Հ. 45 հիմնական դպրոցի IVգ դասարանում տեղի ունեցավ բաց դաս (դասվար` Ն. Բաղդասարյան) : Դասի թեման` << Եղեգը, որը շատ էր ուզում դառնալ սրինգ>>: Դասի նպատակն էր երեխաների մեջ զարգացնել օգտակար գործ կատարելու , նրանով երջանկանալու և ուրիշներին երջանկացնելու գաղափարը:
Կատարվեցին զույգային և խմբային աշխատանքներ, խաչբառի լուծում: Կշռադատման փուլում երեխաները կատարեցին դատողություններ` ի՞նչ գիտեին, ի՞նչ զգացին, ի՞նչ սովորեցին : Դասի ընթացքում երեխաները ցուցաբերեցին ակտիվություն և հետաքրքրություն թեմայի շուրջ:

Դեկտեմբերի 6-ին հայոց լեզվի և գրականության ուսուցչուհի Ա. Փարսադանյանը 6բ դասարանի սովորողների հետ անցկացրեց բաց դաս, որի թեման էր Փավստոս Բուզանդի ,,Հայոց պատմություն,, գրքի ,,Արշակ և Շապուհ,, հատվածը:
Սովորողները ներկայացրին 5-րդ դարի մատենագրությունը, պատմեցին հատվածը, բեմականացրին: Բնութագրեցին հերոսներին և համեմատեցին Արշակին Հայկի, իսկ Շապուհին Բելի հետ: Դիտեցին ,,Արշակ 2-րդ,, ֆիլմ-օպերայից հատվածներ, պատասխանեցին հարցերին: Խոսեցին հայրենի հողի և ջրի ուժի մասին, վերհիշեցին այլ ստեղծագործություններ: Կարդացին դարձվածքներ, առած-ասացվածքներ հայրենիքի, հողի և ջրի մասին: Պատմեցին մերօրյա հայրենասեր հերոսների մասին՝ անդրադառնալով նաև քառօրյա պատերազմին: Հիշեցին քառօրյայի հերոսներին: ,,Հայրենասիրություն,, բառին տվեցին դրոշի գույներ: Սովորողները ներկայացրին ՀՀ խորհրդանիշները՝ դրոշը, զինանշանը, օրհներգը: Նշեցին Հայաստանի մայրաքաղաքները, ասացին շրջասույթներ:
Սովորողները կատարեցին բառակազմական և հոմանիշային աշխատանքներ, բացատրեցին նմանատիպ բառերի իմաստը /հրավեր – հրավերք, մեղանչել – մեղա գալ…/, ուսուցչուհու կողնից տրված արմատներով կազմեցին նոր բառեր: Դասն ամփոփեցին հայրենիքի մասին ասույթներ ասելով: Երեխաները նկարել էին նաև հատվածներ դասից:
Դասը հետաքրքիր էր, հագեցած, ուսանելի և դաստիարակչական: Սովորողներն ակտիվ էին, և բոլորն էլ մեծ սիրով ու ոգևորությամբ էին մասնակցում դասին: Բաց դասին ներկա էին ,,Դասավանդիր, Հայաստան,, կրթական հիմնադրանի ներկայացուցիչ Զեմֆիրա Ավետիսյանը, դպրոցի փոխտնօրեններ Լ. Պարոնյանն ու Ա. Գրիգորյանը, ուսուցիչներ, ծնողներ:

Դեկտեմբերի 4_ին հ. 45 հիմնական դպրոցում տեղի ունեցավ միջոցառում III ա դասարանի մասնակցությամբ ` 《Դու հավերժող իմ Հայաստան》խորագրով (դասվար` Ս. Բաղդասարյան): Միջոցառումը հագեցած էր տաղանդաշատ փոքրիկների երգ ու պարով:Մեր սիրելի սաները գործի դրեցին իրենց ողջ կարողությունները և ցույց տվեցին իրենց սերն ու նվիրվածությունը մեր չքնաղ երկրի հանդեպ:

Դեկտեմբերի 4_ին հ. 45 հիմնական դպրոցում տեղի ունեցավ միջոցառում III ա դասարանի մասնակցությամբ ` 《Դու հավերժող իմ Հայաստան》խորագրով (դասվար` Ս. Բաղդասարյան): Միջոցառումը հագեցած էր տաղանդաշատ փոքրիկների երգ ու պարով:Մեր սիրելի սաները գործի դրեցին իրենց ողջ կարողությունները և ցույց տվեցին իրենց սերն ու նվիրվածությունը մեր չքնաղ երկրի հանդեպ:

Հ. 45 հիմնական դպրոցում տեղի ունեցավ միջոցառում IV բ դասարանի մասնակցությամբ` << Եղել ենք, կանք, պիտի միանանք ծովից ծով Հայաստան դառնանք>> խորագրով (դասվար` Սարգսյան) : Երեխաները ներկայացրեցին հայ ժողովրդի անցած պատմության էջերը և իրենց գեղեցիկ ասմունքով, երգերով ու պարերով ներկայացրին հայ ժողովրդի` ծանր փարձություններով անցած պատմական ուղին մինչև մեր օրերը և երդվեցին լինել հայրենի երկրի քաջ մարտիկներ:

Դեկտեմբերի 5-ին Սպիտակի երկրաշարժի 31-րդ տարեդարձին նվիրված անցկացվեց սեմինար պարապմունք << Պատրաստվածություն ուժեղ երկրաշարժերին>> թեմայով: Կատարվեց տարհանում , որին մասնակցեցին դպրոցի ուսուցչական և աշակերտական կազմը: