նորանկախ երկրի ապագան և վաղվա օրը: 
Այս գեղեցիկ տոնն առիթ է բոլորիս համար կրկին գնահատանքի, երախտագիտության և բարեմաղթանքի խոսքեր հղելու բոլոր ուսուցիչներին և ասելու.

      ՇՆՈՐՀԱՎՈՐ ՏՈՆԴ` ՍԻՐԵԼԻ ՈՒՍՈՒՑԻՉ:

               հ. 45 հիմնական դպրոցի աշակերտական խորհուրդ

Մեկնարկել է «Ռուսական արջուկ 2014»-ը 

Արդեն հինգերորդ տարին է, որ Հայաստանում «Այբ» կրթական հիմնադրամը կազմակերպում և անցկացնում է «Ռուսական արջուկ. լեզվաբանություն բոլորի համար» միջազգային մրցույթը։

Մրցույթի գլխավոր նպատակն է համընդհանուր հետաքրքրություն առաջացնել ռուսաց լեզվի հանդեպ, այն առավել գրավիչ դարձնել երեխաների համար՝ ցուցադրելով ռուսաց լեզվի հմայքն ու հարստությունը: 

Այս տարի «Ռուսական արջուկը» Հայաստանում կանցկացվի նոյեմբերի 13-ին: Մրցույթին կարող են մասնակցել 2-12-րդ դասարանների բոլոր հետաքրքրված աշակերտները: 

Մրցութային փաթեթ-հրավերներն արդեն ուղարկվել են Հայաստանի : Փաթեթներն ընդգրկում են դպրոցի մասնակցության հայտը, անցկացման մանրամասն կարգը և այլ անհրաժեշտ նյութեր:

Աշակերտների մասնակցության վճարումը կատարելու և դպրոցի ցանկում գրանցվելու վերջնաժամկետը հոկտեմբերի 13-ն է, իսկ դպրոցի հայտը ներկայացնելու վերջնաժամկետը՝ հոկտեմբերի 16-ը:

Հետաքրքրված աշակերտներին և նրանց ծնողներին խնդրում ենք իրենց դպրոցից վերցնել մրցույթի համար վճարման վավերապայմանները և մինչև հոկտեմբերի 13-ը կատարել վճարումը «ՎՏԲ-Հայաստան բանկ»-ում:

Մանրամասների համար այցելեք այստեղ կամ զանգահարեք «Այբ» կրթական հիմնադրամի գրասենյակ:

Հայաստանում «Ռուսական արջուկ» մրցույթի բացառիկ կազմակերպիչ` «Այբ» կրթական հիմնադրամ:

ՈՒ Շ Ա Դ Ր ՈՒ Թ Յ ՈՒ Ն

   Մեկնարկել է «Մեղու. հայերենը բոլորի համար» մրցույթը, 
 որն  այս տարի կանցկացվի հոկտեմբերի 30-ին: Մրցույթին կարող են մասնակցել 3-12-րդ դասարանների բոլոր հետաքրքրված աշակերտները:

 Մրցույթի հիմնական նպատակը դպրոցականների ամենալայն շրջանում հայերենի հանդեպ հետաքրքրության խթանումն է, ուստի կարող են մասնակցել 3-12-րդ դասարանցի բոլոր ցանկացողները: Մրցույթի առաջադրանքների տարբերակները բաժանված են ըստ հինգ տարիքային խմբերի` 3-4, 5-6, 7-8, 9-10 և 11-12 դասարաններ:

Որևէ նախնական ընտրություն կատարելը, որևէ երեխային իր կամքին հակառակ մրցույթին չթույլատրելը կամ որևէ կերպով նրա մասնակցությանը խոչընդոտելը դեմ է «Մեղու» մրցույթի սկզբունքներին և անընդունելի է:

 Մրցույթին կարող են մասնակցել  դպրոցի 3-9-րդ դասարանցիներ, ովքեր մինչև հայտարարված վերջնաժամկետը գրանցվել են իրենց դպրոցի մասնակիցների ցանկում`ներկայացնելով վճարման անդորրագրերը:

Հուշանվերներ – մրցույթի օրը բոլոր մասնակիցներին տրում է փոքրիկ նվերներ:

Մրցանակներ – Բոլոր մանակիցների համար նախատեսված են հավաստագրեր ու փոքրիկ հուշանվերներ: Լավագույններին շնորհվում են պատվոգրեր և խրախուսական մրցանակներ:

Մրցույթի հաղթողներ – Հաղթողները որոշվում են տվյալ տարվա բոլոր մասնակիցների արդյունքների ընդհանուր հաշվետվության արդյունքում:

Մանրամասները  www.ayb.am կայքում

Մրցույթից մոտ մեկ ամիս հետո դպրոցը կստանա իր աշակերտների արդյունքների հաշվետվությունը: Դրանից հետո կիրականացվի մրցանակաբաշխությունը, որի մասին կհայտարարվի լրացուցիչ:

     Ահա եկավ հերթական սեպտեմբերի 1-ը` ազդարարելով նոր ուսումնական տարվա սկիզբը: Զանգի ղողանջ, ողջյունի խոսքեր, ծաղկեփնջեր, փուչիկներ, շնորհավորանքներ…

Երևանի հ. 45 հիմնական դպրոցի բակը ողողված էր մանուկների լուսավոր, ուրախ ու անկեղծ ժպիտներով: Օրը տոն էր հատկապես նրանց համար, ովքեր առաջին անգամ էին եկել դպրոց:

I^Ա դասարանում (դասվար` Լ. Այվազյան) բարձր տրամադրություն էր տիրում: Դպրոցի բակի արարողությանը հետևեց դասարանում կազմակերպված  առաջին դասը:

Աշակերտներին դասարանում մեծ անակնկալ էր սպասվում. մեծ եղավ նրանց ուրախությունը, երբ աշակերտական սեղաններին «հայտնաբերեցին» իրենց նկարները, որոնք դասարան էին «բերել» աղավնիները:

Աշակերտները ծանոթացան ինչպես միմյանց, այնպես էլ իրենց առաջին ուսուցչուհու հետ, երգեցին, ասմունքեցին:

Դե էլ ինչ գիտելիքի օր, առանց գիտելիքի աղբյուր հանդիսացող դասագրքերի հանձնման արարողության: Աշակերտները նոր դասագրքերն ստացան անձամբ դպրոցի տնօրեն` Մ. Փաշայանի ձեռքից, ով բարեմաղթանքներ և շնորհավորանքի խոսքեր ուղղեց նրանց:

Բարձր տրամադրություն, անկեղծ շփոթմունք, զարմացած հայացքներ և պայծառ ապագայի ակնկալիք: Ահա այն ամենը, ինչն արտացոլված էր նրանցից  յուրաքանչյուրի աչքերում:

Մաղթե′նք  նրանց բարի երթ: 

 «Dasaran.am» կրթական ծրագիրը Հայաստանի Հանրապետության վարչապետ Տիգրան Սարգսյանի հովանավորությամբ, ՀՀ կրթության և գիտության նախարարության, Երևանի քաղաքապետարանի, «Փյունիկ» բարեգործական հիմնադրամի և «Նոր սերնդի դպրոց» հասարակական կազմակերպության հետ համատեղ  ուստարվա ընթացքում իրականացրել էր «Նոր սերնդի դպրոց 2013-14» մրցույթ, որի ամփոփման ու հանդիսավոր մրցանակաբաշխության   ժամանակ հ.45հիմնական դպրոցի  աշխատակազմը և սաները արժանացել են պատվոգրի  Երևան քաղաքում առաջին տեղը գրավելու  համար:

2014թ.  Մայիսի 6-ին Երևանի հ.45 հիմնական դպրոցի դահլիճի` փոքրերի յուրօրինակ մի աշխարհ դարձած բեմում  տեղի ունեցավ I<sup>Ա</sup> դասարանցիների (դասվար Հ. Վարդումյան) կյանքի ամենամեծ տոնը: Փոքրիկներն իրենց գիտելիքնեն ու հմտությունները ներկայացրին հանդես-հեքիաթի միջոցով: Հեռավոր հեքիաթային թագավորությունում մեծ դժբախտություն էր պատահել: Գիշերային խավարում չար կախարդը  գողացել էր փոքրիկ չքնաղ արքայադստեր` լուսավոր ժպիտը, քարացրել նրա դեմքը, իսկ կախարդանքը կվերանար, եթե աղջիկը հայերենով գրել կարդալ սովորեր:

Նրան կարող էին օգնել միայն փոքրիկ հայերը: Թիթեռնիկների օգնությամբ  արքայադուստրը հյուընկալում է բանիմաց փոքրիկ հայերին, նրանց օգնությամբ սովորում`  հայերեն այբուբենը և ինչպես բոլոր հեքիաթներում այստեղ էլ բարին հաղթում է չարին` կախարդանքը վերանում է, իսկ արքայադուստրը վերագտնում է իր ժպիտը:

Փոքրիկ դերասաններն իրենց գեղեցիկ խաղով ու հստակ խոսքով ցույց տվեցին, որ ամենազորեղ ուժը և′ հեքիաթում, և′ կյանքում գիտելիքն է:

2014թ.  Մայիսի 7-ին Երևանի հ.45 դպրոցի դահլիճում տեղի ունեցավ I^Բ դասարանի (դասվար Ռ. Սահակյան) «Հրաժեշտ Այբբենարանին» միջոցառումը: Մի միջոցառում, որն ուսումնական գործընթացի շարունակությունն էր: Դա հանդես-հեքիաթ էր, որը հանդիսատեսին տարավ դեպի հրաշքների, գիտելիքների, տառերի աշխարհ: Միջոցառմանը հյուր եկած հեքիաթների սիրված հերոսները փոքրիկներին տվեցին իրենց խրատներն ու բարեմաղթանքները:

        Միջոցառումն ավարտվեց մայրենին անաղարտ պահելու և հայրենիքին անմնացորդ  նվիրվելու խոստումով:

17.04.2014 թ. Երևանի թիվ 45 հիմնական դպրոցի հանդիսությունների դահլիճում տեղի ունեցավ «Սուրբ Զատիկ» խորագրով միջոցառում, որը կազմակերպվել էր 3-րդ ա դասարանի (դասվար`Ա.Եղիազարյան) սովորողների ուժերով:    

Հայ դարավոր հոգևոր երաժշտության կախարդական հնչյունների ներքո երեխաները, գիտակցելով նյութի խորությունն  ու կարևորությունը, ներկայացրին փոքրիկ դրվագներ Հիսուս Քրիստոսի ծննդյան պահից մինչև Սուրբ Հարություն:

2014թ. ապրիլի 17-ին թիվ 45 դպրոցի դահլիճում տեղի ունեցավ IIIբ դասարանի «Երկնքից երեք ծնձոր ընկավ» միջոցառումը դասվար` Մ. Մուրադյանի ղեկավարությամբ: Միւոցառման նպատակն էր ներկայացնել հեքիաթը որպես ժողովրդական բանահյուսուրյան հիմնական ժանր:Միջոցառումն սկսվեց հեքիաթի ծագման մասին երեխաների ելույթով, որին հաջորդեցին խրատական «Ուս ուսի որ տանք, սարեր  շուռ կտանք», «Ընկեր բարեկամ ունեցիր, բայց հույսդ քեզ վրա դիր», «Աչքածակի արքը միայն հողով կկշտանա», «Արյունը ջուր չի դառնա», «Խրատի գինը» հեքիաթների բեմականացումը:  Հեքիաթների  հերոսների  բերաննորով երեխաները  գովաբանեցին աշխատասիրությունը,  ընկերասիրությունը, իմաստությունը և ծաղրեցին ժլատությունը, ագահությունը և ...: Բեմականացված հեքիաթները շատ հետաքրքիր էին ու գունագեղ:

 22.05.2014թ.  թիվ  45 հիմնական դպրոցում տեղի ունեցավ խաղ-վիկտորինա`  «Հազար ու մեկ ինչու» թեմայով: 2-րդ գ դասարանի աշակերտները (դասվար` Ա. Բաբասյան) մեծ խանդավառությամբ  մասնակցեցին խաղ-վիկտորինային : Սովորողները թիմերի  բաժանվեցին, հնչեցրին  խնդիր-բանաստեղծություններ, կատարեցին  զանազան առաջադրանքներ: Վիկտորինան անցավ դինամիկ, աշխույժ և հանդուրժողական մթնոլորտում. հաղթեց  համերաշխությունը:

Մայիսի 5-ին Արմինե Բաղդասարյանը 7ա դասարանում կազմակերպել էր բաց դաս «Հայաստանը և թուրք-պարսկական պատերազմները 16-17-րդ դարերում»: Դասի նպատակն էր.

• Սովորողները հասկանան  քաղաքական դրությունը Առաջավոր Ասիայում XVII դ.ս.:

• Օսմանյան Թուրքիայի և Սեֆրան պարսկաստանի ձևավորումը:

•  XVI- XVII դդ. թուրք-պարսկական պատերազմները, թուրք պարսկական տիրապետության հետևանքները հայ ժողովրդի տ

  Խթանման փուլում մտագրոհի միջոցով կատարվեց հին դասի հիշեցում

  Իմաստի ընկալման  կատարվեց  անհատական հարցում:

  Քարտեզի օգնությամբ ցույց տրվեց Օսմանյան Թուրքիայի և Սեֆյան պարսկաստանի առաջացումը, պատերազմական գործողություննրի ուղղությունները Հայաստանի առաջին և երկրորդ բաժանման սահմանային գծերը:

  Վենի <տրամագիր> վարժության օգնությամբ վեր հանվեց Հայաստանի առաջին և երկրորդ բաժանումների նմանություններն ու տարբերությունները:

  Կշռադատման փուլում սովորողները կարողանան մեկնաբանել և ներկայացնել դասի կարևոր դրույթները, իրադարձությունների զարգացման ժամանակագրական ընթացքը: Քարտեզի օգնությամբ  ցույց  տվեցին այն սահմանները, որոնք ձևավորվեցին Հայաստանի բաժանման արդյունքում և ըստ որի Հայաստանը բաժանվեց երկու հատվածի` Արևմտյան և Արևելյան:

  Դասն անցավ դինամիկ սովորողների ակտիվ մասնակցությամբ: Դասը  հաջողված էր:

   

     30.04.2014թ Երևանի թիվ 45 հիմնական դպրոցի բակում   2-րդ գ (դասվար`  Ա.Բաբասյան) և 3-րդ ա (դասվար` Ա. Եղիազարյան ) դասարանների աշակերտները մասնակցեցին կավճանկարի մրցույթի`  «Ես խաղաղություն եմ ուզում» թեմայով:Մթնոլորտը լի էր մանկական մտքի վառ երևակայությամբ, սիրով, ջերմությամբ և այն անխախտ հավատով, որ խաղաղությունը ամեն բարիքի գրավականն է և մարդկության ամենանվիրական պահանջը: Մրցույթի ավարտին անակնկալ ձևով սովորողները ստացան մրցանակներ` բազմագույն փուչիկներ:

   

Հայոց լեզվի և գրականության    ուսուցչուհի Արմինե Հակոբյանը    VIII^ա  դասարանում  կազմակերպել էր բաց դաս`«Վահան Տերյանի կյանքն ու ստեղծագործական գործունեությունը» թեմայով: Դասի նպատակն էր .

• Ձևավորել պատկերացում նոր աշխարհայացքի, պատկերային նոր համակարգի, նոր գրական լեզվի` խորհրդապաշտության կամ սիմվոլիզմի մասին:
• Սովորողների մոտ արժևորել կյանքի գեղեցկության և  շարունակականության գաղափարը «Մթնշաղի անուրջները» բանաստեղծական շարքի փիլիսոփայության հիման վրա:
• Դաստիարակել հայրենասիրություն և սեփական վերաբերմունք հայրենիքի նկատմամբ`ելնելով «Երկիր Նաիրի» բանաստեղծական շարքի հայրենասիրական գաղափարախոսությունից:

Դասի խթանման փուլը սկսվեց մտագրոհով, որի ընթացքում պատասխանելով ուսուցչի հարցերին սովորողները բնորոշեցին Վ. Տերյանին և այն գրական  ուղղությունը, որի հետնորդն է հանդիսանում նա` մանրամասնուրեն բնութագրելով խորհդապաշտությունն ու դրա արտահայտման ձևերը  Տերյանի պոեզիայում: Այնուհետև պատմեցին գրողի կենսագրությունը`զուգահեռ դիտելով ուսուցչի պատրաստած համանուն  շնորհանդեսը: Սովորողները կարողացան շատ գեղեցիկ ներկայացնել Տերյանի «Մթնշաղի անուրջները» շնորհանդեսի աշնանային պատկերների  ու աշնանաշունչ երաժշտության ներքո:

Կշռադատման փուլում գրատախտակին գրվեց «Մթնշաղի անուրջները» շարքի բանալի բառերը և հանձնարարվեց կազմել կապակցված խոսք: Աշխատանքը կատարելուց հետո ընթերցեցին այն:

Իմաստավորման փուլում սովորողները ներկայացրին «Երկիր Նաիրի» շարքը գրելու շարժառիթներն ու բնաբանը: Արտասանեցին դուր եկած բանաստեղծություններն ու մեկնաբանեցին:

Վերջում ամբողջացնելով Տերյանիարվեստը`անդրադարձան.

• բանաստեղծական ձևերին` գազել, սոնետ, տրիոլետ («Չեմ դավաճանի ես իմ Նուրդին»),
• ոճական ձևերին` առձայնույթ և բաղաձայնույթ, բերեցին օրինակներ
• հոդվածներին` Համառոտ  պատմելով   «Հայ  գրականության գալիք օրը»

Դասն ուսանելի էր, դինամիկ հագեցած նոր տեխնլոգիաներոով պատրաստված դիդակտիկ նյութերով:

 VII^ա դասարանում  «Առնչություններ  եռանկյան կողմերի միջև» թեմայով բաց դաս էր կազմակերպել մաթեմատիկայի ուսուցչուհի Գ. Բաղրամյանը: Դասի նպատակն էր`

1. ​​​ամրապնդել աշակերտների  գիտելիքները, ունակություններն ու հմտություննեը եռանկյան կողմերի և անկյունների միջև առնչությունները կիրառելիս,
2. զարգացնել ուշադրությունը, տեսողական հիշողությունը, տրամաբանական և պատկերային մտածողությունը, ինչպես նաև անծանոթ իրավիճակներում արագ կողմնորոշվելու ունակությունները,
3. ցույց տալ խմբային աշխատանքի առավելությունները,
4. դաստիարակել համագործակցելու կուլտուրա, ստեղծել առողջ մրցակցության մթնոլորտ,
5. մեծացնել հետաքրքրությունը առարկայի նկատմամբ:

 Դասի սկզբին  ուսուցչուհին բանավոր հարցման  միջոցով ամփոփեց տեսական թեման,  հետո դասարանը երեք խմբի բաժանվեց և հարցաշարեր առաջադրվեց: Հարցաշարերը կազմված էին հետևյալ բաժիններից`

• շարունակել նախադասությունը,
• արդյոք ճիշտ է պնդումը,
• գտնել սխալը:

Յուրաքանչյուր խումբ մյուս երկուսի համար խնդիր էր պատրաստել :Այդ խնդիրները առաջադրվեցին բոլոր խմբերին և ձեռնամուխ եղան դրանց լուծմանը: Բոլոր խնդիրները ճիշտ լուծվեցին բացառությամբ որոշ թերությունների, որոնք ուղղվեց ուսուցչի կողմից: Այնուհետև խմբերը ստացան խաչբառեր, որոնց լուծման արդյունքում սովորողները ստացան Ռենե Դեկարդի «Եթե մտածում եմ,  ուրեմն գոյություն ունեմ» աֆորիզմը: Հետաքրքիր անակնկալ էր գործնական աշխատանքը .  յուրաքանչյուր խմբին բաժանվեց հավասար երկարության ձողիկներ և հանձնարարվեց դրանցով պաստրաստել չորս եռանկյուն: Սովորողները,  միմյանց հետ խորհրդակցելով, կարողացան իրադրության ելքը գտնել: Խմբերը կատարեցին անդրադարձ, գնահատեցին խմբի անդամներին` հաշվի առնելով գործընկերների կարծիքները: 

Երևանի հ.45 հիմնական դպրոցի 7-9-րդ դասարանների մի խումբ սովորողներ ֆրանսերենի ուսուցչուհի Անժելա Բաբելյանի ղեկավարությամբ մասնակցեցին «Ֆրանկոֆոնիայի օրերը Հայաստանում» ծրագրի շրջանակում  Երևանի քաղաքապետարանի  Ավետիք Իսահակյանի անվան գրադարանում կազմակերպված  «Ինչ գիտեմ Ֆրանսիայի մասին»  հարցախաղին:  Ֆրանսիայի մասին ֆրանսերենով լայնածավալ ու բազմակողմանի տեղեկատվության տիրապետմամբ 45 դպրոցի աշակերտները ակնհայտ առավելությամբ  գրավեցին առաջին տեղը: Սովորողներն արժանացան գովասանքի, իսկ ՀՌԱԿ-ի տնօրեն Հ.Վ. Կարապետյանի կողմից դպրոցին շնորհվեց  պատվոգիր :

Ապրիլի 10-ին Երևանի  հ.45 դպրոցի 7-րդ դասարանցիները հնարավորություն ունեցան իրնց ինտելեկտուալ կարողությունները ներկայացնել դպրոցի բնագիտական մեթոդմիավորման կազմակերպած «Ինչ, որտեղ, երբ » մրցույթ -խաղին: 7^Ա-րդ և 7^Բ -րդ   դասարաններից ընտրված գիտունիկները  կազմեցին առանձին  թիմեր` «Ալֆա» և «Ա-Էրա»: Խաղը վարում էր 9^Բ -րդ դասարանի  աշակերտուհի Նունե  Խնկոյանը:

Մեթոդմիավորումը հարցերն ընտրել էր ամենայն բծախնդրությամբ. բնագիտական  5 առարկաների`մաթեմատիկայի, ֆիզիկայի, կենսաբանության, քիմիայի և աշխարհագրության 7-րդ դասարանի  դպրոցական կուրսի սահմաններում:Հարցերը  գիտունիկներից պահանջում էին  և´  ուշադրություն,  և´ տեղեկատվական  մաշտաբ ային գիտելիքներ, և´ տրամաբանություն:

 Երեխաները  վճռական էին տրամադրված` հաղթահարելու այդ բարդույթները: Խաղի ժամանակ ավելի  քան աչքի ընկավ   «Ալֆա» թիմը`  իր պատասխաններում  հարցերին  բազմակողմանի  մոտեցումներով,  ժշգրիտ հիմնավումներով և անթերի գրական  հայերենով  ձևավկերպված  խոսքով: Մրցույթն անցավ  աշխույժ,  բուռն քննարկումների մթնոլորտում: Երաժշտական ընդմիջումներում  ելույթ ունեցան  6 ^Ա  -րդ դասարանի  շնորհալի աշակերտ Նարեկ Բալդրյանը , իր անզուգական ասմունքով բոլորին հուզեց  7^Ա -րդ դասարանի աշակերտուհի Անժելա  Հարությունյանը:

Խաղն ավարտվեց  հետևյալ արդյունքներով .

• «Ալֆա» թիմ                7միավոր
• «Ա-էրա» թիմ              5,5միավոր

ընդամենը  12,5 միավոր : Այն փոքրաթիվ հարցերի միավորները, որոնց գիտունիկները չպատասխանեցին  կամ թերի պատասխանեցին , շնորհվեց  մեթոդմիավորմանը:   Մաթեմատիկայի ուսուցչուհի Գ. Ադամյանը նշեց . «Սովորողների հաղթանակը նունպես  մեթոդմիավորման հաղթանակն է , քանի որ  սովորողների իմացությունը ուսուցիչների աշխատանքի արդյունքն է»:

Դպրոցի փոխտնօրեն Ա. Գրիգորյանն իր խոսքում   բարձր գնահատեց երեխաների  հանպատրաստի  գրագետ պատասխանները `  նշելով, որ նմանօրինակ միջոցառումների դպրոցը շարունակաբար մասնակցել է («Հայ ասպետ»,  «Ինչ, որտեղ, երբ» ,  «Հայ  գրատպությունը»), որ ներդպրոցական այսպիսի միջոցառումները սովորողների մոտ զարգացնում են  ազատ արտահայտվելու ունակություն ու ինքնվստահություն :

Վերջում   փոխտնօրենը ակտիվ մասնակցության համար գիտունիկներին  շնորհեց  շնորհակալագրեր 45 դպրոցի տնօրենության և բնագիտական մեթոդմիավորման անունից:

Ապրիլի 12-ին համաքաղաքային շաբաթօրյակ-ծառատունկին Երևանի հ. 45 հիմնական դպրոցը  մասնակցեց  իր ողջ կազմով (տնօրինութան, ուսուցչական,  աշակերտական,): Մաքրվեց դպրոցի տարածքը և տնկվեց քաղաքապետարանի կողմից տրամադրված ծառերը: Աշխատանքն իրականացվեց  տոնական բարձր տրամադրությամբ և իրենց քաղաքի գեղեցկության ու մաքրության մասնակիցը  լինելու հպարտությամբ:

Ամեն տարի հ.45 հիմնական դպրոցի միջոցառումների շարքում իր ուրույն տեղն է գրավում  ֆրանկոֆոնիայի  շրջանակներում ավանդական դարձած միջոցառումը:

«Ազնավուրը կրկին և միշտ» խորագիրն էր կրում 2014թ.-ի մարտի 15-ին իրականացված միջոցառումը: Ֆրանսերենի ուսուցչուհի Ռուզաննա Ադոյանին և  երաժշտության ուսուցչուհի Անի Հարությունյանին հաջողվեց  նորովի ներկայացնել Ֆրանսիան և աշխարհահռչակ երգիչ Շառլ Ազնավուրի  ստեղծագործական ուղին: Միջոցառումը սկսվեց փոքրիկ բեմականացմամբ, որտեղ մանուկ Շառլին հայրը պատմում էր իրենց ազգանվան ծագման մասին: Ազնավուր ազգանունը յուրաքանչյուր հայի ականջին հարազատ ու քաղցր է հնչում. չէ՞ որ աշխարհահռչակ շանսոնիեի ազգանվեր  գործունեությունն  անուրանալի է:

  Աշակերտները սահուն ֆրանսերենով ներկայացրին կենսագրական տվյալներ, խոսեցին նրա հաջողությունների  և պարգևների մասին: Միջոցառումը ծայրից ծայր ուղեկցվում էր գեղեցիկ երաժշտական  կատարումներով: Դպրոցի շնորհալի աշակերտները հանդես եկան , «Le bleu de les yeux» երգի կատարումրով: Ներկայացվեց գնչուական պար` «Deux guitares» երգի  ուղեկցությամբ: Հանրահայտ «La Bohéme» երգի կատարումը  զուգորդվեց համահունչ պարով և բեմադրությամբ: Միջոցառմանը ակտիվորեն մասնակցեցին պարի խմբի շնորհալիները: Սև ֆրակով զգեստավորված աղջիկները, «A 20ans» երգի ուցեկցությամբ ֆրանսիական ոճով ներկայացրին  երաժշտական պարային կոմպոզիցիա:  Միջոցառման ընթացքում կարմիր գծի նման անցնում էր  Շ. Ազնավուրի`  Հայաստանի նկատմամբ ցուցաբերած ջերմ ու սրտացավ վերաբերմունքի մասին միտքը: Վկայակոչվեց  հատկապես Սպիտակի երկրաշարժի իրադարձություններին նրա ցուցաբերած գործնական օգնությունը` «Pour toi Arménie» երգով, Որպես անակնկալ, երիտասարդ ուսուցչուհի Ռուզաննա Ադոյանի և երկու աշակերտների կատարմամբ հնչեց «Une vie d’amour» երգը: Վերջում,  խոսելով  հայ-ֆրանսիական կապի մասին, հպարտությամբ բարձրաձայնվեց, որ Ազնավուրը աշխարհին ներկայանում է որպես հայ դեսպան:

    04. 04. 2014թ. 2-րդ գ դասարանում դասվար Արմինե Բաբասյանը կազմակերպել էր բաց դաս  «Մաթեմատիկա» առարկայից` «Փակագծերով արտահայտություններ»  թեմայով: Դասի  նպատակն էր գիտելիքների համակարգումը, տրամաբանական մտածողության զարգացումը : Թեման ավելի մատչելի դարձնելու և կրտսեր դպրոցականի ընկալունակությանը համապատասխանեցնելու համար խթանման փուլում սովորողները լուծեցին տրամաբանական  խնդիրներ, կատարեցին   բանավոր թվաբանական հաշվարկներ, քարտային աշխատանքով  խնդիրները դասդասեցին ըստ արտահայտությունների, բեմականացրին  փոքրիկ հեքիաթ` տարբեր գուրծողությունների կատարման կարգի վերաբերյալ:

    Իմաստի րնկալման փուլում սովորողները կատարեցին խմբային որոնողական աշխատանք. Մաթեմատիկայի լեզվով կարդացին տրված արտահայտությունները և աշխատեցին զույգերով` հաշվելով   արտահայտությունների արժեքը: Ըստ տրված համառոտագրության` կազմեցին խնդիր և ինքնուրույն լուծեցին:

  Կշռադատման փուլում կատարեցին անդրադարձ`ապահովելով դասի   ճանաչողական և դաստիարակչական կողմերը:

  Դասը հաջողված էր, դինամիկ,աշխույժ և ուսանելի: