Բնությունը մեզ օժտել է բանականությամբ,որպեսզի մենք փորձենք ողջ կյանքի ընթացքում կռահել նրա հանելուկները :

Անանուն Հեղինակ

Մայիսի 2-ին II բ դասարանի աշակերտներն (դասվար` Ս. Բաղդադարյան) այցելեցին Բնության պետական թանգարան։

Էքսկուրսիան անցավ բավականին հետաքրքիր ու բովանդակալից։Աշակերտները ստացան նոր ու կարևոր տեղեկություններ կենդանական ու բուսական աշխարհի մասին։ Հարց ու պատասխանի միջոցով ամրակայեցին ստացած գիտելիքները։

Հեքիաթները խելոք են միշտ,

Թեկուզ խառն են՝ և՚ սուտ,և՛ճիշտ,

Սուտը խելքի մաղո՛վ մաղեք,

Ճշտից խրա՛տ ու խե՛լք քաղեք։

Ապրիլի 27- ին 3բ դասարանում ( դասվար Սարգսյան) կայացավ բաց դաս «Սուտլիկ որսկանը» թեմայով։ Դասը հագեցված էր հեքիաթային, երևակայական մոտեցումով,թիմային աշխատանքով,դերային խաղով։Միացյալ ուժերով կազմվեց գիրք «Իմ Թումանյանը»։Հիմք ընդունելով«Բարբառները մեր հարստությունն են» խորագիրը , թևածվեց տարբեր բարբառներով մտքեր՝ Արցախի, Գյումրու,Տավուշի,Կապանի, Սյունիքի, Մարտունու ....

Դասը ուսանելի էր և ճանաչողական։

Ապրիլի 18-ին հ. 45 հիմնական դպրոցի III գ դասարանում( դասվար՝ Արմինե Բաբասյան) տեղի ունեցավ բաց դաս«Մաթեմատիկա» առարկայից ՝«Մակերես» թեմայով։ Դասը կառուցված էր հետաքրքիր, ուղեկցվում էր «Սմարթ նոթբուք »ծրագրի միջոցով ձևավորված գունագեղ, բովանդակալից և ուսուցանող սալիկաշարով։ Դասի ընթացքում կիրառվեցին նոր և բազմաբովանդակ մեթոդներ՝ տոգորված ստեղծագործ մտքի թռիչքով։ Աշակերտներն աշխատեցին մեծ ոգևորությամբ ու սիրով։ Հագեցած, արդիական ու գեղեցիկ դաս էր։

VI ա դասարանում անցկացվեց բաց դաս <<Մաթեմատիկա>> առարկայից (ուսուցիչ՝ Ս. Մելիքսեթյան), թեման՝ տասնորդական կոտորակներ, տոկոսներ:

Մարտի 3-ին Երևանի հ. 45 հիմնական դպրոցի III ա դասարանում (դասվար՝ Ն. Բաղդասարյան)անցկացվեց բաց դաս <<Մայրենի>> առարկայից, թեման՝ <<Մեր Անդրանիկը>>:

Դասի ընթացքում երեխաները ներկայացրին Զորավար Անդրանիկի կյանքն ու գործունեությունը և նաև խոսեցին հայ ազգային հերոսների կատարած սխրանքների մասին:

Դասը շատ հետաքրքիր և ուսուցանող էր:

Հեքիաթները անդունդներ են` խորը, անծայր, անվերջ, հարուստ ու շքեղ աշխարհ: Հեքիաթը ամենաբարձր ստեղծագործությունն է, նույնիսկ հանճարները հեքիաթներ չեն կարողանում ստեղծել, բայց հեքիաթների են ձգտում:

Հովհաննես Թումանյան

Փետրվարի 28-ին IIբ դասարանում (դասվար՝ Ս. Բաղդասարյան)տեղի ունեցավ բաց դաս` նվիրված Հ. Թումանյանի ծննդյան 154 -ամյակին։

Դասի թեման էր Մեծ մանկագրի 《Պոչատ աղվեսը》հեքիաթը։

Աշակերտները ներկայացրեցին հեքիաթների նշանակությունը և դերը մեր կյանքում։

Դասը հագեցած էր թումանյանական շնչով, նրա հեքիաթների հիման վրա գրված երգերով խաղային տեխնոլոգիաներով և դերային խաղով։

Դասին կիրառվեցին բազմաթիվ ինտերակտիվ մեթոդներ` 《Բլումի երիցուկ》, 《Կառուսել》 և այլն։

Դասն ուսանելի էր և հետաքրքիր։