Ապրիլի 8-ին <<Երևանի հ. 45 հիմնական դպրոց>> ՊՈԱԿ-ում անցկացվեց <<Աշակերտների և անձնակազմի պաշտպանության կազմակերպումը հակառակորդի հարձակման դեպքում>> թեմայով հատուկ տակտիկական ուսումնավարժություն :

Երևանի հ. 45 հիմնական դպրոցում Էրեբունու բաժնի ԱԳ և ԸԲԿԲ ավագ տեսուչ, ոստիկանության մայոր Մարիաննա Ավետիսյանը և նույն բաժանմունքի ավագ տեսուչ ,ոստիկանության կապիտան Շ.Գևորգյանը անցկացրեցին <<Անչափահասների շրջանում թմրամիջոցների և հոգեմետ նյութերի գործածման կանխարգելման, թմրամոլության և թմրամիջոցների ապօրինի շրջանառության դեմ պայքարելու, արատավոր երևույթի և դրա վնասների մասին >> թեմայով հանդիպում-զրույց աշակերտների հետ :

Ե՛ս եմ հիմա - մի պոետ․ և իմ անունը - Չարենց -

Պիտի վառվի դարերում, պիտի լինի բա՜րձր ու մեծ:

Ես եկել եմ դարերից ու գնում եմ հաղթական

Դեպի դարերը նորից՝ դեպի վառվող Ապագան...

Հ. 45 հիմնական դպրոցի 2- րդ գ դասարանի աշակերտուհի

Նարե Պողոսյանը մասնակցել է մարտի 27- ին տեղի ունեցած մենթալ թվաբանության ամենամյա միջազգային 6- րդ օլիմպիադային (դասվար` Ա. Բաբասյան) :Այս տարվա մրցույթին մասնակցել են մենթալ թվաբանությամբ զբաղվող 5֊14 տարեկան երեխաներ` Ֆրանսիայից, Միացյալ Նահանգներից, Գերմանիայից, Կանադայից, Իսպանիայից։ Համառ պայքարում մեր հրաշք հայուհին` Նարե Պողոսյանը ,զբաղեցրել է 3- րդ պատվավոր տեղը:

Շնորհավորենք մեր հերոսուհուն` մաղթելով նորանոր հաջողություններ :

Այսօր`մարտի 25-ին,8-ա դասարանի աշակերտներն այցելեցին Ավ.Իսահակյանի տուն-թանգարան և մասնակցեցին «Թանգարանը քո ձեռքերում»կրթական ծրագրին:

Ծրագրի ընթացքում երեխաները շրջեցին թանգարանում` փորձելով գտնել քարտերի վրա պատկերված առարկաները:Ծրագրի վերջում ունկնդրեցին Վարպետի բանաստեղծություններից և վերարտադրեցին այն ինտերակտիվ եղանակով:

IV Ա դասարանի աշակերտները (դասվար՝ Լ. Այվազյան) մարտի 18-ին այցելեցին Հ. Կարապետյանի անվան Երկրաբանական թանգարան։

Աշակերտները ծանոթացան թանգարանի հնէաբանության, հանքաբանության, ապարաբանության հրաբխականության, օգտակար հանածոների և հանքային ջրերի հարուստ հավաքածուներին։

Աշակերտները մասնակցեցին թանգարանի կրթական ծրագրին՝ պատրաստեցին 3D խճանկարներ՝ 《Քարե ծաղիկներ》խորագրով։