Հեքիաթները անդունդներ են` խորը, անծայր, անվերջ, հարուստ ու շքեղ աշխարհ: Հեքիաթը ամենաբարձր ստեղծագործությունն է, նույնիսկ հանճարները հեքիաթներ չեն կարողանում ստեղծել, բայց հեքիաթների են ձգտում:

Հովհաննես Թումանյան

Փետրվարի 28-ին IIբ դասարանում (դասվար՝ Ս. Բաղդասարյան)տեղի ունեցավ բաց դաս` նվիրված Հ. Թումանյանի ծննդյան 154 -ամյակին։

Դասի թեման էր Մեծ մանկագրի 《Պոչատ աղվեսը》հեքիաթը։

Աշակերտները ներկայացրեցին հեքիաթների նշանակությունը և դերը մեր կյանքում։

Դասը հագեցած էր թումանյանական շնչով, նրա հեքիաթների հիման վրա գրված երգերով խաղային տեխնոլոգիաներով և դերային խաղով։

Դասին կիրառվեցին բազմաթիվ ինտերակտիվ մեթոդներ` 《Բլումի երիցուկ》, 《Կառուսել》 և այլն։

Դասն ուսանելի էր և հետաքրքիր։

Փետրվարի 16-ին VII բ դասարանում (ուսուցչուհի՝ Ա. Մկրտումյան ) անցկացվեց բաց դաս <<Ֆիզիկա >>առարկայից, թեման՝ <<Աշխատանք և հզորություն >> :

Հունվարի 27֊ ին VIII ա դասարանում անցկացվեց բաց դաս <<Ֆիզկուլտուրա>> առարկայից, դասի թեման` <<Բասկետբոլի մարզախաղ >>։

Հունվարի 18-ին Երևանի հ. 45 հիմնական դպրոցի VII ա դասարանում անցկացվեց բաց դաս " Ֆրանսերեն" առարկայից (ուսուցչուհի՝ Մ. Գալստյան)։ Դասի թեման "Les vêtements"։

Երեխաները ներկայացրին դասը, վերլուծեցին, խոնարհեցին բայերը imparfait, futur simple, plus que parfait ժամանակաձևերով և ներկայացրին տարբեր ազգերի հագուստները։

Դասը շատ հետաքրքիր և ուսանելի էր և հագեցած ուսուցման նոր մեթոդներով ու հնարներով:

Հունվարի 17-ին IV ա դասարանում (դասվար՝ Ա. Եղիազարյան կայացավ բաց դաս <<Մայրենի>>առարկայից: Թեման <<Ճպուռն ու մրջյունը>> առակն էր:Երեխաները ճանապարհորդություն կատարեցին <<Հայ ժողովրդական բանահյուսության թագավորությունում>>,դերային խաղով ներկայացրին առակը՝ հորինելով նոր վերջաբան, խորությամբ վերլուծեցին այն և կատարեցին եզրահանգում :

Դասը շատ հետաքրքիր էր, դինամիկ և ուսանելի, հագեցած էր ուսուցման նոր մեթոդներով և հնարներով:

Դեկտեմբերի 16-ին հ. 45 հիմնական դպրոցում անցկացվեց բաց դաս <<Գրականություն>> առարկայից՝ Նար -Դոսի << Ես և նա >>պատմվածքը թեմայով (ուսուցչուհի՝ Ս. Հարությունյան):Սովորողները հետաքրքրությամբ պատմեցին ջութակի մեծ վարպետ Ստրադիվարիուսի, Ն. Պագանինիի, աշխարհի ամենաքնքուշ երաժշտական գործիքի ՝ հրաշալի ջութակի մասին; Այնուհետև ջութակի մոգական հնչյունների ներքո ասմունքեցին: Դիտեցին տեսաֆիլմ՝ կենսագրությունը պատմող, մեկնաբանեցին գրական ծածկանունը, որը կապված է նարդոս ծաղկի հետ: Ներկայացրին հերոսների ճակատագրերը, նրանց սիրո պատմությունը: Սիրո թեման միշտ էլ արդիական է եղել, ալեկոծել հոգիներ, մեկնաբանվել յուրովի :

Դասն ուներ դաստիարակչական մեծ նշանակություն, քանի որ սովորողները հասկացան, որ երբեք չպետք է ծնկել կյանքի դժվարություններին հանդիպելիս, պետք է հաղթահարել բոլոր խոչընդոտները , քանի որ հաղթում են միայն ուժեղները, կյանքը անվերջանալի պայքար է…