Մարտի 23-ին հ. 45 հիմնական դպրոցի IV բ դասարանի սաները (դասղեկ՝ Վ. Հովհաննիսյան) այցելեցին Մարտիրոս Սարյանի տուն- թանգարան:

Մարտիրոս Սարյանի թանգարանում ներկայացված էր նկարչի ստեղծագործական բոլոր շրջաններն ու ժանրերը՝ սկսած 16 տարեկանում կատարված առաջին գծանկարներից մինչև կյանքի վերջին տարիներին ստեղծված աշխատանքները :

Երեխաները ծանոթացան նկարչի կենսագրությանը, ստեղծագործական գործունեությանը և լուսավոր ու գունագեղ աշխատանքներին: Նրանց մեծ հիացմունք պատճառեց վառ, հագեցած գույներով ստեղծված Սարյանի կտավները և հնարավորություն տվեց հասկանալու , որ արվեստը լոկ իրականության նմանակումը չէ` այն պահանջում է երևակայության և վերացարկման ազատություն: Այցն ուսուցանող էր, և աշակերտները մեծ ոգևորությամբ հեռացան թանգարանից:

Մարտի 7-ին 5ա դասարանի սովորողները դասղեկ Անուշ Փարսադանյանի և ծնողների հետ այցելեցին Պլանետարիում, որտեղ սովորողները դիտեցին փաստավավերագրական ֆիլմ Արեգակնային համակարգի մասին: Ֆիլմը սովորողներին ներկայացնում էր Երկիր մոլորակի առաջացման և կառուցվածքի, Արեգակնային համակարգի մյուս մոլորակների, աստղերի, ասուպների մասին: Երեխաները ֆիլմի միջոցով տեղեկացան նաև մեծանուն աստղագետների, տիեզերագնացների և հրթիռների մասին: Ֆիլմը բովանդակալից էր և ուսուցանող: Սովորողները մեծ բավականություն ստացան:

Գիրք նվիրելու օրվա կապակցությամբ փետրվարի 26-ին Երևանի հ. 45 հիմնական դպրոցի VIII բ դասարանի երեխաները, դասղեկ՝ Ա. Գոգորյանի ուղեկցությամբ այցելեցին Գրատպության թանգարան:Երեխաները ծանոթացան հայ գրքի անցած ուղուն: Ցուցադրվեցին հայ տպագրության պատմության տարբեր շրջաններին առնչվող լավագույն նմուշներ, լուսաբանվեցին բազմաթիվ առանցքային հարցեր:Թանգարանը կազմակերպեց գրքի նվիրատվություն,որը մեծ հիացմունք պատճառեց երեխաներին: ՈԻսուցողական էքսկուրսիայից երեխաները տուն վերադարձան մեծ տպավորությամբ:

«իԳործ» ծրագրով Լիբանանից Հայաստան ժամանած Օնիկ Բայրամյանը կրթական համակարգը բարեփոխելու իր նախագիծն է իրականացնում շուրջ 250 դպրոցներում: Օնիկ Բայրամյանը մեծ պատիվ է համարում հայրենիքում կրթական ոլորտի բարեփոխումների՝ իրեն վստահված հնարավորությունը և համոզված է, որ կրթությունն է մեր ազգի ապագայի կարևոր երաշխիքը... <<իԳործ» ծրագրի շրջանակում իրականացվող «Դպրոցի կառավարում» թեմայով վերապատրաստման դասընթացը hաջողությամբ ավարտեցին նաև այս մասնակիցները: Այն տևեց 5 օր, որին մասնակցում էին տարբեր դպրոցներից տնօրեններ, փոխտնօրեններ, ուսուցիչներ և նաև հ. 45 դպրոցի մեր ուսուցիչները։

Մեր քաջարի՜ զինվորներ ,հպարտ ենք, որ ունենք Ձեզ նման պաշտպաններ։ Մենք ձեր կողքին ենք ...

«Ռուսական արջուկ 2019_2020» մրցույթը կայացավ , որին մասնակցեցին հ. 45 հիմնական դպրոցի սաները:

4 –րդ բ դասարանի աշակերտուհի Մարության Արփինեն ցուցաբերեց իր գիտելիքները և արժանացավ հատուկ մրցանակի:

Շնորհավորում ենք Արփինեին և ցանկանում նորանոր հաղթանակներ: