( II 《ա》 դասարան, (դասվար՝ Լ. Այվազյան)
Հովհաննես Թումանյանին նվիրված շաբաթն ունեցավ իր տրամաբանական ավարտը։ Փետրվարի 23-ին II 《ա》 դասարանի աշակերտները, դասվար Լ. Այվազյանի ուղեկցությամբ , այցելեցին Հովհաննես Թումանյանի թանգարան։Թանգարանում սովորողներն ամփոփեցին ու ամրապնդեցին մեծն բանաստեղծի մասին ունեցած գիտելիքները, ձեռք բերեցին նոր գիտելիքներ ։
Թանգարանում երեխաները դիտեցին Հովհաննես Թումանյանի մասին պատմող մուլտֆիլմ, 3D ձևաչափով դիտեցին 《Ձախորդ Փանոսը》 մուլտֆիլմը, շրջեցին սրահներով։
Այցի ավարտին բոլոր ներկաները համոզվեցին որ ,իսկապես, Թումանյանի հանճարն անսպառ է, նրա գրականության ուժը՝կախարդիչ, բառերը՝ շշմելու աստիճանի պարզ ու մինչև հոգու խորքը մխրճվող, իսկ մարդկային տեսակը մարդկային էլ չէ, ասես աստվածային լինի...
Ամփոփվեցին նաև Հովհաննես Թումանյանի 151-ամյակի-ին շրջանակում կազմակերպված ասմունքի և Մայրենիի օրվան նվիրված մրցույթները։ Հաղթողներն արժանացան պատվոգրերի։

Հոկտեմբերի 18-ին IVբ դասարանի աշակերտներն (դասվար Ռ.Տիգրանյան) այցելեցին Ալ.Սպենդիարյանի անվ. տուն-թանգարան: Այցելությունը շատ հետաքրքիր և ուսուցողական էր: Գիդ-էքսկուրսավարը երեխաներին ծանոթացրեց մեծ կոմպոզիտորի կյանքին և ստեղծագործական գործունեությանը, երեխաներն ականատես եղան և ունկնդրեցին նրա ստեղծած սպենդիարաֆոնին, դրա կրկնօրինակով նվագեցին: Շատ հետաքրքիր էր վիրտուալ ղեկավարել սիմֆոնիկ նվագախումբ սենսորային համակարգի օգնությամբ,մանրադիտակի օգնությամբ տեսնել Նիկոլայ Ղազարյանի կողմից ստեղծած միկրոսկոպային չափի նմուշներ, որոնք առնչվում էին Սպենդիարովի ստեղծագործություններին: 
Այցելությունը իր խորը հետքը կթողնի մեր մատաղ սերնդի հիշողության մեջ:

Հոկտեմբերի 1-ին IVգ դասարանի աշակերտները դասվար Ա. Յազուլյանի ուղեկցությամբ այցելեցին 20-րդ դարի մեծանուն նկարիչ Մարտիրոս Սարյանի տուն - թանգարան: Սովորողները հնարավորություն ունեցան մանրամասն ծանոթանալու նկարչի կյանքի բոլոր շրջաններին, գործունեությանը և նրա թողած ժառանգությանը: Մեծանուն նկարչին ներկայացնում էր նրա թոռնուհին՝ Ռուզան Սարյանը: Սովորողները մեծ բավականություն ստացան այցելությունից:

Մարտի 13-ին <<Ֆրանկոֆոնիայի կենտրոն>> բաժինը անցկացրեց <<Ամեն ինչ Ֆրանսիայի մասին>> խաղ-մրցույթը:
Մրցույթին մասնակցում էին՝ Երևանի թիվ 119 ավագ դպրոցի, թիվ 45 հիմնական դպրոցի և թիվ 56 հիմնական դպրոցի աշակերտները:
Ժյուրիի կազմում էին՝ փոխտնօրեն Կ.Մեհրաբյանը, <<Ֆրանկոֆոնիայի կենտրոն>> բաժնի վարիչ Լ.Խաչատրյանը, վերոհիշյալ դպրոցի ուսուցչուհիներ` Ն.Սարգսյանը, Ա.Բաբելյանը, Ա. Նազինյանը:
Բոլոր մասնակիցներն էլ պատրաստված էին:
Թեժ պայքարից հետո թիվ 45 հիմնական դպրոցը ճանաչվեց հաղթող: 
Նրանց տրվեց մրցանակ, իսկ մյուս մասնակիցները ստացան հավաստագրեր:
Խաղի վերջում աշակերտները երաժշտական անակնկալ մատուցեցին հանդիսատեսին:

   Հոկտեմբերի 30-ին կայացավ  «Մեղու. հայերենը բոլորի համար» մրցույթը, որին  մասնակցեցին  3-9-րդ դասարանների բոլոր հետաքրքրված աշակերտներ

      «Մեղու» մրցույթի մասնակից աշակերտների լրացրած պատասխանի թերթիկները մրցույթից հետո բերվել են «Այբ» հիմնադրամի գրասենյակ և ստուգվելու են հատուկ համակարգչային ծրագրի օգնությամբ:

Յյուրաքանչյուր մասնակից դպրոց հունվարին ստանալու է ամփոփ հաշվետվություն իր աշակերտների արդյունքների մասին, իսկ փետրվարին նախատեսվում են մրցանակաբաշխություններ Հայաստանի բոլոր մարզերում և Ստեփանակերտում:

«Մեղու 2014»-ի առաջադրանքներն ու ճիշտ պատասխանները կհրապարակվեն meghu.am կայքում նոյեմբերի 14-ին։

Մանրամասների համար այցելեք meghu.am կայքը:

Մեկնարկել է «Ռուսական արջուկ 2014»-ը 

Արդեն հինգերորդ տարին է, որ Հայաստանում «Այբ» կրթական հիմնադրամը կազմակերպում և անցկացնում է «Ռուսական արջուկ. լեզվաբանություն բոլորի համար» միջազգային մրցույթը։

Մրցույթի գլխավոր նպատակն է համընդհանուր հետաքրքրություն առաջացնել ռուսաց լեզվի հանդեպ, այն առավել գրավիչ դարձնել երեխաների համար՝ ցուցադրելով ռուսաց լեզվի հմայքն ու հարստությունը: 

Այս տարի «Ռուսական արջուկը» Հայաստանում կանցկացվի նոյեմբերի 13-ին: Մրցույթին կարող են մասնակցել 2-12-րդ դասարանների բոլոր հետաքրքրված աշակերտները: 

Մրցութային փաթեթ-հրավերներն արդեն ուղարկվել են Հայաստանի : Փաթեթներն ընդգրկում են դպրոցի մասնակցության հայտը, անցկացման մանրամասն կարգը և այլ անհրաժեշտ նյութեր:

Աշակերտների մասնակցության վճարումը կատարելու և դպրոցի ցանկում գրանցվելու վերջնաժամկետը հոկտեմբերի 13-ն է, իսկ դպրոցի հայտը ներկայացնելու վերջնաժամկետը՝ հոկտեմբերի 16-ը:

Հետաքրքրված աշակերտներին և նրանց ծնողներին խնդրում ենք իրենց դպրոցից վերցնել մրցույթի համար վճարման վավերապայմանները և մինչև հոկտեմբերի 13-ը կատարել վճարումը «ՎՏԲ-Հայաստան բանկ»-ում:

Մանրամասների համար այցելեք այստեղ կամ զանգահարեք «Այբ» կրթական հիմնադրամի գրասենյակ:

Հայաստանում «Ռուսական արջուկ» մրցույթի բացառիկ կազմակերպիչ` «Այբ» կրթական հիմնադրամ: