Հոկտեմբերի 3-ին հ. 45 հիմնական դպրոցի VI բ դասարանի սաները (դասվար՝ Ա. Մկրտումյան) այցելեցին Վիկտոր Համբարձումյանի անվան Բյուրականի աստղադիտարան: Աստղադիտարանը կազմված է երկու մասից՝ բնակելի ավանից և գործառնական մասից, որը ներառնում է դիտաշտարակները, վարչական և լաբորատորիայի շենքերը, ժողովասրահը և հյուրերի տուն: Երեխաները շատ հետաքրքրությամբ շրջեցին , դիտեցին և հարցերի միջոցով բավարարեցին իրենց հետաքրքրությունները: Նաև ներկայացրեցին իրենց գիտելիքները Վիկտոր Համբարձումյանի կյանքի և գործունեության և աստղադիտարան մասին: Այնուհետև Բյուրականի աստղադիտարանում դիտեցին «Երկնակամար» աստղացուցարանի (պլանետարիումի)՝ ժամանակակից շարժական գմբեթային կինոթատրոնը: Հետո այցելեցին Սուրբ Գևորգ եկեղեցի (Մուղնի) և հիացան հայկական լեռնաշխարհի չքնաղ բնությամբ:

Հ. 45 հիմնական դպրոցի IV բ դասարանի աշակերտները դասղեկ ՝ Վ. Հովհաննիսյանի ուղեկցությամբ այցելեցին միջնադարյան ամրոցաշինության նշանավոր կառույցներից մեկը՝ Բջնիի ամրոցը,որը գտնվում է Հրազդան գետի աջ ափին, գյուղի արևելյան կողմում, անառիկ ժայռերով շրջապատված բարձրադիր հրվանդանի վրա: Այնուհետև ուղևորվեցին Սուրբ Աստվածածին եկեղեցին,Աղվերան որտեղ բնությունը գերում է տարվա ցանկացած եղանակի : Էքսկուրսիան շատ հետաքրքիր, ուսուցանող և տպավորիչ էր: 

Ապրիլի 30-ին հ. 45 հիմնական դպրոցի VI ա դասարանի սովորողները (դասղեկ ՝ Ս. Հարությունյան) այցելեցին ‹‹ Էրեբունի›› թանգարանին կից արհեստական - ուսումնական պեղավայր՝ հնագիտական պեղումներ իրականացնելու: Պեղումների ընթացքում նրանք հայտնաբերեցին կավե ամանների բեկորներ, իրեր:

Մայիսի 5_ ին ‹‹Բաց դաս›› ծրագրի շրջանակում խորհրդարան այցելեցին Երևանի հ. 45 հիմնական դպրոցի ուսուցիչները և IX դասարանի սաները։ Հանդիպեցին ԱԺ ‹‹Իմ քայլ›› խմբակցության պատգամավորներ Արման Եղոյանի և Մարիամ Կարապետյանի հետ և քննարկեցին մի շարք հարցեր ։ Մարիամ Կարապետյանը ներկայացրեց ԱԺ կառուցվածքը և Հայաստանի Հանրապետության կառավարման համակարգը ։ Արամ Եղոյանը պատասխանելով երկրի տնտեսական զարգացմանը վերաբերող հարցերին, նշեց, որ ճիշտ կառավարման դեպքում Հայաստանն ավելի արագ կզարգանա: Կարևորեց երկրի ապագայի գործում երիտասարդների դերը և հորդորեց լավ սովորել` դառնալով լավ մասնագետներ: Երեխաներն այցելեցին նաև ԱԺ թանգարան և գրադարան: Այցը շատ հետաքրքիր և բովանդակալից էր:

Մայիսի 3-10 -ը իրականացվում է ճանապարհային անվտանգության առցանց դասընթաց(վեբինար), որին մասնակցում են հ. 45 հիմնական դպրոցի սաները։ Վեբինարը պատրաստված է Ճանապարհային անվտանգության հաղորդակցական ազգային արշավի շրջանակներում, և հիմնված է Մեծ Բրիտանիայի «Անվտանգ և կայուն տրանսպորտի Արևելյան դաշինքի» (EASST) կրթական փաթեթի վրա։

Վեբինարի նպատակն է բարձրացնել ճանապարհից ճիշտ օգտվելու վարքագծի վերաբերյալ իրազեկվածության մակարդակը երեխաների մոտ։

Մեր աշակերտները մեծ հետաքրքրությամբ շարունակում են մասնակցել ճանապարհային անվտանգության վեբինարին և ստանում հավաստագրեր։

Ապրիլի 25-ին հ. 45 հիմնական դպրոցի VI ա դասարանը (դասղեկ՝ Ս. Հարությունյան) այցելեց Պլանետարիում : Երեխաները, պարկերի վրա պառկած,նայեցին երկնքին ՝ վայելելով աստղազարդ երկնքի գեղեցկությունը: Ցուցադրվեցին ֆիլմեր տիեզերքի ծագման, աստղերի և մոլորոկների ձևավորման մասին: