Սիրենք մեր հողը,

Լեզվի նման մայրենի,

Հիշե՛նք՝դրախտն իսկական

Տուն-օջախն է հայրենի։

Դեկտեմբերի 14- ին IV բ դասարանում կայացավ բաց դաս՝ «Հայրենիք» թեմայով։Երեխաները կատարելով ճանապարհորդություն և խորացրեցին իրենց ճանաչողական հետաքրքրությունները հայրենիքի մասին։ Արժևորելով հայրենիքը, կարևորեցին հայրենի հողը:

Դեկտեմբերի 13_ին III գ դասարանի աշակերտները(դասվար`Լ.Մանուկյան) ներկայացրեցին բաց դաս 《Մայրենի》 առարկայից <<Առակի ծնունդը>>թեմայով։Դասն իրականացվեց Smart

notebook ծրագրով։Դասն անցավ հետաքրքիր և բովանդակալից։

<< Գիտելիքը գանձարան է, իսկ սովորելու կարողությունը այդ գանձարանի բանալին է>>:

Iա դասարան (դասվար՝ Ն. Ավետիսյան):

2023թ. նոյեմբերի 8-ին հ. 45 հիմնական դպրոցի 4 -րդ «գ» դասարանի աշակերտները (դասվար՝ Ա. Բաբասյան) ներկայացրեցին բաց դաս՝ « Մաթեմատիկա» առարկայից ՝ «Ամփոփիչ և ամրապնդող առաջադրանքներ»։ Երեխաների ակտիվությունն ու խանդավառությունը արձանագրում էին այն սերն ու նվիրումը, որ կա դպրոցի և ուսման նկատմամբ։ Դասն անցավ հետաքրքիր, բազմաբովանդակ, նորարար մեթոդներով հագեցած։

«Ա» հնչյուն- տառի ուսուցում I բ դասարանում (դասվար` Գ. Բաղդասարյան): Գիտելիքների զարմանահրաշ աշխարհում <<Ա>> տառի մուտքը երեխաների համար վերածվեց հեքիաթային տոնի: Թոթովախոս փոքրիկներն իրենց երգով, դերային խաղով, գեղեցիկ ասմունքով, գիտելիքներով, անկեղծ ու բարի ժպիտներով հիացրեցին ներկաներին: Նախաայբբենական շրջանում ձեռք բերած գիտելիքների շնորհիվ հաղթահարեցին բազմաթիվ փորձություններ և <<Ա>> տառով մուտք գործեցին հայոց այբուբենի գանձարան: Դասը հագեցած էր, բազմաբովանդակ և ուսանելի:

Հոկտեմբերի 13-ին lա դասարանում կայացավ <<Ա>> տառի շնորհանդես-բաց դաս (դասվար՝ Ն. Ավետիսյան): Գիտության մոլորակում հայտնված մեր փոքրիկներն այսօր գտան այդ մոլորակի գրաճանաչության դուռը բացող կախարդական բանալին: Այսօրվանից սկսեցին իրենց ճամփորդությունը հայոց այբուբենի գաղտնարանով և խոնարհվելով մեծ ուսուցչի առջև, խոստացան սիրել լեզուն, լավ սովորել: Դասի ընթացքում աշակերտներն ակտիվորեն ցուցադրեցին նախաայբբենական շրջանում ստացած գիտելիքները: Հագեցած, բովանդակալից, ուսանելի և հետաքրքիր բացահայտումներով լի դաս էր: