Ապրիլի 16-ին VIII ա դասարանի երեխաները այցելեցին Կոմիտասի թանգարան: Այնտեղ երեխաները ներկայացրեցին Կոնիտասի կյանքի ու գործունեության տարբեր ոլորտները , նրա բազմակողմանի երաժշտական ժառանգությունը: Կոմիտասի հոգեթով երաժշտության ներքո երեխաները շրջեցին սրահներով , արտասանեցին Պ. Սևակի <<Անլռելի զանգակատուն>> պոեմից:

Ապրիլի 19-ին հ. 45 հիմնական դպրոցի VII դասարանի աշակերտների համար ‹‹Հայոց եկեղեցու պատմություն›› առարկայից դասախոսություն կարդաց Քրիստոնեական Դաստիարակության Կենտրոնի (ՔԴԿ) Երևան քաղաքի պատասխանատու Քրիստինե Ղազարյանը, թեման՝ << Տիեզերաժողովներ>> և Հայ Առաքելական Եկեղեցու <<Հավատո հանգանակը>>: Ներկաները մեծ ուշադրությամբ լսեցին Քրիստինե Ղազարյան բովանդակալից դասախոսությունը ` նրան ուղղելով իրենց հուզող բազմաթիվ հարցեր: Դասախոսությունն ուսուցանող էր և հետաքրքիր:

Ապրիլի 17_ ին IV բ դասարանի աշակերտները (դասղեկ՝ Վ. Հովհաննիսյան) այցելեցին Էրեբունի պատմահնագիտական արգելոց-թանգարան։ Աշակերտները ծանոթացան թանգարանի ցուցադրությունը ներկայացվող Ուրարտուի պատմությանը, ճարտարապետությանը , կերպարվեստին , որմնանկարչությանը, խեցեգործությանը և այլ բնագավառներում պետության առաջընթացի մասին վկայող նյութեղեն ապացույցներին: Էքսկուրսիայի ընթացքում երեխաները կատարեցին պեղումներ և իրենց գտած գտածոները խնամքով հանձնեցին թանգարանի աշխատակիցներին:

Ապրիլի 16_ ին IV ա դասարանի աշակերտները (դասվար Ս. Բաղդասարյան )այցելեցին Էրեբունի պատմահնագիտական արգելոց-թանգարան։ Աշակերտները ծանոթացան

թանգարանի մշտական ցուցադրությունը ներկայացնող Ուրարտուի պատմությանը, զարգացած տնտեսությանը, ճարտարապետությանն ու կերպարվեստին, ոռոգման և ամրաշինական համակարգերին, որմնանկարչությանը, խեցեգործությանը և այլ բնագավառներում պետության առաջընթացի մասին վկայող նյութեղեն ապացույցներին։

Էքսկուրսիայի ընթացքում երեխաները կատարեցին պեղումներ, մասնակցեցին վիկտորինայի։

Էքսկուրսիան հետաքրքիր էր ու բովանդակալի:

Ապրիլի 13-ին կերպարվեստի և տեխնոլոգիայի ուսուցչուհի Ա. Սրվաստյանը 5ա դասարանում <<Կերպարվեստ>> առարկայից անցկացրեց ինտեգրման մեթոդով բաց դաս հ. լեզվի և գրականության ուսուցչուհի Ա. Փարսադանյանի հետ <<Գարունը արվեստում>> թեմայով։

Սովորողները խոսեցին արվեստի տեսակների, ինչպես նաև գարնան գեղեցկության ու նրա արթնացրած զգացողությունների մասին։Ցուցադրեցին իրենց նկարած գունեղ ու գեղեցիկ աշխատանքները։ Ընկ. Սրվաստյանը ներկայացրեց Մհեր Աբեղյանի, Մարտիրոս Սարյանի, Մինաս Ավետիսյանի, հայ մեծ բնանկարիչ Գ. Բաշինջաղյանի և այլազգի հայտնի նկարիչների մասին տեղեկություններ` ցուցադրելով նրանց աշխատանքները։ Սովորողները գարնան մասին բանաստեղծություններ արտասանեցին, կարդացին շարադրություններ <<Զրույց գարնան հետ>> թեմայով, գարունը ներկայացրին կնոջ և աղջկա պատկերով։

Դասի ընթացքում հնչում էին Չայկովսկու <<Ծաղիկների պարը>>, Վիվալդիի <<Գարուն>> և Շոպենի <<Գարնանային վալս>> ստեղծագործությունները։ Գեղեցիկ երաժշտության ներքո սովորողները նկարեցին գարնանային կոմպոզիցիաներ և մեկը մյուսին շարունակելով` ավարտեցին ուսուցչուհու հարձնարարած նկարը` ստանալով ծառի ծաղկած ճյուղ։

Դասը հետաքրքիր էր, բազմաբովանդակ և ուսուցանող։

Ապրիլի 8-ին V բ դասարանը( դասղեկ Ա. Մկրտումյան) այցելեց Մատենադարան։ Ուսուցանող էքսկուրսիայից երեխաները վերադարձան մեծ տպավորությամբ։

Ապրիլի 8-ին ռուսաց լեզվի ուսուցչուհի Սեդա Գասպարյանը 5ա դասարանում անցկացրեց բաց դաս <<Բալենու ճյուղ>> թեմայով։

Դասի ընթացքում սովորողներն ակտիվ պատասխանում էին ուսուցչուհու հարցերին, ռուսերենով ազատ արտահայտում իրենց մտքերը։ Ուսուցչուհին դասի ընթացքում կիրառում էր տարբեր մեթոդներ։ Սովորողները կազմեցին Վենի դիագրամ, բացատրեցին <<բարություն>> բառը և այդ բառի շուրջ կազմեցին բառախումբ, հիշեցին հեքիաթներ բարության մասին, կարողացան հետևություններ անել։ Դասին օգտագործեցին դիդակտիկ նյութեր։ Դասը չափազանց հետաքրքիր էր, բովանդակալից, ուսուցանող և դաստիարակող։

Պահպանել բնությունը նշանակում է պահպանել հայրենիք:

Մ. Պրիշվին

Երևանի հ. 45 հիմնական դպրոցի V բ դասարանում ‹‹Բնագիտություն ›› առարկայից անցկացվեց բաց դաս ՝ ‹‹ Ջրոլորտ›› թեմայով (ուսուցչուհի՝ Ա. Մկրտումյան):

Ամփոփիչ դասի նպատակն էր զարգացնել սովորողների ճանաչողական հետաքրքրասիրությունը, տրամաբանական մտածողությունը, սերմանել էկոլոգիական մշակույթի տարրեր, արթնացնել բնությունը խնայելու , պահպանելու ցանկություն:Դասը հետաքրքիր էր , բովանդակալից ու ուսուցանող: