11.04.2013
Երևանի հ.45 դպրոցի հանդիսությունների դահլիճում IIIԱ դասարանի սովորողները
դասվար Լիլիթ Այվազյանի ղեկավարությամբ ներկայացրեցին «Մեծն Թումանյան» միջոցառումը: Հանդիսությունը սկսվեց «Հայը»
շարքին պատկանող, մեր մեծերին լուսաբանող, Թումանյանին նվիրված հատվածով, որին
հաջորդեց բանաստեղծի կյանքն ու գործունեությունը ներկայացնող թումանյանական տողերով համեմված շնորհանդեսը: Երեխաները ներկայացրին քառատողերի ու մտքերի
գեղեցիկ ընտրանի: Այդուհետ երաժշտության տակ
եկան լոռեցու հանդերձանքով «ծերունիները» ,
ծալապատիկ նստեցին ընկուզենու ծառի տակ , զրուցեցին, մի թաս «գինի» խմեցին, մեծավարի խրատեցին փոքրերին "Ապրե°ք, երեխե°ք,բայց մեզ պես չապրեք”:
Յուրահատուկ էր երեխաների մոտեցումը Թումանյանի
հեքիաթներին: Սկզբում մունետիկիները ի լուր աշխարհի հայտարարեցին թագավորի
հրովարդակը թագավորի կողմից համոզիչ սուտ հորինելու մասին. հաղթողի ընծան
թագավորության կեսն էր: Հետո բոլոր հեքիաթների
հերոսները` Քաջ Նազարը, Անբան Հուռիի մայրը, Կիկոսը, անխելք մարդը,
շտապեցին թագավորական պալատ` իրենց սուտը ներկայացնելու: Դեպքերն ընթանում էին հեքիաթների ոճին և երեխաների
պատկերացումներին համապատասխան: Հանդիսատեսը մի
պահ մոռացել էր, որ դերասանները III դասարանի երեխաներ
են:
Սովորողների դերասանական ձիրքը, ասմունքը, հեքիաթին բնորոշ հագուստները, բեմի
ձևավորումը, ուրախ երգն ու պարը պարգևեցին հաճելի պահեր և բարձր
տրամադրություն:
|
Մարտի15-ին հանրակրթական դպրոցներից առաջինը Երևանի հ. 45 դպրոցում մեկնարկեց Ֆրանկոֆոնիային նվիրված միջոցառումների սկիզբը: Գարուն, խինդ ու ծիծաղ էր լցվել դպրոցի դահլիճը, ուր երեխաները վարպետորեն
ներկայացրին դպրոցի ֆրանսերենի ուսուցչուհիներ
Ռուզան Ադոյանի, Անժելա Բաբելյանի , Նունե Սաքանյանի կազմակերպած "Ֆրանսիան
արվեստի սիրտն է” միջոցառումը: "Կոշկավոր կատուն” հեքիաթի
հյուրերն էին արվեստի տարբեր ճյուղերի ներկայացուցիչներ, որոնք Մարկիզ Կարաբասին զարմացրին ու հիացրին "Տիկնիկների պարով”, "Կարմենի
կրքոտ պարային կատարումով, Էլեն Սեգարայի և Անդրեա Բոչելլիի զուգերգերի չքնաղ ներկայացումներով: Յուրատեսակ հմայքով էր լեցուն նաև բալետային թեթև պարը: Ողջ միջոցառման ընթացքում
դահլիճում թևածում էր վարժ ֆրանսերենով աշակերտների խոսքը, ֆրանսիացիներին հատուկ գողտրիկ
ժպիտն ու անսահման սերը:Այս միջոցառումը մի անգամ ևս հավաստեց, որ տարիների հոլովույթի
մեջ ֆրանսերենի դասավանդման ու տարածման կարևորությունը դպրոցում ոչ միայն չի խամրել,
այլև շարունակում է նոր ոգով ծաղկել: Նման միջոցառումները հերթական անգամ փաստում են
հայ-ֆրանսիական հարաբերությունների անխախտ բարեկամություն
|
Փետրվարի 28-ին լրացավ Սումգայիթյան Ջարդերի 25 տարին: Ուսուցիչներ` Ս Գևորգյանի և Ս. Պողոսյանի ղեկավարությամբ Երևանի հ.45 հիմնական դպրոցի 9-րդ դասարանի աշակերտները դպրոցի հանդիսությունների դահլիճում ներկայացրեցին և դատապարտեցին 1988 թվականի փետրվարի 26-29-ին ադրբեջանական իշխանությունների փաստացի աջակցությամբ և ԽՍՀՄ ղեկավարության թողտվությամբ Ադրբեջանական ԽՍՀ Սումգայիթ քաղաքում տեղի են ունեցած հայերի զանգվածային ջարդեր, որոնք իրենց դաժանությամբ
ցնցեցին
համաշխարհային հանրությանը: Ներկաները մեկ րոպե լռությամբ հարգեցին բոլոր նրանց հիշատակը, ում արժանապատվությունը ոտնահարվել էր ողբերգական այդ
օրը:
Միջոցառման ընթացքում կարմիր գծի պես անցնում էր այն այն ուղերծը,
որ յուրաքանչյուր հայ Սումգայիթի մասին ճշմարտությունը պետք է իմանա այնպես, ինչպես Համայն մարդկությունը` Նյուրնբերգյան դատավարության մասին , որպեսզի հնարավոր լինի խուսափել մի նոր «դարչնագույն ժանտախտից»:
|
Այսօր` 26.02.2013թ. , Մայրենի լեզվի միջազգային օրվա առթիվ
Երևանի հ.45
դպրոցում անցկացվեց միջոցառում` «Անաղարտ պահենք մեր մայրենին» խորագրով: Սովորողների ելույթը հագեցած էր այն գիտակցությամբ , որ ազգի լինելիությունը պայմանավորված է լեզվով և հավատով:
Այդ գաղափարի խոր գիտակցումն է, որ մեր ազգին, ի տարբերություն հնագույն շատ ազգերի, փրկել է ոչնչացումից:
Հայոց
լեզվի և գրականության ուսուցչուհի Արմինե Սահակյանի ջանքերով դահլիճը «շնչում էր» մայրենիով: 5 և 6-րդ դասարանի աշակերտները
ներկայացրեցին հայ գրերի պատմական ուղին` այն համեմելով հայոց լեզվի մասին հայ և օտարազգի մեծերի ասույթներով, բանաստեղծություններով: Անդրադար ձան նաև ազգային գրապահոցի` Մատենադարանի գանձերին`ընդգծելով վերջինիս
դերն ու նշանակությունը հայ իրականության մեջ:
|
"Անաղարտ պահենք մայրենին” խորագիրն էր
կրում IIIԲ դասարանի դասվար
Ռուզաննա Տիգրանյանի կազմակերպած միջոցառումը
, որ տեղի ունեցավ հ.45 հիմնական դպրոցի հանդիսությունների դահլիճում 21.02.2013թ.: Միջոցառման ընթացքում հնչեցին մայրինի լեզվին նվիրված բանաստեղծություններ, ասույթներ, երգեր: Միջոցառումն
ուսանելի էր ու շատ դաստիարակչական:Ողջ միջոցառման
ընթացքում կարմիր թելի պես անցնում էր հայրենասիրության
և մայրենի լեզուն անաղարտ պահելու գաղափարը:
|
2012
թ Երևանը հռչակվել է Գրքի մայրաքաղաք :<< Վերադարձնենք գիրքը երեխաներին
>> ծրագիրն իր մեջ ներառում է տարբեր մրցութային ծրագրեր ` նվիրված գրքին: Ծրագրի
նպատակն է դպրոցահասակ երեխաներին ինքնակրթության , ինքնադաստիարակության , ինքնակատարելագործման
մղելը , ազգային մշակույթը , հոգևոր արժեքները գնահատելն ու արժևորելը , գիրք կարդալը պահանջմունք դարձնելը:
Ծրագրի առաջին փուլում անցկացվեց <<Հայ գրատպությունը >> մրցույթը: Մրցույթին
մասնակցում էին դպրոցների 9 – րդ դասարանների սովորողները: Հ. 45 հիմնական դպրոցի սաները
ևս իրենց մասնակցությունն ունեցան: Պատրաստեցին վահանակ ` << Գրից մինչև
գիրք>> խորագրով, տեսահոլովակ ` Նոր
Արեշի ամենահին դպրոցի ստեղծման մասին պատմող: Սովորողները պատրաստել էին նաև գեղարվեստական
համար , ասմունքը հնչեց արևմտահայերենով `հիացմունք պատճառելով ժյուրիին: Հ. 45 հիմնական
դպրոցը ներկայացել էր << ԱԿՈւՄԻՏ >> թիմով , որը գրավեց երկրորդ տեղը:
Մրցույթը հնարավորություն տվեց սովորողներին ավելի հանգամանորեն իմանալ Մեսրոպ Մաշտոցի
, գրերի գյուտի նշանակության , Հակոբ Մեղապարտի , Մատենադարանի մասին: Մրցույթը կայացել
է 2012 թ դեկտեմբերի 24 – ին Չեխովի անվան
դպրոցում : Մեր թիմի հետ մրցում էին հ. 181 , << Ուսում >> և Չեխովի անվան
դպրոցների թիմերը : << ԱԿՈւՄԻՏ >>
թիմի հետ աշխատել են հայոց լեզվի և
գրականության ուսուցիչներ Ս. Հարությունյանը և Ռ. Հատիմոսյանը:
Ամեն
ինչ արվում է , որ գիրք կարդալը սովորողի համար պահանջմունք դառնա:
|
|