Նոյեմբերի 26-ին հ. 45 հիմնական դպրոցի VIII գ դասարանում անցկացվեց բաց դաս <<Երկրաչափություն>> առարկայից (ուսուցչուհի` Գ. Բաղրամյան):
Դասի թեման էր Շրջանագիծ: Շրջանագծի և ուղղի փոխադարձ դասավորությունը: Շրջանագծի շոշափող: Դաս նպատակն էր ամրապնդել և խորացնել գիտելիքները շրջանագծի մասին, զարգացնել տեսական գիտելիքները գործնական խնդիրների լուծման ժամանակ :Սովորողները լուծեցին խնդիրներ, խոսեցին նման երկրաչափական պատկերների կիրառումն առօրյայում:Դասն ուղեկցում էր տեսաժապավենի ցուցադրությամբ:

Նոյեմբերի 18-ին VI գ դասարանի սովորողները ուսուցչուհի Ա. Սահակյանի գլխավորությամբ ներկայացրեցին բաց դաս Լեոնարդո դա Վինչիի << Ոդիական երախտագիտություն >> թեմայով: Դասը բավականին հետաքրքիր էր, սովորողները տեղեկություններ էին հավաքել հեղինակի մասին, բեմականացրել էին ստեղծագործությունը ` ավելացնելով երկխոսություններ:Ներկայացրեցին Լեոնարդո դա Վինչիին որպես նկարիչ : Ողջ դասի ընթացքում կարմիր թելի նման անցնում էր երախտագիտության գաղափարը:

1-ին ա դասարանում տոն էր /դասվար՝ Ա. Եղիազարյան/. աշակերտները նշում էին Ա հնչյուն-տառի ծնունդը: Միջավայրը լի էր ուրախ ու հաճելի տրամադրությամբ: Ամենուրեք թևածում էր մաշտոցյան շունչն ու խորհուրդը՝ ևս մեկ անգամ հաստատելով,որ անմահ է հայոց այբուբենը,երբ հնչում է թոթովախոս մանուկների շուրթերից: Աշակերտների հայեցի խոսքն ու կենսուրախ երգերը անջնջելի տպավորություն գործեցին՝ գրավելով իրենց պարզությամբ ու անմիջականությամբ:

Հոկտեմբերի 18-ին I բ դասարանում (դասվար` Գ. Բաղդասարյան) անցկացվեց ‹‹Ա›› հնչյուն -տառի շնորհանդես: Աշակերտները ներկայացրեցին իրենց նախաայբբենական շրջանի նախագիտելիքները:: Այնուհետև անտառի բնակիչների օգնությամբ գտան գանձարանի բանալին և բացեցին գանձարանի դուռը: Գանձարանից դուրս եկան ‹‹Ա›› մեծատառը և ‹‹ա ››փոքրատառը: Պատմեցին թեմատիկ նկարը և կատարեցին վանկային և հնչյունային վերլուծություններ:

Հոկտեմբերի 18-ին Iգ դասարանում հանդիսավոր նշեցին <<Ա>> հնչյուն-տառի շնորհանդեսը(դասվար՝ Ն. Ավետիսյան):Գիտելիքների զարմանահրաշ աշխարհում <<Ա>> տառի մուտքը երեխաների և ներկաների համար վերածվեց հեքիաթային տոնի: Թոթովախոս փոքրիկներն իրենց երգով, դերային խաղով, գեղեցիկ ասմունքով, գիտելիքներով, անկեղծ ու բարի ժպիտներով հիացրեցին ներկաներին: Նախաայբբենական շրջանում ձեռք բերած գիտելիքների շնորհիվ հաղթահարեցին բազմաթիվ փորձություններ և <<Ա>> տառով մուտք գործեցին հայոց այբուբենի գանձարան: Համակարգելով և ամրապնդելով իրենց ունեցած գիտելքները, կարողացան բառերը ենթարկել հնչյունային վերլուծության, վանկատել, ստեղծեցին բառերի կառուցվածքային գծապատկերներ: Խաղացին հետաքրքիր և թեմատիկ խաղեր: Դասը հագեցած էր, բազմաբովանդակ և ուսանելի: Դասին ներկա էին դպրոցի տնօրենությունը, ուսուցիչներ, ծնողներ:

Հ. 45 հիմնական դպրոցի VII ա դասարանում անցկացվեց բաց դաս ‹‹Կենսաբանություն ›› առարկայից (ուսուցչուհի` Գ. Սահրադյան): Դասի թեման` Սնկերի թագավորությունը: Դասի նպատակն էր բացահայտել սովորողների գիտելիքները սնկերի կառուցվածքի և առանջնահատկությունների մասնի: Երեխաները խոսեցին ուտելի և թունավոր սնկերի մասին, սնկերի դերը բնության և մարդու կյանքում, սնկերի բազմազանության մասին:
Դասի ընթացքում օգտագործվեցին ՏՀՏ միջոցներ և սովորողները դիտեցին տեսանյութ :Դասը հագեցված էր դիդակտիվ նույթերով և բավականին հետաքրքիր ու բովանդակալից էր: