Մարտի 30-ին Ֆրանկոֆոնիայի շրջանակներում կայացավ միջոցառում՝ <<Աշխարհը փոխելու համար>> խորագրով ։ Միջոցառմանը մասնակցում էին VI,VII, VIII դասարանի աշակերտները։ Նրանք ներկայացրեցին մտքեր և կարծիքներ, երգեցին երգեր թեմայի վերաբերյալ : Ողջ միջոցառման ընթացքում աշակերտների ուղերձն էր բոլորին, որ պահպանեն մոլորակը, միմյանց հանդեպ ավելի բարի լինեն, հաճախ ժպտան ու միմյանց ժպիտ պարգևեն, իսկ նրանց բոլորի հավաքական ցանկությունն էր խաղաղության հաստատումը, ռասիզմի, բռնության ու պատերազմների իսպառ բացակայությունը։

Մարտի 16-ին հ. 45 հիմնական դպրոցում տեղի ունեցավ միջոցառում IX բ դասարանի մասնակցությամբ ` 《Գարեգին Նժդեհ》խորագրով (դասղեկ՝ Ա. Գոգորյան):

Սովորողները ներկայացրին Գարեգին Նժդեհի կյանքն ու գործունեությունը, հնչեցին մեծն հայրենասերի խորիմաստ մտքերը: Միջոցառումը հեգեցած էր, ուսանելի և բովանդակալից:

Դեկտեմբերի 22-ին հ. 45 հիմնական դպրոցում կայացավ

«Երգի խմբակ»-ի անդրանիկ միջոցառումը։

Երեխաների սերը թևածեց դահլիճում,ներկաներին պարգևելով մանկության թռիչք։

Թող բարին թևածի հայոց երկնքում,բերելով մեր սրտերին սեր ու ջերմություն։

Զատիկը կամ Քրիստոսի Հրաշափառ Հարության տոնն ամբողջ աշխարհի հավատացյալ քրիստոնյաների ամենակարևոր տոներից մեկն է: Եկեղեցական կանոնների համաձայն, Զատիկը նշվում է գարնանային լիալուսնից հետո առաջին կիրակի օրը:

Ապրիլի 3-ին հ. 45 հիմնական դպրոցում նշվեց Հիսուս Քրիստոսի հրաշափառ Հարության տոնը իրեն վայել շքեղությամբ :Մեր սաները ներկայացրեցին գեղեցիկ,բովանդակալից ու հագեցած միջոցառում`նվիրված Զատկի տոնին: Գեղեցիկ տոնի խորհրդին հարիր զարդարված սեղանները, սաների սրտառուչ ու ազդեցիկ խոսքերը, պարերը բոլորի սրտերում արթնացրեց սիրո, բարության և ուրախության անպատմելի զգացումներ:

Հոկտեմբերի 18-ին IX բ դասարանի աշակերտները (ուսուցչուհի` Ս.Գևորգյան ) հանդիսատեսին ներկայացրեցին միջոցառում ` նվիրված Հայաստանի III Հանրապետության 27 և Էրեբունի – Երևանի 2800 ամյակներին: Միջոցառման նպատակն էր ` նորանկախ Հայաստանի ազգային-պետական շահերի տեսանկյունից աճող սերնդի մեջ համապատասխան մտածելակերպի որդեգրումը, սեփական արժեքային համակարգի ամրապնդումը և վարքագծի ձևավորումնն ու զարգացումը :
Աշակերտները ներկայացրեցին մեր ժողովրդի պատմությունը և որդեգրեցին, որ հայրենիքի պահպանման հիմնական գործոնը հայրենասիրությունն է, որի շնորհիվ է, որ հայ ժողովուրդը փորձությունների ենթարկվելով կարողացել է պահպանել իր ինքնությունը և պետականությունը:

Այցելություն բուսաբանական այգի

Հոկտեմբերի 9-ին III <<գ>> դասարանի սովորողները, ընկեր Յազուլյանի ուղեկցությամբ, այցելեցին բուսաբանական այգի:
Բուսաբանական այգում անցկացրեցին դաս-էքսկուրսիա: Զբոսնեցին բուսաբանական այգու ողջ տարածքով: Բնությունն իր զարմանահրաշ գույները տարածել էր ամենուր և որքան քայլում էին այնքան չքնաղ բնությունն իր աշնանային գունագեղ երանգներով ավելի էր գրավում աշակերտներին: Աշունն իր երփներանգ գույներով ներկել էր ողջ այգին՝ յուրաքանչյուր ծառ, քար ու թուփ. հեքիաթային մի տեսարան...
Աշակերտներն ոսկեշունչ աշնան պատկերը յուրովի ներկայացրեցին իրենց նկարներում, երգերով ու բանաստեղծություններով գովերգեցին աշունը: