«Գրքերը մտքի նվեր են, որոնք թափառում են ժամանակի ալիքների երկայնքով և իրենց թանկարժեք բեռը խնամքով տեղափոխում սերնդից սերունդ»:

Ֆրենսիս Բեկոն

Գրքերն աշխարհի արտացոլանքն են, որոնք պարունակում են նրա անսահման խորությունը, բազմազանությունն ու անկանխատեսելիությունը։

Փետրվարի 18_ ին I ա դասարանի աշակերտները դասվար Ս. Մարտիրոսյանի գլխավորությամբ այցելեցին <<Էդիթ Պրինտ>> հրատարակչություն։

Գրքասերները ծանոթացան գրչության արվեստին, գրքի ստեղծման և ժամանակակից տպագրության ձևերին ու եղանակներին։

Հաճելի էր տեսնել, թե ինչպիսի հետաքրքրությամբ ու խանդավառությամբ էին երեխաները հետևում գրքի ստեղծման բարդ ու բազմափուլային գործընթացին։

Գրքերի զարմանահրաշ աշխարհը բացահայտելու նպատակով ևս մեկ հետաքրքիր այցելություն ունեցան IV Ա դասարանի սովորողները (դասվար՝ Լ. Այվազյան)։

Գրքի տոնին ընդառաջ նրանք եղան Գրատպության թանգարանում։ Նրանք շրջեցին սրահներում՝ հարստացնելով իրենց գիտելիքների պաշարը։ 《Բացահայտում》ինտերակտիվ խաղ-կրթական ծրագրի շրջանակներում երեխաները բացահայտեցին հայերեն առաջին տպագիր գիրքն ու ամսագիրը, առաջին Աստվածաշունչն ու քարտեզը, փայտափորագիր տախտակներն ու կլիշեները...

Երեխաները փոխանակվեցին գրքերով, ստացան նվեր գրքեր նաև թանգարանի կողմից։

Փետրվարի 16_ ին Երևանի հ. 160. հիմնական դպրոցում անցկացվեց հանդբոլի համայքային առաջնությունը։ Մրցաշարում մրցում էին հ. 45 հիմնական դպրոցի և հ. 160 հիմնական դպրոցի թիմերը:

Հանդբոլի մրցաշարում համառ և գեղեցիկ պայքարում հաղթեց հ. 45 դպրոցի աղջիկների թիմը ։ Նրանք գրավեցին I տեղը և անցան քաղաքային փուլ, իսկ տղաների թիմը՝ II տեղը(մարզիչ՝ Ա. Գրիգորյան)։

2021_2022 թթ առարկայական օլիմպիադաների մարզային փուլում հաղթող են ճանաչվել հ. 45 հիմնական դպրոցի աշակերտուհիներ

Պապիկյան Էլենը (պատություն և հայ գրականություն)

Մարկոսյան Աննան (հայ գրականություն) ։

Մաղթում ենք նորանոր հաջողություններ:

Փետրվարի 6 _ ին տեղի ունեցավ «ՀՀ վարչապետի գավաթ» սիրողական սեղանի թենիսի մրցաշարի

խաղարկությունը , որին մասնակցում էր Երևանի հ. 45 հիմնական դպրոցի ֆիզկուլտուրայի ուսուցիչ Ա. Գրիգորյանը ։

Փետրվարի 10_ ին տեղի ունեցավ սեղանի թենիսի մրցաշարի համայնքային փուլը, որին մասնակցում էր 8_րդ դասարանի սովորող Կատվալյան Գոռը (ուսուցիչ՝ Ա. Գրիգորյան) ։ Գոռը Կատվալյանը դարձավ Էրեբունի համայնքի սեղանի թենիսի մրցաշարի հաղթող։

Փետրվարի 10_ ին տեղի ունեցավ սեղանի թենիսի մրցաշարի համայնքային փուլը, որին մասնակցում էր 8_րդ դասարանի սովորող Կատվալյան Գոռը (ուսուցիչ՝ Ա. Գրիգորյան) ։ Գոռը Կատվալյանը դարձավ Էրեբունի համայնքի սեղանի թենիսի մրցաշարի հաղթող։

     18.02.2022թ. III բ  դասարանում հեռավար անցկացվեց բաց դաս <<Մայրենի>> առարկայից : Դասի թեման էր <<Հայոց հրաշքը՝ Մեսրոպ Մաշտոց>>: