Հոկտեմբերի 14-ին հ. 45 հիմնական դպրոցի IV գ դասարանի աշակերտները( դասվար՝ Ա. Բաբասյան) կազմակերպեցին էքսկուրսիա « Երևան սիթի տուր» ընկերության աջակցությամբ՝ շրջելով մայրաքաղաք Երևանի պատմամշակութային վայրերով։ Ուրախ ավտոբուսը պարուրված էր սևակյան շնչով. «.. Սա պատմելու բան չէ, Սա զգալու բան է, Դրա համար պետք է Տեսնել Երևանը»։ Էքսկուրսիան բովանդակալից էր և ունեցավ դաստիարակչական և ճանաչողական մեծ նշանակություն։

Հոկտեմբերի 15-ին Երևանի համար 45 դպրոցի VI բ դասարանի աշակերտները դասղեկ Տ.Հովհաննիսյանի ուղեկցությամբ այցելեցին Հայաստանի հոգևոր քաղաք Էջմիածին։ Անցկացրեցին ճանաչողական յուրօրինակ էքսկուրսիա՝ այցելեցին <<Մաչանենց>> հյուրատուն,Էջմիածնի Մայր տաճար:

Երեխաները ոգևորությամբ ծանոթացան ազգային մշակույթի նմուշներին , իրենց անմիջական մասնակցությունն ունեցան հաց թխելու արարողությանը և համտեսեցին անուշաբույր լավաշը։

Հաճելի էր վայելել հայկական օջախի օրինակ ծառայող հյուրատան ջերմ ընդունելությունը:

Հոկտեմբերի 13-ին lա դասարանում կայացավ <<Ա>> տառի շնորհանդես-բաց դաս (դասվար՝ Ն. Ավետիսյան): Գիտության մոլորակում հայտնված մեր փոքրիկներն այսօր գտան այդ մոլորակի գրաճանաչության դուռը բացող կախարդական բանալին: Այսօրվանից սկսեցին իրենց ճամփորդությունը հայոց այբուբենի գաղտնարանով և խոնարհվելով մեծ ուսուցչի առջև, խոստացան սիրել լեզուն, լավ սովորել: Դասի ընթացքում աշակերտներն ակտիվորեն ցուցադրեցին նախաայբբենական շրջանում ստացած գիտելիքները: Հագեցած, բովանդակալից, ուսանելի և հետաքրքիր բացահայտումներով լի դաս էր:

Հոկտեմբերի 8-ին կայացավ Koreez 2023 համադպրոցական մրցույթի ամփոփումն ու ուսուցչի մեծարման երեկոն։