Մարտի 30-ին Ֆրանկոֆոնիայի շրջանակներում կայացավ միջոցառում՝ <<Աշխարհը փոխելու համար>> խորագրով ։ Միջոցառմանը մասնակցում էին VI,VII, VIII դասարանի աշակերտները։ Նրանք ներկայացրեցին մտքեր և կարծիքներ, երգեցին երգեր թեմայի վերաբերյալ : Ողջ միջոցառման ընթացքում աշակերտների ուղերձն էր բոլորին, որ պահպանեն մոլորակը, միմյանց հանդեպ ավելի բարի լինեն, հաճախ ժպտան ու միմյանց ժպիտ պարգևեն, իսկ նրանց բոլորի հավաքական ցանկությունն էր խաղաղության հաստատումը, ռասիզմի, բռնության ու պատերազմների իսպառ բացակայությունը։

Ե՛ս եմ հիմա - մի պոետ․ և իմ անունը - Չարենց -

Պիտի վառվի դարերում, պիտի լինի բա՜րձր ու մեծ:

Ես եկել եմ դարերից ու գնում եմ հաղթական

Դեպի դարերը նորից՝ դեպի վառվող Ապագան...

Երևանի հ. 45 հիմնական դպրոցի VII ա դասարանը << Գրականություն>> առարկայից անցկացրեց բաց դաս՝ <<Համո Սահյանի բնության և հայրենասիրական երգերը>> թեմայով (ուսուցիչ՝ Ս. Հարությունյան): Երեխաները պատմեցին հուշեր, կարդացին ասույթներ բանաստեղծի մասին: Երևաց Հայստանը՝ քարերից կերտված,չքնաղ բնությամբ: Աշակերտները մեղմ երաժշտության ներքո ասմունքեցին , կատարեցին Սահյանի պատգամը՝ նրան բացակա չդրեցին:

Հ. 45 հիմնական դպրոցի 2- րդ գ դասարանի աշակերտուհի

Նարե Պողոսյանը մասնակցել է մարտի 27- ին տեղի ունեցած մենթալ թվաբանության ամենամյա միջազգային 6- րդ օլիմպիադային (դասվար` Ա. Բաբասյան) :Այս տարվա մրցույթին մասնակցել են մենթալ թվաբանությամբ զբաղվող 5֊14 տարեկան երեխաներ` Ֆրանսիայից, Միացյալ Նահանգներից, Գերմանիայից, Կանադայից, Իսպանիայից։ Համառ պայքարում մեր հրաշք հայուհին` Նարե Պողոսյանը ,զբաղեցրել է 3- րդ պատվավոր տեղը:

Շնորհավորենք մեր հերոսուհուն` մաղթելով նորանոր հաջողություններ :

Այսօր`մարտի 25-ին,8-ա դասարանի աշակերտներն այցելեցին Ավ.Իսահակյանի տուն-թանգարան և մասնակցեցին «Թանգարանը քո ձեռքերում»կրթական ծրագրին:

Ծրագրի ընթացքում երեխաները շրջեցին թանգարանում` փորձելով գտնել քարտերի վրա պատկերված առարկաները:Ծրագրի վերջում ունկնդրեցին Վարպետի բանաստեղծություններից և վերարտադրեցին այն ինտերակտիվ եղանակով: