Ապրիլի 16-ին VIII ա դասարանի երեխաները այցելեցին Կոմիտասի թանգարան: Այնտեղ երեխաները ներկայացրեցին Կոնիտասի կյանքի ու գործունեության տարբեր ոլորտները , նրա բազմակողմանի երաժշտական ժառանգությունը: Կոմիտասի հոգեթով երաժշտության ներքո երեխաները շրջեցին սրահներով , արտասանեցին Պ. Սևակի <<Անլռելի զանգակատուն>> պոեմից:

Ապրիլի 16_ ին IV ա դասարանի աշակերտները (դասվար Ս. Բաղդասարյան )այցելեցին Էրեբունի պատմահնագիտական արգելոց-թանգարան։ Աշակերտները ծանոթացան

թանգարանի մշտական ցուցադրությունը ներկայացնող Ուրարտուի պատմությանը, զարգացած տնտեսությանը, ճարտարապետությանն ու կերպարվեստին, ոռոգման և ամրաշինական համակարգերին, որմնանկարչությանը, խեցեգործությանը և այլ բնագավառներում պետության առաջընթացի մասին վկայող նյութեղեն ապացույցներին։

Էքսկուրսիայի ընթացքում երեխաները կատարեցին պեղումներ, մասնակցեցին վիկտորինայի։

Էքսկուրսիան հետաքրքիր էր ու բովանդակալի:

I ա դասարանի աշակերտները դասվար Ն. Բաղդասարյանի ուղեկցությամբ այցելեցին Խնկո Ապոր գրադարան : Երեխաները ծանոթացան գրողի կյանքին և ստեղծագործությանը : Եղան գրադարանի տարբեր սրահներում : Հետո այցելեցին Մատենադարան : Էքսկուրսիան տպավորիչ և ուսուցանող էր:

Հ. 45 հիմնական դպրոցի 1-ին «գ» դասարանի աշակերտուհի Նարե Պողոսյանը ( դասվար`Ա.Բաբասյան) մասնակցել է Մենթալ թվաբանության միջազգային մրցույթի և գրավել պատվավոր 3-րդ տեղը, իսկ Հայաստանի առաջնությունում` 1-ին տեղը: Շնորհավորում ենք մեր հրաշք հայուհուն` ցանկանալով նորանոր հաջողություններ: Թող խաղաղություն լինի, որ մեր մանուկների միտքը ճախրանքի թևեր առած սավառնի ողջ աշխարհում:

Մարտի 23-ին հ. 45 հիմնական դպրոցի IV բ դասարանի սաները (դասղեկ՝ Վ. Հովհաննիսյան) այցելեցին Մարտիրոս Սարյանի տուն- թանգարան:

Մարտիրոս Սարյանի թանգարանում ներկայացված էր նկարչի ստեղծագործական բոլոր շրջաններն ու ժանրերը՝ սկսած 16 տարեկանում կատարված առաջին գծանկարներից մինչև կյանքի վերջին տարիներին ստեղծված աշխատանքները :

Երեխաները ծանոթացան նկարչի կենսագրությանը, ստեղծագործական գործունեությանը և լուսավոր ու գունագեղ աշխատանքներին: Նրանց մեծ հիացմունք պատճառեց վառ, հագեցած գույներով ստեղծված Սարյանի կտավները և հնարավորություն տվեց հասկանալու , որ արվեստը լոկ իրականության նմանակումը չէ` այն պահանջում է երևակայության և վերացարկման ազատություն: Այցն ուսուցանող էր, և աշակերտները մեծ ոգևորությամբ հեռացան թանգարանից:

Մարտի 7-ին 5ա դասարանի սովորողները դասղեկ Անուշ Փարսադանյանի և ծնողների հետ այցելեցին Պլանետարիում, որտեղ սովորողները դիտեցին փաստավավերագրական ֆիլմ Արեգակնային համակարգի մասին: Ֆիլմը սովորողներին ներկայացնում էր Երկիր մոլորակի առաջացման և կառուցվածքի, Արեգակնային համակարգի մյուս մոլորակների, աստղերի, ասուպների մասին: Երեխաները ֆիլմի միջոցով տեղեկացան նաև մեծանուն աստղագետների, տիեզերագնացների և հրթիռների մասին: Ֆիլմը բովանդակալից էր և ուսուցանող: Սովորողները մեծ բավականություն ստացան: