Մարտի 22-ին 9ա դասարանի սովորողները (դասղեկ` Ա. Փարսադանյան) <<Մոսկվա>> կինոթատրոնում դիտեցին <<Վազգեն. վերջին սպարապետը>> ֆիլմը։

Նախագծային աշխատանք' <<Դիֆուզիան առօրյա կյանքում >>

Նախագծային աշխատանք ' << Ածական խոսքի մասը առօրյա խոսքում և գեղարվեստական գրականության մեջ>>

Մարտի 20- ին Երևանի հ. 45 հիմնական դպրոցի VI բ դասարանում (ուսուցչուհի' Ա. Հակոբյան) անցկացվեց բաց դաս <<Մայրենի>> առարկայից, թեման' Հ. Թումանյանի <<Իմ ընկեր Նեսոն>>։

Մարտի 17-ին Երևանի հ. 45 հիմնական դպրոցի VIII դասարանների սովորողները «Մասնագիտական կողմնորոշում»առարկայի շրջանակում այցելեցին «Երևանի զբոսաշրջության սպասարկման և սննդի արդյունաբերության Հայ- Հունական », «Գրիգորիս», «Մշակույթ» քոլեջները: Սովորողները ծանոթացան բազմաթիվ մասնագիտությունների հետ:

Բնության ուժն անսահման է :

Ցիցերոն

Բաց դաս llա դասարանում՝ «Բնությունն իմ շուրջը» թեմայով (դասվար՝ Ն. Ավետիսյան): Դասի նպատակն էր աշակերտների բնապահպանական կրթության, դաստիարակության, բնապահպանական մշակույթի ձևավորման և բնության նկատմամբ մշտական խնամքի անհրաժեշտությանն ուղղված գիտելիքների և վերաբերմունքի ձևավորումը, Երկիրը մարդկության ընդհանուր տունն է գաղափարի ամրագրումն ու գիտակցումը։

Դասը դաստիարակչական էր, ուսանելի և արդիական։

Մարտի 9-ին VII ա դասարանի սովորողներն (դասղեկ՝ Ա. Բաղդասարյան) այցելեցին Ս. Փարաջանովի թանգարան, մասնակցեցին կրթական ծրագրի, պատրաստեցին կոլաժներ։

Թանգարանում կազմակերպվեց գրքերի նվիրատվություն. սովորողները ևս մեկ գրքով հարստացրին իրենց գրադարանը։

<<Մայրը կյանքի առաջին գարունն է>> խորագրով միջոցառում

III բ դասարան ( դասվար' Ռ. Տիգրանյան)

Քաղաքացիական պաշտպանության միջազգային օրվա կապակցությամբ վարժանքներ:

《Հայաստա՛ն՝ երկիր, որին ես ամեն օր սիրահարվում եմ》։

《Շրջագայություն հայրենի բնաշխարհով》խորագիրն էր կրում ուսուցչուհիներ Ա. Բաղդասարյանի, Լ. Այվազյանի և Ա. Թամազյանի կազմակերպած հայրենասիրական միջոցառումը, որը բեմից ներկայացրեցին IIIա և VIIա դասարանի սովորողները։

Սովորողները շրջագայության ընթացքում նորովի բացահայտեցին ամենագեղեցիկ, ամենաառեղծվածային ու ջերմ հայրենիքը. ա՛յն հայրենիքը, որը պետք է ճանաչել ու սիրել, շենացնել ու հզորացնել, որին պետք է երկրպագել ու սիրահարվել, ա՛յն հայրենիքը, որը ի՛մն է, քո՛նն է, ձե՛րն է, մե՛րն է...

Դպրոցը գրականության հիմքն է, գրականությունը՝ դպրոցի բովանդակությունը։

Հովհ. Թումանյան

IIIա դասարանի սովորողները, դասվար Լ. Այվազյանի գլխավորությամբ, տոնական, հետաքրքիր ու գրքառատ օր անցկացրին 《Էդիթ Պրինտ》 հրատարակչության պատերի ներքո, ծանոթացան, թե ինչպես են տպարանում գրքերը կյանք ստանում և հասնում մեր սեղանին։ Իսկ մեզ մնում է նվազագույնը՝ կարդալ ու էլի կարդա՜լ։