III 《Ա》դասարանի աշակերտները, դասվար՝ Լ. Այվազյանի գլխավորությամբ, տեղեկատվական, ուրախ ու հագեցած օր անցկացրեցին Բյուրականում։

Նրանք եղան Բյուրականի աստղադիտարանում, տեղեկատվական շրջայց կատարեցին Վիկտոր Համբարձումյանի տուն֊թանգարանում, դիտեցին մոլորակների մասին պատմող տեսանյութ, ուսումնասիրեցին աստղադիտարանի ամենամեծ աստղադիտակը, շրջեցին աստղադիտարանի տարածքում։

Ապա հետաքրքիր ժամանակ անցկացրեցին Բյուրականի մեկ այլ գողտրիկ անկյունում՝ 《Չրի տանը》։

Այնտեղ երեխաները տնկեցին ելակ, իրենց ձեռքով քաղեցին ու համտեսեցին հասած ելակներ, ծանոթացան տարածքում տարվող բոլոր աշխատանքներին։

Էքսկուրսիայի արդյունքում աշակերտները եկան այն համոզման, որ մեր երկիրն իսկական դրախտավայր է, ունի հարուստ բնություն, որի պահպանմամբ ու զարգացմամբ պետք է զբաղվի մեզանից յուրաքանչյուրը։

 

II գ դասարան (դասվար՝ Ն. Ավետիսյան):

Երեխաները չգիտեն ոչ անցյալ, ոչ ապագա, նրանք վայելում են ներկան:

Ժան դը Լաբրյուեր

Շնորհավո՛ր ձեր տոնը, սիրելի՛ փոքրիկներ։

VIII ա դասարանը (դասղեկ՝ Ա. Հակոբյան) այցելեց Կարմիր բլուր հնավայր: Այստեղ երեխաները ծանոթացան Կարմիր բլուրի պատմությանը և մասնակցեցին նետաձգության վարպետաց դասին:Էքսկուրսիան բավականին հետաքրքիր էր և ուսուցանող:

 

Մայիսի 23-ին հ. 45 հիմնական դպրոցի 1-ին «գ» դասարանի աշակերտները (դասվար`Ա. Բաբասյան) մեկնեցին Օշական ` երախտիքի ու հարգանքի տուրք մատուցելու մեծ գիտնական Մեսրոպ Մաշտոցին: Էքսկուրսիան անցավ հագեցած ու անմոռաց հուշ դարձավ մասնակիցների համար :Այն ունեցավ ճանաչողական ու դաստիարակչական մեծ նշանակություն` պարգևելով բազում անմոռաց պահեր:

 

Մայիսի 18_ին 4(ա) դասարանի աշակերտները այցելեցին Մեսրոպ Մաշտոցի անվան Մատենադարան։

Սկիզբ առնելով Մեսրոպ Մաշտոցից, որ առաջին Մատենադարանի ստեղծողն է, մեր մատենագետների շնորհիվ վաղ միջնադարից մինչ նոր ժամանակաշրջաններ ստեղծվել են բազմաթիվ մատենադարաններ, որոնք ճյուղավորվել, ապա միավորվել են դարերի հոլովույթում, իբրև հավերժող արժեքներ՝ դիմակայելով բոլոր արհավիրքներին և իբրև բանական լույս առաջ տանելով մեր ժողովրդին։

Այսպես է ստեղծվել նաև Մաշտոցյան Մատենադարանը, որին մասնակցել են մեր մշակույթի ջահակիրները և բոլոր սերունդները, ողջ ժողովուրդն իբրև ոգեղեն միասնություն։ Այն մեր մեծ ժողովումի, հավաքականության, լինելության զորեղ բնազդի արդյունքն է, մեր հավիտենության գրավականը։

Մատենադարան, որ մեր ինքնությունն է, դրոշն է, զինանշանն է։ Նա, հիրավի, մի օրհներգ է, որ հնչում է հավերժորեն։

Էքսկուրսիան անցավ հետաքրքիր և բովանդակալից։ Երեխաները վերադարձան մեծ տպավորություններով և բազմաբնույթ գիտելիքներով։