Փետրվարի 24-ին Երևանի հ. 45 հիմնական դպրոցի VIII ա դասարանում բաց դաս էր:

Դասի նյութը՝ Հովհաննես Թումանյանի ‹‹Թմկաբերդի առումը››պոեմը , նպատակը՝ հերոսականության մարդկային առաքինության , մարդու անցողիկ կյանքի արժեքավորումը և վեհ գործերի անմահության գաղափարի դրվատումը:

Երեխաները պատմեցին , վերլուծեցին պոեմի կերպարները, անգիր հատվածներ ասացին: Կարդացին թևավոր խոսքեր, ասույթներ, գործի անմահության փառամոլոթյան մասին: Բանալի բառերով կառուցեցին պրիզմա, օգտագործեցին ‹‹Բլումի երիցուկ›› ուսուցման մեթոդը : Դասի վերջում դիտեցին հատված Ալ.Սպենդիարյանի ‹‹Ալմաստ›› օպերայից: Դասը հետաքրքիր էր , բովանդակալից ու հաջողված:

Փետրվարի 22-ին Երևանի հ. 45 հիմնական դպրոցում ‹‹Շախմատ›› առարկայից կայացավ ներդպրոցական օլիմպիադա: Մասնակիցները ցուցադրեցին իրենց գիտելիքները և հաղթողները անցան հաջորդ փուլ:

Փետրվարի 20-ին V բ դասարանի դասղեկ Ա. Մկրտումյանը կազմակերպել էր ուսումնական էքսկուրսիա ‹‹Փոքրիկ Էյնշտեյն››գիտության թանգարան : Թանգարանում սովորողներին ընձեռնվեց հնարավորություն տեսական գիտելիքները կիրառել գործնականորեն, ինչը մեծ բավականություն պարգևեց նրանց:

ԳՐՔԻ ՆՎԻՐԱՏՎՈւԹՅԱՆ ՕՐԸ 1 «գ» դասարանում( դասվար` Ա. Բաբասյան): Այո,գիրքը մարդկային հոգու ամենամաքուր էությունն է: Սիրենք ու պահպանենք այն` որպես անապակ պատուհան դեպի մեծ աշխարհ:

Փետրվարի 13_ ին հ. 45 հիմնական դպրոցի բակում, Տրնդեզի տոնին նվիրված, տեղի ունեցավ հանդիսություն, որտեղ I և II դասարանի սաները ներկայացրեցին մեր ազգային երգն ու պարը և ավանդույթի համաձայն պտտվեցին խարույկի շուրջ ։ Հանդիսությանը ներկա էին <<իԳործ» ծրագրի շրջանակում իրականացվող «Դպրոցի կառավարում» թեմայով վերապատրաստման ղեկավարներ՝ Օնիկ Բայրամեանը և Նարինե Սիրականյանը: Նրանց մեծ հիացմունք պատճառեց մեր աշակերտների մատուցած ազգային ավանդույթները ։

2019-2020 ուսումնական տարում Հանրապետական մանկավարժահոգեբանական կենտրոնի կողմից հ. 45 հիմնական դպրոցում իրականացվեց ‹‹Հանրակրթական դպրոցների ուսուցիչների և ուսուցչի օգնականների դասավանդման հմտությունների զարգացման ապահովում›› ծրագրի շրջանակում վերապատրաստման դասընթաց : Ծրագրի նպատակն էր մենթորական շարունակական աջակցության միջոցով նպաստել հանրակրթական դպրոցների մանկավարժների կարողությունների զարգացմանը՝ նպաստելով կրթության առանձնահատուկ պայմանների կարիք ունեցող երեխաների լիարժեք ներառմանն ու կրթության արդյունավետ կազմակերպմանը: